ପାକିସ୍ତାନ-ୟୁଏଇ ମ୍ୟାଚ୍ ଗୋଟିଏ ଘଣ୍ଟା ବିଳମ୍ବ, PCB ନିଷ୍ପତ୍ତି ବଦଳାଇଲା
1 min read
ନନ୍ଦିଘୋଷ ବ୍ୟୁରୋ : ଏସିଆ କପରେ ଆଜି ପାକିସ୍ତାନ-ୟୁଏଇ ମ୍ୟାଚ ବିଳମ୍ବ। ୮ଟା ବଦଳରେ ରାତି ୯ଟାରେ ଆରମ୍ଭ ହେବ ମ୍ୟାଚ। ପାକିସ୍ତାନ ଖେଳାଳି ଷ୍ଟାଡିୟମକୁ ଆସିବାରେ ବିଳମ୍ବ ହେବାରୁ ମ୍ୟାଚ ୧ ଘଣ୍ଟା ବିଳମ୍ବ ହୋଇଛି। ରାତି ୯ଟାରେ ଆରମ୍ଭ ହେବ ଏହି ମ୍ୟାଚ। ୟୁଏଇ ଟିମ ଠିକ ସମୟରେ ଷ୍ଟାଡିୟମ ଅଭିମୁଖେ ବାହାରି ପହଞ୍ଚିଥିବାବେଳେ ପାକିସ୍ତାନ ବିଳମ୍ବରେ ବାହାରିଛି। ଭାରତ ପାକିସ୍ତାନ ମ୍ୟାଚରେ ହ୍ୟାଣ୍ଡସେକ୍ ବିବାଦ ପରେ ମ୍ୟାଚ ରେଫରି ଆଣ୍ଡି ପାୟକ୍ରଫଙ୍କୁ ହଟାଇବାକୁ ଦାବି କରିଥିଲା ପାକିସ୍ତାନ। ପାୟକ୍ରଫ୍ଟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଥିଲା। ଆଜିର ମ୍ୟାଚ ରେଫରି ଆଣ୍ଡି ପାୟକ୍ରଫ୍ଟ ଥିବାରୁ ଏହାକୁ ନେଇ ଆପତ୍ତି ଉଠାଇଥିଲା ପାକିସ୍ତାନ। ତେବେ ପ୍ରେସମିଟ କରି ପାକିସ୍ତାନ ଆଜିର ମ୍ୟାଚ ଖେଳିବ ବୋଲି ଘୋଷଣା କରିଛି ପାକିସ୍ତାନ କ୍ରିକେଟ ବୋର୍ଡ PCB। ପାକିସ୍ତାନର ଅଭିଯୋଗ ନେଇ ତଦନ୍ତ ପରେ ମ୍ୟାଚ ରେଫରି ଆଣ୍ଡି ପାୟକ୍ରଫ୍ଟଙ୍କ କୌଣସି ଭୁଲ ନଥିବା କହିଛି ଆଇସିସି। ଏଥିଲାଗି ଆଜିର ମ୍ୟାଚରେ ଆଣ୍ଡି ପାୟକ୍ରଫ୍ଟ ମ୍ୟାଚ ରେଫରି ଭାବେ ରହିବେ। ପାକିସ୍ତାନର ଦାବିକୁ ଖାରଜ କରି ଦେଇଛି ଆଇସିସି ।
