ନନ୍ଦିଘୋଷ ବ୍ୟୁରୋ: କଣାସରେ ଝାଡ଼ାବାନ୍ତିରେ ୪ ଜଣଙ୍କ ଜୀବନ ଯାଇଥିବା ଘଟଣାରେ ପ୍ରେସମିଟ କରି ବର୍ଷିଛି ବିଜେଡି । ସରକାରଙ୍କ ନିଷ୍କ୍ରିୟତାକୁ ନେଇ ବିଜେଡି ପ୍ରେସମିଟରେ ଉମା ସାମନ୍ତରାୟ ଟାର୍ଗେଟ କରିଛନ୍ତି । ଚାରି ଜଣଙ୍କ ମୃତ୍ୟୁ ଘଟିବା ପରେ ବି ପ୍ରଶାସନ ନୀରବ । ଗାଁରେ ରୋଗୀଙ୍କ ଲାଗି ଆମ୍ବୁଲାନ୍ସ ପହଞ୍ଚି ପାରୁନାହିଁ । ସ୍ବାସ୍ଥ୍ଯମନ୍ତ୍ରୀଙ୍କ ମାନବିକତା ଉଦୟ ହେଉନାହିଁ । ୧୦ ଦିନ ପରେ ବି ପ୍ରଶାସନ ପାଲଟିଛି ସ୍ଥାଣୁ ହରଚଣ୍ଡୀ ପିଏଚସିରେ ଚାବି ପଡି ରହିଛି । ସରକାର ଆସିବା ଦିନୁ ଅନେକ ମେଡିକାଲରେ ଷ୍ଟାଫ ନାହାନ୍ତି କହି ସମାଲୋଚନା କରିଛନ୍ତି ଉମା ସାମନ୍ତରାୟ ।
ନନ୍ଦିଘୋଷ ବ୍ୟୁରୋ: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ଼ ଘଟଣା। ଅଭିଯୁକ୍ତ ମହମ୍ମଦ ଶରିଫୁଲ ଇସଲାମ ଶେହେଜାଦକୁ ନେଇ ମୁମ୍ବାଇ ପୋଲିସର ସିନ ରିକ୍ରିଏସନ। ମହମ୍ମଦ ଶରିଫୁଲ ଇସଲାମ ଓରଫ ବିଜୟ ଦାସକୁ ଅଭିନେତା ସୈଫ ଅଲ୍ଲୀ ଖାନଙ୍କ ଘରକୁ ନେଇ ସିନ ରିକ୍ରିଏଟ କରିଥିଲା ପୋଲିସ। କେମତି ଘଟାଇଥିଲା ଏ କାଣ୍ଡ ସବୁ ପୋଲିସକୁ ଖୋଲି କହିଛି ଅଭିଯୁକ୍ତ। ମାମଲାରେ ୫ଦିନିଆ ରିମାଣ୍ଡରେ ନେଇ ଛାନବିନ କରୁଛି ମୁମ୍ବାଇ ପୋଲିସ। ମହାରାଷ୍ଟ୍ର ଠାଣେରୁ ତାକୁ ଗିରଫ କରିଥିଲା। ସେ ଜଣେ ବାଂଲାଦେଶୀ ନାଗରିକ ଥିବା ସୂଚନା ମିଳିଛି। ଯାଞ୍ଚ ବେଳେ କୌଣସି ବୈଧ ଭାରତୀୟ କାଗଜପତ୍ର ମିଳିନଥିଲା। ଚୋରି କରିବାକୁ ଆସି ସୈଫଙ୍କ ଘରେ ପଶିଥିଲା ଅଭିଯୁକ୍ତ। ୫ରୁ ୬ ମାସ ହେଲା ମୁମ୍ବାଇରେ ନାଁ ବଦଳାଇ ରହୁଥିଲା ବିଜୟ। ଏକ ହାଉସକିପିଂ ଏଜେନ୍ସିରେ କାମ କରୁଥିଲା ବୋଲି ପ୍ରେସମିଟ୍ କରି ସୂଚନା ଦେଇଛନ୍ତି ମୁମ୍ବାଇ ଜୋନ-୯ ଡିସିପି। ସୈଫଙ୍କୁ ଆକ୍ରମଣ କରିଥିବା