ନୂଆଦିଳ୍ଲୀ ; ବିହାର ବିଧାନସଭା ନିର୍ବାଚନ ଲାଗି ଦିଲ୍ଲୀରେ ରଣନୀତି। ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ ଓ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ଭେଟିଲେ ଆରଜେଡି ନେତା ତେଜସ୍ବୀ ଯାଦବ। ରାଜ୍ୟରେ ବିଧାନସଭା ନିର୍ବାଚନ ପାଖେଇଆସୁଥିବାବେଳେ ଆସନ ବୁଝାମଣା ପ୍ରସଙ୍ଗରେ ଆଲୋଚନା ହୋଇଥିବା ସୂଚନା ମିଳିଛି। ଦିଲ୍ଲୀ ବୈଠକ ପରେ ପାଟନାରେ ଅନ୍ୟ ଏକ ବୈଠକ ହେବ ବୋଲି କହିଛନ୍ତି ତେଜସ୍ବୀ। ବିହାରକୁ ଆଗେଇ ନେବା ଲାଗି କଂଗ୍ରେସ ଓ ଆରଜେଡି ହିଁ ବିକଳ୍ପ ବୋଲି ତେଜସ୍ବୀ କହିଛନ୍ତି। ସେ ଆହୁରି କହିଛନ୍ତି- ଗତ ୨୦ ବର୍ଷ ଧରି ରାଜ୍ୟର କୌଣସି ବିକାଶ ସାଧନ ହୋଇନାହିଁ। ବିଜେପି ଶାସନରେ ରାଜ୍ୟବାସୀ ତଳିତଳାନ୍ତ ହୋଇଛନ୍ତି। ତେବେ ବିହାର ଲାଗି କିଏ ସିଏମ ଫେସ ହେବେ ସେ ନେଇ ନୀରବ ରହିଛନ୍ତି ତେଜସ୍ବୀ। ରାଜ୍ୟର ବିଭିନ୍ନ ପ୍ରସଙ୍ଗକୁ ଆଧାର କରି ଦଳ ନିର୍ବାଚନ ଲଢିବ ବୋଲି ସେ କହିଛନ୍ତି।
