ପୁଅର କାର୍ ଦୁର୍ଘଟଣା କଥା ସ୍ୱୀକାର କଲେ ଗୋବିନ୍ଦା, କହିଲେ ଏମିତି କଥା…
ଜୁନ୍ ୨୪ ତାରିଖ ରାତି ପ୍ରାୟ ୮.୩୦ରେ ସୁପର ଷ୍ଟାର ଗୋବିନ୍ଦାଙ୍କ ପୁଅ ୟଶବର୍ଦ୍ଧନଙ୍କ ଗାଡ଼ି ଦୁର୍ଘଟଣା ଗ୍ରସ୍ତ ହୋଇଥିଲା । ଏହାକୁ ନେଇ ସେବେଠାରୁ ଆଜି ଯାଏଁ ଅନେକ ଖବର ଶୁଣିବାକୁ ମିଳିଛି । ତେବେ ଏହି ଦୁର୍ଘଟଣାକୁ ନେଇ ଗୋବିନ୍ଦା ମଧ୍ୟ ନିଜର ମୁହଁ ଖୋଲିଛନ୍ତି । ସେ କହିଛନ୍ତି ଏହି ଦୁର୍ଘଟଣା କଥା ସତ ।
ହେଲେ ପୁଅ ସମ୍ପୂର୍ଣ୍ଣ ସୁସ୍ଥ ଅଛି । ତେବେ ଏହି ଦୁର୍ଘଟଣା କେମିତି ହେଲା ଏବଂ ଏଥିରେ କାହାର ଭୁଲ ଥିଲା ବୋଲି ପଚରାଯିବାରୁ ଗୋବିନ୍ଦା କହିଛନ୍ତି ଯେ, ଦୁର୍ଘଟଣା ଘଟିବା ଏକ ସାମାନ୍ୟ କଥା । ତେଣୁ ଏହାକୁ ଏତେ ଗୁରୁତର ସହ ନେବା ଉଚିତ୍ ନୁହେଁ । ଦୁର୍ଘଟଣା କାହା ସହ ବି ଘଟି ପାରେ ।
ଗୋବିନ୍ଦା ଆହୁରି କହିଛନ୍ତି ଯେ, ସେ ଏହି ଫିଲ୍ମ ଇଣ୍ଡଷ୍ଟ୍ରୀ ଦୀର୍ଘ ଦିନ ଧରି କାମ କରି ଆସୁଛନ୍ତି । ଅନେକ ଫିଲ୍ମରେ ସେ ହିରୋ ରୋଲ କରୁଛନ୍ତି । ସେହି ଫିଲ୍ମ ଇଣ୍ଡଷ୍ଟ୍ରୀର ହିଁ ଏକ ଗାଡ଼ି ସହ ତାଙ୍କ ପୁଅର ଗାଡ଼ି ଦୁର୍ଘଟଣା ହୋଇଥିଲା । ଦୁର୍ଘଟଣା ପରେ ସେ ଆସି ଗୋବିନ୍ଦାଙ୍କ ଘରେ କ୍ଷମା ମାଗିଥିଲେ । ଆଉ ଗୋବିନ୍ଦା ମଧ୍ୟ ତାଙ୍କୁ କ୍ଷମା କରିସାରିଛନ୍ତି । ଗୋବିନ୍ଦାଙ୍କ କହିବାନୁଯାୟୀ କ୍ଷମା ମାଗିବା ଲୋକଠାରୁ କ୍ଷମା ଦେଉଥିବା ଲୋକ ମହାନ୍ । ଏହି ଘଟଣା ଏକ ସାଧାରଣ କଥା ।
ତେବେ ୟଶବର୍ଦ୍ଧନଙ୍କ ଗାଡ଼ି ସହ ଦୁର୍ଘଟଣା ହୋଇଥିବା ଅନ୍ୟ ଗାଡ଼ି ଟି ହେଉଛି ଡାଇରେକ୍ଟର ୟଶ୍ ଚୋପ୍ରାଙ୍କ ପତ୍ନୀ ପାମେଲା ଚୋପ୍ରାଙ୍କ ଗାଡ଼ି । ଦୁର୍ଘଟଣାଟି ମୁମ୍ବାଇ ସ୍ଥିତ ଜୁହୁ ଅଞ୍ଚଳରେ ହୋଇଥିଲା ।
