କାଶ୍ମୀର ,ଯାହାକୁ ଦେଖି ଦିନେ ମୋଗଲ ବାଦଶାହ ଜାହାଙ୍ଗିର କହିଥିଲେ –ଦୁନିଆରେ ଯଦି କେଉଁଠି ସ୍ୱର୍ଗ ଅଛି,ତେବେ ଏଇଠି ଅଛି..ଏଇଠି ଅଛି । କାଶ୍ମୀର, ଯେଉଁଠିକୁ ଆସିବା ପରେ ବିମୋହିତ ହୁଅନ୍ତି ପର୍ଯ୍ୟଟକ । ସ୍ତବ୍ଧ ଓ ଚମୃତ୍କୃତ କରୁଥିବା କାଶ୍ମୀରର ଅପରୂପ ସୈ।ନ୍ଦର୍ଯ୍ୟରୁ  ଆଖି ଫେରାଇ ପାରନ୍ତିନି ପର୍ଯ୍ୟଟକ । ବାସ୍ତବରେ ଏହାର ସୌନ୍ଦର୍ଯ୍ୟରେ ଅନାମନା ହୁଅନ୍ତି ପର୍ଯ୍ୟଟକ ।ସେଇ କାଶ୍ମୀରରେ ରହିଛି ଏସିଆ ମୃହାଦେଶର ସବୁଠୁ ବଡ଼ ତୁଲିପ ଗାର୍ଡେନ ।  ଯାହା ୩୦ ହେକ୍ଟର ପର୍ଯ୍ୟନ୍ତ ପରିବ୍ୟାପ୍ତ । ବିଶ୍ୱର ଶ୍ରେଷ୍ଠ ପାଞ୍ଚଟି ବଗିଚା ଭିତରେ ଅନ୍ୟତମୃ ହେଉଛି କାଶ୍ମୀରର ତୁଲିପ ଗାର୍ଡେନ ।  ଏଣୁ ଫୁଲ ଫୁଟିବାର ସମୟ ଆରମ୍ଭ ହେଲେ ବିଶ୍ୱର କୋଣ ଅନୁକୋଣରୁ ଏଠାକୁ ଛୁଟି ଆସନ୍ତି ପର୍ଯ୍ୟଟକ ।  ଗତବର୍ଷ ତ ଅଢେଇ ଲକ୍ଷ ପର୍ଯ୍ୟଟକ ଏହି ଟ୍ୟୁଲିପ ବଗିଚାରେ ନିଜକୁ ହଜାଇ ଦେଇଥିଲେ ।   ଶ୍ରୀନଗରର ଏହି ଟ୍ୟୁଲିପ ଗାର୍ଡେନ ବୁଲିବା ପାଇଁ ଏପ୍ରିଲ ମାସ  ବର୍ଷର ସର୍ବୋତ୍କୃଷ୍ଟ ସମୃୟ । ବର୍ଷର ଏହି ସିଜନରେ ତିନିରୁ ଚାରି ସପ୍ତାହ ଧରି ତୁଲିପ ଗାର୍ଡେନରେ ଫୁଲ ଫୁଟିଥାଏ । କିଆରି ପରେ କିଆରି ଧାଡ଼ି ଧାଡ଼ି ହୋଇ ଛିଡା ହୋଇଥିବା ରଙ୍ଗବେରଙ୍ଗର ଟ୍ୟୁଲିପ୍ ପର୍ଯ୍ୟଟକଙ୍କୁ ବିମୋହିତ କରେ । କାଶ୍ମୀରର ଥଣ୍ଡାପବନର ସ୍ପର୍ଶରେ ଝୁଲୁଥିବା ଫୁଲସବୁ ଯେମିତି ପର୍ଯ୍ୟଟକଙ୍କ ସହ କଥା ହେବାକୁ ଅପେକ୍ଷା କରିଥାନ୍ତି ।

ନିରବ,ନିର୍ଜନ…

କିନ୍ତୁ 2007ରେ ଆରମ୍ଭ ହୋଇଥିବା ଏ ବଗିଚା ପ୍ରଥମ ଥର ପାଇଁ  ନିର୍ଧୁମ ନିରବତା ଭିତରେ ଏକାକୀ । ନାହାନ୍ତି ସୌନ୍ଦର୍ଯ୍ୟର ଉପାସନା କରିବା ପାଇଁ ପର୍ଯ୍ୟଟକ ।  ଦୀର୍ଘ 13 ବର୍ଷ ଭିତରେ ଇଏ ହେଉଛି ଶ୍ମସାନର ନିରବତା, ଶୂନ୍ୟତା  । 55 ପ୍ରଜାତିର ତେରଲକ୍ଷ ଫୁଲ ଆଜି ଏକାକୀ,ପର୍ଯ୍ୟଟକଙ୍କ ଅପେକ୍ଷାରେ ।ବିତିଯିବ ମାସ , ମଉଳିଯିବ ଫୁଲ  ।

ଦିନେ ଏମିତି ଲାଗୁଥିଲା ମେଳା,ପର୍ଯ୍ୟଟକଙ୍କ ଭିଡ..

ଆଜି ଯେତେବେଳେ କରୋନା ବିପତ୍ତି ସହ ଯୁଝୁଥିବା ମଣିଷ ଘରୁ ପାଦକାଢିବା ମୃନା , ସୁଦୂର କାଶ୍ମୀର ଯିବା କଥା ଭାବୁଛି କିଏ । ରିପୋର୍ଟ କହୁଛି କାଶ୍ମୀରରେ 168 କରୋନା ପଜିଟିଭ ଆସିଲାଣି, ଏଭଳି ଏକ ସ୍ଥିତିରେ ମାଳିଟିଏ ବି ଘରୁ ଗୋଡ଼ କାଢି  ଫୁଲ ପର୍ଯ୍ୟନ୍ତ ଯିବାକୁ ଡ଼ରୁଛି  । ବନ୍ଦ ହେଇଯାଇଛି ଗାଡ଼ିଚଳାଚଳ, ଠପ୍‌ ହୋଇଯାଇଛି  ସ୍ବାଭାବିକ ଜୀବନ ଯାତ୍ରା । କରୋନା କାଳରେ ଏବେ ଟ୍ୟୁଲିପ ଗାର୍ଡେନ ନିରବ,ନିର୍ଜନ । ଅପେକ୍ଷା ଆତଙ୍କର ଅନ୍ତକୁ ।

(ସ୍ମୁତିଲଗ୍ନା ନନ୍ଦ)

ବିହାର: ସାରା ଦେଶରେ ଏବେ ଲକଡାଉନ ଜାରି ରହିଛି। ଲୋକମାନେ ନିଜ ନିଜ ବନ୍ଦ ହୋଇ ଅଛନ୍ତି ଯାହା ଦ୍ୱାରା ସେମାନେ ନିଜକୁ ଏବଂ ଅନ୍ୟମାନଙ୍କୁ କରୋନା ମହାମାରୀରୁ ରକ୍ଷା କରିପାରିବେ। କିନ୍ତୁ ଅନେକ ଲୋକ ଅଛନ୍ତି ଯେଉଁମାନେ ଏହି ସମୟରେ ମଧ୍ୟ ପରିସ୍ଥିତିକୁ  ଗମ୍ଭୀରତା ସହ ନେଉନାହାନ୍ତି । ବିହାରରେ ଲକଡାଉନ୍ ସମୟରେ ଏମିତି ଏକ ଭିଡିଓ ଭାଇରାଲ ହୋଇଛି , ଯାହାକୁ ନେଇ ଶାସକ ଜେଡିୟୁ ଅଡୁଆରେ ପଡିଛି ।  ଏଥିରେ ଯୁବ ଜେଡିୟୁ (ଜନତା ଦଳ ୟୁନାଇଟେଡ୍) ରାଜ୍ୟ ଉପାଧ୍ୟକ୍ଷ ବିଶାଲ ଗୌରବ ନିଜ ସାଙ୍ଗମାନଙ୍କ ସହ ମଦ୍ୟପାନ କରି ନାଚୁଥିବାର ନଜର ଆସିଛନ୍ତି। ଭିଡିଓରେ ବିଶାଲ ହାତରେ ଏକ ମଦ ବୋତଲ ଧରି ନାଗିନ୍ ଡାନ୍ସ କରୁଛନ୍ତି।

