ନନ୍ଦିଘୋଷ ବ୍ୟୁରୋ: ମହାରାଷ୍ଟ୍ରରେ କିଏ ହେବ ମୁଖ୍ୟମନ୍ତ୍ରୀ ? ବର୍ତ୍ତମାନ ଏହାକୁ ନେଇ ଜୋରଦାର ଚର୍ଚ୍ଚା। ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳରେ ମହାୟୁତି ବଡ ବିଜୟ ହାସଲ କରିଛି । ତେବେ ମହାରାଷ୍ଟ୍ରରେ କିଏ ହେବ ମୁଖ୍ୟମନ୍ତ୍ରୀ ସେନେଇ ଜାରି ରହିଛି ସସେପନସ। ଆଜି ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀଙ୍କ ନାଁ ଘୋଷଣା ହେବାର ସମ୍ଭାବନା ରହିଛି।  ମହାରାଷ୍ଟ୍ରର ମୁଖ୍ୟମନ୍ତ୍ରୀ ପଦ ପାଇଁ ଦୌଡରେ ଦେବେନ୍ଦ୍ର ଫଡନାଭିସ୍ ଏବଂ ଏକନାଥ ସିନ୍ଦେଙ୍କ ମଧ୍ୟରେ ପ୍ରତିଯୋଗିତା ଚାଲିଛି। ବିଜେପିର ଦେବେନ୍ଦ୍ର ଫଡନାଭିସ ମୁଖ୍ୟମନ୍ତ୍ରୀ ହେବାର ସମ୍ଭାବନା ଥିବା ବେଳେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ପଦ ସହଜରେ ଛାଡିବେ ବୋଲି ଲାଗୁନାହିଁ ।  ଏକନାଥ ସିନ୍ଦେଙ୍କୁ ଯେତେବେଳେ ମୁଖ୍ୟମନ୍ତ୍ରୀ ପଦ ବିଷୟରେ ପ୍ରଶ୍ନ ପଚରାଗଲା, ସେତେବେଳେ ସେ ସିଧାସଳଖ ପ୍ରଶ୍ନକୁ ଏଡାଇ ମୁହଁ ବୁଲାଇ ଦେଇଥିଲେ ।

ସୂଚନା ଅନୁଯାୟୀ ମହାରାଷ୍ଟ୍ର ନିର୍ବାଚନରେ ​​ବିଜୟ ପରେ ଦେବେନ୍ଦ୍ର ଫଡନାଭିସ୍ ଏବଂ ଏକନାଥ ସିନ୍ଦେଙ୍କ ମଧ୍ୟରେ ମୁଖ୍ୟମନ୍ତ୍ରୀ ପଦବୀ ପାଇଁ ବିବାଦ ଲାଗି ରହିଛି। ଫଡନାଭିସ ମୁଖ୍ୟମନ୍ତ୍ରୀ ପଦ ଛାଡିବାକୁ ନାରାଜ ଥିବାବେଳେ ସିନ୍ଦେ ମଧ୍ୟ ଛାଡିବାକୁ ଇଚ୍ଛୁକ ନାହାନ୍ତି । ଏକନାଥ ସିନ୍ଦେଙ୍କ ନେତୃତ୍ୱରେ ସରକାର ଭଲ କାମ କରିଛନ୍ତି ଏବଂ ବିଜୟ ହେଉଛି ଏହାର ଫଳାଫଳ ସେଥିପାଇଁ ତାଙ୍କ ଗୋଷ୍ଠୀ ସିନ୍ଦେଙ୍କୁ ମୁଖ୍ୟମନ୍ତ୍ରୀ କରିବାକୁ ଚାହୁଁଛନ୍ତି । ଏଭଳି ପରିସ୍ଥିତିରେ ଯେତେବେଳେ ସାମ୍ବାଦିକମାନେ ରବିବାର ଦିନ ସିଏମ୍ ପଦବୀ ସମ୍ପର୍କରେ ଏକନାଥ ସିନ୍ଦେଙ୍କୁ ପ୍ରଶ୍ନ ପଚାରିଥିଲେ, ସେ କିଛି ନ କହି ଏହାକୁ ଏଡାଇ ଯାଇଥିଲେ।

