କଟକ : କଟକ ମଧୁପାଟଣା ଛକରେ ଥିବା ମାଛ ଗୋଦାମ ଓ ଏକ ବିଲଡିଂରେ ବଡ଼ ଧରଣର ଅଗ୍ନିକାଣ୍ଡ ଘଟିଛି । ରାତି ପ୍ରାୟ ୪ଟା ସମୟରେ ପ୍ରଥମେ ମାଛ ଗୋଦାମରେ କୌଣସି କାରଣରୁ ନିଆଁ ଲାଗିଥିଲା । ପରେ ନିଆଁ ବ୍ୟାପୀ ପାଖରେ ଥିବା ଏକ ଛଅ ତାଲା ବିଲଡିଂକୁ ବ୍ୟାପୀଥିଲା । ପରେ ୩ଟି ଦମକଳ ଗାଡି ଆସି ନିଆଁ ଲିଭା କାମରେ ଲାଗିଥିଲେ । ଦୀର୍ଘ ୩ ଘଣ୍ଟାର ପରିଶ୍ରମ କରି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି । ନିଆଁର କାରଣ ଜଣା ପଡି ନ ଥିଲେ ସୁଦ୍ଧା ସର୍ଟ ସର୍କିଟ ରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।
