ନୂଆଦିଲ୍ଲୀ : ବାଲେଶ୍ବର ରେମୁଣା ଅଞ୍ଚଳରେ ଧର୍ମ ପରିବର୍ତ୍ତନକୁ କେନ୍ଦ୍ର କରି ଆଦିବାସୀ ମହିଳାଙ୍କୁ ଗଛରେ ବାନ୍ଧି ମାଡ ମାରିବା ଘଟଣା। ଉଦବେଗ ପ୍ରକାଶ କରିଛନ୍ତି ବିରୋଧୀ ଦଳ ନେତା ରାହୁଲ ଗାନ୍ଧି। ଏହି ଘଟଣା ଏବେ ଦେଶବ୍ଯାପୀ ଚର୍ଚ୍ଚାର କାରଣ ହୋଇଛି। ରାହୁଲ କହିଛନ୍ତି- ମଧ୍ଯପ୍ରଦେଶ ଦେବାସରେ ଜଣେ ଦଳିତ ଯୁବକଙ୍କୁ ପୋଲିସ ହେପାଜତରେ ହତ୍ଯା କରାଗଲା। ସେପଟେ ଓଡ଼ିଶାରେ ବି ଏପରି ଏକ ଦୁର୍ଭାଗ୍ଯଜନକ ଘଟଣା ଘଟିଛି। ଦୁଇଟି ଯାକ ଘଟଣା ଅତ୍ଯନ୍ତ ନିନ୍ଦନୀୟ। ବିଜେପିର ମନୁବାଦୀ ଚିନ୍ତାଧାରାର ଏସବୁ ଘଟଣା ହେଉଛି ପରିପ୍ରକାଶ। ସରକାରୀ ସ୍ତରରେ ପ୍ରୋତ୍ସାହନ ବିନା ଏସବୁ ଘଟଣା ଘଟି ନଥାଏ। ଦେଶରେ ବହୁଜନମାନଙ୍କ ପ୍ରତି ହେଉଥିବା ଅତ୍ଯାଚାରକୁ କୌଣସି ପ୍ରକାରେ ବରଦାସ୍ତ କରାଯିବ ନାହିଁ। ସେମାନଙ୍କ ସହ ଆମ୍ଭେମାନେ ରହିଛୁ ବୋଲି କହିଛନ୍ତି ରାହୁଲ। ସେମାନଙ୍କ ସାମ୍ବିଧାନିକ ଅଧିକାରର ସୁରକ୍ଷା ଓ ସେମାନଙ୍କୁ ନ୍ୟାୟ ପ୍ରଦାନ ଲାଗି ସେ ସଂଗ୍ରାମ କରିବେ ବୋଲି କହିଛନ୍ତି।
୭ ବର୍ଷରେ ୮୧୩ ଦୁର୍ଘଟଣା, ୧୪୭୩ ମୃତ୍ୟୁ : ଡରାଉଛି ବିମାନ ଦୁର୍ଘଟଣାର ଭୟଙ୍କର ଇତିହାସ
ନନ୍ଦିଘୋଷ ବ୍ୟୁରୋ : ନିକଟରେ ଦକ୍ଷିଣ କୋରିଆ ଏବଂ ଅଜରବୌଜାନର ବିମାନ ଦୁର୍ଘଟଣା ସଭିଙ୍କ ମନରେ ଭୟର ବାତାବରଣ ସୃଷ୍ଟି କରିଛି । କେବେ ପକ୍ଷୀଙ୍କ ସହ ଧକ୍କା, କେବେ ଯାନ୍ତ୍ରିକ ତ୍ରୁଟି ତ କେବେ ଖରାପ ପାଗ ଯୋଗୁଁ ବିମାନ ଦୁର୍ଘଟଣା ହୋଇ ଆସୁଛି । ବିମାନ ଦୁର୍ଘଟଣା ଉପରେ ନଜର ରଖୁଥିବା ସଂସ୍ଥା ଏବିଏସନ୍ ସେପ୍ଟିର ରିପୋର୍ଟ ମୁତାବକ ୨୦୨୩ରେ ପୂରା ଦୁନିଆରେ ୧୦୯ଟି ବିମାନ ଦୁର୍ଘଟଣା ଘଟିଥିଲା । ଗତ ବର୍ଷ ସବୁଠୁ ଅଧିକା ଆମେରିକାରେ ୩୪ଟି ବିମାନ କ୍ରାସ୍ ହୋଇଥିଲା ।
ରିପୋର୍ଟ ଅନୁଯାୟୀ, ୨୦୧୭ରୁ ୨୦୨୩ ମଧ୍ୟରେ ଦୁନିଆରେ ୮୧୩ଟି ପ୍ଲେନ୍ କ୍ରାସ୍ ହୋଇସାରିଛି । ଏହି ଦୁର୍ଘଟଣାରେ ୧,୪୭୩ ଯାତ୍ରୀଙ୍କ ମୃତ୍ୟୁ ଘଟିଛି । ଅଧିକାଂଶ ବିମାନ ଦୁର୍ଘଟଣା ଲ୍ୟାଣ୍ଡିଂ ସମୟରେ ଘଟିଥାଏ । ଏହି ୭ ବର୍ଷ ମଧ୍ୟରେ ଲ୍ୟାଣ୍ଡିଂ ସମୟରେ ୨୬୧ଟି ଦୁର୍ଘଟଣା ଘଟିଛି । ଏହା ଛଡା ୨୧୨ଟି ଦୁର୍ଘଟଣା ଉଡାଣ ସମୟରେ ହୋଇଛି । ଏହା ସମୟ ମଧ୍ୟରେ ଭାରତରେ ମୋଟି ୧୪ଟି ବିମାନ ଦୁର୍ଘଟଣା ହୋଇଛି ।
ରିସର୍ଚ୍ଚ ଅନୁଯାୟୀ, ସବୁଠାରୁ ଅଧିକ ବିମାନ ଦୁର୍ଘଟଣା ଟେକ୍ ଅଫ୍ ଏବଂ ଲ୍ୟାଣ୍ଡିଂ ସମୟରେ ହୁଏ ବୋଲି କୁହାଯାଇଛି । ଗତବର୍ଷ ୧୦୯ଟି ବିମାନ ଦୁର୍ଘଟଣା ମଧ୍ୟରୁ ୩୭ଟି ଟେକ୍ ଅଫ୍ ସମୟରେ ଏବଂ ୩୦ଟି ଲ୍ୟାଣ୍ଡିଂ ସମୟରେ କ୍ରାସ୍ ହୋଇଛି । ରିପୋର୍ଟ ମୁତାବିକ୍ ପରିସଂଖ୍ୟାନ ଦେଖାଯାଏ ତେବେ ଗତ ୭ ବର୍ଷ ମଧ୍ୟରେ ପ୍ରତିବର୍ଷ ହାରାହାରି ୨୦୦ ବିମାନ ଦୁର୍ଘଟଣା ଘଟୁଛି । ଏହି ଦୁର୍ଘଟଣାରେ ଶହ ଶହ ଲୋକଙ୍କ ପ୍ରାଣ ହରାଉଛନ୍ତି । କିନ୍ତୁ ତଥାପି ପ୍ରତିବର୍ଷ ଦୁନିଆରେ ଏତେ ବିମାନ ଦୁର୍ଘଟଣା ହେଉଥିବା ସତ୍ତ୍ୱେ ବିମାନ ଯାତ୍ରାକୁ ସବୁଠୁ ସୁରକ୍ଷିତ ବୋଲି ବିବେଚନା କରାଯାଏ ।
