ଇରାନର ତେହେରାନରେ ବିମାନ ଦୁର୍ଘଟଣା । ୧୮୦ ଜଣ ଯାତ୍ରୀ ବିମାନରେ ଯାତ୍ରା କରୁଥିଲେ । ବୋଇଂ ୭୩୭ ଦୁର୍ଘଟଣାର ଶିକାର ହୋଇଛି । ଯାନ୍ତ୍ରୀକ ତ୍ରୁଟି ଯୋଗୁଁ ବିମାନ ଦୁର୍ଘଟଣାଗ୍ରସ୍ତ ହୋଇଛି । ତେହେରାନର ଇମାମ ଖୋମେଇମ ଏହାରପୋର୍ଟରୁ ଉଡ଼ାଣ ଆରମ୍ଭ କରିଥିଲା ।
ତେହେରାନ ବିମାନ ବନ୍ଦର ନିକଟରେ ବିମାନଟି ଉଡାଣ ଆରମ୍ଭ ହେବା କ୍ଷଣି କ୍ରାସ ହୋଇଥିବା ଜଣାପଡିଛି ।
ବର୍ତମାନ ସୁଧା କ୍ଷୟକ୍ଷତି ସମ୍ପର୍କରେ କିଛି ଜଣା ପଡିନାହିଁ ।
ନୂଆଦିଲ୍ଲୀ: ଆଜି ସୁପ୍ରିମକୋର୍ଟରେ ପୁରୀ ଶ୍ରୀମନ୍ଦିର ସଂସ୍କାର ମାମଲା ଶୁଣାଣି ହେବ। ପ୍ରଧାନ ବିଚାରପତି ଜଷ୍ଟିସ ଏସ୍ଏ ବୋବଡେ, ଜଷ୍ଟିସ ବିଆର ଗଭାଇ ଓ ଜଷ୍ଟିସ ସୂର୍ଯ୍ୟକାନ୍ତଙ୍କୁ ନେଇ ଗଠିତ ୩ ଜଣିଆ ଖଣ୍ଡପୀଠ ମାମଲାର ଶୁଣାଣି କରିବେ। ଶୁଣାଣି ପୂର୍ବରୁ ଶ୍ରୀମନ୍ଦିର ପ୍ରଶାସନ ଓ ରାଜ୍ୟ ସରକାର ଆକ୍ସନ ଟେକେନ୍ ରିପୋର୍ଟ କୋର୍ଟକୁ ପ୍ରଦାନ କରିଛନ୍ତି।
ଗତବର୍ଷ ନଭେମ୍ବର ୪ ତାରିଖ ଦିନ ସୁପ୍ରିମକୋର୍ଟ ନିଜର ଅନ୍ତରୀଣ ରାୟରେ ଯେଉଁ ୨୨ଟି ପ୍ରସ୍ତାବ ଦେଇଥିଲେ ସେଗୁଡିକର କାର୍ଯ୍ୟକାରିତା ନେଇ ରିପୋର୍ଟରେ ଉଲ୍ଲେଖ ରହିଛି ।
ମନ୍ଦିର ପରିଚାଳନା ନେଇ ପୂର୍ଣ୍ଣକାଳୀନ ପ୍ରଶାସକ, ସେବାୟତଙ୍କ ପିଲାଙ୍କ ପାଇଁ ଗୁରୁକୁଳ ଢାଞ୍ଚାରେ ଶିକ୍ଷାନୁଷ୍ଠାନ ପ୍ରତିଷ୍ଠା, ରୋଷଘର ତଥା ଆନନ୍ଦବଜାର ପରିଚ୍ଛନ୍ନତା, ୬୦ହଜାର ଭକ୍ତଙ୍କ ରହିବା ଭଳି ଭକ୍ତ ନିବାସ ପ୍ରତିଷ୍ଠା, ଶ୍ରୀମନ୍ଦିର ଜମିଜମା ରେକର୍ଡର ହିସାବ ପ୍ରଭୂତି ନେଇ କଣ ରିପୋର୍ଟ ଦିଆଯାଇଛି ଓ ଏନେଇ ଖଣ୍ଡପୀଠ କଣ ଶୁଣାଣି କରିବେ ତା ଉପରେ ନଜର ରହିଛି।
