ନନ୍ଦିଘୋଷ ବ୍ୟୁରୋ :ଶ୍ରୀମନ୍ଦିର କ୍ୟାଲେଣ୍ଡର ଛପାରେ ଦୁର୍ନୀତି ଅଭିଯୋଗ । ପାଣିରେ ପଡ଼ିଲା ଲକ୍ଷ ଲକ୍ଷ ଟଙ୍କା । ବିକ୍ରି ନହୋଇ ପଡ଼ି ରହିଲା ୫ ହଜାରରୁ ଅଧିକ କ୍ଯାଲେଣ୍ଡର । ଇଂରାଜୀ ବର୍ଷକୁ ନେଇ କ୍ୟାଲେଣ୍ଡ ମୁଦ୍ରଣକୁ ନିନ୍ଦା । ପୁରୀ ଶ୍ରୀମନ୍ଦିର ତଥ୍ୟ ଅନୁଯାୟୀ ୨୦୨୬ରେ ଛପାଯାଇଥିଲା ୪ ହଜାର ୱାଲ କ୍ୟାଲେଣ୍ଡର ଓ ୨ ହଜାର ୫ଶହ ଡେକ୍ସ କ୍ୟାଲେଣ୍ଡର । ଏଥିପାଇଁ ଖର୍ଚ୍ଚ ହୋଇଥିଲା ୧୧ ଲକ୍ଷ ୧୧ ହଜାର ୬ଶହ ୫୦ ଟଙ୍କା । ରାଜ୍ଯ ସରକାରଙ୍କ PSU ତରଫରୁ ଭୁବନେଶ୍ୱର କେତକୀ ଏଣ୍ଟର ପ୍ରାଇଜର୍ସ ଏହାର ମୁଦ୍ରଣ ଦାୟିତ୍ବ ନେଇଥିଲା । ହେଲେ ସୂଚନା ଅଧିକାରରୁ ମିଳିଥିବା ତଥ୍ୟ ଅନୁଯାୟୀ ମାତ୍ର ୧୭୧୬ଟି କ୍ୟାଲେଣ୍ଡର ବିକ୍ରି ହୋଇଥିବାବେଳେ ଆଦାୟ ହୋଇଛି ୧ଲକ୍ଷ ୭୧ ହଜାର ୬ଶହ ଟଙ୍କା । ବଳକା କ୍ୟାଲେଣ୍ଡର ବିକ୍ରି ନହୋଇ ପଡ଼ି ରହିଛି । ଏହାଦ୍ବାରା ଶ୍ରୀମନ୍ଦିରର ବିପୁଳ ଆର୍ଥିକ କ୍ଷତି ହୋଇଛି । ଏଥିପାଇଁ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ଦାୟୀ କରିଛନ୍ତି ବୁଦ୍ଧିଜୀବୀ ।
ଉତ୍କଳୀୟ ସଂକୃତିରେ ପାଞ୍ଜି ଅନୁସାରେ କ୍ୟାଲେଣ୍ଡର ଛାପିବାର ବ୍ୟବସ୍ଥା ରହିଛି । ହେଲେ ଶ୍ରୀମନ୍ଦିର ଭିତରେ ଇଂରାଜୀ ବର୍ଷକୁ ନେଇ କ୍ୟାଲେଣ୍ଡର ଛାପିବା ଉତ୍କଳୀୟ ସଂସ୍କୃତି ପ୍ରତି କୁଠାରଘାତ ବୋଲି କହିଛନ୍ତି ଜ୍ଯୋତିର୍ବିଦ । ଏଥିରେ CSR ଫଣ୍ଡର ଅର୍ଥ ବାଟ ମାରଣା ନେଇ ଆଶଙ୍କା ପ୍ରକାଶ ପାଇଛି । ଘଟଣା ପଛରେ ଦୁର୍ନୀତିର ଗନ୍ଧ ବାରି ହେଉଥିବାରୁ ଏହାର ସିବିଆଇ ତଦନ୍ତ ପାଇଁ ଦାବି ଉଠିଛି ।
ଚଳିତବର୍ଷ ପ୍ରଥମରୁ ତ୍ରୁଟିପୂର୍ଣ୍ଣ କ୍ୟାଲେଣ୍ଡର ଛପା ଯିବାକୁ ନେଇ ଶ୍ରୀମନ୍ଦିର ପ୍ରଶାସନ ସମାଲୋଚିତ ହୋଇଥିବା ବେଳେ କ୍ୟାଲେଣ୍ଡର ବାବଦକୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ସତ୍ୱେ ଏହା ବିକ୍ରି ନହେବା ସନ୍ଦେହ ସୃଷ୍ଟି କରିଛି
