IPL ମେଗା ନିଲାମ ପୂର୍ବରୁ ନାଁ ଘୋଷଣା କଲା ଅହମଦାବାଦ ଫ୍ରାଞ୍ଚାଇଜ, ଜାଣନ୍ତୁ କ’ଣ ରହିଛି ଏହି ଦଳର ନାଁ…
1 min read
ଅହମଦାବାଦ: ଇଣ୍ଡିଆନ ପ୍ରିମିୟର ଲିଗରେ ପ୍ରଥମ ଥର ଭାଗ ନେଉଥିବା ଅହମଦାବାଦ ତା’ର ନାଁ ଘୋଷଣା କରିଛି । ଗୁଜୁରାଟ ଟାଇଟନ୍ ଭାବରେ ଏହି ଦଳ ପଡ଼ିଆକୁ ଓହ୍ଲାଇବ । କିଛି ଦିନ ଧରି ଏହି ଦଳର ନାଁକୁ ନେଇ ଚର୍ଚ୍ଚା ଜାରି ରହିଥିଲା । ଶେଷରେ ଆଜି ଅହମଦାବାଦ ଦଳ ପକ୍ଷରୁ ବିଧିବଦ୍ଧ ଭାବରେ ଦଳର ନାମ ଘୋଷଣା ହୋଇଛି । ୧୨ ଓ ୧୩ ଫେବ୍ରୁଆରୀରେ ହେବାକୁ ଥିବା ମେଗା ଅକ୍ସନ ପୂର୍ବରୁ ନାଁ ଫ୍ରାଞ୍ଚାଇଜ୍ ନାମ ଘୋଷଣା କରିଛି । ଏନେଇ ଦଳ ଟ୍ୱିଟ କରି ସୂଚନା ଦେଇଛି ।
? Here's more about our name, before you 'Remember The Name'! ? #GujaratTitans pic.twitter.com/UA1KcjT1Hr
— Gujarat Titans (@gujarat_titans) February 9, 2022
ଗୁଜୁରାଟ ଟାଇଟନ୍ସ ଆଇପିଏଲରେ ପ୍ରଥମ ଥର ପାଇଁ ଭାଗ ନେଉଛି । ଏହି ଦଳର ନେତୃତ୍ୱ ନେବେ ଭାରତୀୟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । CVC ଗ୍ରୁପର ଟିମ୍ ଅହମଦାବାଦ ହାର୍ଦ୍ଦିକ ପାଣ୍ଡ୍ୟାଙ୍କ ସହ ରସିଦ ଖାନ ଓ ଯୁବ ବ୍ୟାଟ୍ସମ୍ୟାନ ଶୁଭମନ ଗିଲଙ୍କୁ ମେଗା ନିଲାମ ପୂର୍ବରୁ ଦଳରେ ଯୋଡିଛନ୍ତି । ଗୁଜୁରାଟ ଟାଇଟନ୍ସ ସହ ଭାରତୀୟ ଦଳର ପୂର୍ବତନ ଦ୍ରୁତ ବୋଲର ଆଶିଷ ନେହେରାଙ୍କୁ ମୁଖ୍ୟ କୋଚ ଭାବରେ ଦାୟିତ୍ୱ ମିଳିଛି । ସେହିପରି ଟିମ୍ ଇଣ୍ଡିଆକୁ ୨୦୧୧ରେ ବିଶ୍ୱ ବିଜୟୀ କରାଇଥିବା କୋଚ ଗ୍ୟାରୀ କ୍ରିଷ୍ଟନ ମେଣ୍ଟର ଭାବରେ ଏହି ଦଳରେ ରହିବେ ।
