ଭୁବନେଶ୍ବର : କଲବଲ କରୁଛି ତାତି । ଦିନରେ ଖରା, ରାତିରେ ବର୍ଷା ପରେ ବି କମୁନି ତାପମାତ୍ରା। ଆଜି ପାଇଁ ରାଜ୍ୟର ସବୁ ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି। ହନ୍ତସନ୍ତ କରୁଛି ଗରମ ସାଙ୍ଗକୁ ଗୁଳିଗୁଳି। ଉପକୂଳବର୍ତ୍ତି ଜିଲ୍ଲାରେ ତାତିର ପଡ଼ିବ ଅଧିକ ପ୍ରଭାବ ବୋଲି ପୂର୍ବାନୁମାନ କରିଛି ପାଣିପାଗ କେନ୍ଦ୍ର। ସେହିପରି ଆସନ୍ତା ୭ ଦିନ ଯାଏଁ ରାଜ୍ୟର ବିଭିନ୍ନ ସ୍ଥାନରେ ବିଜୁଳି ଘଡଘଡ଼ି ସହ ବର୍ଷା ହୋଇପାରେ। ଏହି ସମୟରେ ୩୦ ରୁ 40 କିଲୋମିଟର ବେଗରେ ବହିପାରେ ପବନ । ଆଜି ପାଇଁ ଗଞ୍ଜାମ, ଗଜପତି, କୋରାପୁଟ, ରାୟଗଡା, ମାଲକାନଗିରି ଜିଲ୍ଲାରେ ବିଜୁଳି ଘଡ଼ଘଡ଼ି ଜନିତ ବର୍ଷା ହେବାର ସମ୍ଭାବନା ରହିଛି।
