୨୮ ବେଳକୁ ଓଡ଼ିଶା ଛୁଇଁପାରେ ମୌସୁମୀ ବାୟୁ

ନନ୍ଦିଘୋଷ ବ୍ୟୁରୋ : କେରଳ ଛୁଇଁଲା ମୌସୁମୀ । ଆକଳନର ୮ ଦିନ ପୂର୍ବରୁ ଆସିଲା ମୌସୁମୀ ବାୟୁ । ଜୁନ୍ ୧ ରେ ଛୁଇଁବା ନେଇ ହୋଇଥିଲା ଆକଳନ । ୧୬ ବର୍ଷ ପରେ ସଅଳ ଆସିଥିବା କହିଛନ୍ତି ପାଣିପାଗ ବଜ୍ଞାନୀ । ପ୍ରଭାବରେ କେରଳରେ ୨ଦିନ ଧରି ପ୍ରବଳ ବର୍ଷା ଜାରି ରହିଛି । ଆଗାମୀ ୬ ଦିନ ପର୍ଯ୍ୟନ୍ତ କେରଳ ଓ ଦକ୍ଷିଣରେ ଥିବା ରାଜ୍ୟ ଗୁଡ଼ିକରେ ପ୍ରବଳ ବର୍ଷା ନେଇ ସତର୍କତା ଜାରି କରାଯାଇଛି । ଏହାପରେ ଭୁବନେଶ୍ୱର ସମେତ ଅନ୍ୟ ଜିଲ୍ଲାଗୁଡିକରେ ମଧ୍ଯ ପ୍ରାକ ମୌସୁମୀ ବର୍ଷା ଦେଖିବାକୁ ମିଳିଛି । ପ୍ରବଳ ବର୍ଷା ନେଇ ୫ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ,  ୧୭ ଜିଲ୍ଲାକୁ ଅରେଞ୍ଜ ଓ ୧୩ ଜିଲ୍ଲାକୁ ଜାରି ହୋଇଛି ୟେଲୋ ୱାର୍ଣ୍ଣିଂ । ସେପଟେ ଆସନ୍ତା ୨୭ ତାରିଖ ବେଳକୁ ପଶ୍ଚିମ କେନ୍ଦ୍ରୀୟ ଓ ପାର୍ଶ୍ବବର୍ତ୍ତୀ ଉତ୍ତର ବଙ୍ଗୋପ ସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବା ସମ୍ଭାବନା ରହିଛି । ଫଳରେ ୨୭ରୁ ୩୦ ଯାଏଁ ରାଜ୍ଯରେ ପ୍ରବଳ ବର୍ଷା ହେବା ନେଇ ଆକଳନ କରାଯାଇଛି ।

ପ୍ରବଳ ବର୍ଷରେ ଭିଜିଛି ପଶ୍ଚିମ ଓଡିଶା l ପ୍ରାକ୍ ମୌସୁମୀ ବର୍ଷରେ ଉପାନ୍ତରୁ ଉପକୁଳ ସବୁଠି ବିକ୍ଷିପ୍ତ ଭାବେ ବର୍ଷା ହୋଇଛି l ସେହିପରି ଆସନ୍ତାକାଲି ରାୟଗଡା, କୋରାପୁଟ ଗଂଜାମ, ଗଜପତି ମୟୁରଭଞ୍ଜ ଓ କେନ୍ଦୁଝର ପ୍ରବଳ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କକରିଛି ପାଣିପାଗ କେନ୍ଦ୍ର । ମାଲକାନଗିରି, ବାଲେଶ୍ୱର, ସୋନପୁର ଝାରସୁଗୁଡା, ସମ୍ବଲପୁର ଓ କନ୍ଧମାଳରେ ବିଜୁଳି ଘଡଘଡି ବର୍ଷା ନେଇ ଜାରି ହୋଇଛି ସତର୍କତା ।ଓଡ଼ିଶାରେ ସଅଳ ମୌସୁମୀ ଆସିବା ନେଇ ପାଗ ଅନୁକୂଳ ରହିଛି । ଚଳିତ ବର୍ଷ ଅନ୍ଯ ବର୍ଷ ତୁଳନାରେ ଅଧିକ ବର୍ଷା ହେବ ବୋଲି ଆଇଏମଡି ପୂର୍ବାନୁମାନ କରିଛି