କରୋନା ପ୍ରତିକାର ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ନିଆଯାଉଛି ପଦକ୍ଷେପ । ଆଜି ଜନସାଧାରଣଙ୍କୁ ସମ୍ବୋଧନ କରିବେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ମଧ୍ୟ କରିପାରନ୍ତି ବଡ଼ ଘୋଷଣା ।
ଅନୀଲ, ରାଜୁ, ସେଠ ଜି ଏବଂ ରାମୁ ପାଖରୁ ଜାଣନ୍ତୁ କରୋନାର ତୃତୀୟ ପର୍ଯ୍ୟାୟକୁ କାହିଁକି ଭୟ କରିବା ଉଚିତ୍ ?
ରାଜସ୍ଥାନର ଭିଲୱାରା ଏବଂ କେରଳର କେତେକ ଅଞ୍ଚଳରେ କରୋନା ତୃତୀୟ ପର୍ଯ୍ୟାୟରେ ପହଞ୍ଚିଛି। କରୋନା ପାଇଁ ଏବେ ସାରା ବିଶ୍ୱ ଭୟରେ ଜୀବନଜାପନ କରୁଛି । କରୋନାକୁ ନେଇ ବିଭିନ୍ନ ଦେଶର ସରକାର କଡ଼ା କଟକଣା ମାନ ଲାଗାଇଛନ୍ତି । ଆମ ଦେଶରେ କରୋନାକୁ ନେଇ ୧୪୪ ଧାରା ଜାରିକରାଯାଇଛି ।
ଭଲ କଥା ହେଉଛି ଆମ ଓଡ଼ିଶାରେ ଏହା ଏବେ ବି ପ୍ରଥମ ଓ ଦ୍ଵିତୀୟ ପର୍ଯ୍ୟାୟରେ ଅଛି। କିନ୍ତୁ କିଛି ଲୋକ କରୋନା ଏବଂ କରୋନାର ପର୍ଯ୍ୟାୟକୁ ନେଇ ବୁଝିପାରୁନାହାନ୍ତି । ତେବେ ଆସନ୍ତୁ ଆପଣ ମାନଙ୍କୁ ଏକ ସୁନ୍ଦର ଗପ ମାଧ୍ୟମରେ ବୁଝେଇକି କହୁଛି ଏହି ପର୍ଯ୍ୟାୟ ଗୁଡ଼ିକ କଣ ?
ଏହି ପର୍ଯ୍ୟାୟଗୁଡିକ କ’ଣ ?
ପ୍ରଥମ ପର୍ଯ୍ୟାୟ
ଅନୀଲ ବିଦେଶରୁ ଆସିଥିଲେ । ବିମାନ ବନ୍ଦରରେ କରୋନା ପାଇଁ ହେବି ଚେକିଂ ଚାଲିଥିଲା । ଅନୀଲଙ୍କୁ ଚେକିଂ କରାଯାଇ ଘରକୁ ଯିବାକୁ ଅନୁମତି ଦିଆଯାଇଥିଲା। ଯେହେତୁ ସେ ବିଦେଶରୁ ଫେରିଥିଲେ ବିମାନବନ୍ଦରରେ ଏକ ଆଫିଡେଭିଟ୍ ଦିଆଯାଇଥିଲା ଯେ ତାଙ୍କୁ ତାଙ୍କ ଘରେ ୧୪ ଦିନ ପର୍ଯ୍ୟନ୍ତି କ୍ୱାରେଣ୍ଟାଇନରେ ରହିବାକୁ ପଡ଼ିବ ।
ଏବଂ ଯେତେବେଳେ ଜ୍ୱର ଆସେ, ଏହି ନମ୍ବର ସହିତ ଯୋଗାଯୋଗ କରିବ । ଅନିଲ ଘରକୁ ଯାଇ ସେ ପ୍ରମାଣପତ୍ରର ସର୍ତ୍ତଗୁଡିକ ଅନୁସରଣ କଲେ । ନିଜ ଘରେ ସେ କାହା ସହ ନମିସି ସେ ଘରେ କ୍ୱାରେଣ୍ଟାଇନରେ ହୋଇଥିଲେ।
ଏପରିକି ସେ ଘରର ସଦସ୍ୟମାନଙ୍କଠାରୁ ଦୂରରେ ରହିଥିଲେ।
ଅନୀଲର ମା କହିଲେ, ଆରେ, ତୋର କିଛି ହୋଇ ନାହିଁ ତୁ ଅଲଗା ରହନା । ଏତେ ଦିନ ପରେ ତୁ ଘର ଖାଦ୍ୟ ଖାଇବୁ, ଆ ମୁଁ ଗରମ ଗରମ ଖାଦ୍ୟ ଖୁଆଇଦେବି । କିନ୍ତୁ ଅନୀଲ ଏସବୁ ମନା କରିଦେଲା । ଦୁଇଦିନ ଛାଡ଼ି ସକାଳେ ମା ପୁଣି ସମାନ କଥା କହିଲା । ଏଥର ଅନୀଲ ରାଗିଯାଇ ସେ ମାକୁ ପାଟି କରି କହିଲା । ମାଆ ଖରାପ ଭାବିବା ସହ କାନ୍ଦିପକାଇଲେ ।
ଠିକ୍ ୭ ଦିନ ପରେ ଅନୀଲ ପାଖରେ ଜ୍ୱର, ଥଣ୍ଡା କାଶ ଭଳି ଲକ୍ଷଣ ଦେଖାଯିବା ଆରମ୍ଭ ହେଲା । ଅନୀଲ ହେଲ୍ପଲାଇନକୁ ଡ଼ାକିଲା। କରୋନା ପରୀକ୍ଷା କରାଯାଇଥିଲା । ସେ ପଜିଟିଭ ବାହାରିଲା କରୋନା ପରୀକ୍ଷାରେ ।
ତାଙ୍କ ପରିବାର ସଦସ୍ୟଙ୍କୁ ମଧ୍ୟ ପରୀକ୍ଷା କରାଯାଇଥିଲା। ସେମାନେ ସମସ୍ତେ ନେଗେଟିଭ ମିଳିଲେ ।
୧ କିଲୋମିଟର ବ୍ୟାସାର୍ଦ୍ଧରେ ଥିବା ପଡୋଶୀଙ୍କୁ ଅଧିକ ପ୍ରଶ୍ନ କରାଯାଇଥିଲା । ଏହିପରି ସମସ୍ତ ଲୋକଙ୍କୁ ମଧ୍ୟ ପରୀକ୍ଷା କରାଯାଇଥିଲା । ସମସ୍ତେ କହିଥିଲେ ଯେ ଅନିଲ ଘରୁ ବାହାରକୁ ଆସୁଥିବାର କେହି ଦେଖି ନାହାଁନ୍ତି ।
ଯେହେତୁ ସେ ନିଜକୁ ଭଲ ଭାବରେ ଅଲଗା କରିଥିଲେ, ସେ କରୋନାକୁ ଅନ୍ୟ କାହାକୁ ବିସ୍ତାର କରିନଥିଲେ ।
ଅନୀଲ ଯୁବକ ଥିଲା । କରୋନାର ଲକ୍ଷଣ ବହୁତ ଛୋଟ ଥିଲା । କେବଳ ଜ୍ୱର, ଥଣ୍ଡା କାଶ, ଶରୀର ଯନ୍ତ୍ରଣା ଇତ୍ୟାଦି । ୭ ଦିନର ଚିକିତ୍ସା ପରେ ସେ ସମ୍ପୂର୍ଣ୍ଣ ସୁସ୍ଥ ହୋଇ ଡାକ୍ତରଖାନାରୁ ଡିସଚାର୍ଜ ହେବା ପରେ ଘରକୁ ଆସିଲା।
