ସରକାରୀ କ୍ଷେତ୍ରରେ ଆଉ ହଇରାଣ ହେବେନାହିଁ ତୃତୀୟ ଲିଙ୍ଗ
ଭୁବନେଶ୍ୱର: ଏଣିକି ସରକାରୀ କ୍ଷେତ୍ରରେ ତୃତୀୟ ଲିଙ୍ଗଙ୍କୁ ହଇରାଣ ହେବାକୁ ପଡ଼ିବ ନାହିଁ । ସେମାନଙ୍କର କୌଣସି ଅସୁବିଧା ବା ଅଭିଯୋଗ ରହିଲେ, ତାକୁ ତୁରନ୍ତ ସମାଧାନ କରାଯିବ। ପ୍ରତି ସରକରୀ ବିଭାଗରେ ସେମାନଙ୍କ ପାଇଁ କମ୍ପ୍ଲେଣ୍ଟ ଅଫିସର ରହିବେ।
ତୁରନ୍ତ ଏହି ଅଫିସର ନିଯୁକ୍ତି କରିବାକୁ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ସଚିବ ସମସ୍ତ ବିଭାଗକୁ ପତ୍ର ଲେଖିଛନ୍ତି। ଏହି ଅଫିସରମାନଙ୍କୁ ନିଯୁକ୍ତି ଦେବା ପରେ ସେମାନଙ୍କ ସବିଶେଷ ତଥ୍ୟ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗକୁ ଅବଗତ କରିବାକୁ ବିଭାଗୀୟ ସଚିବ ଚିଠି ଲେଖିଛନ୍ତି ।