ସିନ୍ଦେ ପ୍ରଶ୍ନ ଶୁଣି ମୁହଁ ବୁଲାଇଦେଲେ
ରବିବାର ଦିନ ଏକନାଥ ସିନ୍ଦେଙ୍କ ଶିବସେନାର ବିଧାନସଭା ପାର୍ଟି ବୈଠକ ଅନୁଷ୍ଠିତ ହୋଇଥିଲା। ବିଧାନସଭା ପାର୍ଟି ବୈଠକ ପରେ ସେ ବାହାରକୁ ଆସିବା ପରେ ସେ ଗଣମାଧ୍ୟମ ସହ କଥା ହୋଇଥିଲେ। ଏହି ସମୟରେ ଏକନାଥ ସିନ୍ଦେ ନିଜେ କାରରୁ ଗଣମାଧ୍ୟମକୁ କହିଥିଲେ। ‘ସମସ୍ତ ବିଧାୟକଙ୍କୁ ଧନ୍ୟବାଦ, ଯେଉଁମାନେ ସର୍ବସମ୍ମତି କ୍ରମେ ମୋତେ ଦଳର ନେତା ଭାବରେ ମନୋନୀତ କରିଛନ୍ତି, ସମସ୍ତଙ୍କୁ ଶୁଭେଚ୍ଛା।’ ଏହା ପରେ ଗଣମାଧ୍ୟମ ଦ୍ୱାରା ଆଉ ଏକ ପ୍ରଶ୍ନ ପଚରାଯାଇଥିଲା। ସାର୍, ଆସନ୍ତାକାଲି ମୁଖ୍ୟମନ୍ତ୍ରୀ ପଦରେ ନିଷ୍ପତ୍ତି ନିଆଯିବ କି? ପ୍ରଶ୍ନ ଶୁଣିବା ପରେ ସିନ୍ଦେ ମୁହଁ ବୁଲାଇ ଡ୍ରାଇଭରକୁ ହାତରେ ଚଳାଇବାକୁ ସଙ୍କେତ ଦେଇଥିଲେ। ଏହିପରି ଭାବରେ ସିନ୍ଦେ CMର ପ୍ରଶ୍ନକୁ ଏଡାଇ ପଳାଇଥିଲେ  ।

ଆଜି CM ପଦବୀ ଉପରେ ହେବ ନିଷ୍ପତ୍ତି !
ଯେତେବେଳେ ସିନ୍ଦେ ଗଣମାଧ୍ୟମ ସହିତ କଥାବାର୍ତ୍ତା କରୁଥିଲେ, ସେତେବେଳେ ତାଙ୍କର ମୁହଁରେ ଖୁସୀ ନଥିଲା । ମୁଖ୍ୟମନ୍ତ୍ରୀଙ୍କ ପଦ ପାଇଁ ଲାଗିରହିଥିବା ବିବାଦ ତାଙ୍କ ମୁହଁରେ ବାରି ହେଇପଡୁଥିଲା । ନିର୍ବାଚନରେ ବିଜୟର ଖୁସୀ ତାଙ୍କୁ ମୁହଁରେ ଦେଖାଯାଉନଥିଲା । ମୁଖ୍ୟମନ୍ତ୍ରୀ ପଦବୀକୁ ନେଇ ବିବାଦ ଥିବାରୁ ସିନ୍ଦେ ବିବ୍ରତ ଥିବା ଚର୍ଚ୍ଚା ହେଉଛି। ତେବେ ଦେବେନ୍ଦ୍ର ଫଡନାଭିସ୍ ଏବଂ ଏକନାଥ ସିନ୍ଦେଙ୍କ ମଧ୍ୟରୁ କିଏ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବେ ସେନେଇ ସସପେନ୍ସ ଜାରି ରହିଛି। ଏହି ସମୟରେ ଦେବେନ୍ଦ୍ର ଫଡନାଭିସ୍, ଏକନାଥ ସିନ୍ଦେ ଏବଂ ଅଜିତ ପାୱାର ଦିଲ୍ଲୀ ଆସୁଛନ୍ତି। ସେଠାରେ ସେ ଅମିତ ଶାହାଙ୍କୁ ଭେଟିବେ। ବୋଧହୁଏ ଅମିତ ଶାହାଙ୍କୁ ଭେଟିବା ପରେ ସିଏମ୍ ପଦରେ ଥିବା ଚିତ୍ର ସ୍ପଷ୍ଟ ହୋଇପାରେ।