ବିବାଦ ସମାଧାନ କରିବାକୁ ଯାଇ ହଟହଟା ହେଲା ପୋଲିସ

1 min read
Police

ବାଲେଶ୍ୱର: ବିବାଦ ସମାଧାନ କରିବାକୁ ଯାଇ ହଟହଟା ହେଲା ପୋଲିସ । ପୋଲିସ ଉପସ୍ଥିତିରେ ଯୁବତୀଙ୍କୁ ବାଡେଇଲେ ଅଭିଯୁକ୍ତ । ଯାହାର ଭିଜୁଆଲ ସୋସିଆଲ ମିଡିଆରେ ଭାଇରାଲ ହୋଇଛି । ବାଲେଶ୍ୱର ଔପଦା ଥାନା ପରମାନନ୍ଦପୁରରେ ଏଭଳି ଘଟଣା ଘଟିଥିବା ସୂଚନା ମିଳିଛି । ଗାଁର ଦୁଇ ପରିବାର ମଧ୍ୟରେ ଦୀର୍ଘ ଦିନ ଧରି ଜମିବାଡ଼ି ବିବାଦ ଲାଗିରହିଥିଲା । ଏନେଇ ଥାନାରେ ଅଭିଯୋଗ ପରେ ତଦନ୍ତ ପାଇଁ ପହଞ୍ଚିଥିଳା ସ୍ଥାନୀୟ ପୋଲିସ ।

Police

ତେବେ ପୋଲିସ ପହଞ୍ଚୁଥିବା ବେଳେ ଗୋଟିଏ ପରିବାର ପକ୍ଷରୁ ଗାଡ଼ିକୁ ଅଟକାଯାଇଥିଲା । ଏମିତିକି ତଦନ୍ତ ବେଳେ ପୋଲିସ ଆଗରେ ଜଣେ ଯୁବତୀଙ୍କୁ ମାଡ ମରାଯାଇଥିଲା । ତେବେ ପରିସ୍ଥିତିକୁ ସାନ୍ତ କରିବା ଉଦେଶ୍ୟରେ ପୋଲିସ ମଧ୍ୟ ହାତ ଉଠାଇଥିଲା । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଆଉ ଏଥିପାଇଁ ପୋଲିସକୁ ହଟହଟା ହେବାକୁ ପଡ଼ିଛି । ଏହି ଘଟଣା ନେଇ ଏସପିଙ୍କ ପାଖରେ ଅଭିଯୋଗ କରିଛନ୍ତି ଉକ୍ତ ମହିଳାଙ୍କ ପରିବାର । ସେପଟେ ଘଟଣା ନେଇ ସ୍ଥାନୀୟ ଔପଦା ଥାନା ଆଇଆଇସିଙ୍କର ପ୍ରତିକ୍ରିୟା ମିଳିପାରି ନାହିଁ । ସୂଚନାଯୋଗ୍ୟ, ଔପଦା ଥାନା ଅନ୍ତର୍ଗତ ପରମାନନ୍ଦ ପୁର ଗ୍ରାମର ମୁକୁନ୍ଦ ନାୟକ ଓ ଉପେନ୍ଦ୍ର ନାୟକଙ୍କ ପରିବାର ମଧ୍ୟରେ ଦୀର୍ଘ ଦିନ ଧରି ଜମିବାଡ଼ି ବିବାଦ ଲାଗିରହିଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner