ଓଡ଼ିଶା ପାଇବ ନୂଆ ଡିଜିପି
ଭୁବନେଶ୍ବର: ଆଜି ଓଡ଼ିଶା ପାଇବ ନୂଆ ପୋଲିସ ମୁଖିଆ । ନୂଆ ଡିଜିପି ଭାବେ ଆଜି ଦାୟିତ୍ବ ନେବେ ୧୯୮୭ ବ୍ୟାଚର ଆଇପିଏସ୍ ଅଫିସର ସୁନିଲ ବଂଶଲ । ଅପରାହ୍ନରେ ୪ଟାରେ ଡିଜିପିଙ୍କ କାର୍ଯ୍ୟାଳୟରେ ଦାୟିତ୍ବ ନେବେ ସୁନିଲ ।
କେନ୍ଦ୍ରୀୟ ଡେପୁଟେସନରେ ଗୁରୁତ୍ବପୂର୍ଣ୍ଣ ଗୁଇନ୍ଦା ବିଭାଗର ସ୍ବତନ୍ତ୍ର ନିର୍ଦ୍ଦେଶକ ଭାବେ ଦାୟିତ୍ବ ତୁଲାଇଛନ୍ତି ବଂଶଲ । ଏହାସହ ଓଡ଼ିଶାର ବିଭିନ୍ନ ଜିଲ୍ଲାରେ ସେ ପୂର୍ବରୁ ସଫଳତାର ସହିତ କାମ କରିଛନ୍ତି । ଅଭିଜ୍ଞତାକୁ ପାଥେୟ କରି ଅପରାଧ ଦମନରେ ଓଡିଶା ପୋଲିସକୁ ଆଗକୁ ନେବେ ବୋଲି କହିଛନ୍ତି ବଂଶଲ ।
