ଛୁଆଙ୍କୁ ଧରି ଗାଁରେ ବୁଲୁଛି ମାଆ ଭାଲୁ

ନବରଙ୍ଗପୁର: ଦୁଇ ଛୁଆ ଭାଲୁଙ୍କୁ ଧରି ଗାଁ ଭିତରେ ବୁଲୁଛି ମାଆ ଭାଲୁ । ନବରଙ୍ଗପୁର ଜିଲ୍ଲାରେ ଭାଇରାଲ ହେଉଛି ଏମିତି ଏକ ଭିଡିଓ ।  କିଛି ଦିନ ଧରି ଗୋଟିଏ ମାଇ ଭାଲୁ ଦୁଇଟି ଛୁଆଙ୍କୁ ଧରି ନନ୍ଦାହାଣ୍ଡି ବ୍ଲକର ସିନ୍ଧିଗୁଡା ଓ ନିକଟସ୍ଥ ଗାଁକୁ ଗାଁ ବୁଲୁଛି। ଭାଲୁଟି ଦୁଇ ଛୁଆ ସହ ସିନ୍ଧିଗୁଡା ଗ୍ରାମର ଜଗନ୍ନାଥ ପାତ୍ରଙ୍କ ଆମ୍ବ ବଗିଚାରେ ଦେଖିବାକୁ ମିଳିଛି।

ବର୍ତ୍ତମାନ ସୁଦ୍ଧା ଭାଲୁଟି କାହାର କିଛି କ୍ଷତି କରିନଥିଲେ ମଧ୍ୟ ଲୋକ ଆତଙ୍କିତ ହୋଇ ରହିଛନ୍ତି । ଜଙ୍ଗଲ କ୍ଷୟ ହେଉ ଥିବାରୁ ଖାଦ୍ୟ ଅନ୍ବେଷଣରେ ଗାଁ ମୁହାଁ ହେଉଛନ୍ତି ଭାଲୁ । କିଛିଦିନ ତଳେ ନନ୍ଦାହାଣ୍ଡି ବ୍ଲକର ଖୁଣ୍ଟିଆ ଛକର ଗୋଟିଏ କଲଭର୍ଟ ତଳେ ଗୋଟେ ଭାଲୁ ଛୁଆକୁ ଉଦ୍ଧାର କରିଥିଲା ବନ ବିଭାଗ ।