ଗତକାଲି ନିଜକୁ ଖରାପ ଅନୁଭବ କରିଥିବା ମାଆ ଆଜି ବୁଝି ପାରିଲେ ଯେ ପୁଅ ନିଜ ପରିବାର ସହ ଗାଁ ପଡୋଶୀ ସମସ୍ତଙ୍କୁ ବଞ୍ଚେଇ ଦେଲା। ମାଆ ପୁଅ ପାଇଁ ଗର୍ବ ଅନୁଭବ କଲେ ।
ଏହା ହେଉଛି ପ୍ରଥମ ପର୍ଯ୍ୟାୟ ଯେତେବେଳେ ଅନିଲ ନିଜକୁ କ୍ୱାରେଣ୍ଟାଇନରେ ରଖିବାରୁ ନୀଜ ଜୀବନ ସହ ଅନ୍ୟ ମାନଙ୍କର ଜୀବନକୁ ବି ବଞ୍ଚାଇପାରିଲା ।
ଦ୍ୱିତୀୟ ପର୍ଯ୍ୟାୟ – ରାଜୁକୁ କରୋନା ହୋଇଗଲା ।
ତାକୁ ତାର ପୂର୍ବ ଦିନର ସମସ୍ତ ଘଟଣା ପଚରା ଗଲା । ସେ କେବେ ବିଦେଶ ଯାଇନି । କିନ୍ତୁ ସେ ବିଦେଶରୁ ଆସିଥିବା ଜଣେ ବ୍ୟକ୍ତିଙ୍କ ସହ ଯୋଗାଯୋଗ କରିଥିଲା। ଗତକାଲି ସେ ଗହଣା କିଣିବାକୁ ଯାଇଥିଲା। ସେଠାରେ ଦୋକାନ ମାଲିକ ସେଠ ଜି ବିଦେଶରୁ ଫେରିଥିଲେ।
ସେଠ ଜି ବିଦେଶରୁ ଆସିଥିଲେ ଏବଂ ବିମାନବନ୍ଦରରେ ଜ୍ୱର ନଥିଲା । ସେଥିପାଇଁ ତାଙ୍କୁ ଘରକୁ ଯିବାକୁ ଅନୁମତି ଦିଆଯାଇଥିଲା । କିନ୍ତୁ ତାଙ୍କର ଆଫିଡେଭିଟ୍ ପୂରଣ କରିବାକୁ କୁହାଯାଇଥିଲା ଯେ ସେ ଆଗାମୀ ୧୪ ଦିନ ପର୍ଯ୍ୟନ୍ତ ସମ୍ପୂର୍ଣ୍ଣ ଏକୁଟିଆ ରହିବେ ଏବଂ ଘରୁ ବାହାରକୁ ଯିବେ ନାହିଁ । ପରିବାର ସଦସ୍ୟଙ୍କ ଠାରୁ ମଧ୍ୟ ଦୂରରେ ରହିବେ । ବିଦେଶରୁ ଆସିଥିବା ସେଠ ବିମାନବନ୍ଦରରେ ଭର୍ତ୍ତି ହୋଇଥିବା ଆଫିଡେଭିଟ୍ କୁ ଭୁଲି ଗଲେ । ସେ ଘରେ ଅଧିକ ସମୟ ନ ରହି ବୁଲା ବୁଲି କଲେ ।
ଏବଂ ଦୁଇଦିନ ପରେ ସେ ତାଙ୍କ ଅଳଙ୍କାର ଦୋକାନକୁ ଗଲେ । ଦୋକାନ ବନ୍ଦ କରିବାକୁ କହିବାରୁ ତୁମେ ପାଗଳ କି ! ସିଜନ ଚାଲିଛି, ଲକ୍ଷ ଲକ୍ଷ ଟଙ୍କାର ବିକ୍ରି ଅଛି, ଦୋକାନ ବନ୍ଦ କରିହବ ନାହିଁ ବୋଲି ସେଠ କହିଥିଲେ ।
ବିଦେଶରୁ ଆସିବାର ଷଷ୍ଠ ଦିନରେ ସେଠକୁ ଜ୍ୱର ହେଲା । ତାଙ୍କ ପରିବାରରେ ମଧ୍ୟ ଜ୍ୱର ହୋଇଥିଲା । ବୃଦ୍ଧ ମା ମଧ୍ୟ ପରିବାର ସଦସ୍ୟଙ୍କ ମଧ୍ୟରେ ଥିଲେ।
ସମସ୍ତଙ୍କର ଅନୁସନ୍ଧାନ କରାଯାଇଥିଲା । ସଭିଙ୍କୁ କୋରୋନା ହେଇଥିଲା । ଅର୍ଥାତ୍ ବିଦେଶରୁ ଆସିଥିବା ଜଣେ ବ୍ୟକ୍ତି ନିଜେ ପଜିଟିଭ । ତା’ ପରେ ସେ ଘରଲୋକଙ୍କୁ ମଧ୍ୟ ପଜିଟିଭ କରିଥିଲେ।
ଏଥିସହ ସେ ଦୋକାନରେ ଥିବା ୪୫୦ ଲୋକଙ୍କ ସହ ଯୋଗାଯୋଗ କରିଥିଲେ । ସେମାନଙ୍କ ମଧ୍ୟରୁ ଜଣେ ରାଜୁ ଥିଲେ।
ସମସ୍ତ ୪୫୦ ଲୋକଙ୍କୁ ଯାଞ୍ଚ କରାଯାଉଛି । ସେମାନଙ୍କ ମଧ୍ୟରେ ସକାରାତ୍ମକ ଥିଲେ ମଧ୍ୟ ଏହା ଦ୍ୱିତୀୟ ପର୍ଯ୍ୟାୟ ।
ଭୟ ହେଉଛି ଏହି ୪୫୦ ଜଣଙ୍କ ମଧ୍ୟରୁ ପ୍ରତ୍ୟେକ ହୁଏତ ଜାଣି ନାହାଁନ୍ତି ସେମାନେ କେଉଁଠାକୁ ଯାଇଛନ୍ତି ।
ମୋଟ ଉପରେ, ଦ୍ୱିତୀୟ ପର୍ଯ୍ୟାୟ ଅର୍ଥ ହେଉଛି ଯେ କରୋନା ପଜିଟିଭ୍ ହୋଇଥିବା ପ୍ରତ୍ୟକ ବ୍ୟକ୍ତି ବିଦେଶ ଯାଇ ନାହାଁନ୍ତି । କିନ୍ତୁ ସେ ବିଦେଶକୁ ଆସିଥିବା ବ୍ୟକ୍ତିଙ୍କ ସହ ଯୋଗାଯୋଗ କରିଛନ୍ତି।
ତୃତୀୟ ପର୍ଯ୍ୟାୟ
ଥଣ୍ଡା କାଶ ଜ୍ୱର ହେତୁ ରାମ ହସ୍ପିଟାଲରେ ଭର୍ତ୍ତି ହୋଇଥିଲେ, ସେଠାରେ ସେ କରୋନା ପଜିଟିଭ୍ ହୋଇଥିଲା ।
କିନ୍ତୁ ରାମ ବିଦେଶକୁ ଯାଇ ନାହାଁନ୍ତି।
କିମ୍ବା ନିକଟରେ ବିଦେଶକୁ ଆସିଥିବା ବ୍ୟକ୍ତିଙ୍କ ସହ ସେ ଯୋଗାଯୋଗ କରିନାହାଁନ୍ତି ବୋଲି ସେ କହିଛନ୍ତି
ତାହା ହେଉଛି, ଆମେ ବର୍ତ୍ତମାନ ଉତ୍ସ ଜାଣିନାହୁଁ ଯେ ରାମ ଶେଷରେ କେଉଁଠାରୁ ଏହି କରୋନା ପାଇଲେ ?
ପ୍ରଥମ ପର୍ଯ୍ୟାୟରେ ସେହି ବ୍ୟକ୍ତି ନିଜେ ବିଦେଶରୁ ଆସିଥିଲେ ।
ଦ୍ୱିତୀୟ ପର୍ଯ୍ୟାୟ ଜାଣିଥିଲା ଯେ ଉତ୍ସ ହେଉଛି ସେଠଜୀ । ଆମେ ସେଠଜୀ ଏବଂ ତାଙ୍କ ସହିତ ଯୋଗାଯୋଗ କରୁଥିବା ପ୍ରତ୍ୟେକ ବ୍ୟକ୍ତିଙ୍କୁ ପରୀକ୍ଷା କରିଥିଲୁ ଏବଂ ତାଙ୍କୁ ୧୪ ଦିନ ପାଇଁ ଅଲଗା କରିଥିଲୁ ।
ତୃତୀୟ ପର୍ଯ୍ୟାୟରେ ଆପଣ ଉତ୍ସ ଜାଣି ନାହାଁନ୍ତି ।
ଯଦି ଆମେ ଉତ୍ସ ଜାଣିନାହୁଁ, ଆମେ ଉତ୍ସକୁ ଧରିପାରିବୁ ନାହିଁ । ଏହାକୁ ଅଲଗା କରିପାରିବ ନାହିଁ ।
ସେହି ଉତ୍ସ କେଉଁଠାରେ ରହିବ ଏବଂ କେତେ ଲୋକ ଅଜାଣତରେ ସଂକ୍ରମିତ ହେବେ ନା କାହିଁକି ।
ତୃତୀୟ ପର୍ଯ୍ୟାୟ କିପରି ହେବ?
ସେଠଜୀଙ୍କ ସହ ଯୋଗାଯୋଗରେ ୪୫୦ ଲୋକ ଆସିଥିଲେ । ସେଠଜୀଙ୍କ କୋରୋନା ଖବର ପ୍ରସାରିତ ହେବା ମାତ୍ରେ ତାଙ୍କର ସମସ୍ତ ଗ୍ରାହକ, ଚାକରାଣୀ, ଘର ପଡୋଶୀ, ଦୋକାନ ପଡୋଶୀ, ଦୁଧଵାଲା, ବାସନ, ଚା ୱାଲା… ସମସ୍ତେ ଡାକ୍ତରଖାନାକୁ ଦଉଡ଼ିଲେ। ସମସ୍ତେ ମୋଟ ୪୪୦ ଥିଲେ। ୧୦ ଜଣ କମ୍ ଥିଲା ।
ପୋଲିସ ଏବଂ ସ୍ୱାସ୍ଥ୍ୟ ବିଭାଗର ଟିମ୍ ତାଙ୍କୁ ଖୋଜୁଛି।
ଯଦି ସେହି ୧୦ ଜଣଙ୍କ ମଧ୍ୟରୁ ଯଦି କେହି କୌଣସି ମନ୍ଦିର ଇତ୍ୟାଦିରେ ପ୍ରବେଶ କରେ ତେବେ ଏହି ଜୀବାଣୁ ବହୁତ ବିସ୍ତାର ହେବ । ଏହା ହେଉଛି ପର୍ଯ୍ୟାୟ ୩ ଯେଉଁଠାରେ ଆପଣ ଉତ୍ସ ଜାଣି ନାହାଁନ୍ତି ।
ତୃତୀୟ ପର୍ଯ୍ୟାୟର ପ୍ରତିକାର
୧୪ ଦିନ ତାଲା, କର୍ଫ୍ୟୁ ଲାଗୁ କରନ୍ତୁ…
୧୪ ଦିନ ପାଇଁ ଗାଁ ସହରକୁ ବନ୍ଦ କରିଦିଅ…
କାହାକୁ ବାହାରକୁ ଯିବାକୁ ଦିଅନ୍ତୁ ନାହିଁ …
ଏହି ଲକଆଉଟ୍ ସହିତ କଣ ହେବ ?
