କ୍ୟାନସର ପିଡିତ ସାଉଥ ଅଭିନେତାଙ୍କୁ ସାହାଯ୍ୟ ପାଇଁ ଆଗେଇ ଆସିଲେ ଏହି କଳାକାର

ହାଇଦ୍ରାବାଦ: ସାଉଥ ଅଭିନେତା ଥାୱାସୀ କ୍ୟାନସରରେ ପିଡିତ। ଏସମ୍ପର୍କିତ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ଯାହାପରେ ତାଙ୍କୁ ସାହାଯ୍ୟ ପାଇଁ ଆଗେଇ ଆସିଛନ୍ତି ବହୁ କଳାକାର ।

ନିକଟରେ ଏକ ସାକ୍ଷାତକାରରେ ଥାୱାସୀ କହିଥିଲେ, ସେ କର୍କଟ ରୋଗରେ ପିଡିତ ଏବଂ ଚିକିତ୍ସା ପାଇଁ ତାଙ୍କ ପାଖରେ ଟଙ୍କା ନାହିଁ। ଯାହା ପରଠାରୁ ଅନେକ ତାରକା ତାଙ୍କୁ ସାହାଯ୍ୟ କରିବାକୁ ପଛାଇ ନାହାଁନ୍ତି ।
ପୂର୍ବରୁ ବିଜୟ ସେଥୁପତୀ ଏବଂ ଅଭିନେତା ତଥା ନିର୍ମାତା ଶିବକାର୍ତ୍ତିକେୟାନ ତାଙ୍କୁ ଆର୍ଥୀକ ସହାୟତା ପ୍ରଦାନ କରିଥିବା ବେଳେ ଏବେ ହାସ୍ୟ ଅଭିନେତା ରୋବୋ ଶଙ୍କର ମଧ୍ୟ ଅଭିନେତାଙ୍କୁ ସାହାଯ୍ୟ କରିଥିବା ଜଣାପଡିଛି ।

ଖବର ଅନୁଯାୟୀ ନିକଟରେ ଥାୱାସିଙ୍କୁ ଡାକ୍ତରଖାନାରେ ଭେଟିବା ପାଇଁ ହାସ୍ୟ ଅଭିନେତା ରୋବୋ ଶଙ୍କର ଯିବା ସହ ଆର୍ଥୀକ ସହାୟତା ପ୍ରଦାନ କରିଛନ୍ତି । ଏହାପୂର୍ବରୁ ବିଜୟ ସେଥୁପାଠୀ ଥାୱାସୀଙ୍କୁ ଆର୍ଥିକ ସହାୟତା ଭାବରେ ୧୦ ଲକ୍ଷ ଟଙ୍କା ଦେଇଥିଲେ।

୩୦ ବର୍ଷଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିଲେ ଥାୱାସି- “ମୁଁ ୧୯୯୩ ମସିହାରେ ରିଲିଜ ହୋଇଥିବା ଚଳଚ୍ଚିତ୍ର କିଜାକକୁ ଚେମାଇଲରୁ ଆରମ୍ଭ କରି ରଜନୀକାନ୍ତଙ୍କ ଫିଲ୍ମ ଆନ୍ନାଥେରେ କାମ କରିଛି। ହେଲେ କେବେ ଭାବି ନଥିଲି ଯେ ମୁଁ ଏଭଳି ରୋଗରେ ପିଡିତ ହେବି’’ ବୋଲି ।