ଆଉନାହାନ୍ତି ପ୍ରଖ୍ଯାତ କବି ଓ ଲେଖକ ରାଜେନ୍ଦ୍ର କିଶୋର ପଣ୍ଡା
ଭୁବନେଶ୍ବର : ଆଉନାହାନ୍ତି ପ୍ରଖ୍ଯାତ କବି ଓ ଲେଖକ ରାଜେନ୍ଦ୍ର କିଶୋର ପଣ୍ଡା। ଆଜି ସକାଳ ୧୧.୩୦ରେ ପରଲୋକ ଗମନ କରିଛନ୍ତି ରାଜେନ୍ଦ୍ର। ସେ ଭାରତୀୟ ପ୍ରଶାସନିକ ସେବା ଅଧିକାରୀ ଭାବେ ୧୪ ଜୁଲାଇ ୧୯୬୭ରୁ ୩୦ ଜୁନ ୨୦୦୪ ପର୍ଯ୍ୟନ୍ତ କାର୍ଯ୍ୟ କରିଥିଲେ। ଝାରସୁଗୁଡା ଜିଲ୍ଲା ବାଟଲଗା ଗାଁରେ ୧୯୪୪ ଜୁନ ୨୪ରେ ରାଜେନ୍ଦ୍ରଙ୍କ ହୋଇଥିଲା ଜନ୍ମ। ୮୧ ବର୍ଷ ବୟସରେ ସେ ଇହଲୀଳା ସମ୍ବରଣ କରିଛନ୍ତି। ଶୈଳକଳ୍ପ ଲାଗି ୧୯୮୫ରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ ରାଜେନ୍ଦ୍ର। ଏହା ସହ ସେ ବିଷୁବ ସମ୍ମାନ, ସାରଳା ପୁରସ୍କାର, ଗଙ୍ଗାଧର ଜାତୀୟ ସମ୍ମାନ, ଝଙ୍କାର ପୁରସ୍କାର ଆଦି ଲାଭ କରିଥିଲେ।
କବି ରାଜେନ୍ଦ୍ର କିଶୋର ପଣ୍ଡାଙ୍କ ପ୍ରକାଶିତ କବିତା ସଂକଳନଗୁଡି଼କ ହେଉଛି-ଗୌଣ ଦେବତା, ଅନାବତାର, ଘୁଣାକ୍ଷର, ଶତଦ୍ରୁ ଅନେକ, ନିଜ ପାଇଁ ନାନାବାୟା,ଚଉକାଠରେ ଚିରକାଳ, ଶୈଳକଳ୍ପ,ଅନ୍ୟା, ବହୁବ୍ରୀହି, ବୋଧି-ନଭ, ଇଶାଖେଳ, ଦ୍ରୋହବାକ୍ୟ, ଦୁଜା ନାରୀ, ବୈରାଗୀ ଭ୍ରମର, ସତ୍ୟୋତ୍ତର, ବହ୍ୱାରମ୍ବେ ଇତ୍ୟାଦି।.
କବି ରାଜେନ୍ଦ୍ର ଜୀବନ କାଳ ମଧ୍ଯରେ ଲାଭ କରିଥିଲେ ଅନେକ ସମ୍ମାନ। ୧୯୮୫ରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୨୦୦୪ରେ ବିଷୁବ ପୁରସ୍କାର, ୨୦୨୧ରେ ସାରଳା ସମ୍ମାନ, ୨୦୧୨ରେ ଗଙ୍ଗାଧର ଜାତୀୟ ସମ୍ମାନ, ୧୯୯୫ରେ ଶାରଳା ପୁରସ୍କାର, ୧୯୯୪ରେ ଝଙ୍କାର ପୁରସ୍କାର, ୨୦୦୪ରେ ସାହିତ୍ୟ ଭାରତୀ ସମ୍ମାନ, ୨୦୦୫ରେ ସଚ୍ଚି ରାଉତରାୟ ସମ୍ମାନ ଲାଭ କରିଥିଲେ।