ପ୍ରତ୍ୟେକ ବ୍ୟକ୍ତି ଘରେ କ୍ୱାରେଣ୍ଟାଇନରେ ରହିବେ…
ଜଣେ ବ୍ୟକ୍ତି ଯିଏ ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିନାହାଁନ୍ତି ସେ ନିରାପଦରେ ଅଛନ୍ତି…
ଅଜଣା ଉତ୍ସ ମଧ୍ୟ ତାଙ୍କ ଘରେ ତାଲା ପଡି ରହିବେ…
ଯେତେବେଳେ ସେ ଅସୁସ୍ଥ ହୋଇ ଡାକ୍ତରଖାନାରେ ପହଞ୍ଚିବେ। ଏବଂ ଆମେ ଜାଣିବା ଯେ ଏହା ହେଉଛି ଅଜ୍ଞାତ ଉତ୍ସ ।
ଏହା ସମ୍ଭବ ଯେ ଏହି ଅଜ୍ଞାତ ଉତ୍ସ ସେମାନଙ୍କ ଘରୁ ଆହୁରି ୪ ଜଣଙ୍କୁ ସଂକ୍ରମିତ କରିଛି, କିନ୍ତୁ ସେତେବେ ବାକି ସହର ସଂକ୍ରମଣରୁ ବଞ୍ଚିଯିବ ।
ଯଦି ଲକ୍ଡାଉନ୍ ନ ହେବ ହଜାର ହଜାର ଲୋକଙ୍କ ମଧ୍ୟରେ କରୋନା ପହଞ୍ଚିବ । ତା’ପରେ ଏହି ହଜାରେ ଅଜ୍ଞାତ ଲୋକ ଏହାକୁ ଲକ୍ଷ ଲକ୍ଷ ଲୋକଙ୍କ ମଧ୍ୟରେ ବିସ୍ତାର କରିବେ । ସେଥିପାଇଁ ସମଗ୍ର ସହର ତାଲା ପକାଇ ରଖାଯାଉଛି ।
ଦ୍ୱିତୀୟ ପର୍ଯ୍ୟାୟକୁ ତୃତୀୟରେ ପରିବର୍ତ୍ତନ କରନ୍ତୁ ନାହିଁ ।
ପ୍ରାରମ୍ଭିକ ଲକଡାଉନ୍ ଅର୍ଥ ହେଉଛି ପର୍ଯ୍ୟାୟ ୩ ଆସିବା ପୂର୍ବରୁ ଲକଆଉଟ୍ ।
ସିଦ୍ଧାନ୍ତ: ଏହି ଲକଡାଉନ୍ ୧୪ ଦିନରୁ କମ୍ ହେବ । ମୁଁ ଜାଣିଛି ୧୪ ଦିନ କାମ ନ କଲେ ଘର ଚାଲିବ କେମିତି, କିନ୍ତୁ ୧୪ ଦିନ ଯଦି ବଂଚିଯିବା, ତା ପରେ ଆମେ, ସରକାର, ଦେଶର ଧନୀ ସହୃଦୟ ଲୋକ ମାନେ କିଛି ନା କିଛି ସାହାଯ୍ୟ କରିବେ। ନିଜେ ବଞ୍ଚନ୍ତୁ, ଘରେ ଯାହା ଅଛି, କମ କମ କରି ଖାଆନ୍ତୁ, ପ୍ଲିଜ କଥା ମାନନ୍ତୁ। ମୁଁ କେବେ ବି ଚାହୁଁନି ଆମ ଭିତରୁ କେହି ଜଣେ ଏହି ରୋଗରେ ମରି ଯାଆନ୍ତୁ ବୋଲି। ଦୟା କରି ଏଇଟା ପଢନ୍ତୁ ଓ ଆବଶ୍ୟକ ମଣିଲେ ନିଜ ଲୋକ ମାନଙ୍କ ମଧ୍ୟରେ ଶେୟାର କରନ୍ତୁ। ଘରର ବୁଢାବୁଢ଼ୀ ଲୋକ ସାଙ୍ଗ ସାଥି ମାନଙ୍କୁ ଏଇଟା ବସିକି ପଢ଼ାନ୍ତୁ ବା ପଢ଼ି କରି ଶୁଣାଅନ୍ତୁ।
ଆଜି ମଧ୍ୟରାତ୍ରିରୁ ଅଟକିଯିବ ପୂରା ଓଡ଼ିଶା । ସମସ୍ତ ୩୦ ଜିଲ୍ଲାରେ ଲକ୍ ଡାଉନ୍ ଘୋଷଣା । ମାର୍ଚ୍ଚ ୨୯ ମଧ୍ୟରାତ୍ର ଯାଏଁ କଟକଣା ଲାଗୁ । ଖୋଲା ରହିବ ଜରୁରି ସେବା ଓ ଅତ୍ୟାବଶ୍ୟକ ସାମଗ୍ରୀ ଦୋକାନ ।
ଆଜି ମଧ୍ୟରାତ୍ରିରୁ ଅଟକିଯିବ ପୂରା ଓଡ଼ିଶା । ସମସ୍ତ ୩୦ ଜିଲ୍ଲା ଲକ୍ଡାଉନ୍ ଘୋଷଣା । ମାର୍ଚ୍ଚ ୨୯ ମଧ୍ୟରାତ୍ର ଯାଏଁ କଟକଣା ଲାଗୁ … ଖୋଲା ରହିବ ଜରୁରି ସେବା ଓ ଅତ୍ୟାବଶ୍ୟକ ସାମଗ୍ରୀ ଦୋକାନ ।
ନିୟମ ଉଲ୍ଲଘଂନକାରୀଙ୍କୁ କିଛି ଏଭଳି ଦଣ୍ଡ ଦେଲା ପୋଲିସ: ସୋସିଆଲ୍ ମିଡିଆରେ ଫଟୋ ଭାଇରାଲ୍
ହାଇଦ୍ରାବାଦ/ଉତ୍ତରପ୍ରଦେଶ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ବେଳେ ଏହାକୁ ବ୍ୟାପିବାକୁ ରୋକିବା ନେଇ ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପମାନ ଗ୍ରହଣ କରାଯାଉଛି । ଚୀନରେ କରୋନାକୁ ରୋକିବା ଲାଗି ଲକ୍ ଡାଉନ୍ ବ୍ୟବସ୍ଥା ଆପଣାଇଥିବା ବେଳେ ଏବେ ଅନ୍ୟ ଦେଶ ତଥା ରାଜ୍ୟରେ ମଧ୍ୟ ସମାନ ଷ୍ଟ୍ରାଟେଜିକୁ ଆପଣାଇଛନ୍ତି ।
