ଭାରତ-ଆମେରିକା ଭିତରେ ହେବ ବଡ଼ ଟ୍ରେଡ୍ ଡିଲ୍ ; ସଙ୍କେତ ଦେଲେ ଟ୍ରମ୍ପ

ନନ୍ଦିଘୋଷ ବ୍ୟୁରୋ : ଭାରତ ଏବଂ ଆମେରିକା ମଧ୍ୟରେ ଏକ ବଡ଼ ଚୁକ୍ତି ହେବାକୁ ଯାଉଛି। ଏହା ଏକ ବାଣିଜ୍ୟ ସମ୍ପର୍କିତ ଚୁକ୍ତି ହୋଇପାରେ ବୋଲି କୁହାଯାଉଛି। ଏହି ଚୁକ୍ତି ବିଷୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜେ ଏକ ସଙ୍କେତ ଦେଇଛନ୍ତି। ଟ୍ରମ୍ପ କହିଛନ୍ତି, ଆଗାମୀ ସମୟରେ ଆମେ ଭାରତ ସହିତ ଏକ ଚୁକ୍ତି କରିବାକୁ ଯାଉଛୁ। ଯାହା ଏକ ବଡ଼ ଚୁକ୍ତି ହେବ।

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗୁରୁବାର ଦିନ ଏହି ଚୁକ୍ତି ସ୍ୱାକ୍ଷର କରିଛି। ଚୀନ୍ ସହିତ ଏକ ଚୁକ୍ତି ହୋଇଛି ବୋଲି କହିବା ପରେ, ଟ୍ରମ୍ପ ଇଙ୍ଗିତ ଦେଇଛନ୍ତି ଯେ ଭାରତ ସହିତ ଖୁବ୍ ଶୀଘ୍ର ଏକ “ବହୁତ ବଡ଼” ବାଣିଜ୍ୟ ଚୁକ୍ତି ସ୍ୱାକ୍ଷରିତ ହେବ।

ଭାରତ ଏବଂ ଆମେରିକା ମଧ୍ୟରେ ହେବ ବଡ଼ ଚୁକ୍ତି

ଟ୍ରମ୍ପ ତାଙ୍କ ଭାଷଣରେ କହିଥିଲେ, ସମସ୍ତେ ଏକ ଚୁକ୍ତି କରିବାକୁ ଏବଂ ଏହାର ଅଂଶ ହେବାକୁ ଚାହାଁନ୍ତି। ଆମେ ଗତକାଲି ଚୀନ୍ ସହିତ ଏକ ଚୁକ୍ତି ସ୍ୱାକ୍ଷର କରିଛୁ । ଏହା ପରେ, ଆମେ ହୁଏତ ଭାରତ ସହିତ ଏକ ଚୁକ୍ତି କରୁବୁ। ଏହି ଚୁକ୍ତି ବିଷୟରେ କଥା ହୋଇ ଟ୍ରମ୍ପ କହିଛନ୍ତି, ଆମେ ଭାରତ ସହିତ ଏକ ବହୁତ ବଡ଼ ଚୁକ୍ତି କରିବାକୁ ଯାଉଛୁ ।

ଟ୍ରମ୍ପ ଆହୁରି କହିଛନ୍ତି, ଅନ୍ୟ କୌଣସି ଦେଶ ସହିତ କୌଣସି ଚୁକ୍ତି କରାଯିବ ନାହିଁ। ଆମେ ସମସ୍ତଙ୍କ ସହିତ ଚୁକ୍ତି କରିବୁ ନାହିଁ। ଭାରତ ସହିତ ଆମର ଏକ ଚୁକ୍ତି ହେବାକୁ ଯାଉଛି। ଏହା ଏକ ବହୁତ ବଡ଼ ଚୁକ୍ତି ହୋଇପାରେ । ଆମେ ଭାରତ ପାଇଁ ଦ୍ୱାର ଖୋଲିବାକୁ ଯାଉଛୁ । ଏବେ ଚୀନ୍ ସହ ଚୁକ୍ତି ଅନୁଯାୟୀ କାମ କରିବାକୁ ଯାଉଛୁ। ଅନ୍ୟପଟେ ଟ୍ରମ୍ପ ଚୀନ୍ ସହିତ କେଉଁ ଚୁକ୍ତି କରିବାକୁ ଯାଉଛନ୍ତି ସେ ବିଷୟରେ କୌଣସି ସୂଚନା ଦେଇ ନାହାଁନ୍ତି।