ପୋଲିସ ଜାଲରେ ହାଇପ୍ରୋଫାଇଲ ଦମ୍ପତ୍ତି, ପ୍ରଧାନମନ୍ତ୍ରୀଙ୍କ ମୁଖ୍ୟ ପରାମର୍ଶଦାତାଙ୍କ ପୁଅ ବୋହୂ କହି ଲୁଟୁଥିଲେ ଟଙ୍କା
ଭୁବନେଶ୍ବର: ହାଇପ୍ରୋଫାଇଲ ଦମ୍ପତ୍ତିଙ୍କ ହାଇପ୍ରୋଫାଇଲ ଡ୍ରାମା । ପ୍ରଧାନମନ୍ତ୍ରୀଙ୍କ ନାଁ ନେଇ କରୁଥିଲେ କଳା କାରନାମା । କୋଟି କୋଟି ଟଙ୍କା ଚୂନ ଲଗାଇ ମେଣ୍ଟେନ କରୁଥିଲେ ଲକଜୁରୀ ଲାଇଫଷ୍ଟାଇଲ । ଚୂନା ଲଗାଇବା ପାଇଁ ବ୍ୟବହାର କରୁଥିଲେ ବିଭିନ୍ନ ଉପାୟ । ନିଜର ପତିଆରା ଦେଖେଇବା ପାଇଁ ହାଇପ୍ରୋଫାଇଲ ଲୋକଙ୍କ ସହ ଫଟୋ ଏଡିଟ କରି ଲୋକଙ୍କୁ ଭୁଆଁ ବୁଲାଉଥିଲେ । ନିଜକୁ ପ୍ରଧାନମନ୍ତ୍ରୀଙ୍କ ମୁଖ୍ୟ ପରାମର୍ଶଦାତାଙ୍କ ପୁଅ ବୋହୂ କହି ଲୋକଙ୍କ ବୋକା ବନାଉଥିଲେ ।
ଭୁବନେଶ୍ବର ଇନଫୋସିଟି ପୋଲିସ ଜାଲରେ ପଡିଛନ୍ତି ହାଇପ୍ରୋଫାଇଲ ଠକ ଦମ୍ପତ୍ତି । ଗିରଫ ଅଭିଯୁକ୍ତ ହେଲେ ହଂସିତା ଅଭିଲିପ୍ସା ଓ ଅନିଲ ମହାନ୍ତି । ନିଜକୁ ପ୍ରଧାନମନ୍ତ୍ରୀଙ୍କ ମୁଖ୍ୟ ପରାମର୍ଶଦାତାଙ୍କ ପୁଅ ବୋହୂ କହି ଲୋକଙ୍କୁ ଭୁଆଁ ବୋଲାଉଥିଲେ । ଟେଣ୍ଡର କରେଇଦେବେ, କର୍ପୋରେଟ ସେକ୍ଟରରେ କାମ କରେଇ ଦେବେ କହି ଠକୁଥିଲେ । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ କୌଣସି କାମ ଥିଲେ ବି ଆରାମରେ ହୋଇଯିବ ବୋଲି କହି ମୋଟା ଅଙ୍କର ପଇସା ନେଉଥିଲେ । ପଟିଆରେ ଅଫିସ ଖୋଲି ଖଣି ବ୍ୟବସାୟୀଙ୍କ ଠାରୁ ଆରମ୍ଭ କରି ବିଲଡର ସମସ୍ତଙ୍କୁ ଲୁଟୁଥିଲେ । ଏପରିକି ହାଇପ୍ରୋଫାଇଲ ଲୋକଙ୍କ ସହ ଫଟୋ ଏଡିଟ କରି ଲୋକଙ୍କୁ ଚୁନା ଲଗାଉଥିଲେ । କୋଟି କୋଟି ଟଙ୍କା ଚୂନ ଲଗାଇ ହାଇପ୍ରୋଫାଇଲ ଲାଇଫ ମେଣ୍ଟନ କରୁଥିଲେ। ଇନ୍ଫୋସିଟି ଥାନା ଅଧିନ ଏକ ଦାମୀ ଆପାର୍ଟମେଣ୍ଟରେ ରହୁଥିଲେ । ଯାହାକୁ ନେଇ ଏକାଧିକ ଅଭିଯୋଗ ଆସିବା ପରେ ଏହି ଜାଲିଆ ସ୍ୱାମୀ ସ୍ତ୍ରୀଙ୍କୁ ଗିରଫ କରିଛି ଇନଫୋସିଟି ଥାନା ପୋଲିସ ।
ଅତୁଲ ସୁଭାଷ ଆତ୍ମହତ୍ୟା ମମଲାରେ ଡାର୍କ ସିକ୍ରେଟ ଖୋଲିଲେ ସ୍ତ୍ରୀ ନିକିତା ସିଙ୍ଘାନିଆ