ରାଜଧାନୀ ଦିଲ୍ଲୀ ସମେତ ଓଡ଼ିଶା ଭଳି ଅନ୍ୟ କିଛି ରାଜ୍ୟ ମଧ୍ୟ ଲକ୍ ଡାଉନ୍ ଘୋଷଣା କରିଛନ୍ତି । ହେଲେ କିଛି ଖାମଖିଆଲ ମନୋଭାବର ଲୋକେ ଏହାକୁ ହାଲୁକାରେ ନେଇଛନ୍ତି ଏବଂ ଅଯଥାରେ ଘରୁ ବାହାରକୁ ଆସୁଛନ୍ତି । ଯାହା ଦ୍ୱାର ସେମାନେ ନିଜ ପାଇଁ ଅନ୍ୟମାନଙ୍କ ପାଇଁ ବିପଦକୁ ଆମନ୍ତ୍ରଣ କରୁଛନ୍ତି । ଏଭଳି ଲୋକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେଇ ପ୍ରଧାନମନ୍ତ୍ରୀ ରାଜ୍ୟ ସରକାରମାନଙ୍କୁ ନିର୍ଦ୍ଦେଶ ଦେଇଛନ୍ତି । ଆଉ ଏହା ପରେ ଏଭଳି ନିୟମ ଉଲ୍ଲଘଂନକାରୀ ଗିରଫ ମଧ୍ୟ କରାଯାଉଛି । ଆଉ କିଛି ଜାଗାରେ ପୋଲିସ ଉଲ୍ଲଂଘନକାରୀଙ୍କୁ ଭିନ୍ନ ପ୍ରକାରରେ ଦଣ୍ଡିତ କରୁଛି ଯାହା ଏବେ ସୋସିଆଲ୍ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।
ନିମୟ ଉଲ୍ଲଘଂନକାରୀଙ୍କୁ ଜନ ସଚେତନତା କାର୍ଯ୍ୟରେ ଲଗାଇଛି ପୋଲିସ । ସରକାରଙ୍କ ପକ୍ଷରୁ ଲକ୍ ଡାଉନ୍ ଘୋଷଣା କରାଯିବା ପରେ ଅଯଥାରେ ଘରୁ ବାହାରି ଆସିଥିବା ଲୋକଙ୍କୁ ଭିନ୍ନ ଭାବରେ ଦଣ୍ଡିତ କରିଛି ହାଇଦ୍ରାବାଦ ପୋଲିସ । ସେମାନଙ୍କୁ ଛକ ଜାଗାରେ ପ୍ଳାକାର୍ଡ ଧରାଇ ଲୋକଙ୍କୁ ଜନ ସଚେତନତା କରାଉଛି ପୋଲିସ । ପ୍ଳାକାର୍ଡରେ ସ୍ୱଚ୍ଛତାରୁ ହିଁ ସୁରକ୍ଷାର ଆରମ୍ଭ , ମୁଁ ଲକ୍ ଡାଉନ୍କୁ ସମର୍ଥନ କରେ ଏବଂ ଅଯଥା ଘରୁ ନବାହାରିବାକୁ ବାର୍ତ୍ତା ଦିଆଯାଇଛି ।
ଅପରପକ୍ଷରେ ଉତ୍ତରପ୍ରଦେଶର ମଧ୍ୟ ସମାନ ଚିତ୍ର ଦେଖିବାକୁ ମିଳିଛି । ଜଣେ ନିୟମ ଉଲ୍ଲଂଘନକାରୀଙ୍କୁ ହାତରେ ପ୍ଳକାର୍ଡ ଧରାଇ ସର୍ବସମ୍ମୁଖରେ ଛିଡ଼ା କରାଇଛନ୍ତି । ଯେଉଁଥିରେ ‘ମୁଁ ସମାଜର ଶତ୍ରୁ, ମୁଁ ବିନା କାମରେ ବାହାରେ ବୁଲିବି ବୋଲି ଲେଖାଯାଇଛି ।
ହାଇଦ୍ରାବାଦ ଓ ଉତ୍ତରପ୍ରଦେଶ ପରେ ଓଡ଼ିଶା ପୋଲିସ ମଧ୍ୟ ସମାନ ପନ୍ଥା ଆପଣାଇଛି ।
ଘରେ ଲକଡାଉନରେ ରହି ମାନସିକ ଚାପରେ ଅଛନ୍ତି କି ? କରନ୍ତୁ ଏହି ସବୁ କାର୍ଯ୍ୟ
ପୂରା ବିଶ୍ୱରେ ବର୍ତ୍ତମାନ ସାଢେ ୩ଲକ୍ଷରୁ ଅଧିକ ଲୋକ କରୋନା ଭୂତାଣୁର ଶୀକାର ହୋଇଛନ୍ତି । ଭାରତରେ ମଧ୍ୟ କରୋନା ସଂକ୍ରମଣ ବଢି ୫ଶହ ଟପିଛି । ଏହି ଭୂତାଣୁ ଡରରେ ସବୁ ସ୍କୁଲ, କଲେଜ ଏବଂ ବିଭିନ୍ନ କାର୍ଯ୍ୟାନୁଷ୍ଠନ ବନ୍ଦ ହୋଇଯାଇଛି । ସରକାର ଲକ୍ ଡାଉନରେ ରହିବାକୁ ନିର୍ଦ୍ଦେଶ ମଧ୍ୟ ଦେଇଛନ୍ତି । ଯାହା ଫଳରେ ଜନସାଧାରଣ ଘରେ ରହିବାକୁ ବାଧ୍ୟ ହୋଇଛନ୍ତି । ତେବେ ସବୁ ବେଳେ ଘରେ ରହିବା କାରଣରୁ କେତେ ଲୋକଙ୍କଠାରେ ମାନସିକ ଚାପର ସମସ୍ୟା ବଢିବାର ସମ୍ଭାବନା ରହିଛି । ତେବେ ଏହି ସମସ୍ୟାକୁ ଦୂର କରିବାକୁ ଆସନ୍ତୁ ଜାଣିବା କିଛି ଟିପ୍ସ୍
- ଯଦି ଆପଣ ଘରେ ରହି ବୋର ହେଉଛନ୍ତି କିମ୍ବା ଆପଣ ଷ୍ଟ୍ରେସରେ ରହୁଛନ୍ତି ତେବେ ଆପଣ ମ୍ୟୁଜିକ୍ ଶୁଣି ପାରିବେ, କୌଣସି ବହି ପଢିପାରିବେ କିମ୍ବା ଚିତ୍ର ମଧ୍ୟ ଆଙ୍କିପାରିବେ ।
- ସକାଳ ସମୟରେ ଚାଲନ୍ତୁ ବା ମର୍ଣ୍ଣିଂ ୱାକ କରନ୍ତୁ । ଖୋଲା ପବନରେ ବିଚରଣ କରିବା ଦ୍ୱାରା ଆପଣଙ୍କ ମାନସିକ ଅବସ୍ଥା ସ୍ଥିର ରହିବ ।
- ଘରେ ଏକା ରହୁଥିଲେ ଆପଣ ଆପଣଙ୍କ ସାଙ୍ଗମାନଙ୍କ ସହ ଭିଡ଼ିଓ କନଫରେନ୍ସିଂ ଜରିଆରେ କଥା ହୋଇପାରିବେ । ଯାହା ଆପଣଙ୍କ ମୁଡ୍ କୁ ଭଲ ରଖିବ ।
- ଏହାସହ ଆପଣ ଖାଲି ସମୟରେ ବ୍ୟାୟମ କରିପାରିବେ । ଯାହା ଆପଣଙ୍କୁ ସୁସ୍ଥ ରଖିବାରେ ସାହାଯ୍ୟ କରିବ ।
- କୁହାଯାଏ କି ଆପଣ ଯେଉଁପ୍ରକାର ଖାଦ୍ୟ ଖାଇବେ ଆପଣଙ୍କ ସ୍ୱଭାବ ମଧ୍ୟ ସେହି ପ୍ରକାର ହେବ । ତେଣୁ ଆପଣ ସବୁ ବେଳେ ସୁସ୍ଥ ଖାଦ୍ୟ ଖାଆନ୍ତୁ ।