ନେଇ ଅଭିଯୁକ୍ତ ପୋଲିସ ଆଗରେ ସ୍ବୀକାର କରିଛି। ଘଟଣାର ୭୨ ଘଣ୍ଟା ପରେ ୩୫ ଜଣିଆ ଟିମ୍ ବିଜୟକୁ ଗିରଫ କରିବାରେ ସଫଳ ହୋଇଛି। ଗତ ୧୬ ତାରିଖରେ ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ଉପରେ ତାଙ୍କ ଫ୍ଲାଟରେ ହମଲା ହୋଇଥିଲା। ସୈଫ ଅଲ୍ଲୀ ଖାନଙ୍କୁ ଗୁରୁତର ଅବସ୍ଥାରେ ଏକ ଅଟୋ ରିକ୍ସାରେ ଲୀଲାବତୀ ହସ୍ପିଟାଲକୁ ନିଆଯାଇଥିଲା। ତାଙ୍କର ଅପରେସନ ପରେ ସେ ଏବେ ସୁସ୍ଥ ଥିବା ଜଣାପଡିଛି।
ନନ୍ଦିଘୋଷ ବ୍ୟୁରୋ: ଘର ଭିତରକୁ ମାଡିଗଲା ବାଲି ବୋଝେଇ ହାଇୱା । ଗାଡିକୁ ଅଟକାଇ ପୋଲିସକୁ ଖବର ଦେଲେ ଗ୍ରାମବାସୀ। ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ସୁନାମ୍ବ ସାହି ନିକଟରେ ଥିବା ଏକ ଘର ଭିତରକୁ ମାଡିଗଲା ବାଲି ବୋଝେଇ ହାଇଓ୍ବା। ଫଳରେ ଗ୍ରାମବାସୀ ଉତ୍ୟକ୍ତ ହୋଇ ଗାଡିକୁ ଅଟକାଇ ପୋଲିସକୁ ଖବର ଦେଇଥିଲୋ। ଘଟଣାସ୍ଥଳରେ ଆସିକା ଏସଡିପିଓ ପହଞ୍ଚି ବାଲି ବୋଝେଇ ହାଇୱା ଦୁଇଟିକୁ ଥାନାକୁ ନେଇ ଅଧିକ ତଦନ୍ତ କରୁଛନ୍ତି। ଅନ୍ୟପଟେ ଆସିକା ଋଷୁକୁଲ୍ୟା ନଦୀରୁ ଏପରି ଅନେକ ଘାଟରୁ ରାତି ଅଧିଆ ବାଲି ଚୋରା ଚାଲାଣ ନେଇ ବାରମ୍ବାର ଖବର ପ୍ରସାରଣ ପରେ ମଧ୍ୟ ଲଘୁ ଖଣିଜ ବିଭାଗ କି ସ୍ଥାନୀୟ ପ୍ରଶାସନ କୌଣସି ପଦକ୍ଷେପ ନେଉନଥିବା ଅଭିଯୋଗ କରିଛନ୍ତି ଗ୍ରାମବାସୀ।
ନନ୍ଦିଘୋଷ ବ୍ୟୁରୋ: ଦିଲ୍ଲୀ ନିର୍ବାଚନ ଯେତିକି ପାଖଉଛି ରାଜେନୖତିକ ମାହୋଲ ସେତିକି ଉଷ୍ମ ହେବାରେ ଲାଗିଛି । ବିଜୟ ପାଇଁ ରାଜନୈତିକ ଦଳମାନେ ନିଜର ପ୍ରସ୍ତୁତି ଜାରି ରଖିଛନ୍ତି । ୨ଟି ନିର୍ବାଚନରେ ଦିଲ୍ଲୀରେ ଖାତା ଖୋଲି ନଥିବା କଂଗ୍ରେସ କିନ୍ତୁ ଚଳିତଥର ଲଢ଼େଇ ଜୋରଦାର କରିବ ବୋଲି ଚର୍ଚ୍ଚା ହେଉଛି । ତେବେ ଜାତୀୟ ନେତାମାନେ ଦିଲ୍ଲୀ ରାଜନୀତିକୁ ନେଇ ଯେତିକି ଚିନ୍ତାରେ ରହୁଛନ୍ତି ଦିଲ୍ଲୀର କଂଗ୍ରେସ ନେତାମାନେ ସେତିକି ଭାବୁନଥିବା କୁହାଯାଇଛି । ଯାହାକୁ ନେଇ ସ୍ଥାନୀୟ ନେତାଙ୍କୁ ତାଗିଦ କରିଛନ୍ତି ରାହୁଲ ଗାନ୍ଧି ଏବଂ ପ୍ରିୟଙ୍କା ଗାନ୍ଧି । ଦିଲ୍ଲୀର ସ୍ଥାନୀୟ ନେତାମାନେ ଗୁରୁତର ସହ କୌଣସି ବୈଠକ କରୁନଥିବାବେଳେ ଲୋକଙ୍କ ପାଖରେ ପହଞ୍ଚି ପାରୁନଥିବା କୁହାଯାଇଛି । ଯାହାକୁ ନେଇ ରାହୁଲ କହିଛନ୍ତି କି, କଂଗ୍ରେସର ପ୍ରମୁଖ ଗ୍ୟାରେଣ୍ଟି କାର୍ଡ ଲୋକଙ୍କ ପାଖରେ ପହଞ୍ଚାନ୍ତୁ ।
ସୋମବାର ଦିଲ୍ଲୀର ସ୍ଥାନୀୟ ନେତୃ ମଣ୍ଡଳୀଙ୍କ ସହ ଅନଲାଇନରେ ଏକ ବୈଠକ ଆୟୋଜନ କରିଥିଲେ ରାହୁଲ ଏବଂ ପ୍ରିୟଙ୍କା । ରାହୁଲ ସିଲମପୁରରେ ଏକ ଜନସଭା କରିଥିବାବେଳେ ଏହାପରଠାରୁ କିନ୍ତୁ ସ୍ଥାନୀୟ ନେତା କୌଣସି ସଭାର ଆୟୋଜନ କରିନାହାନ୍ତି । ଚର୍ଚ୍ଚା ହେଉଛି କି, ବିଜେପି ଏବଂ ଆମ ଆଦମୀ ପାର୍ଟି ପକ୍ଷରୁ ଯେଉଁ ଭଳି ଭାବରେ ପ୍ରଚାର କରାଯାଉଛି କଂଗ୍ରେସ ଏଥିରେ ପଛରେ ପଡ଼ି ଯାଇଛି । ସ୍ଥାନୀୟ ନେତାମାନେ କେବଳ ରାହୁଲ ଏବଂ ପ୍ରିୟଙ୍କାଙ୍କ ଉପରେ ନିର୍ଭର କରୁଛନ୍ତି । ତେବେ ଦିଲ୍ଲୀରେ ମାରାଥନ ପ୍ରଚାର ଆରମ୍ଭ କରିବାକୁ ଯାଉଛନ୍ତି ରାହୁଲ । ପାରମ୍ପିକ ଭୋଟ ବ୍ୟାଙ୍କ ହାତେଇବା ସହ ବିଜୟ ଲକ୍ଷ୍ୟରେ ବଡ଼ ସଭାର ଆୟୋଜନ ମଧ୍ୟ କରିବାକୁ ଯାଉଛନ୍ତି । ବୁଧବାରଠାରୁ ରାହୁଲଙ୍କ ପ୍ରଚାର କାର୍ଯ୍ୟକ୍ରମ ରହିଛି ।
ନନ୍ଦିଘୋଷ ବ୍ୟୁରୋ: ଚିଲିକାରେ ଦ୍ଵିତୀୟ ଦିନ ପାଇ ଚାଲିଛି ଡଲଫିନ ଗଣତି। ଗତକାଲି ଗଣତି ଆରମ୍ଭ ହୋଇଥିବାବେଳେ ଆସନ୍ତାକାଲି ମଧ୍ୟ ଡଲଫିନ ଗଣତି ଚାଲିବ। ଆଜି ଦ୍ୱିତୀୟ ପର୍ଯ୍ୟାୟରେେ ଆରମ୍ଭ ହୋଇଛି ଡଲଫିନ୍ ଗଣନା । ସକାଳ ୬ରୁ ମଧ୍ୟାହ୍ନ ୧୨ଟା ଯାଏଁ ଚାଲିବ ଏହି ଗଣନା । ସମଗ୍ର ଚିଲିକା ଏରିଆରେ ଦେଖା ଦେଉଥିବା ଇରାୱାଡି ଡଲଫିନ୍ ଏବଂ ଚିଲିକା-ସମୁଦ୍ର ମୁହାଣରେ ଦେଖା ଦେଉଥିବା ବଟଲ୍-ନୋଚ୍ ଡଲଫିନର ଗଣନା କରାଯାଉଛି। ଚିଲିକା ବନ୍ୟପ୍ରାଣୀ ଡିଭିଜନର ସାତପଡା ଓ ବାଲୁଗାଁର ୨ଟି ରେଞ୍ଜରେ ଚାଲିଛି ଗଣତି। ଡଲଫିନ୍ ଗଣନାରେ ୧୮ଟି ଟିମ ନିୟୋଜିତ ହୋଇଛନ୍ତି। ପ୍ରତି ଟିମରେ ୫ ରୁ ୬ ଜଣ ସଦସ୍ୟ ସମେତ ୨ ଜଣ ଡଙ୍ଗା ଚାଳକ ସାମିଲ ଅଛନ୍ତି। ବାଲୁଗାଁ ବଡ଼କୂଳରେ ୧୦ ଟିମ ଏବଂ ସାତପଡାରେ ୮ ଟିମ ଡଲଫିନ୍ ନିୟୋଜିତ ହୋଇଛନ୍ତି। ଜିପିଏସ ସିଷ୍ଟମ ଓ ବାଇନାକୁଲାର ମାଧ୍ୟ୍ୟମରେ ଚାଲିଛି ଏହି ଗଣତି। ଡଲଫିନ୍ ଗଣନାରେ ୧୦୦ରୁ ଉର୍ଦ୍ଧ୍ବ ଗଣନାକାରୀ ସାମିଲ ଅଛନ୍ତି। ଉକ୍ତ ଟିମରେ ବନ୍ୟପ୍ରାଣୀ ବିଭାଗ , ସିଡ଼ିଏ , ଜଙ୍ଗଲ ବିଭାଗ କର୍ମଚାରୀ ସମେତ ଓୟୁଏଟିର ଛାତ୍ରଛାତ୍ରୀ, ବୋଟ ଆସୋସିଏସନର କାର୍ଯ୍ୟକର୍ତ୍ତା ଏବଂ ସ୍ବେଚ୍ଛାସେବୀ ସାମିଲ ହୋଇଛନ୍ତି। ଗଣନା ସମୟରେ ଚିଲିକାରେ ମସ୍ୟଜୀବୀ ଓ ଯାତ୍ରୀବାହୀ ଡଙ୍ଗା ଚଳାଚଳ ସମ୍ପୂର୍ଣ୍ଣ ବାରଣ କରାଯାଇଛି।
ନନ୍ଦିଘୋଷ ବ୍ୟୁରୋ: ବଲିଉଡର ଦିବଙ୍ଗତ ନେତା ସୁଶାନ୍ତ ସିଂ ରାଜପୁତଙ୍କ ଆଜି ୩୯ତମ ଜନ୍ମ ବାର୍ଷିକୀ । ତାଙ୍କ ମୃତ୍ୟୁକୁ ୫ ବର୍ଷ ବିତିଯାଇଛି । କିନ୍ତୁ ଆଜି ବି ତାଙ୍କ ମୃତ୍ୟୁ ରହସ୍ୟ ଖୋଲିନି । ତେବେ ତାଙ୍କ ମୃତ୍ୟୁ ପରେ ଗଣମାଧ୍ୟମରେ ହେଡଲାଇନ ପାଲଟିଥିଲେ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ । ତାଙ୍କୁ ନେଇ ଅନେକ ଚର୍ଚ୍ଚା ମଧ୍ୟ ହୋଇଥିଲା । ଏବରିକି ତାଙ୍କୁ ଜେଲ ଯିବାକୁ ପଡ଼ିଥିଲା ଏବଂ ପରେ ସେ ଜାମିନରେ ବାହାରକୁ ଆସିଛନ୍ତି ।
