ନନ୍ଦିଘୋଷ ବ୍ୟୁରୋ : ଭାରତ ମହାସାଗରରେ ପୁଣି ଆମେରିକାର ଦାଦାଗିରି। କାରିବିୟାନ ଅଞ୍ଚଳରୁ ଆସୁଥିବା ଏକ ତୈଳ ଟ୍ୟାଙ୍କରକୁ ନିଜ କବଜାକୁ ନେଇଛି ଆମେରିକା। ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ନିର୍ଦ୍ଦେଶ ଉଲ୍ଲଂଘନ କରିବା ଅଭିଯୋଗରେ ଏହାକୁ ଜବତ କରାଯାଇଛି। ଦେଶର ସୁରକ୍ଷା ଲାଗି ଏହି ପଦକ୍ଷେପ ନିଆଯାଇଛି ବୋଲି କହିଛି ଡିପାର୍ଟମେଣ୍ଟ ଅଫ ୱାର। ବେଆଇନ ଭାବେ ଭାରତ ମହାସାଗରରେ ପ୍ରବେଶ କରୁଥିବା ତୈଳ ଟ୍ୟାଙ୍କରଗୁଡିକୁ ଜବତ କରାଯିବ ବୋଲି ଗତ ଡିସେମ୍ବରରେ ଧମକ ଦେଇଥିଲେ ଟ୍ରମ୍ପ। ଭେନେଜୁଏଲାର ତତକାଳୀନ ରାଷ୍ଟ୍ରପତି ନିକୋଲାସ ମାଦୁରୋଙ୍କ ଉପରେ ଚାପ ସୃଷ୍ଟି କରିବା ଲାଗି ଏହି ନିର୍ଦ୍ଦେଶ ଦେଇଥିଲେ ଟ୍ରମ୍ପ। ତୈଳ ଟ୍ୟାଙ୍କରଟି ପାନାମାର ଭେରୋନିକା-୩ ହୋଇଥିବା ଜଣାଯାଇଛି। ଭାରତ ମହାସାଗରର ମଧ୍ୟଭାଗରେ ତଥା ଇଣ୍ଡୋନେସିଆରେ ଦକ୍ଷିଣ ଦିଗରେ ଟ୍ୟାଙ୍କରଟି ଯଉଥିବାବେଳେ ତାହାକୁ ଜବତ କରାଯାଇଥିଲା। ଗତ ସପ୍ତାହରେ ବି ଆଉ ଏକ ତୈଳ ଟ୍ୟାଙ୍କରକୁ ଜବତ କରିଥିଲା ଆମେରିକା।
