ନନ୍ଦିଘୋଷ ବ୍ୟୁରୋ: ବିବାଦୀୟ ସ୍ଥିତିରେ ବିଜେପିର ନିଗମ ବଣ୍ଟନ ପ୍ରକ୍ରିୟା । ଘୋଷଣା ପୂର୍ବରୁ ଆରମ୍ଭ ହେଲାଣି ବିବାଦ। ମୁହଁ ଖୋଲିଲେଣି ଦଳର ପ୍ରମୁଖ ଦାବିଦାର। ପଦ ତୁଳନାରେ ବଢ଼ି ଚାଲିଛି ଆଶାୟୀଙ୍କ ସଂଖ୍ୟା। ସରକାର ଗଠନର ୮ ମାସ ପରେ ବି ନିଗମ ବଣ୍ଟନ କରିପାରୁନି ବିଜେପି। ଯାହାକୁ ନେଇ ଏବେ ମୁହଁ ଖୋଲିଲେଣି ପୂର୍ବତନ ବିଧାୟକ ସୁବାସ ପାଣିଗ୍ରାହୀ। ତାଙ୍କ ଯୁକ୍ତି ହେଉଛି, ନିଗମ ଘୋଷଣା ହେବ ହେବ କହି ସମୟ ଗଡ଼ିଚାଲିଛି । ଆମେ ଦଳ ପାଇଁ କାମ କରିଛୁ, ତେଣୁ ନିଗମ ବଣ୍ଟନ ବେଳେ ଦଳର ବରିଷ୍ଠ ନେତାଙ୍କ ନେତୃତ୍ବ ରହିବ । ଅନ୍ୟପଟେ ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ଓଡିଶା ଗସ୍ତ ପରେ ବି ନିଗମ ଘୋଷଣା ହୋଇପାରୁ ନଥିବାରୁ ଉଠିଛି ପ୍ରଶ୍ନ।

ସେପଟେ ମନ୍ତ୍ରିମଣ୍ଡଳରେ ଖାଲି ପଡିଛି ୬ଟି ଆସନ। ଏହି ସ୍ଥାନ ମୁଖ୍ୟମନ୍ତ୍ରୀ ପୂରଣ କରିବେ କି ନାହିଁ ତାକୁ ନେଇ ମଧ୍ୟ ମୁହଁ ଖୋଲିଲେଣି ବିଜେପି ବିଧାୟକ। ଆବଶ୍ୟକତାକୁ ଦୃଷ୍ଟିରେ ରଖି ମନ୍ତ୍ରିମଣ୍ଡଳ ସମ୍ପ୍ରସାରଣ କରାଯିବ ବୋଲି ନେତା କହୁଥିବା ବେଳେ, ଦାୟିତ୍ବ ନେବାକୁ ମଧ୍ୟ ପ୍ରସ୍ତୁତ ହେଲେଣି। ଏହାରି ଭିତରେ ମନ୍ତ୍ରିମଣ୍ଡଳ ସମ୍ପ୍ରସାରଣ ପାଇଁ ପାଓ୍ବାର କରିଡରରେ ଚର୍ଚ୍ଚା ଆରମ୍ଭ ହୋଇଛି। ତେବେ ରାଜ୍ୟ ଓ ଶୀର୍ଷ ନେତୃତ୍ବ ମଧ୍ୟରେ ଆଲୋଚନା ପରେ ନିଷ୍ପତ୍ତି ନିଆଯିବ ବୋଲି କହିଛନ୍ତି ବିଜେପି ବିଧାୟକ।

ନିଗମ ବଣ୍ଟନ ଓ ମନ୍ତ୍ରିମଣ୍ଡଳ ସମ୍ପ୍ରସାରଣ ଚର୍ଚ୍ଚାକୁ ନେଇ ଉଷ୍ମ ହେଲାଣି ବିଜେପି ଶିବିର। କାହାକୁ କେମିତି ଦଳ ଥଇଥାନ କରିବ, ତାକୁ ନେଇ ଚିନ୍ତାରେ ପଡ଼ିଲେଣି ରାଜ୍ୟ ଠାରୁ କେନ୍ଦ୍ର ନେତୃତ୍ବ ଯାଏ।