ନନ୍ଦିଘୋଷ ବ୍ୟୁରୋ: ବେଙ୍ଗାଲୁରୁର ବହୁ ଚର୍ଚ୍ଚିତ AI ଇଞ୍ଜିନିୟର ଅତୁଲ ସୁଭାଷଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି ସ୍ତ୍ରୀ ନିକିତା ସିଙ୍ଘାନିଆ । ଅତୁଲଙ୍କ ପତ୍ନୀଙ୍କ କହିବାନୁଯାୟୀ ଅତୁଲ ତାଙ୍କୁ ନିର୍ଯ୍ୟାତନା ଦେଉଥିଲେ । ଆଜି ବେଙ୍ଗାଲୁରୁ କୋର୍ଟରେ ଅତୁଲ ସୁଭାଷ ଆତ୍ମହତ୍ୟା ମାମଲାର ଶୁଣାଣି ହେବ। ଅଭିଯୁକ୍ତ ନିକିତା ସିଙ୍ଘାନିଆ, ନିଶା ଏବଂ ଅନୁରାଗଙ୍କ ନ୍ୟାୟିକ ହେପାଜତ ଆଜି ଶେଷ ହେଉଛି। ତାଙ୍କୁ ଆଜି କୋର୍ଟରେ ହାଜର କରାଯିବ। ନିକିତା ସିଙ୍ଘାନିଆ, ନିଶା ଏବଂ ଅନୁରାଗ ଜାମିନ ଆବେଦନ କରିଛନ୍ତି। ଆଜି ଏହାର ମଧ୍ୟ ଶୁଣାଣି ହେବ। ତେବେ ଏହାରି ମଧ୍ୟରେ ଏକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି। ଜୌନପୁର କୋର୍ଟର ଏକ ପୁରୁଣା ଦଲିଲ ସାମ୍ନାକୁ ଆସିଛି ଯାହା ନିକିତା ଏବଂ ଅତୁଲ ମାମଲାରେ ନୂଆ ମୋଡ ସୃଷ୍ଟି ହୋଇଛି ।
ଏହି ଦଲିଲ ନିକିତା ବନାମ ଅତୁଲ ମାମଲାର ଅଟେ । ଏଥିରେ ନିକିତା ଅତୁଲଙ୍କ ଅଭିଯୋଗ ଉପରେ ସ୍ପଷ୍ଟୀକରଣ ରଖିଛନ୍ତି। ଅତୁଲ ଅଭିଯୋଗ କରିଥିଲେ ଯେ, ଯେ ନିକିତା ଶୀଘ୍ର ଫେରିବେ କହି ନିଜେ ଘର ଛାଡି ଚାଲିଯାଇଥିଲେ । । କିନ୍ତୁ ସେ ଘର ଛାଡି ଯିବା ପରେ ଅସଲ ରୂପ ଦେଖାଇଥିଲେ । ତାଙ୍କ ବିରୋଧରେ ଗୋଟିଏ ପରେ ଗୋଟିଏ କରି ୯ଟି ମାମଲା ଦାୟର କରିଥିଲେ । ଏହା ଉପରେ ନିକିତା ସ୍ପଷ୍ଟିକରଣ ଦେଇଛନ୍ତି ଯେ, “ମୁଁ ଘରୁ ବାହାରି ନଥିଲି। ଅତୁଲ ମୋତେ ଘରୁ ବାହାର କରିଦେଇଥିଲେ। ସେ ମୋତେ ଦୁଇଥର ଘରୁ ବାହାର କରିଦେଇଥିଲେ। ଅତୁଲ ମୋତେ ୨୦୨୧ ମେ ମାସରେ ଘରୁ ବାହାର କରିଦେଇଥିଲେ। ଏହା ପରେ ମୁଁ ସେପ୍ଟେମ୍ବର ୨୦୨୧ରେ ବେଙ୍ଗାଲୁରୁକୁ ଫେରିଥିଲି। ମୁଁ ଭାବିଲି ବୋଧହୁଏ ଅତୁଲ ତାଙ୍କ ଭୁଲ ବୁଝି ମୋତେ ଗ୍ରହଣ କରିବେ କିନ୍ତୁ ସେ ମୋତେ ଘରକୁ ଆସିବାକୁ ମଧ୍ୟ ଦେଇ ନଥିଲେ, ଯେଉଁଥିପାଇଁ ଆମକୁ ପୋଲିସ ନିକଟରେ ଅଭିଯୋଗ କରିବାକୁ ପଡିଲା ’’
ଏହି ସମୟରେ ନିକିତା କହିଥିଲେ, “ମେ ୧୭ରେ ଅତୁଲ ମୋତେ ମାଆଙ୍କ ସାମ୍ନାରେ ମାଡ଼ ମାରିଥିଲେ। ଏହା ପରେ ସେ ଆମ ଦୁହିଁଙ୍କୁ ବାହାରକୁ ବାହାର ଦେଇଥିଲେ। ସେ ମୋର ସବୁ ଗହଣା, ସମ୍ପତ୍ତ ଏବଂ ବଣ୍ଡ ପେପର ରଖି ୧୦ଲକ୍ଷ ଆଣିଲେ ଘରେ ରଖିବେ ନଚେତ ମାରିଦେବେ ବୋଲି ଧମକ ଦେଇଥିଲେ ।
ସୂଚନାଯୋଗ୍ୟ ଯେ ଡିସେମ୍ବର ୯ରେ ଅତୁଲ ସୁଭାଷ ବେଙ୍ଗାଲୁରୁରେ ଥିବା ତାଙ୍କ ଫ୍ଲାଟରେ ଆତ୍ମହତ୍ୟା କରିଥିଲେ। ଆତ୍ମହତ୍ୟା କରିବା ପୂର୍ବରୁ ଅତୁଲ ୨୪ପୃଷ୍ଠାର ଆତ୍ମହତ୍ୟା ନୋଟ ଏବଂ ଦେଢଘଣ୍ଟା ଲମ୍ବା ଏକ ଭିଡିଓ ସୋସିଆଲ ମିଡିଆରେ ସେୟାର କରିଥିଲେ । ଏଥିରେ ତାଙ୍କ ମୃତ୍ୟୁ ପାଇଁ ସ୍ତ୍ରୀ ନିକିତା ଏବଂ ଶାଶୂ ଦାୟୀ ବୋଲି ଉଲ୍ଲେଖ କରିଥିଲେ । ଏହି ମାମଲାରେ ଅତୁଲଙ୍କ ଭାଇ ଅତୁଲଙ୍କ ମୃତ୍ୟୁ ପାଇଁ ନିକିତାଙ୍କ ସମେତ ୪ ଜଣଙ୍କ ବିରୋଧରେ ୧୦ଡିସେମ୍ବରରେ ଏଫଆଇଆର ଦାଖଲ କରିଥିଲେ। ସେବେଠାରୁ ନିକିତା, ନିଶା ଏବଂ ଅନୁରାଗ ବେଙ୍ଗାଲୁରୁ ଜେଲରେ ରହିଛନ୍ତି।
