ନନ୍ଦିଘୋଷବ୍ୟୁର: ଦକ୍ଷିଣ ଆଫ୍ରିକା ଗସ୍ତ ପାଇଁ ଭାରତୀୟ ମହିଳା କ୍ରିକେଟ୍ ଦଳ ଘୋଷଣା କରିଛି BCCI। ଆଗାମୀ ଟେଷ୍ଟ, ଦିନିକିଆ ଓ ଟି-୨୦ ସିରିଜ୍ ରେ ଭାରତୀୟ ଦଳର ନେତୃତ୍ୱ ନେବେ ସ୍ମୃତି ମନ୍ଧାନା। ତିନୋଟି ଯାକ ଫର୍ମାଟ୍ ରେ ସେ ଅଧିନାୟିକା ଭାବେ ଦଳକୁ ନେତୃତ୍ୱ ଦେବେ।
ଏହି ଗସ୍ତରେ ତିନିଟି ମ୍ୟାଚ୍ ବିଶିଷ୍ଟ ଟି-୨୦ ଅନ୍ତର୍ଜାତୀୟ ସିରିଜ୍ ମଧ୍ୟ ଖେଳାଯିବ। ଡିସେମ୍ବର ୨୬, ୨୯ ଓ ୩୦ ତାରିଖରେ ଏହି ମ୍ୟାଚ୍ଗୁଡ଼ିକ ଅନୁଷ୍ଠିତ ହେବ। ପ୍ରଥମ ମ୍ୟାଚ୍ ବେନୋନିରେ ଖେଳାଯିବାକୁ ଥିବାବେଳେ ବାକି ଦୁଇଟି ମ୍ୟାଚ୍ ପୋଚେଫଷ୍ଟ୍ରୁମ୍ ରେ ଖେଳାଯିବ। ତେବେ ଟେଷ୍ଟ ଓ ଦିନିକିଆ ଦଳର ଉପଅଧିନାୟିକା ଭାବେ ଦୀପ୍ତି ଶର୍ମାଙ୍କୁ ଦାୟିତ୍ୱ ମିଳିଛି। ସେହିପରି ଟି-୨୦ ଫର୍ମାଟ୍ରେ ଶେଫାଳି ବର୍ମା ସ୍ମୃତିଙ୍କ ଡେପୁଟି ଭାବେ କାର୍ଯ୍ୟ କରିବେ।
ଏହି ଘୋଷିତ ଦଳରେ ଅଭିଜ୍ଞ ଖେଳାଳିଙ୍କ ସହ ଯୁବ ପ୍ରତିଭାଙ୍କୁ ମଧ୍ୟ ସ୍ଥାନ ମିଳିଛି। ଟେଷ୍ଟ ଓ ଦିନିକିଆ ଦଳରେ ୱିକେଟକିପର ବ୍ୟାଟର ରିଚା ଘୋଷ ଓ ୟାସ୍ତିକା ଭାଟିଆଙ୍କୁ ସାମିଲ କରାଯାଇଛି। ଅନ୍ୟପଟେ ଟି-୨୦ ସିରିଜ୍ ରେ ରିଚା ଘୋଷ ଓ ଜି. କମଳିନୀ ୱିକେଟ୍କିପର ଭାବେ ଦାୟିତ୍ୱ ତୁଲାଇବେ।
ଟେଷ୍ଟ ଦଳ: ସ୍ମୃତି ମନ୍ଧାନା, ଶେଫାଳି ବର୍ମା, ପ୍ରତିକା ରାୱଲ, ହରମନପ୍ରୀତ କୌର, ଜେମିମା ରୋଡ୍ରିଗ୍ସ, ହରଲିନ ଦେଓଲ, ରିଚା ଘୋଷ, ୟାସ୍ତିକା ଭାଟିଆ, ଦୀପ୍ତି ଶର୍ମା, ଏସ୍. ଚରଣୀ, ସ୍ନେହ ରାଣା, କ୍ରାନ୍ତି ଗୌଡ଼, ନନ୍ଦିନୀ ଶର୍ମା, ଜିନ୍ତିମଣି କଳିତା ଓ ସାୟଲୀ ସତଘରେ।
ଦିନିକିଆ ଦଳ: ସ୍ମୃତି ମନ୍ଧାନା, ଶେଫାଳି ବର୍ମା, ପ୍ରତିକା ରାୱଲ, ହରମନପ୍ରୀତ କୌର, ଜେମିମା ରୋଡ୍ରିଗ୍ସ, ହରଲିନ ଦେଓଲ, ରିଚା ଘୋଷ, ୟାସ୍ତିକା ଭାଟିଆ, ଦୀପ୍ତି ଶର୍ମା, ଏସ୍. ଚରଣୀ, ବୈଷ୍ଣବୀ ଶର୍ମା, କ୍ରାନ୍ତି ଗୌଡ଼, ନନ୍ଦିନୀ ଶର୍ମା, ଜିନ୍ତିମଣି କଳିତା ଓ ସାୟଲୀ ସତଘରେ।
ଟି-୨୦ ଦଳ: ସ୍ମୃତି ମନ୍ଧାନା, ଶେଫାଳି ବର୍ମା, ଜେମିମା ରୋଡ୍ରିଗ୍ସ, ହରମନପ୍ରୀତ କୌର, ନିକି ପ୍ରସାଦ, ରିଚା ଘୋଷ, ଜି. କମଳିନୀ, ଅନୁଷ୍କା ଶର୍ମା, ଦୀପ୍ତି ଶର୍ମା, ଏସ୍. ଚରଣୀ, ପ୍ରେମା ରାୱତ, ଅମନଜୋତ କୌର, କ୍ରାନ୍ତି ଗୌଡ଼, ନନ୍ଦିନୀ ଶର୍ମା, ରେଣୁକା ସିଂ ଠାକୁର, ଅରୁନ୍ଧତୀ ରେଡ୍ଡୀ ଓ ସାୟଲୀ ସତଘରେ।
ତେବେ ଦକ୍ଷିଣ ଆଫ୍ରିକା ଗସ୍ତକୁ ନେଇ ଭାରତୀୟ ଦଳ ଏବେଠାରୁ ପ୍ରସ୍ତୁତି ଆରମ୍ଭ କରିବ। ତିନୋଟି ଫର୍ମାଟ୍ରେ ସ୍ମୃତି ମନ୍ଧାନାଙ୍କ ନେତୃତ୍ୱ ଦଳ ପାଇଁ କେତେ ସଫଳ ସାବ୍ୟସ୍ତ ହେଉଛି, ତାହା ଉପରେ କ୍ରିକେଟ୍ ପ୍ରେମୀଙ୍କ ନଜର ରହିବ।