ଭୁବନେଶ୍ୱର: ଆଜି ଅଖ ଚକ ବନ୍ଦ ସବୁ ବନ୍ଦ । ଭାରତ ବନ୍ଦ ପ୍ରଭାବରେ ଦୋକାନ ବଜାର ଠାରୁ ଗାଡ଼ି ଚଳାଚଳ ସବୁ ବନ୍ଦ ଦେଖିବାକୁ ମିଳିଛି । ଯାହାକୁ ନେଇ ଯାତ୍ରୀ ମାନେ ବହୁତ ଅସୁବିଧାର ସମ୍ମୁଖିନ ହୋଇଛନ୍ତି । ଏହି ୨୪ ଘଣ୍ଟିଆ ଭାରତ ବନ୍ଦ ଡାକରା ଦେଇଛି କେନ୍ଦ୍ରୀୟ ଟ୍ରେଡ୍ ୟୁନିୟନ ଓ ସ୍ୱାଧୀନ ଫେଡେରେସନ ମିଳିତ ମଞ୍ଚ ।
ଦେଶର ଆର୍ଥିକ ମାନ୍ଦାବସ୍ଥା ସହ ଅନ୍ୟ ସମସ୍ୟା ବିରୋଧରେ ଏହି ଆନ୍ଦୋଳନକୁ ପାଞ୍ଚଟି ବାମଦଳ, କଂଗ୍ରେସ ଓ ସମାଜବାଦୀ ପାର୍ଟି ସମେତ ବିଭିନ୍ନ ଟ୍ରେଡ୍ ୟୁନିୟନ ସମର୍ଥନ କରିଛନ୍ତି । ବାମପନ୍ଥୀ ଦଳ, ସମାଜବାଦୀ ପାର୍ଟି ଓ କଂଗ୍ରେସ ମଧ୍ୟ ବନ୍ଦ ଡାକରାକୁ ସମର୍ଥନ କରିଛି । ବ୍ୟାଙ୍କ, ଇନସ୍ୟୁରାନସ୍ କଂପାନୀ, ରେଳବାଇ, ରାଷ୍ଟ୍ର।ୟତ୍ତ ଉଦ୍ୟୋଗ ଆଗରେ ପିକେଟିଂ କରାଯାଉଛି ।
ବନ୍ଦର ପ୍ରଭାବ ବିଭିନ୍ନ ଜିଲ୍ଲାରେ ଦେଖିବାକୁ ମିଳିଛି । ରାଉରକେଲା, ଭଦ୍ରକ, ଗଞ୍ଜାମ, ଖୋର୍ଦ୍ଧା, ଭଳି ବିଭିନ୍ନ ଜିଲ୍ଲାରେ ପ୍ରଭାବ ଦେଖିବାକୁ ମିଳିଛି । ଜରୁରୀକାଳୀନ ସେବା, ଓମଫେଡ୍ ଗାଡ଼ି, ପରୀକ୍ଷାର୍ଥୀଙ୍କୁ ଏହି ଆନ୍ଦୋଳନରୁ ବାଦ୍ ଦିଆଯାଇଛି । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ସମସ୍ତ ସ୍କୁଲ କଲେଜକୁ ଛୁଟି ଘୋଷଣା କରିଛନ୍ତି ।
ଭୁବନେଶ୍ୱର: ପାଗ ଖେଳୁଛି ଲୁଚକାଳି । ୩ ଦିନର ଲଗାଣ ବର୍ଷା ପରେ କୋହଲା ପାଗ । ପୁଣି କାଲିଠୁ ବର୍ଷା । ଘୂର୍ଣ୍ଣି ବଳୟ ପ୍ରଭାବରେ କାଲିଠୁ ବର୍ଷା ହୋଇପାରେ । ୧୨ ଜିଲ୍ଲାରେ ବର୍ଷା ହେବାନେଇ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ କରିଛି । ନୂଆପଡ଼ା, ବଲାଙ୍ଗିର, ବରଗଡ଼, ଝାରସୁଗୁଡ଼ା, ସୁନ୍ଦରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, କେନ୍ଦୁଝର, ମୟୂରଭଞ୍ଜ, ନୂଆପଡ଼ା, କଳାହାଣ୍ଡି ଜିଲ୍ଲାର କେତକ ସ୍ଥାନରେ ହାଲୁକାରୁ ମଧ୍ୟମ ଧରଣ ବର୍ଷା ହୋଇପାରେ ।
ଏହି ସବୁ ଜିଲ୍ଲାର ଚାଷୀମାନେ ସେମାନଙ୍କ ଅମଳ ଧାନ ଓ ଶସ୍ୟ ସୁରକ୍ଷିତ ରଖିବାକୁ ପରାମର୍ଶ ଦିଆଯାଇଛି । ୧୦ ତାରିଖ ବେଳକୁ ପାଗରେ ସାମାନ୍ୟ ପରିବର୍ତ୍ତନ ଆସିବ । କିଛି ସ୍ଥାନରେ ଅଳ୍ପ ବର୍ଷା ହେବାକୁ ଥିବାବେଳେ ଆଉ କିଛି ସ୍ଥାନରେ ଘନ କୁହୁଡ଼ିର ଆସ୍ତରଣ ଦେଖିବାକୁ ମିଳିବ । ବର୍ଷା ୧୦ ତାରିଖ ବେଳକୁ ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବରଗଡ଼, ସୋନପୁର, ଦେବଗଡ଼ ଆଉ ଅନୁଗୁଳରେ ଘନ କୁହୁଡ଼ି ହେବ ବୋଲି ସୂଚନା ମିଳିଛି ।
୧୧ ତାରିଖ ବେଳକୁ ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ଅନୁଗୁଳ, ଢେଙ୍କାନାଳ, ବାଲେଶ୍ୱର, ଯାଜପୁର, କଟକ, ଭଦ୍ରକ, ଖୋର୍ଦ୍ଧା, ପୁରୀ ଆଉ କନ୍ଧମାଳରେ ଘନ କୁହୁଡ଼ି ଆଶଙ୍କା ରହିଛି । ଘନ କୁହୁଡ଼ି ଆଶଙ୍କା ଥିବା ସମସ୍ତ ଜିଲ୍ଲା ପାଇଁ ୱେଲୋ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର ।
ପଶ୍ଚିମା ପବନ ପ୍ରଭାବରେ ସାରା ରାଜ୍ୟରେ ବର୍ଷା, ୭ଟି ଜିଲ୍ଲାକୁ ୟେଲୋ ଆଲର୍ଟ
ଭାରତ ବନ୍ଦ ପାଇଁ ଆସନ୍ତାକାଲି ବନ୍ଦ ରହିବ ସ୍କୁଲ । ଭଦ୍ରକ, ଖୋର୍ଦ୍ଧା, କୋରାପୁଟ, ଜଗତସିଂହପୁର, କନ୍ଧମାଳ ଜିଲ୍ଲାରେ ସ୍କୁଲ ଛୁଟି ନେଇ ସମ୍ପୃକ୍ତ ଜିଲ୍ଲାପାଳଙ୍କ ସୂଚନା ।