ନନ୍ଦିଘୋଷ ବ୍ୟୁରୋ: ଚାଲିବାକୁ ଶକ୍ତି ନାହିଁ । ବୟସ ପାଖାପାଖି ୭୦ ହେଲାଣି । ପର କାନ୍ଧ ଉପରେ ଭରସା କରି ଜୀବନ ପାଇଁ ସଂଘର୍ଷ କରୁଛନ୍ତି ମହିଳା । ସରକାରୀ ହକ ଟିକିଏ ପାଇବାକୁ ଦୌଡୁଛନ୍ତି ଏ ଅଫିସରୁ ସେ ଅଫିସ । କେବଳ ଦିବ୍ୟାଙ୍ଗ କନକ ନୁହନ୍ତି ନିଜର ହକ ପାଇବାକୁ ଜିଲ୍ଲାପାଳ କାର୍ଯ୍ୟଳୟ ଗାନ୍ଧିମୂର୍ତ୍ତି ତଳେ ବସିଛନ୍ତି ଅନେକ ଦିବ୍ୟାଙ୍ଗ ହିତାଧିକାରୀ । କୁନି ଝିଅକୁ ଧରି ବାପା ଅପେକ୍ଷା କରିଛି, ସରକାର ତାଙ୍କ ଗୁହାରି ଶୁଣିବେ । ହେଲେ ଶୁଣିବାକୁ କେହିନାହିଁ । ଡିଜିଟାଇଜେସନ ନାମରେ ପ୍ରକୃତରେ କିପରି ହନ୍ତସନ୍ତ ହେଉଛନ୍ତି ଲୋକେ, ତାର ଏକ ଜ୍ବଳନ୍ତ ଚିତ୍ର ଦେଖିବାକୁ ମିଳିଳି ବାଲେଶ୍ବର ଜିଲ୍ଲାପାଳଙ୍କ କାର୍ଯ୍ୟାଳୟରେ । ବାଲିଆପାଳ ବ୍ଲକର ବିଭିନ୍ନ ପଞ୍ଚାୟତର ହିତାଧିକାରୀଙ୍କୁ  ମିଳିନି ଚଳିତ ମାସର ଦିବ୍ୟାଙ୍ଗ ଭତ୍ତା । ଅନଲାଇନରେ ଦିବ୍ୟାଙ୍ଗ ସାର୍ଟିଫିକେଟ ପଞ୍ଜୀକରଣ କରିନଥିବାରୁ ଭତ୍ତା ବନ୍ଦ କରାଯାଇଥିବା ଅଭିଯୋଗ ହୋଇଛି ।

ଦିବ୍ୟାଙ୍ଗ ମାନଙ୍କର ସାର୍ଟିଫିକେଟ ଡିଜିଟାଇଜେସନ ପାଇଁ CDMO ଙ୍କ ଅଫିସରେ ଅନଲାଇନ ଡିଜିଟାଇଜେସନ ପ୍ରକ୍ରିୟା ଚାଲୁ ରହିଛି । ସମସ୍ତ ଦିବ୍ୟାଙ୍ଗଙ୍କୁ ଏନେଇ ଡିଜିଟାଲ ପ୍ରକ୍ରିୟାରେ ନୂଆ ସାର୍ଟିଫିକେଟ କରିବାକୁ କୁହାଯାଇଛି । ତେବେ ଅଭିଯୋଗ କରିଥିବା ହିତାଧିକାରୀ ନୂଆ ସାର୍ଟିଫିକେଟ କରିନଥିବାରୁ ସେମାନଙ୍କୁ ଭତ୍ତା ମିଳି ନଥିବା କହିଛନ୍ତି ଅଧିକାରୀ । ଭତ୍ତା ବନ୍ଦ ନିର୍ଦ୍ଦେଶକୁ ଅସ୍ବୀକାର କରିବା ସହ ସମସ୍ତଙ୍କୁ ଡିଜିଟାଇଜେସନ ମାଧ୍ୟମରେ ନୂଆ ସାର୍ଟିଫିକେଟ କରିବାକୁ କୁହାଯାଇଛି । ଏନେଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ସ୍ୱତନ୍ତ୍ର କ୍ୟାମ୍ପ କରାଯାଉଛି । ତେବେ ସେମାନଙ୍କୁ ତୁରନ୍ତ ଭତ୍ତା ପ୍ରଦାନ କରାଯିବ ବୋଲି କହିଛନ୍ତି ଡିଏସଡିଓ । ଜିଲ୍ଲାପାଳଙ୍କ ନିକଟରୁ ନିର୍ଦ୍ଦେଶ ହୋଇନ ନଥିଲେ ସୁଦ୍ଧା ଭତ୍ତା ପାଇଇବା ପାଇଁ ପରିଣତ ବୟସରେ ହନ୍ତସନ୍ତ ହେଉଛନ୍ତି ହିତାଧିକାରୀ ।