ନଳକୂପ ଖୋଳା ବେଳେ ଅଚାନକ ମାଟି ଫାଟି ବାହାରିଲା ପାଣି,ମାଟିରେ ସମାଧି ନେଲା ଟ୍ରକ୍
ନନ୍ଦିଘୋଷ ବ୍ୟୁରୋ: ଅଚାନକ ଫାଟିଲା ମାଟି, ବାହାରିଲା ପାଣି । ପାଣିର ସ୍ରୋତ ଏତେ ଭୟଙ୍କର ଥିଲା ଯେ, ମାଟିରେ ସମାଧୀ ନେଇଗଲା ଟ୍ରକ । ରାଜସ୍ଥାନର ଜୈସଲମେରର ମୋହନଗଡ ଅଞ୍ଚଳରେ ଗତ ତିନିଦିନ ପୂର୍ବରୁ ଏକ ନଳକୂପ ଖନନ କରାଯାଉଥିଲା । ଖୋଳାଯିବା ସମୟରେ ହଠାତ ମାଟି ଫାଟିଯିବା କାରଣରୁ ୧୦ଫୁଟର ଉଚ୍ଚର ପାଣି ଉପରକୁ ଉଠିବାକୁ ଲାଗିଲା । ଯାହାକୁ ଦେଖି ସ୍ଥାନୀୟ ଲୋକ ଭୟଭୀତ ହେବା ସହ ସେହି ଅଞ୍ଚଳକୁ ଯିବା ପାଇଁ ଡରିବାକୁ ଲାଗିଲେ । ସେହି ସ୍ଥାନରୁ ଏତେ ଜୋରରେ ପାଣି ବାହାରିଥିଲା ଯେ, ସେଠାରେ ବ୍ୟବହୃତ ହୋଇଥିବା ଟ୍ରକ ମଧ୍ୟ ସେଠାରେ ସମାଧି ନେଇଗଲା । ଗତ ତିନି ଦିନ ଧରି ପାଣି ପ୍ରବାହ ହେଉଥିବା ବେଳେ ଆଜି କମିଥିବାରୁ ସ୍ଥାନୀୟ ବାସିନ୍ଦା ଆଶ୍ବସ୍ତି ଲାଭ କରିଛନ୍ତି ।
ସୂଚନା ଅନୁଯାୟୀ, ନଳକୂପ ଖୋଳିବା ବେଳେ ଏଭଳି ଅଘଟଣ ଘଟିଛି । ପାଣି ସହିତ ବାହାରୁଥିବା ଗ୍ୟାସ ମଧ୍ୟ ବନ୍ଦ ହୋଇଛି । ଏହାକୁ ନେଇ ଜିଲ୍ଲା ପ୍ରଶାସନ ଏବଂ ଓଏନଜିସି ସମେତ ଅନ୍ୟନ୍ୟ ଗ୍ୟାସ କମ୍ପାନୀ ମଧ୍ୟ ସେହି ସ୍ଥାନରେ ତଦାରଖ କରୁଛନ୍ତି । ସେଠାକାର ଜିଲ୍ଲାପାଳଙ୍କ ଅନୁଯାୟୀ ଆଜି କିଛି ବୈଜ୍ଞାନିକ ସେହି ସ୍ଥାନକୁ ତଦନ୍ତ ପାଇଁ ଯିବେ ।
ନଳକୂପ ପାଇଁ ପାଇଁ ୨୫୦ମିଟର ଗଭୀର ଗାତ ଖୋଳାଯାଇଥିଲା । ତେବେ ହଠାତ ମାଟି ଫାଟିଗଲା । ଏବଂ ଖନନ ପାଇଁ ବ୍ୟବହୃତ ହୋଇଥିବା ମେସିନ ମଧ୍ୟ ମାଟିରେ ପୋତି ହୋଇଗଲା । ବର୍ତ୍ତମାନ ଟ୍ରକର କେବଳ ଉପର ଭାଗ ଦେଖାଯାଉଛି । ମାଟି ଫାଟିବା ସମୟରେ ଯେଉଁ ଗର୍ତ୍ତ ସୃଷ୍ଟି ହୋଇଛି ସେଥିରେ ୧୦ଫୁଟ ଉଚ୍ଚର ପାଣି ଉପରକୁ ନିର୍ଗତ ହେଉଛି । ଏଭଳି ସ୍ଥିତିରେ ସେଠାରେ କାମ କରୁଥିବା ସମସ୍ତ ଲୋକ ଭୟରେ ସେଠାରୁ ପଳେଇଥିଲେ । ଆଖି ପିଛୁଳାକେ ସେ ସ୍ଥାନଟି ସମୁଦ୍ର ପରି ଦେଖାଯାଇଥିଲା ।
ଭୂତଳ ବିଭାଗର ବରିଷ୍ଠ ବୈଜ୍ଞାନିକ ଡା. ନାରାୟଣ ଦାସଙ୍କ କହିବାନୁଯାୟୀ ଏହା ଆର୍ଟିଜନ କଣ୍ଡିସନ କାରଣରୁ ହୋଇଛି । ଭୂଗର୍ଭରେ ସ୍ୟାଣ୍ଡ ଷ୍ଟୋନରେ ଦବିକି ରହିଥିବା ଭୂଜଳ ଭଣ୍ଡାରରେ ପଙ୍କଚର ହେତୁ ଏଭଳି ପାଣି ଉପରକୁ ଉଠିଥାଏ । ଏହା ଟ୍ରେସରୀ ସ୍ୟାଣ୍ଡ ଫର୍ମେଶନ ଅଟେ । ଏଠାରୁ ନିର୍ଗତ ହେଉଥିବା ପାଣି ସ୍ଲାଇନ ଅଟେ । ପାଣି ସହିତ ଧଳା ରଙ୍ଗର ମାଟି ମଧ୍ୟ ଆସୁଛି । ଯେଉଁଭଳି ଭାବରେ ପାଣି ନିର୍ଗତ ହେଉଥିଲା ଦେଖିକି ଲାଗୁଥିଲା କି ଏହା କମ ଦିନରେ ବନ୍ଦ ହେବାର ସମ୍ଭାବନା ନାହିଁ ।ସୁରକ୍ଷା ଦୃଷ୍ଟିରୁ ଏହି ଅଞ୍ଚଳରୁ ସ୍ଥାନୀୟ ଲୋକଙ୍କୁ ସ୍ଥାନାନ୍ତରଣ କରାଯାଇଛି । ଏହି କ୍ଷେତ୍ରରୁ ୫୦୦ମିଟର ଦୂରତା ଖାଲି କରାଯାଇଛି । ଏହାର ପାଖାପାଖି ମଣିଷ ଏବଂ ପଶୁପକ୍ଷୀଙ୍କୁ ଆସିବାକୁ ବାରଣ କରାଯାଇଛି ।
ମହିଳାଙ୍କ ପାଇଁ ଖୁସୀ ଖବର, ନୂଆବର୍ଷରେ ତିନିଥର ମିଳିବ ସୁଭଦ୍ରା ଟଙ୍କା
ଭୁବନେଶ୍ବର: ସୁଭଦ୍ରା ଯୋଜନାକୁ ନେଇ ଆସିଲା ବଡ ଖବର । ନୂଆବର୍ଷରେ ମହିଳାଙ୍କୁ ମିଳିବ ବଡ ଉପହାର ଅର୍ଥାତ୍ ତ୍ରିପଲ ଖୁସୀ । ଆସନ୍ତା ବର୍ଷ ମହିଳାଙ୍କୁ ତିନିଥର ମିଳିବ ସୁଭଦ୍ରା ଟଙ୍କା । ୨୦୨୫ ମସିହାରେ ମାଆ ମାନଙ୍କୁ ୩ ଥର ମିଳିବ ସୁଭଦ୍ରା ଟଙ୍କା । ଜାନୁଆରୀରେ ପ୍ରଥମ ପର୍ଯ୍ୟାୟରେ ଚତୁର୍ଥ କିସ୍ତି ମିଳିବ । ମାର୍ଚ୍ଚ ୮ ରେ ୨ ୟ ପର୍ଯ୍ୟାୟର ପ୍ରଥମ କିସ୍ତି ମିଳିବ। ରାକ୍ଷୀ ପୂର୍ଣ୍ଣିମାରେ ମଧ୍ୟ ସମସ୍ତ ହିତାଧିକାରୀଙ୍କୁ ମିଳିବ ସୁଭଦ୍ରା ଟଙ୍କା ।
ଜାନୁଆରୀ ପ୍ରଥମ ସପ୍ତାହରେ ପୁରା ସର୍ଭେ ସରିବ । ଆଜି ଆସିବ ଫିଲଡ଼ ରିପୋର୍ଟ । ରିପୋର୍ଟ ଅନୁସାରେ ପଦକ୍ଷେପ ନିଆଯିବ। ଜାନୁଆରୀ ପ୍ରଥମ ସପ୍ତାହରେ ପୁରା ତଥ୍ୟ ସାମ୍ନାକୁ ଆସିବ । କେତେ ଗ୍ରାଉଣ୍ଡ ରିଅଲିଟିରେ ହେଲା ତାହା ମଧ୍ୟ ସ୍ପଷ୍ଟ ହେବ । ସମସ୍ତଙ୍କୁ ସୁଭଦ୍ରା ଯୋଜନାରେ ସାମିଲ କରିବା ପାଇଁ ଆମେ ସମୟ ଏଥିପାଇଁ ନେଉଛୁ ଯେମିତି ସୁଭଦ୍ରା ଯୋଜନାରୁ କେହି ବଞ୍ଚିତ ନହେବେ ସେଥିପ୍ରତି ଗୁରୁତ୍ଵ ଦିଆଯାଉଛି ବୋଲି ପ୍ରଭାତୀ ପରିଡା ସୂଚନା ଦେଇଛନ୍ତି ।
ଚାଷୀଙ୍କ ଦୁଃଖ ବୁଝିବାକୁ ଗଞ୍ଜାମରେ ନବୀନ
ଗଞ୍ଜାମ: ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଗଜା ଧାନ ଦେଖାଇ କାନ୍ଦି ପକାଇଲେ ଗଂଜାମର ଚାଷୀ। ନିଜ ନିଜର ଦୁର୍ଦ୍ଦଶା କଥା ନବୀନଙ୍କ ଆଗରେ ଗୁହାରୀ କରଛନ୍ତି ସେମାନେ। ଏହି ସମୟରେ ଅନେକ ମହିଳା, ଏପରିକି ପୁରୁଷମାନେ ବି କୋହ ସମ୍ଭାଳି ନ ପାରି କାନ୍ଦି ପକାଇଥିଲେ। ଚାଷୀଙ୍କ ସହିତ ଆଲୋଚନା କରିବା ବେଳେ ନବୀନ ପଟ୍ଟନାୟକ କହିଛନ୍ତି, ଅଦିିନିଆ ବର୍ଷାରେ ଚାଷୀଙ୍କ ବ୍ଯାପକ କ୍ଷତି ହୋଇଛି। ସେମାନଙ୍କୁ କ୍ଷତିପୂରଣ ଦିଆଯାଉ ବୋଲି ଦାବି କରିଛନ୍ତି ନବୀନ ପଟ୍ଟନାୟକ।
ଅଦିିନିଆ ବର୍ଷାରେ ଗଂଜାମ ଜିଲ୍ଲାରେ ବ୍ୟାପକ ଫସଲ ହାନୀ ହୋଇଛି। ଏହାର ଅନୁଧ୍ୟାନ କରିବାକୁ ଆଜି ସେ ଗଂଜାମ ଯାଇଛନ୍ତି। ଶେରଗଡ଼ରେ ପ୍ରଥମେ ପହଞ୍ଚିବା ପରେ ସେ ତାକରଡ଼ା ଅଞ୍ଚଳର ଚାଷୀଙ୍କ ସହିତ ଆଲୋଚନା କରିଥିଲେ। ପରେ ପରେ ସେ ହିଞ୍ଜିଳି ବ୍ଲକର ପୋଡ଼ିଙ୍ଗି ଯାଇଥିଲେ। ସେଠାରେ ଚାଷୀଙ୍କ ଦୁଃଖ ବୁଝିଥିଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ। ଏହାପରେ ଆସ୍କା ବ୍ଲକ ବରଗାଁରେ କ୍ଷତିଗ୍ରସ୍ତ ଚାଷୀଙ୍କ ଅବସ୍ଥା ପଚାରି ବୁଝିଥିଲେ ବିଜେଡି ସୁପ୍ରିମୋ । ଆସିକା ପରେ କବିସୂର୍ଯ୍ୟନଗରରେ ଚାଷୀଙ୍କ ସହ ଆଲୋଚନା କରିଥଲେ। ଖଲ୍ଲିକୋଟ ବ୍ଲକର ଭରସା ଗାଁରେ ଚାଷୀଙ୍କୁ ଭେଟିଛନ୍ତି ନବୀନ। ବିଲ ମୁଣ୍ଡକୁ ଯାଇ କ୍ଷୟକ୍ଷତିର ସମୀକ୍ଷା କରିଛନ୍ତି। ହଜାର ହଜାର ସଂଖ୍ୟାରେ ଚାଷୀ ବିରୋଧୀ ଦଳ ନେତା ନବୀନଙ୍କୁ ସେମାନଙ୍କ ଦୁଃଖ ଜଣାଇଛନ୍ତି।
ଦୁନିଆର ସବୁଠୁ ବିପଦଜ୍ଜନକ ସୀମା, ବ୍ରିଟିଶ୍ ଭାରତ ସହ ରହିଛି ସମ୍ବନ୍ଧ
ନନ୍ଦିଘୋଷ ବ୍ୟୁରୋ : ଆମେରିକା ଏବଂ ଆଫଗାନିସ୍ତାନ ଏବେ ପୁଣି ଥିରେ ସାମ୍ନାସାମ୍ନୀ ହୋଇଛନ୍ତି । ଆଫଗାନର ତାଲିବାନୀ ଯୁଦ୍ଧବିମାନ ଏବେ ଡୁରଣ୍ଡ ଲାଇନ ପାର ହୋଇ ପାକିସ୍ତାନରେ ପ୍ରବେଶ କରିସାରିଲାଣି ଏବଂ ପାକିସ୍ତାନୀ ସେନା ପୋଷ୍ଟକୁ ଟାର୍ଗେଟ କରୁଛନ୍ତି । ସେନା ଶିବିରଉପରେ କରୁଛନ୍ତି ଗୁଳିବର୍ଷା ।
ଆଫଗାନିସ୍ତାନର ରକ୍ଷା ମନ୍ତ୍ରାଳୟର ମୁଖ୍ୟ ଡୁରଣ୍ଡ ବର୍ଡର ଲାଇନ ବିଷୟରେ କହିଛନ୍ତି ଯେ, ଏହାକୁ ଆମେ ପାକିସ୍ତାନର ଅଞ୍ଚଳ ବୋଲି ଭାବୁନାହୁଁ । ଏହାକୁ ଆଫଗାନିସ୍ତାନର ହାଇପୋଥେଟିକାଲ୍ ଲାଇନ୍ ମଧ୍ୟ କୁହାଯାଏ । ଯାହା ୧୯୪୭ ପରଠୁ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଏହି ସୀମା ରହିଛି । ଆଫଗାନିସ୍ତାନ କେବେ ବି ଡୁରଣ୍ଡ ସୀମାକୁ ଆନୁଷ୍ଠାନିକ ଭାବେ ସ୍ୱୀକୃତି ଦେଇନାହିଁ ।
ଡୁରଣ୍ଡ ସୀମା ବିବାଦ କ’ଣ ?
ବ୍ରିଟିଶ ଶାସନ ସମୟରେ ତିଆରି ହୋଇଥିବା ସୀମା ହେଉଛି ଡୁରଣ୍ଡ ଲାଇନ । ଯାହା ୧୮୯୩ ମସିହାରେ ଏମିରେଟ୍ସ ଅଫ୍ ଆଫଗାନିସ୍ତାନ ମଝିରେ ତିଆରି ହୋଇଥିଲା । ଆଫଗାନିସ୍ତାନ ଏବଂ ପାକିସ୍ଥାନ ମଧ୍ୟରେ ୨୬୪୦ କିମି ଲମ୍ୱର ଆନ୍ତର୍ଜାତୀୟ ସୀମାର ନାଁ ହେଉଛି ଡୁରଣ୍ଡ ଲାଇନ । ଏହି ସୀମାରେଖା ପଶ୍ଚୁନ ଆଦିବାସୀ ଅଞ୍ଚଳରୁ ଦକ୍ଷିଣରେ ବଲୁଚିସ୍ତାନ ମଝି ଦେଇ ଯାଇଥାଏ । ଏହି ଭଳି ଭାବେ ଦୁଇଦେଶକୁ ଭାଗକରି ଏହି ବର୍ଡର ରହିଛି । ଏହାକୁ ଦୁନିଆର ସବୁଠାରୁ ବିପଦଜ୍ଜନକ ସୀମା ବୋଲି କୁହାଯାଏ ।
ବ୍ରିଟିଶ୍ ଦକ୍ଷିଣ ଏସିଆ ଠାରୁ ନିଜ ଅଞ୍ଚଳର ସୁରକ୍ଷା ପାଇଁ ଡୁରଣ୍ଡ ଲାଇନ୍ ବନାଇଥିଲେ । ଏହି ବର୍ଡର ନାମ ସାର୍ ହେନେରୀ ଡୁରଣ୍ଡଙ୍କ ନାମନୁଯାୟୀ ରଖାଯାଇଥିଲା । ଯେ ସେସମୟରେ ଗୁଲାମୀ ଭାରତର ବିଦେଶ ସଚିବ ଥିଲେ । ଏହାକୁ ତତକାଳୀନ ବ୍ରିଟିଶ ଶାସକ ଏବଂ ଆଫଗାନ ଶାସକ ଅବଦୂର ରେହମାନ ସହ ମିଶିକି ନିର୍ମାଣ କରିଥିଲେ । ବିଟିଶ ସରକାର ନିଜ ହୁକୁମତକୁ ବଜାୟ ରଖିବା ପାଇଁ ରେହମାନଙ୍କୁ ଶାସନଭାର ଦେଇଥିଲେ । ଡୁରଣ୍ଡର ଏକ ବଡ଼ ଅଂଶ ପିଓକେ ଦେଇ ଯାଇଛି ।
ଡୁରଣ୍ଡ ସୀମାର କ’ଣ ଆବଶ୍ୟକତା ଥିଲା ?