- ବ୍ୟସ୍ତ ବହୁଳ ଜୀବନରେ ଆମେ ଦେହକୁ ରେଷ୍ଟ୍ ଦେବାରେ ହେଳା କରିଥାଉ । ଏବଂ ଯେତେ ନିଦ ଲାଗୁଥିଲେ ବି ଆମେ ଅଧା ନିଦରୁ ଉଠି କାର୍ଯ୍ୟସ୍ଥଳକୁ ବାହାରି ଯାଇଥାଉ ଯାହା ଫଳରେ ଆମେ ବହୁ ପ୍ରକାର ଶାରୀରିକ ଓ ମାନସିକ ରୋଗର ଶୀକାର ହେଉ । ତେବେ ଏହି ସମୟରେ ଆପଣ ଆପଣଙ୍କୁ ନିଦ ପୂରା କରିପାରିବେ ।
ଜାଣନ୍ତୁ ଜଣେ ମହିଳାଙ୍କ ପାଇଁ କେମିତି ୫ହଜାର ଲୋକ ହେଲେ କରୋନା ସଂକ୍ରମିତ ? ଏଇଥିପାଇଁ ଜରୁରୀ ଲକଡାଉନ୍
କରୋନା ଏବେ ସାରାଦୁନିଆରେ ଏକପ୍ରକାର ହା..ହା..କାର ସୃଷ୍ଟି କରିଛି । କରୋନା ଭୂତାଣୁ ସମଗ୍ର ବିଶ୍ୱକୁ ଏବେ ଡରେଇ ରଖିଛି । ଏନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନା ଭୂତାଣୁ ସଂକ୍ରମଣକୁ ଏକ ଆନ୍ତର୍ଜାତୀୟ ମହାମାରୀ ଘୋଷଣା ମଧ୍ୟ କରିଛନ୍ତି । ଏହି ରୋଗ ଯୋଗୁଁ ବର୍ତ୍ତମାନ ପର୍ଯ୍ୟନ୍ତ ହଜାର ହଜାର ଲୋକ ପ୍ରାଣ ହରାଇଛନ୍ତି। ଏହି ବିପଦଜନକ ରୋଗର ପ୍ରସାରକୁ ରୋକିବା ପାଇଁ ସରକାର ବିଭିନ୍ନ ପ୍ରକାର ପଦକ୍ଷେପ ମଧ୍ୟ ନେଉଛନ୍ତି । କିଛି ଲୋକଙ୍କ ଅବହେଳା ହେତୁ ଏହି ରୋଗ ବଢିବାରେ ଲାଗିଛି । ଦକ୍ଷିଣ କୋରିଆରେ ଏଭଳି ଏକ ମାମଲା ସାମ୍ନାକୁ ଆସିଛି। ଏଠାରେ ଜଣେ ମହିଳାଙ୍କ ଯୋଗୁଁ ହଜାର ହଜାର ଲୋକ କରୋନା ସଂକ୍ରମିତ ହୋଇଛନ୍ତି ।
କରୋନା ଭୂତାଣୁ ଅନୁସନ୍ଧାନ କରୁଥିବା ଦକ୍ଷିଣ କୋରିଆର ବୈଜ୍ଞାନିକମାନେ ଏମିତି ଏକ ତଥ୍ୟ ସାମ୍ନାକୁ ଆଣିଛନ୍ତି କିଭିଳି ଜଣେ ମହିଳାଙ୍କ ଅବହେଳା ହେତୁ ତାଙ୍କ ଦେଶର ହଜାର ହଜାର ଲୋକ କରୋନା ଜୀବାଣୁ ସଂକ୍ରମିତ ହୋଇଛନ୍ତି।
ସଂକ୍ରମିତ ମହିଳା ସକାଳେ ପ୍ରାର୍ଥନା କରିବା ପାଇଁ ଦକ୍ଷିଣ କୋରିଆର ସୋଞ୍ଚୋଜି ଚର୍ଚ୍ଚକୁ ଯାଇଥିଲେ। ତା’ପରେ ସେଠାରେ ଥିବା ୧୨୦୦ ଲୋକଙ୍କ ଦେହରେ କରୋନା ସଂକ୍ରମଣ ହୋଇଥିବା ଜଣାପଡିଥିଲା । ଏହା ପରେ ଫେବ୍ରୁଆରୀ ୬ରେ ଏକ ଛୋଟ ଦୁର୍ଘଟଣା ପରେ ମହିଳା ଜଣକ ଡାକ୍ତରଖାନାରେ ପହଞ୍ଚିଥିଲେ। ମହିଳା ଜଣଙ୍କ ସାମାନ୍ୟ ଜ୍ୱର ହୋଇଥିବା ବେଳେ ତାଙ୍କୁ ଅଣଦେଖା କରାଯାଇଥିଲା। ଏହା ପରେ ୧୧୯ ଜଣ ସେହି ଡାକ୍ତରଖାନାରୁ କରୋନା ସଂକ୍ରମଣ ହୋଇଥିବା ଜଣାପଡ଼ିଥିଲା ।
ତେବେ ଏହି ସଂକ୍ରମଣ ଏଠରେ ବନ୍ଦ ହୋଇନଥିଲା । ଫେବୃଆରୀ ୧୪ ରେ, ଭାଲେଣ୍ଟାଇନ୍ସ ଦିନ, ଏହି ମହିଳା କ୍ୱିନ୍ ଭେଲ ହୋଟେଲରେ ଖାଇବାକୁ ଯାଇଥିଲେ । ସେଠାରେ ମଧ୍ୟ ବହୁତ ଲୋକ ତାଙ୍କ ସଂଷ୍ପର୍ଶରେ ଆସିଥିଲେ ସେମାନେ ମଧ୍ୟ କରୋନା ସଂକ୍ରମଣର ଶୀକାର ହୋଇଥିଲେ । ଏମିତି ଧିରେ ଧିରେ କେହି ଜାଣିବା ଆଗରୁ ଏହି ଭୂତାଣୁ ସାରା ଦକ୍ଷିଣ କୋରିଆରେ ବ୍ୟାପିଯାଇଥିଲା ।
ଦକ୍ଷିଣ କୋରିଆର ରାଜଧାନୀ ସିଓଲର ଏହି ମହିଳାଙ୍କ ପାଇଁ ୫ହଜାର ଲୋକ ସଂକ୍ରମିତ ହୋଇଥିଲେ । ତେବେ ଏହି ରୋଗକୁ ଠିକ୍ ସମୟରେ ମହିଳାଙ୍କଠାରେ ଚିହ୍ନଟ କରାଯାଇପାରିଲା ନାହିଁ, ଯେଉଁଥିପାଇଁ ସେ ସାଧାରଣ ଲୋକଙ୍କ ମଧ୍ୟରେ ବୁଲିଥିଲେ । ଏବେ ଅଜାଣତରେ ସମସ୍ତଙ୍କୁ ଏହି ଭୟଙ୍କର ରୋଗକୁ ବାଣ୍ଟିଥିଲେ । ଯାହା ଫଳରେ ଜଣେ ମହିଳାଙ୍କ ପାଇଁ ଆଜି ୫ହଜାର ଲୋକଙ୍କ ଜୀବନ ସଙ୍କଟରେ । କେବଳ ଏତିକି ନୁହେଁ, ତାଙ୍କ ସଂସ୍ପର୍ଶରେ ଆସି ଅନେକ କରୋନା ସଂକ୍ରମିତ ଲୋକ ପ୍ରାଣ ହରାଇଛନ୍ତି।