ଭୁବନେଶ୍ୱର: ଭିଜିଲାନ୍ସ ଖୋଲିଲା ଗିରଫ ଆଇଏଏସ୍ ଅଫିସର ବିଜୟ କେତନ ଉପାଧ୍ୟାୟଙ୍କ କେଳେଙ୍କାରୀର ପେଡ଼ି । ଏହା ସହ ବିଜୟଙ୍କ ସ୍କାମ୍ରେ ମଧ୍ୟସ୍ଥି ସାଜିଥିବା ୟେସ୍ ବ୍ୟାଙ୍କର ଅଫିସର ସନ୍ତୋଷ ପଟ୍ଟନାୟକଙ୍କ କଳାକାରନାମାକୁ ମଧ୍ୟ ସାମ୍ନାକୁ ଆଣିଛି ଭିଜିଲାନ୍ସ । କେମିତି ନେଉଥିଲେ ୧ଲକ୍ଷ ଟଙ୍କାର ଲାଞ୍ଚ । ତାର ଠୋସ୍ ପ୍ରମାଣ ଲାଗିଛି ଭିଜିଲାନ୍ସ ହାତରେ । ବିଜୟ କେତନଙ୍କ ବ୍ୟାଙ୍କ ଆକାଉଣ୍ଟରୁ ମିଳିଛି ସାଂଘାତିକ ତଥ୍ୟ ।
୨୦୧୨ରୁ ୨୦୧୯ ଭିତରେ ତିନିଟି ବ୍ୟାଙ୍କ ଖାତାରେ ଜମା ହୋଇଛି ୭୦ଲକ୍ଷ ଟଙ୍କା । ଉଭୟ କାଉଣ୍ଟର ଓ କ୍ୟାସ୍ ମେସିନ୍ ଜରିଆରେ ଏହି ଟଙ୍କା ଜମା ହୋଇଛି । ଏହି ଟଙ୍କା ଭିତରେ କେବଳ ଉଦ୍ୟାନ କୃଷି ବିଭାଗ ନିର୍ଦ୍ଦେଶକ ଥିବା ବେଳେ ଜମା ହୋଇଛି ୨୨ ଲକ୍ଷ । ଗୋଟିଏ ଦିନରେ ଏକାଧିକ ଥର ମଧ୍ୟ ଆକାଉଣ୍ଟରେ ଜମା ହୋଇଛି ଲକ୍ଷାଧିକ ଟଙ୍କା । ଏପରିକି କିଛି ବେନାମି ଆକାଉଣ୍ଟର ସୁରାକ୍ ମଧ୍ୟ ଲାଗିଛି ତଦନ୍ତାକାରୀ ଅଫିସରଙ୍କ ହାତରେ । ଭିଜିଲାନ୍ସ ଜାରି କରିଥିବା ପ୍ରେସ୍ ରିଲିଜ୍ରେ କହିଛି, ଏସବୁ ଆକାଉଣ୍ଟରେ କେତେ ଟଙ୍କାର କାରବାର ହୋଇଛି ସେ ନେଇ ତଦନ୍ତ କରାଯାଉଛି ।
ସେୟାର ମାର୍କେଟ୍ ଓ ମ୍ୟୁଚୁଆଲ୍ ଫଣ୍ଡରେ ବିଜୟ କେତନ ନିବେଶ କରିଥିବା ନେଇ ମଧ୍ୟ ସନ୍ଦେହ କରାଯାଉଛି । ତେଣୁ, ଏ ଦିଗରେ ମଧ୍ୟ ଯାଞ୍ଚ ଚାଲିଛି । ଏପରିକି ସନ୍ତୋଷ ପଟ୍ଟନାୟକ ୟେସ୍ ବ୍ୟାଙ୍କରେ ଯୋଗ ଦେବା ପରେ, ସେହି ବ୍ୟାଙ୍କରେ ମାତ୍ର ୫ ମାସ ମଧ୍ୟରେ ୭ ଲକ୍ଷ ଟଙ୍କା ଜମା ହୋଇଛି । ଯାହାକି ବିଜୟ କେତନଙ୍କୁ ସନ୍ଦେହ ଘେରକୁ ଆଣିଛି । ତେଣୁ ଏ ମାମଲାରେ ତଦନ୍ତରେ ସହଯୋଗ କରିବାକୁ ଭିଜିଲାନ୍ସ ସମସ୍ତ ବ୍ୟାଙ୍କ କର୍ତ୍ତୃପକ୍ଷଙ୍କୁ ଅନୁରୋଧ କରିଛି । ଗିରଫ ବିଜୟ କେତନ ଓ ସନ୍ତୋଷ ପଟ୍ଟନାୟକଙ୍କ ସମସ୍ତ ଆକାଉଣ୍ଟ ଓ କ୍ରେଡିଟ୍ କାର୍ଡକୁ ଯାଞ୍ଚ କରାଯିବ ।