ଟୁଇଟରରେ ଏହି ଭିଡିଓ ପୋଷ୍ଟ କରାଯାଇଛି । ଏହି ଭିଡିଓରେ ଦୁଇଜଣ ହାତରେ ବୋତଲ ଧରି ସଙ୍ଗୀତର ଧୁନରେ ମସ୍ତ୍ ଥିବା ଦେଖିବାକୁ ମିଳିଛି । ସେମାନଙ୍କୁ ଦେଖିଲେ ଲାଗୁଛି ଯେମିତି ଦେଶରେ କୌଣସି ମହାମାରୀ ଆତଙ୍କ ନାହିଁ । ବିହାରରେ ମଦ ବ୍ୟାନ୍ ହୋଇଥିବାରୁ ମାମଲା ଅଧିକ ଗୁରୁତ୍ୱର ହୋଇଛି। ଆରଜେଡି ନେତା ତେଜସ୍ୱୀ ଯାଦବ ଟ୍ୱିଟ୍  କରି ଲେଖିଛନ୍ତି ଯେ, “ନୀତୀଶ କୁମାରଙ୍କର ଏହି ଗେହ୍ଲା ପୁଅମାନେ ଜେଡିୟୁର ଉପାଧ୍ୟକ୍ଷ । ମଦ ନିଷେଧ ପରେ ମଧ୍ୟ ନୀତୀଶ କୁମାର ସେ ନାଗିନ୍ ଡ୍ୟାନ୍ସ କରି ନିଜକୁ ସାନିଟାଇଜ୍ କରୁଛନ୍ତି। ବିହାରରେ ରାସନ ଅଭାବରୁ ଗରିବ ମୃତ୍ୟୁବରଣ କରୁଛନ୍ତି। ଏବଂ ମୁଖ୍ୟମନ୍ତ୍ରୀଙ୍କ ଘନିଷ୍ଠ ବନ୍ଧୁମାନେ ଆଇନର ମଜା ଉଡାଉଛନ୍ତି। ”

ଅନ୍ୟପକ୍ଷରେ ବିରୋଧୀ ଦଳର ନେତା ତେଜସ୍ୱୀ ଯାଦବ ଏହି ଟୁଇଟରକୁ ନିଜ ଟ୍ୱିଟର ହ୍ୟାଣ୍ଡେଲରେ ସେୟାର କରି ନୀତୀଶଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ତେଜସ୍ୱୀ ତାଙ୍କ ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି ଯେ, ସମ୍ମାନିତ ମୁଖ୍ୟମନ୍ତ୍ରୀ, ନୀତୀଶ କୁମାର, ଏମାନଙ୍କୁ ତୁରନ୍ତ ଗିରଫ କରାଯିବା ଉଚିତ୍। ଏମାନେ ଆଇନ ଉଲ୍ଲଂଘନ କରିଛନ୍ତି । ଯଦି ଏହି ବ୍ୟକ୍ତିଙ୍କୁ ଗିରଫ ନକରାଯାଏ ତାହେଲେ ଏହାର ଅର୍ଥ ହେଉଛି ଯେ ସରକାର ନିଜେ ଏହି ନିୟମକୁ ଉଲ୍ଲଂଘନ କରୁଛନ୍ତି ଏବଂ ଏହାକୁ କାର୍ଯ୍ୟକାରୀ କରୁଛନ୍ତି।

ତେବେ ଭାଇରାଲ ହୋଇଥିବା ଭିଡିଓ ପାଇଁ ଜେଡିୟୁକୁ ଲଜ୍ଜିତ ହେବାକୁ ପଡୁଛି । ତେଣୁ ବିଶାଲ ଗୌରବଙ୍କୁ ପାର୍ଟି ପୋଷ୍ଟରୁ ହଟାଇ ଦେଇଛି। ଜେଡିୟୁ ମୁଖପାତ୍ର ରାଜୀବ ରଂଜନ ଏହି ଘଟଣା ସମ୍ପର୍କରେ କହିଛନ୍ତି ଯେ, ‘ମଦ୍ୟପାନ କରୁଥିବା ଅଭିଯୋଗ ହୋଇଥିବା ଜେଡିୟୁ ଯୁବ ନେତାଙ୍କୁ ପାର୍ଟି ପଦରୁ ହଟାଇ ଦିଆଯାଇଛି। ଭିଡିଓ ଦେଖିବା ପରେ ବିଶାଲଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।