ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ, ଚାଲିଛି ସର୍ଚ୍ଚ ଅପରେସନ
1 min read
ନନ୍ଦିଘୋଷ ବ୍ୟୁରୋ : ଆଜି ସକାଳେ, ଜମ୍ମୁ ଏବଂ କାଶ୍ମୀରର ତ୍ରାଲରେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ହୋଇଥିଲା। ଏନକାଉଣ୍ଟର ଏବେ ବି ଜାରି ରହିଛି । ସୁରକ୍ଷା ବାହିନୀ ଜଙ୍ଗଲକୁ ଘେରି ରହିଛନ୍ତି। ଏନକାଉଣ୍ଟରେ ଜଣେ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ଅବନ୍ତିପୋରା ଜିଲ୍ଲାର ତ୍ରାଲ ସହରର ନାଦେର ଅଞ୍ଚଳରେ ଏହି ଏନକାଉଣ୍ଟର ଚାଲିଛି। ସୁରକ୍ଷା ବାହିନୀକୁ ଜଣେ ଖବରଦାତାଙ୍କଠାରୁ ସୂଚନା ମିଳିଥିଲା ଯେ ତ୍ରାଲ ଜଙ୍ଗଲରେ ୨ ରୁ ୩ ଜଣ ଆତଙ୍କବାଦୀ ଲୁଚି ରହିଛନ୍ତି। ଗତ ୪୮ ଘଣ୍ଟା ମଧ୍ୟରେ ପୁଲୱାମାରେ ଆତଙ୍କବାଦୀଙ୍କ ସହ ଏହା ଦ୍ୱିତୀୟ ଏନକାଉଣ୍ଟର। ପୂର୍ବରୁ ଶୋପିଆନରେ ତିନି ଜଣ ଲସ୍କର-ଏ-ତୈବା ଆତଙ୍କବାଦୀଙ୍କୁ ନିହତ କରାଯାଇଥିଲା।