ତେଣୁ ନ୍ୟାସନାଲ୍ ସିକ୍ୟୁରିଟି ଡିପୋଜିଟୋରି ଲିମିଟେଡ୍, ସେଣ୍ଟ୍ରାଲ୍ ଡିପୋଜିଟୋରୀ ସର୍ଭିସ୍ ଲିମିଟେଡ୍ ଓ କମ୍ପ୍ୟୁଟର ଏଜ୍ ମ୍ୟାନେଜମେଣ୍ଟ ସର୍ଭିସ୍ ଲିମିଟେଡ୍ ଠାରୁ ତଥ୍ୟ ମିଳିବା ପରେ ଏ ଦୁହେଁ ସେୟାର ମାର୍କେଟ୍ ଓ ମ୍ୟୁଚୁଆଲ୍ ଫଣ୍ଡରେ ନିବେଶ କରିଛନ୍ତି କି ନାହିଁ, ସେ ନେଇ ଜଣା ପଡ଼ିବ । ଏଥିପାଇଁ ସାଇବର୍ ସେଲ୍, ସେଲ୍ ଫୋନ୍ ଫରେନସିକ୍ ଏକ୍ସପର୍ଟ, ବ୍ୟାଙ୍କ ଅଫିସର୍ ଓ ଚାଟାର୍ଟ ଆକାଉଣ୍ଟାଣ୍ଟଙ୍କୁ ନେଇ ଏକ ଟିମ୍ ଗଠନ କରିଛି ଭିଜିଲାନ୍ସ ।
ଭୁବନେଶ୍ୱର: ଆସନ୍ତାକାଲି ଦେଶବ୍ୟାପୀ ହରତାଳ ସହିତ ଭାରତ ବନ୍ଦ ଡାକରା ଦେଇଛି ଟ୍ରେଡ ୟୁନିୟନ । ଏଥିପାଇଁ ରାଜଧାନୀ ଭୁବନେଶ୍ୱରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛି କମିଶନରେଟ ପୋଲିସ । ଭୁବନେଶ୍ୱରରେ ୧୫ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯିବ । ସାଧା ପୋଷାକଧାରୀ ପୋଲିସ ଓ ଷ୍ଟ୍ର।ଇକିଂ ଫୋର୍ସ ମଧ୍ୟ ମୁତୟନ ହେବେ ।
ଆଇନଶୃଙ୍ଖଳା ପରିସ୍ଥିତିକୁ ନଜରରେ ରଖି ରେଲୱେ ଷ୍ଟେସନ, ବସଷ୍ଟାଣ୍ଡ ଓ ବିମାନବନ୍ଦରରେ ମଧ୍ୟ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ରେଳ ଓ ବସ୍ ଚଳାଚଳ ସ୍ୱାଭାବିକ ରଖିବାକୁ ମଧ୍ୟ ଗୁରୁତ୍ୱ ଦିଆଯିବ ।
ଲୋକସେବା ଭବନ ଓ ସ୍କୁଲ ଗୁଡ଼ିକରେ ପୋଲିସ ଫୋର୍ସ ମୁତୟନ କରାଯିବ ବୋଲି ଭୁବନେଶ୍ୱର ଡିସିପି ସୂଚନା ଦେଇଛନ୍ତି ।
