ଗଣମାଧ୍ୟମ ପ୍ରତିନିଧି ଅପହରଣ ମାମଲା, ଜଣେ କିନ୍ନର ଗିରଫ

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଚାଞ୍ଚଲ୍ୟ । ଏକ ଗଣମାଧ୍ୟମ ସଂସ୍ଥାର ଭିଜୁଆଲ ଏଡିଟରକୁ ଅପହରଣ । ଅପହରଣ ପରେ କୌଶଳ କ୍ରମେ ଯୁବକଜଣଙ୍କ ଖସିଆସି ଥାନରେ ଏତଲା ଦେଇଛନ୍ତି । ଜଣେ କିନ୍ନର ଓ ୩ ଜଣ ଯୁବକ ଅପହରଣ କରିଥିବା ଅଭିଯୋଗ କରିଛନ୍ତି ଅପହରଣର ଶିକାର ହୋଇଥିବା ରାଜେନ୍ଦ୍ର ସାହୁ । ନୟାପଲ୍ଲୀ ଥାନାରେ ଏଭଳି ଅଭିଯୋଗ କରିଛନ୍ତି ରାଜେନ୍ଦ୍ର ସାହୁ । ତାଙ୍କୁ ଜଣେ କିନ୍ନର ଓ ୩ ଜଣ ଯୁବକ ନୟାପଲ୍ଲୀ ଅଞ୍ଚଳରୁ ଅପହରଣ କରି ଭରତପୁର ଅଞ୍ଚଳରେ ରଖିଥିଲେ । କିନ୍ତୁ ସେ ସେଠାରୁ କୌଣସି ପ୍ରକାର ଖସିଆସି ନୟାପଲ୍ଲୀ ଥାନାରେ ଅଭିଯୋଗ କରିଛନ୍ତି । ରାଜେନ୍ଦ୍ର ସାହୁଙ୍କ ଅଭିଯୋଗ କ୍ରମେ ନୟାପଲ୍ଲୀ ପୋଲିସ ଅପହରଣ କରିଥିବା ସଂପୃକ୍ତ କିନ୍ନରଙ୍କୁ ଗିରଫ କରିଛି ଏବଂ ଏହି ଅପହରଣରେ ସାମିଲ ଥିବା ଅନ୍ୟ ୩ ଜଣ ଯୁବକଙ୍କୁ ଖୋଜୁଛି ପୋଲିସ ।