ଭାରତ ଏବଂ ଆଫଗାନିସ୍ତାନ ମଧ୍ୟରେ ସୀମା ନିର୍ଣ୍ଣନ କରିବା ପାଇଁ ସେହି ସମୟରେ ଏହି ରେଖା ନିର୍ମାଣ ହୋଇଥିଲା । ସେତେବେଳେ ପାକିସ୍ତାନ ଭାରତ ମିଶିକରିଥିଲା । ଏହାସହ ପୂର୍ବରେ ରୁଷର ବିସ୍ତାରବାଦୀ ନୀତିଠାରୁ ଦୂରେଇ ରହିବା ପାଇଁ ବ୍ରିଟିଶ୍ ସାମ୍ରାଜ୍ୟ ଆଫଗାନିସ୍ତାନକୁ ବର୍ଡର ଜୋନ ଭାବେ ବ୍ୟବହାର କରିଥିଲା । ଏହି ସୀମା ନିର୍ବାଣ ସମୟରେ ସ୍ଥାନୀୟ ଆଦିବାସୀ ଏବଂ ଭୌଗଳିକ ପରସ୍ଥିତିକୁ ବିଚାରକୁ ନିଆଯାଇନଥିଲା, ଯେଉଁ କାରଣରୁ ଏହା ବିବାଦ ଘରେକୁ ଆସିଥିଲା । ଡୁରଣ୍ଡ ପାଖରେ ୨ଟି ପ୍ରମୁଖ ଆଦିବାସୀ ଜନଜାତି ରହୁଥିଲେ । ଏହି ସୀମା ଯୋଗୁଁ ସେମାନଙ୍କ ଘରକୁ ମଧ୍ୟ ଭାଗ କରାଯାଇଥିବା ସେମାନେ ଅଭିଯୋଗ କରିଥିଲେ ।
କୁହାଯାଏ କି, ଆଫଗାନିସ୍ତାନରେ ତାଲିବାନର ଶାସନ ଆରମ୍ଭ ହେବା ପରେ ଡୁରଣ୍ଡ ସୀମା ଉପରେ ବିବାଦ ବଢିବାରେ ଲାଗିଲା । ତାଲିବାନ ଏହି ସୀମାକୁ ଆଫଗାନିସ୍ତାନର ସର୍ବଭୌମତାର ଉଲଂଘନ ବୋଲି ବିବେଚନା କରେ । ଉଭୟ ପାକିସ୍ତାନ ଏବଂ ଆଫଗନିସ୍ତା ଏହାକୁ ନିଜ ସୀମା ବୋଲି ଦାବି କରନ୍ତି । ଏହା ପରଠୁ ତାଲିବାନୀ ଆତଙ୍କବାଦୀ ସଂଗଠନ ପାକିସ୍ତାନ ଉପରେ ଆକ୍ରମଣ ଜାରି ରଖିଛି । ଯେଉଁଥିପାଇଁ ଦୁଇ ଦେଶ ମଧ୍ୟରେ ତିକ୍ତତା ବଢି ଚାଲିଛି ।
ମେଲବର୍ଣ୍ଣରେ ଭାରତର ଶୋଚନୀୟ ପରାଜୟ, ୧୮୪ରନରେ ଅଷ୍ଟ୍ରେଲିଆଠୁ ହାରିଲା ଭାରତ
ନନ୍ଦିଘୋଷ ବ୍ୟୁରୋ: ମେଲବର୍ଣ୍ଣରେ ଭାରତର ଶୋଚନୀୟ ପରାଜୟ । ୧୮୪ରନରେ ଅଷ୍ଟ୍ରେଲିଆଠୁ ହାରିଲା ଭାରତ । ଭାରତ ପ୍ରଥମ ଇନିଂସରେ ୩୬୯ ରନ କରିଥିଲେ । ଦ୍ୱିତୀୟ ଇନିଂସରେ ମାତ୍ର ୧୫୫ ରନ୍ରେ ଅଲଆଉଟ ହୋଇଛି ଟିମ୍ । ଦ୍ଵିତୀୟ ଇନିଂସରେ ଭାରତର ଶୋଚନୀୟ ବ୍ଯାଟିଂ କରି ପରାଜୟ ସ୍ବୀକାର କରିଛି । ଜଶସ୍ଵୀଙ୍କୁ ଛାଡ଼ି ସମସ୍ତେ ଫେଲ୍ । ଜଶସ୍ଵୀ ଓ ପନ୍ତଙ୍କୁ ଛାଡ଼ି କେହି ଦୁଇ ଅଙ୍କ ଛୁଇଁ ପାରିଲେନି । ବର୍ତ୍ତମାନ ସିରିଜରେ ୨-୧ ରେ ଆଗୁଆ ଅଛି କଙ୍ଗାରୁ ଦଳ ।