ଯେତେବେଳେ ସଂକ୍ରମିତ ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଗଲା, ସେଠାରେ ମଧ୍ୟ କେତେ ଲୋକ ଏହି ସଂକ୍ରମଣର ଶୀକାର ହେଲେ । ଏବଂ ଲୋକଙ୍କର ମୃତ୍ୟୁ ହେଲା। ସିଓଲ ମେଟ୍ରୋପାଲିଟନ ସରକାର ଏହି ମହିଳାଙ୍କ ବିରୋଧରେ ବିନା ଉଦ୍ଦେଷ୍ୟରେ ହତ୍ୟା ଅଭିଯୋଗ ଆଣିଛନ୍ତି । ଏହାସହ ଲୋକଙ୍କୁ ଅଧିକରୁ ଅଧିକ ନିଜ ଘରେ ରହିବାକୁ ପରାମର୍ଶ ଦେଇଛନ୍ତି ।
ବିଧାନସଭାରେ ସଂଖ୍ୟା ଗରିଷ୍ଠତାର ପ୍ରମାଣ ଦେଲେ ଶିବରାଜ : କରୋନା ମୁକାବିଲା ନେଇ ଅଧିକାରୀଙ୍କ ସହ କଲେ ଆଲୋଚନା
ଭୋପାଳ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀଭାବେ ୪ର୍ଥ ଥର ପାଇଁ ଶପଥଗ୍ରହଣ କରିଛନ୍ତି ଶିବରାଜ ସିଂହ ଚୈହାନ । ମଙ୍ଗଳବାର ବିଧାନସଭାରେ ଆସ୍ଥା ଭୋଟରେ ବିଜୟୀ ହୋଇଛନ୍ତି । ସୋମବାର ବିଳମ୍ୱିତ ରାତିରେ ଶପଥ ନେଇଥିଲେ ଶିବାରଜ ସିଂହ ଚୈହାନ । ବିଧାନସଭାରେ ବହୁମତ ସାବ୍ୟସ୍ତ କରିବା ନେଇ ୧୦୪ ସଂଖ୍ୟା ଆବଶ୍ୟକ ଥିବାବଳେ ୧୧୨ ଜଣ ବିଧାୟକଙ୍କ ସମର୍ଥନ ଦେଖେଇଥିଲା । ପୂବରୁ ୨୨ ଜଣ ବିଧାୟକଙ୍କ ଇସ୍ତଫା ପରେ ସଂଖ୍ୟା ଗରିଷ୍ଠତା ହରାଇଥିଲା କଂଗ୍ରେସ । ଏବଂ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ କମଳନାଥ । ବିଧାନସଭାରେ ଶିବରାଜ ସରକାରଙ୍କୁ ମୋଟ ୧୧୨ ବିଧାୟକଙ୍କ ସମର୍ଥନ ମିଳିଛି । ବିଜେପିର ୧୦୭ ବିଧାୟକଙ୍କ ସହିତ ଏସ୍ପି, ବିଏସ୍ପି ଏବଂ ନିର୍ଦଳୀୟ ବିଧାୟକ ମଧ୍ୟ ବିଜେପିକୁ ସମର୍ଥନ କରିଛନ୍ତି । ସୂଚନା ଯୋଗ୍ୟ ଯେ, ସୋମବାର ଶପଥଗ୍ରହଣ ପରେ ଶିବରାଜଙ୍କ ପକ୍ଷରୁ ବିଧାନସଭାର ସ୍ୱତନ୍ତ୍ର ଅଧିବେଶନ ଡକାଯାଇଛି । ଯାହା ୨୭ ମାର୍ଚ୍ଚ ଯାଏଁ ଚାଲିବ । ମଧ୍ୟପ୍ରଦେଶ ମୁଖ୍ୟମନ୍ତ୍ରୀଭାବେ କାର୍ଯ୍ୟଭାର ଗ୍ରହଣ କରିବା ପରେ ଆକ୍ସନ ମୋଡରେ ଶିବରାଜ ସିଂହ ଚୈହାନ । କରୋନା ଭାଇରସ ମୁକାବିଲା ନେଇ ରାଜ୍ୟର ବରିଷ୍ଠ ଅଧିକାରୀ ଓ କେନ୍ଦ୍ର ସରକାରଙ୍କ ଅଧିକାରୀଙ୍କ ସହ ଜରୁରୀକାଳୀନ ବୈଠକ କରିବା ସହ ଏହାର ମୁକାବିଲା ନେଇ ଆବଶ୍ୟକ ପଦକ୍ଷେପ ଗ୍ରହଣ ଲାଗି ନିର୍ଦ୍ଦେଶ ଦେଇଛନ୍ତି । ତେବେ ଶପଥ ଗ୍ରହଣ ପରେ ନିଜ କାର୍ଯ୍ୟାଳୟରେ ପହଞ୍ଚି ପୂଜାର୍ଚ୍ଚନା ମଧ୍ୟ କରିଥିଲେ ।
ଏଭଳି ପରିସ୍ଥିତିରେ ସହଯୋଗର ହାତ ବଢାଇଲେ ଥାନା ଅଧିକାରୀ
କଟକ: ଲକ୍ ଡାଉନର ତୃତୀୟ ଦିନରେ ବିଭିନ୍ନ ସ୍ଥାନରେ ନାକାବନ୍ଦୀ ପରିସ୍ଥିତି । ଫଳରେ କଟକରେ ଆଜି ବସ୍ ଓ ଟ୍ରେନ୍ ବନ୍ଦ ହେବା ପରେ କିଛି ସ୍ଥାନରେ ମହିଳା ଓ ରୋଗୀ ସମସ୍ୟାରେ ପଡ଼ିଛନ୍ତି । ରୋଗର ଉପଚାର ପାଇଁ ଆସିଥିବା ବେଳେ ଫେରିବାକୁ କୌଣସି ସୁବିଧା ହୋଇପାରି ନଥିଲା । ଲକ୍ ଡାଉନ କାରଣରୁ ଗମନାଗମନର ସେବା ଠପ୍ ହୋଇଯାଇଛି ।
ଫଳରେ ରୋଗୀମାନେ ଘରକୁ ଫେରିବା କଷ୍ଟକର ହୋଇପଡ଼ିଛି । ଠିକ୍ ଏମିତି ଏକ ଘଟଣା ଦେଖିବାକୁ ମିଳିଛି କଟକରେ । ଅନୁଗୁଳର ଜଣେ ମହିଳା ଚିକିତ୍ସା ପାଇଁ ଆସିଥିବା ବେଳେ ଫସିଯାଇଥିଲେ ଲକ୍ ଡାଉନର ଜାଲରେ ।