ଭୁବନେଶ୍ୱର: ଆସନ୍ତାକାଲି ଭାରତ ବନ୍ଦ ବେଳେ ଜାରି ରହିବ ମୋ ବସ୍ ସେବା । କ୍ରୁଟ କର୍ତ୍ତୃପକ୍ଷଙ୍କ ସୂଚନା ।
କେନ୍ଦୁଝର: ଟାଉନ୍ ଥାନା ଦଲକି ପୋଖରୀ ନିକଟ ଦୁର୍ଘଟଣା । ୨ ବାଇକ୍ ମୁଁହାମୁହିଁ ଧକ୍କା, ଜଣେ ମୃତ ଓ ଜଣେ ଗୁରୁତର । ଉତ୍ତ୍ୟକ୍ତ ଲୋକଙ୍କ ରାସ୍ତା ଅବରୋଧ ।
ନୂଆଦିଲ୍ଲୀ: ଦେଶର ଅର୍ଥ ବ୍ୟବସ୍ଥାକୁ ମଜଭୁତ୍ କରିବାକୁ କେନ୍ଦ୍ର ସରକାର ଅଣ୍ଟା ଭିଡ଼ିଛନ୍ତି । ଏତିକି ବେଳେ କେନ୍ଦ୍ରୀୟ ପରିସଂଖ୍ୟାନ ବିଭାଗ ଚଳିତ ଆର୍ଥିକ ବର୍ଷରେ ଅଭିବୃଦ୍ଧି ହାର ନେଇ ଅନୁମାନ କରିଛି । ୨୦୧୯-୨୦ ଆର୍ଥିକ ବର୍ଷରେ ବିକାଶ ଦର ୫ ପ୍ରତିଶତ ରହିବା ନେଇ ଅନୁମାନ କରାଯାଇଛି ।
ଯେଉଁଥିରେ ଅଭିବୃଦ୍ଧି ହାର କମ୍ ରହିବା ନେଇ ଅନୁମାନ କରିଛି CSO । ୨୦୧୮-୧୯ ଆର୍ଥିକ ବର୍ଷରେ ଅଭିବୃଦ୍ଧି ୬.୮ ପ୍ରତିଥ ଥିଲା । ୨୦୧୭-୧୮ ଆର୍ଥିକ ବର୍ଷରେ ଜିଡିପି ୭.୨ ପ୍ରତିଶତ ରହିଥିଲା । ଗତ ୨ ବର୍ଷ ତୁଳନାରେ ବିକାଶ ଦର କମ ରହିବା ନେଇ ଆକଳନ ହୋଇଛି ।
୨୦୧୯-୨୦ ଆର୍ଥିକ ବର୍ଷରେ ବିକାଶ ଦର ନେଇ ଏହା ପ୍ରଥମ ଅନୁମାନ । ଆସନ୍ତା ଫେବ୍ରୁଆରୀ କେନ୍ଦ୍ରୀୟ ବଜେଟ୍ ଆସିବ । ଯାହା ପରେ ଅଭିବୃଦ୍ଧି ହାର ନେଇ କେନ୍ଦ୍ରୀୟ ପରିସଂଖ୍ୟାନ ବିଭାଗ ପୁଣି ଆକଳନ କରିବ । ଏହା ପୂର୍ବରୁ ଭାରତୀୟ ରିଜର୍ଭ ବ୍ୟାଙ୍କ ଚଳିତ ଆର୍ଥିକ ଅଭିବୃଦ୍ଧି ହାର ୫ ପ୍ରତିଶତ ରହିବ ବୋଲି ଆକଳନ କରିସାରିଛି । ଗତ ଜୁନ୍-ସେପ୍ଟେମ୍ବର ତ୍ରୈମାସିକରେ ଭାରତର ଅଭିବୃଦ୍ଧି ହାର ଖସି ୬ ବର୍ଷରେ ସର୍ବନିମ୍ନ ୪.୫ ପ୍ରତିଶତରେ ପହଞ୍ଚିଥିଲା ।
