ଆଜି ଭାରତ-ଶ୍ରୀଲଙ୍କା ଟକ୍କର; ଦୁବାଇରେ ରାତି ୮ଟାରେ ମ୍ୟାଚ

ନନ୍ଦିଘୋଷ ବ୍ୟୁରୋ : ଏସିଆ କପରେ ଆଜି ଭାରତ ଶ୍ରୀଲଙ୍କା ମୁକାବିଲା ରହିଛି। ସଂଧ୍ୟା ୮ଟାରେ ଦୁବାଇରେ ଏହି ମ୍ଯାଚ ଖେଳାଯିବ। ଟୁର୍ଣ୍ଣାମେଣ୍ଟ କିମ୍ଵା ଫାଇନାଲରେ ଏହି ମ୍ଯାଚର କୌଣସି ପ୍ରଭାବ ପଡ଼ିବ ନାହିଁ। କେବଳ ଔପଚାରିକ ଭାବେ ଏହି ମ୍ୟାଚ ଖେଳାଯିବ । କାରଣ ଭାରତ -ପାକିସ୍ତାନ ଫାଇନାଲ ହେବ ବୋଲି ନିର୍ଦ୍ଧାରିତ ହୋଇ ଯାଇଛି। ସୁପର ଫୋରରେ ପାକିସ୍ତାନକୁ ପରାସ୍ତ କରି ଆଗରୁ ଭାରତ ଫାଇନାଲକୁ ଯାଇଥିବା ବେଳେ ଗତକାଲି ବାଂଲାଦେଶକୁ ୧୧ ରନରେ ହରାଇ ପାକିସ୍ତାନ ଫାଇନାଲକୁ ଯାଇଛି। ଆଜିର ମ୍ୟାଚରୁ ଭାରତ ଫାଇନାଲ ପ୍ରାକ୍ଟିସ ବୋଲି କୁହାଯାଇପାରେ। ଆଜି ହୁଏତ କିଛି ପରୀକ୍ଷା ନିରୀକ୍ଷା କରାଯାଇପାରେ।

ଫାଇନାଲ ପୂର୍ବରୁ ଦଳକୁ ପୁରା ଫିଟ୍ କରି, ସବୁ ଦୋଷ ତ୍ରୁଟି ସଜାଡ଼ିବାକୁ ଭାରତ ଚେଷ୍ଟା କରିବ। ବିଶେଷ କରି ଫିଲଡିଂ ତ୍ରୁଟି ସଂଶୋଧନ କରାଯିବ। କାରଣ ପୁରା ଟୁର୍ଣ୍ଣାମେଣ୍ଟରେ ଭାରତର ଫିଲଡିଂ ଭଲ ହୋଇନାହିଁ। ଅନେକ କ୍ୟାଚ ଛାଡ଼ିଛନ୍ତି ସେମାନେ। ବ୍ୟାଟିଂ ଆଉ ବୋଲିଂକୁ ମଧ୍ୟ ଆହୁରି ଶାଣିତ କରାଯିବ।