ଏଭଳି ସ୍ଥିତିରେ ଅନୁଗୁଳ ଯିବାକୁ ମହିଳାଙ୍କ ପାଖରେ ପଇସା ନଥିଲା । ପିଲାଙ୍କୁ ଧରି କୁଆଡ଼େ ଯିବେ ଭାବି ପାରିନଥିଲେ ମହିଳା ଜଣଙ୍କ । ତେବେ ଏହି ସମୟରେ ସହାୟତାର ହାତ ବଢାଇଥିଲେ ବାଦାମବାଡି ଥାନା ଅଧିକାରୀ । ସ୍ୱତନ୍ତ୍ର ଗାଡ଼ି କରି ମହିଳା ଓ ତାଙ୍କ ପିଲାମାନଙ୍କୁ ଅନୁଗୁଳ ପଠାଇଥିଲେ । ଥାନା ଅଧିକାରୀଙ୍କ ଏଭଳି କାର୍ଯ୍ୟକୁ ସବୁ ମହଲେ ଚର୍ଚ୍ଚା ବିଷୟ ପାଲଟିଛି ।
ଆଜି ମଧ୍ୟରାତ୍ରୀରୁ ୨୯ ମାର୍ଚ୍ଚ ମଧ୍ୟରାତ୍ରୀ ଯାଏଁ ୩୦ ଜିଲ୍ଲା ଲକ୍ ଡାଉନ୍
ଭୁବନେଶ୍ୱର: ନକ୍ ଡାଉନ୍ ପାଇଁ ଲକ୍ ଡାଉନ୍ । ସାରା ଓଡ଼ିଶାକୁ ଲକ୍ ଡାଉନ୍ ଘୋଷଣା କଲେ କରୋନା ମୁକାବିଲା କମିଟିର ମୁଖ୍ୟ ମୁଖପାତ୍ର ସୁବ୍ରତ ବାଗଚୀ । ଆଜି ମଧ୍ୟରାତ୍ରିରୁ ସାରା ଓଡ଼ିଶା ଲକ୍ ଡାଉନ୍ । ୨୯ ମାର୍ଚ୍ଚ ମଧ୍ୟରାତ୍ରୀ ଯାଏଁ ବଳବତ୍ତର ରହିବ ଲକ୍ ଡାଉନ୍ ।
https://www.facebook.com/nandighoshatv/videos/218988032505254/
ଅତ୍ୟାବଶ୍ୟକୀୟ ସମାଗ୍ରୀ ଦୋକାନ ଖୋଲା ରହିବ । ପ୍ରଥମେ ୫ ଜିଲ୍ଲା ଓ ୮ ସହରକୁ ଲକ୍ ଡାଉନ ଘୋଷଣା କରିଥିଲେ ରାଜ୍ୟ ସରକାର । ସମ୍ପୃକ୍ତ ଜିଲ୍ଲାଗୁଡ଼ିକୁ ବାହାର ରାଜ୍ୟ ତଥା ଦେଶରୁ ଅଧିକ ସଂଖ୍ୟାରେ ଲୋକେ ଆସିଥିବାରୁ ଏଭଳି ପଦକ୍ଷେପ ନିଆଯାଇଥିଲା । ପରେ ଅର୍ଥାତ ସୋମବାର ପାଖାପାଖି ଅଧା ଓଡ଼ିଶାକୁ ଲକ୍ ଡାଉନ ଘୋଷଣା କରିଥିଲେ ରାଜ୍ୟ ସରକାର ।
ତେବେ ଆଜି ଅନ୍ୟ ସମସ୍ତ ଜିଲ୍ଲାକୁ ଲକ୍ ଡାଉନ୍ ଘୋଷଣା କରିଛନ୍ତି । ତେବେ ପୂର୍ବଭଳି ଲକ୍ ଡାଉନ୍ ସମୟରେ ସମସ୍ତ ଜରୁରୀସେବା ପ୍ରଦାନକାରୀ କାର୍ଯ୍ୟାଳୟ ଖୋଲା ରହିବ ଏବଂ ସମ୍ପୃକ ସଂସ୍ଥାର କର୍ମଚାରୀ ଯିବାଆସିବା ପରିପାରିବେ । ଅତ୍ୟାବଶ୍ୟକୀୟ ସାମଗ୍ରୀ ଦୋକାନ ମଧ୍ୟ ଖୋଲା ରହିବ । କ୍ଷୀର ଦୋକାନ ଖୋଲା ରହିବ କିନ୍ତୁ ସେଠାରେ ଚା’ କିମ୍ୱା କଫି ବିକ୍ରି କରାଯାଇପାରିବ ନାହିଁ । ମାଛ,ମାସଂ ଓ ପରିବା ଦୋକାନ, ବ୍ୟାଙ୍କ, ଏଟିଏମ୍ ସ୍ୱାଭାବିକଭାବେ କାର୍ଯ୍ୟ କରିବ । କିନ୍ତୁ ୧୦% କର୍ମଚାରୀଙ୍କୁ ନେଇ କାମ କରିବ ବ୍ୟାଙ୍କ ।
ଚର୍ଚ୍ଚିତ ଅଭିନେତା ଇମ୍ରାନ ହାସ୍ମିଙ୍କ ଆଜି ଜନ୍ମଦିନ
ବଲିଉଡର ଜଣେ ଚର୍ଚ୍ଚିତ ଅଭିନେତା ଇମ୍ରାନ ହାସ୍ମି। ସେ 24ମାର୍ଚ୍ଚ 1976 ମସିହାରେ ମୁମ୍ୱାଇରେ ଜନ୍ମଗ୍ରହଣ କରିଥିଲେ। ସେ ମୁମ୍ୱାଇର ଜମନାବାଇ ନାରସୀ ସ୍କୁଲରୁ ପାଠପଢା ଆରମ୍ଭ କରିଥିଲେ।
ଏହାପରେ ମୁମ୍ୱାଇ ୟୁନିଭର୍ସିଟିରୁ ନିଜର ବ୍ୟାଚଲର ଡିଗ୍ରୀ ସମାପ୍ତ କରିଥିଲେ। ସେ ଫିଲ୍ମ ଜଗତରେ 2002ରେ ରିଲିଜ୍ ହୋଇଥିବା ହରର ଫିଲ୍ମ ରାଜ୍ରେ ଆସିଷ୍ଟାଣ୍ଟ ଡାଇରେକ୍ଟର ଭାବେ ନିଜ କ୍ୟାରିୟର ଆରମ୍ଭ କରିଥିଲେ। ଏହା ପରେ ୨୦୦୪ରେ ରିଲିଜ୍ ହୋଇଥିବା ମର୍ଡର ଫିଲ୍ମରେ ମୁଖ୍ୟ ଅଭିନେତା ଭାବେ ଅଭିନୟ କରି ବେଶ ଲୋକପ୍ରିୟ ହୋଇପାରିଥିଲେ।
ଏହା ଛଡା ଜେହେର, ଆଓ୍ୱାରାପନ୍,ଜନତ, ଓ୍ୱାନ୍ସ ଅପନ ଟାଇମ ଇନ୍ ମୁମ୍ୱାଇ, ଦ ଡାର୍ଟି ପିକଚର, ମର୍ଡର୨ ଏବଂ ରାଜ-୩ ଭଳି ଅନେକ ଫିଲ୍ମରେ ଅଭିନୟ କରି ବେଶ ସଫଳତା ହାସଲ କରିପାରିଛନ୍ତି। ବଲିଉଡର ଏହି ପ୍ରତିଭାଶାଳୀ ଅଭିନେତାଙ୍କୁ ଆଜି ତାଙ୍କ ଜନ୍ମ ଦିନରେ ନନ୍ଦିଘୋଷ ଟିଭି ପରିବାର ତରଫରୁ ଅନେକ ଅନେକ ଶୁଭେଚ୍ଛା।