ଭିଜିଲାନ୍ସ ଜାଲରେ ଯାଜପୁର ଜିଲ୍ଲା ଧର୍ମଶାଳା ବ୍ଲକ ଏବିଡିଓ

ଯାଜପୁର : ଭିଜିଲାନ୍ସ ଜାଲରେ ଅତିରିକ୍ତ ବ୍ଲକ ଉନ୍ନୟନ ଅଧିକାରୀ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅତିରିକ୍ତ ବ୍ଲକ ଉନ୍ନୟନ ଅଧିକାରୀ ଅସିତ କୁମାର ପାତ୍ରଙ୍କ ଘରେ ଭିଜିଲାନ୍ସ ରେଡ୍ । ଯାଜପୁର ଜିଲ୍ଲା ସୁନ୍ଦରିମୁହାଣ ସ୍ଥିତ ଗରଡେଶ୍ଵରରେ ପୈତୃକ ଘର, କାର୍ଯ୍ୟାଳୟ, ସରକାରୀ କ୍ଵାର୍ଟର ସହିତ ୭ଟି ସ୍ଥାନରେ ଏକକାଳୀନ ଚଢ଼ାଉ କରୁଛି ଭିଜିଲାନ୍ସ ଟିମ୍ । କଟକ, ଭଦ୍ରକ ଓ ଭୁବନେଶ୍ଵରରେ ମଧ୍ୟ ଚଢ଼ାଉ କରୁଛି ଭିଜିଲାନ୍ସ ଟିମ୍ । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ସାନବନସ୍ତ ଗାଁର ସମ୍ପର୍କୀୟଙ୍କ ଘରେ ମଧ୍ୟ ଚଢ଼ାଉ କରୁଛି ଭିଜିଲ୍ସା ଟିମ୍ । ଚଢ଼ାଉରେ ଯାଜପୁର ରୋଡ୍ ସ୍ଥିତ କହ୍ନେଇପୁରର ଚୋରଡ଼ାରେ ଏକ ୪ ମହଲା କୋଠା ଠାବ ହୋଇଛି । ଭୁବନେଶ୍ଵର ଚନ୍ଦ୍ରଶେଖରପୁରରେ ଏକ ପ୍ଲଟ, କଟକ ଜିଲ୍ଲାର ଚାଉଳିଗଞ୍ଜରେ ଫ୍ଳାଟ ଠାବ ହୋଇଛି । ଧର୍ମଶାଳା ବ୍ଲକରେ ୩ ଜଣ ଡିଏସପି ଓ ୩ ଜଣ ଇନ୍ସେପେକ୍ଟର ଯାଞ୍ଚ କରୁଛନ୍ତି ସମସ୍ତ ପ୍ରକାର କାଗଜ ପତ୍ର ଯାଞ୍ଚ କରୁଛନ୍ତି।