ଚିନ୍ତା ଦେଇଗଲା ଲଘୁଚାପ ବର୍ଷା, ସମ୍ବଲପୁର ଜିଲ୍ଲାରେ ବ୍ୟାପକ ଫସଲ କ୍ଷୟକ୍ଷତି ଅଭିଯୋଗ
1 min read
ସମ୍ବଲପୁର : ଚିନ୍ତା ଦେଇଗଲା ଲଘୁଚାପ ବର୍ଷା । ସମ୍ବଲପୁର ଜିଲ୍ଲାରେ ବ୍ୟାପକ ଫସଲ କ୍ଷୟକ୍ଷତି ଅଭିଯୋଗ । ଜିଲ୍ଲାର ସମସ୍ତ ୯ ଟି ଯାକ ବ୍ଲକର ଚାଷୀଙ୍କ ନିଦ ହଜିଯାଇଛି । ଭଲଭାବେ ଦେଖନ୍ତୁ କିଭଳି ସୁନାର ଫସଲ ମାଟିରେ ଲୋଟିଛି । ପାଣିରେ ଭିଜି ଧାନ ଗଜା ହୋଇଗଲାଣି । ଧାର କରଜ କରି ଚାଷ କରିଥିବା ଚାଷୀ ଏବେ ବର୍ଷକର ଗୁଜୁରାଣ କିଭଳି ମେଣ୍ଟାଇବ ଚିନ୍ତାରେ ରହିଛି । ସରକାର ଅତିଶୀଘ୍ର ସହାୟତା ଯୋଗାଇବାକୁ ନିବେଦନ କରିଛନ୍ତି ଚାଷୀ ।
ଖୁବ୍ ଶୀଘ୍ର କୃଷି ଅଧିକାରୀ ଗ୍ରାଉଣ୍ଡକୁ ଯାଇ ସ୍ଥିତି ପରଖିବେ ବୋଲି କହିଥିଲେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ । କିନ୍ତୁ ଏହାରି ଭିତରେ ୫ ଦିନ ବିତିଗଲାଣି । ହେଲେ କାହାରି ଦେଖାନଥିବା ଚାଷୀ ଅଭିଯୋଗ କରିଛି l ବିଜେପି ସରକାର କେବଳ କଥା କହି ଲୋକଙ୍କୁ ଭୁଆଁ ବୁଲାଉଥିବା ଚାଷୀ ଅଭିଯୋଗ କରିଛନ୍ତି l ସବୁଠାରୁ ବଡ଼କଥା ହେଲା ଗଜା ହୋଇଥିବା ଧାନ ଧରି ମିଲ ଆଗରେ ଦିନ ଦିନ ଅପକ୍ଷେ କରିରହିଛନ୍ତି ଚାଷୀ । ହେଲେ ଭିଜା ଧାନ ନେବାକୁ ମିଲ ମାଲିକ ମନା କରିଥିବା ଅଭିଯୋଗ ହୋଇଛି ।
