ଲୋକସଭା ନିର୍ବାଚନରେ ଷ୍ଟାର ୱାର, ଚଳଚ୍ଚିତ୍ର ଓ କ୍ରିକେଟ ତାରକାଙ୍କ ଉପରେ ଭରସା
ବ୍ୟୁରୋ ରିପୋର୍ଟ: ଚଳିତ ଲୋକସଭା ନିର୍ବାଚନରେ ଷ୍ଟାର ୱାର। ବିଭିନ୍ନ ଦଳ ଭରସା କରିଛନ୍ତି ଚଳଚ୍ଚିତ୍ର ଓ କ୍ରିକେଟ ତାରକାଙ୍କ ଉପରେ। ଉତ୍ତରପ୍ରଦେଶ ମଥୁରାରୁ ବିଜେପି ପକ୍ଷରୁ ପ୍ରାର୍ଥୀ ଅଛନ୍ତି ଅଭିନେତ୍ରୀ ହେମାମାଳିନୀ। ଉତ୍ତରପ୍ରଦେଶ ମିରଟରୁ ବିଜେପିରୁ ପ୍ରାର୍ଥୀ ଅଛନ୍ତି ରାମାୟଣର ରାମ ଅଭିନେତା ଅରୁଣ ଗୋଭିଲ। ଅଭିନେତ୍ରୀ କଙ୍ଗନା ରାଣାୱତ ଲଢୁଛନ୍ତି ହିମାଚଳ ପ୍ରଦେଶ ମଣ୍ଡିରୁ। ସେ କଂଗ୍ରେସ ପ୍ରାର୍ଥୀ ବିକ୍ରମାଦିତ୍ଯ ସିଂଙ୍କ ବିରୋଧରେ ଲଢୁଛନ୍ତି। ବିଜେପି ଟିକେଟରୁ ନର୍ଥ ଇଷ୍ଟ ଦିଲ୍ଲୀରୁ ଲଢୁଛନ୍ତି ଭୋଜପୁରୀ ଅଭିନେତା ମନୋଜ ତିୱାରୀ। ତାଙ୍କ ବିରୋଧରେ ଲଢୁଛନ୍ତି କଂଗ୍ରେସର କହ୍ନେୟା କୁମାର। ଉତ୍ତରପ୍ରଦେଶ ଗୋରଖପୁରରୁ ବିଜେପିରୁ ଲଢୁଛନ୍ତି ଅଭିନେତା ରବି କିଷନ। ଥ୍ରୀଶୂର କେରଳରୁ ବିଜେପି ପକ୍ଷରୁ ଲଢୁଛନ୍ତି ସୁପରଷ୍ଟାର ସୁରଶ ଗୋପୀ। ଅଭିନେତା କ୍ରିଷ୍ଣକୁମାର ଲଢୁଛନ୍ତି କେରଳ କୋଲମରୁ। ଅଭିନେତା ରାଜ ବବର ଗୁରୁଗାଓଁ ହରିଆଣାରୁ କଂଗ୍ରେସ ପକ୍ଷରୁ ପ୍ରାର୍ଥୀ ହୋଇଛନ୍ତି।
ସେହିପରି ସୁପରଷ୍ଟାର ଶତୃଘ୍ନ ସିହ୍ନା ପଶ୍ଚିମବଙ୍ଗ ଆସନସୋଲରୁ ଟିଏମସି ଟିକେଟରୁ ଲଢୁଛନ୍ତି। ହୁଗଲି ପଶ୍ଚିମବଙ୍ଗରୁ ଟିଏମସି ପକ୍ଷରୁ ଲଢୁଛନ୍ତି ଅଭିନେତ୍ରୀ ରଚନା ବାନାର୍ଜୀ। ପଶ୍ଚିମବଙ୍ଗ ବୀରଭୂମରୁ ଲଢୁଛନ୍ତି ଅଭିନେତ୍ରୀ ଶତାବ୍ଦୀ ରୟ। ସେ ଟିଏମସି ପ୍ରାର୍ଥୀ ଅଛନ୍ତି। ସେହିପରି କ୍ରିକେଟ ତାରକା ୟୁସୁଫ ପଠାନ ପଶ୍ଚିମବଙ୍ଗ ବରହମପୁରରୁ ଟିଏମସି ପ୍ରାର୍ଥୀ ଅଛନ୍ତି। କ୍ରିକେଟ ତାରକା କୀର୍ତ୍ତି ଆଜାଦ ହୋଇଛନ୍ତି ପଶ୍ଚିମବଙ୍ଗ ବର୍ଦ୍ଧମାନରୁ ଟିଏମସି ପ୍ରାର୍ଥୀ।
