ଖୁସି ଖବର, ବର୍ଷ ଶେଷ ସୁଦ୍ଧା ଆସିବ କରୋନା ଭ୍ୟାକ୍ସିନ୍ !

ୱାଶିଂଟନ୍: ଆମେରିକାର କରୋନା ସଂକ୍ରମିତଙ୍କ ସଂଖ୍ୟା ୧୧ ଲକ୍ଷ ୫୭ ହଜାର ଡେଇଁଥିବା ବେଳେ ୬୭ ହଜାର ୬୭୪ ଜଣଙ୍କ ମୃତ୍ୟୁ ହୋଇଛି । ବିଶ୍ୱରେ ସବୁଠୁ ଅଧିକ ପ୍ରଭାବିତ ହୋଇଛି ଶକ୍ତିଶାଳୀ ରାଷ୍ଟ୍ର ଆମେରିକା । ରବିବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ଭ୍ୟାକ୍ସିନ୍ ଆସିବ ବୋଲି କହିଛନ୍ତି । ଭ୍ୟାକ୍ସିନ୍ ବଜାରରେ ୨୦୨୦ ଡିସେମ୍ବର ସୁଦ୍ଧା ଉପଲବ୍ଧ ହେବ ।

ଆମେରିକା ସହିତ ବିଶ୍ୱର ଅନେକ ଦେଶ ଭ୍ୟାକ୍ସିନ୍ ପ୍ରସ୍ତୁତିରେ ଲାଗି ପଡ଼ିଛନ୍ତି । ବ୍ରିଟେନ୍, ଅକ୍ସଫୋର୍ଡ ୟୁନିଭରସିଟି ଜେନ୍ନର ଇନଷ୍ଟିଚ୍ୟୁଟ୍ ଦ୍ୱାରା ପ୍ରସ୍ତୁତ ଭ୍ୟାକ୍ସିନର କ୍ଲିନିକାଲ୍ ଟ୍ରାଏଲ୍ କରୋନା ଆକ୍ରାନ୍ତଙ୍କ ଠାରେ କରିସାରିଛି । ଅନ୍ୟ ୟୁରୋପୀୟ ଦେଶ ଗୁଡ଼ିକ ମଧ୍ୟ ଭ୍ୟାକ୍ସିନ୍ ତିଆରି ଦିଗରେ ଜୋରଦାର ଉଦ୍ୟମ କରୁଛନ୍ତି ।

କେବଳ ଆମେରିକାରେ କରୋନା ଭ୍ୟାକ୍ସିନ୍ ନେଇ ୧୧୫ଟି ଲାବ୍ରୋଟୋରୀରେ ପରୀକ୍ଷା ନିରୀକ୍ଷା ଚାଲିଛି । ମହାମାରୀ ୭କରୋନାରେ ଏଯାବତ୍ ବିଶ୍ୱର ୩.୫ ମିଲିୟନ୍ ଲୋକ ଆକ୍ରାନ୍ତ ହୋଇଛନ୍ତି । ଦୁନିଆରେ ୨ ଲକ୍ଷ ୪୭ ହଜାର ୩୦୬ ଜଣଙ୍କ କରୋନାରେ ମୃତ୍ୟୁ ଘଟିଛି ।

କରୋନା ଯୁଦ୍ଧରେ ଖୁସି ଖବର, ସଂକ୍ରମିତଙ୍କ ଉପରେ କାମ କରୁଛି ରେମଡେସିବିର !