୧୮୪ ରନରେ ଚତୁର୍ଥ ଟେଷ୍ଟ ଜିତିଲା ଅଷ୍ଟ୍ରେଲିଆ । ଅଷ୍ଟ୍ରେଲିଆ ପ୍ରଥମ ଇନିଂସରେ ୪୭୪ କରିଥିବା ବେଳେ , ଦ୍ୱିତୀୟ ଇନିଂସରେ ୨୩୪ କରିଛି । ଭାରତରେ ପ୍ରଥମ ଇନିଂସ ୩୬୯ ରହିଥିବା ବେଳେ , ଦ୍ୱିତୀୟ ଇନିଂସ ୧୫୫ ରହିଛି । ୨ୟ ଇନିଂସରେ ଭାରତୀୟ ଦଳକୁ ବିଜୟ ପାଇଁ ୩୪୦ ରନ୍ ଆବଶ୍ୟକତା ଥିବା ବେଳେ ଦଳ ମାତ୍ର ୧୫୫ ରନ୍ରେ ହିଁ ହାତ ଟେକିଦେଇଛି ଅର୍ଥାତ ଅଲଆଉଟ ହୋଇଯାଇଛି । ଦ୍ବିତୀୟ ଇନିଂସରେ ବି ଫେଲ ମାରିଛନ୍ତି କ୍ୟାପଟେନ୍ ରୋହିତ ଶର୍ମା, ରନ୍ ମେସିନ ବିରାଟ କୋହଲି, ଲୋକେସ ରାହୁଲ ଏବଂ ରବିନ୍ଦ୍ର ଜାଡେଜାଙ୍କ ଭଳି ବଡ ବଡ ଚେହେରା ।
ଅଷ୍ଟ୍ରେଲିଆ ପ୍ରଥମ ଇନିଂସ-୪୭୪ ରନ୍
ଅଷ୍ଟ୍ରେଲିଆର ଦ୍ଵିତୀୟ ଇନିଂସ-୨୩୪ ରନ୍
ଭାରତ ପ୍ରଥମ ଇନିଂସ-୩୬୯ ରନ୍
ଭାରତ ଦ୍ଵିତୀୟ ଇନିଂସ-୧୫୫ ରନ୍
ଅଷ୍ଟ୍ରେଲିଆ ୨-୧ ସିରିଜ ଆଗୁଆ
ଆମେରିକାର ରାଷ୍ଟ୍ରପତିଙ୍କ ନାଁରେ ରହିଛି ହରିୟାଣାର ଏହି ଗାଁ
ନନ୍ଦିଘୋଷ ବ୍ୟୁରୋ : ଆମେରିକାର ୩୯ତମ ରାଷ୍ଟ୍ରପତି ଜିମି କାର୍ଟରଙ୍କ ରବିବାର ୧୦୦ବର୍ଷ ବୟସରେ ଦେହାନ୍ତ ହୋଇଛି । ସେ ବହୁ ଦିନ ଧରି ଅସୁସ୍ଥ ଥିଲେ । କାର୍ଟରଙ୍କ ଭାରତ ସହ ଏକ ନିବିଡ଼ ସମ୍ବନ୍ଧ ଥିଲା । ସେ ଭାରତ ଯାତ୍ରା କରିଥିବା ୩ୟ ଆମେରିକା ରାଷ୍ଟ୍ରପତି ଥିଲେ । ତାଙ୍କ ଭାରତ ଗ୍ରସ୍ତର ଏକ ପ୍ରତୀକ ସ୍ୱରୂପ ଏବେ ବି ଭାରତରେ ରହିଛି । ଅର୍ଥାତ କାର୍ଟରଙ୍କ ନାମରେ ଭାରତର ଏକ ଗାଁର ନାଁ ‘କାର୍ଟରପୁରୀ’ ରଖାଯାଇଛି ।
ଭାରତର ସଂସଦକୁ କରିଥିଲେ ସମ୍ୱୋଧିତ :
କାର୍ଟରଙ୍କୁ ଭାରତର ମିତ୍ର ଭାବେ ବିବେଚନା କରାଯାଉଥିଲା । ଏମରଜେନ୍ସି ପରେ ୧୯୭୭ ମସିହାରେ ଜନତା ପାର୍ଟିର ବିଜୟ ପରେ ଭାରତକୁ ଆସିଥିବା ସେ ୩ୟ ଆମେରିକା ରାଷ୍ଟ୍ରପତି ଥିଲେ । ୧୯୭୮ମସିହା ଜାନୁଆରୀ ୨ରେ ସେ ଭାରତର ସଂସଦକୁ ସମ୍ୱୋଧିତ କରି ଏକଛତ୍ରବାଦୀ ଶାସବ ବିରୋଧରେ ସ୍ୱର ଉତ୍ତୋଳନ କରିଥିଲେ ।
ଏହି ଗାଁକୁ କରିଥିଲେ ପରିଦର୍ଶନ :
କାର୍ଟର ୧୯୭୮ମସିହା ଜାନୁଆରୀ ୩ରେ ଏବଂ ତତ୍କାଳୀନ ପ୍ରଥମ ଲେଡି ରୋସାଲିନ ଦିଲ୍ଲୀ ଠାରୁ ଏକ ଘଣ୍ଟା ଦୂରରେ ଥିବା ହରିୟାଣାର ଦୌଲତପୁରରୁ ନସୀରାବାଦ ଯାଇଥିଲେ । ଏହି ଗ୍ରସ୍ତ ଏପରି ସଫଳ ହୋଇଥିଲା ଯେ, ଏହା ପରେ ପରେ ଗାଁ ଲୋକ ଏହି ସ୍ଥାନର ନାଁ କାର୍ଟରପୁରୀ ରଖିଦେଲେ । ଏପରିକି ସେମାନେ ରାଷ୍ଟ୍ରପତି କାର୍ଟରଙ୍କ କାର୍ଯ୍ୟକାଳ ସମୟରେ ହ୍ୱାଇଟହାଉସର ସମ୍ପର୍କରେ ଥିଲେ । ଯେବେ ୨୦୦୨ ମସିହାରେ ରାଷ୍ଟ୍ରପତି କାର୍ଟରଙ୍କୁ ନୋବେଲ ଶାନ୍ତି ପୁରସ୍କାର ମିଳିଥିଲା , ସେବେ ଏହି ଗାଁରେ ଉତ୍ସବ ମନାଇଥିଲେ ।