ରିୟା ୨୦୧୨ ମସିହାରେ ଏକ ତେଲୁଗୁ ଚଳଚିତ୍ର ଜରିଆରେ ଫିଲ୍ମରେ କ୍ୟାରିୟର ଆରମ୍ଭ କରିଥିଲେ । ଏହାପରେ ସେ ୨୦୧୩ ମସିହାରେ ବଲିଉଡରେ ଏଣ୍ଟ୍ରି କରିଥିଲେ । ଅନେକ ବଲିଉଡ ଫିଲ୍ମରେ ନିଜର ଜଲଓ୍ବା ଦେଖାଇଥିବା ରିୟା ଯେତିକି ଚର୍ଚ୍ଚାରେ ରହି ନଥିଲେ, ସୁଶାନ୍ତ ରାଜପୁତଙ୍କ ମୃତ୍ୟୁ ପରେ ଅଧିକ ଲୋକଲୋଚନକୁ ଆସିଥିଲେ । ଏବେ ସେ ନିଜର ଏକ ୟୁଟ୍ୟୁବ ଚ୍ୟାନେଲ ଚଲାଉଛନ୍ତି । ପ୍ରଡକାଷ୍ଟ କରି ନିଜର ୟୁଟ୍ୟବରେ କାମ କରୁଛନ୍ତି । ୨୦୧୩ ମସିହାରୁ ସୁଶାନ୍ତଙ୍କ ସହ ରହିଥିଲେ । ମାତ୍ର ସେମାନେ ଭଲ ବନ୍ଧୁ ଥିବା କହିଛନ୍ତି । କିନ୍ତୁ ସେମାନେ ୨୦୧୮ରେ ପ୍ରେମ ସମ୍ପର୍କରେ ଆସିଥିବା କହିଛନ୍ତି ।
ନନ୍ଦିଘୋଷ ବ୍ୟୁରୋ: ଦୟା ସୁରକ୍ଷା ଅଭିଯାନ ତରଫରୁ ପୁରୀ ଜିଲ୍ଲା ପାଳଙ୍କ ବିରୋଧରେ କଣାସ ଥାନାରେ ମାମଲା। ଦୟା ସୁରକ୍ଷା ଅଭିଯାନ ଓ ମହାନଦୀ ବଞ୍ଚାଅ ଆନ୍ଦୋଳନ କମିଟି ମାମଲା ଦାୟର କରିଛନ୍ତି। ଜିଲ୍ଲାପାଳଙ୍କ ଅବହେଳା ପାଇଁ ଦୟାନଦୀ କୂଳରେ ଥିବା କଣାସ ବ୍ଲକରେ ୪ଜଣ ଲୋକଙ୍କ ମୃତ୍ୟୁ ହୋଇଛି। ଦୟା ନଦୀରେ ଗଙ୍ଗୁଆ ଜଳ ମିଶି ଜଳ ବିଷ ପାଲଟିଥିବା ବେଳେ ତଳିଆ ଅଞ୍ଚଳର ଲୋକେ ମାନେ ଏହାକୁ ବ୍ୟବହାର କରୁଛନ୍ତି ଓ ବିଭିନ୍ନ ଚାଷ କାର୍ଯ୍ୟରେ ଲଗାଉଛନ୍ତି । ଫଳରେ ଲୋକମାନେ ମୃତ୍ୟୁ ମୁଖରେ ପଡୁଥିବା ନେଇ ଜିଲ୍ଲାପାଳଙ୍କୁ ଅନେକ ଥର ଅବଗତ କରାଯାଇଥିବା ସତ୍ତ୍ବେ ମଧ୍ୟ ସେ ଏହାର କୌଣସି ପ୍ରତିକାର କରିନଥିବା ଅଭିଯୋଗ ହୋଇଛି। ଜିଲ୍ଲାପାଳଙ୍କ ଅବହେଳା ପାଇଁ ଲୋକେ ମୃତ୍ୟୁ ମୁଖରେ ପଡୁଛନ୍ତି ଦର୍ଶାଇ କଣାସ ଥାନାରେ ଲିଖିତ ଏଫଆଇଆର ଦାଖଲ କରାଯାଇଥିବା ଦୟା ସୁରକ୍ଷା ଅଭିଯାନ ଓ ମହାନଦୀ ବଞ୍ଚାଅ ଆନ୍ଦୋଳନର ଆବାହକ ସୁଦର୍ଶନ ଦାସ କହିଛନ୍ତି ।
ନନ୍ଦିଘୋଷ ବ୍ୟୁରୋ: ଛତିଶଗଡ଼ରେ ସୁରକ୍ଷାକର୍ମୀଙ୍କ ଗୁଳିରେ ଟଳିଲେ ୧୦ ମାଓବାଦୀ। ନୂଆପଡ଼ା ଓ ଛତିଶଗଡ଼ର ଗରିଆବନ୍ଧ ସୀମାରେ ଏନକାଉଣ୍ଟର। ମୃତକଙ୍କ ମଧ୍ୟରେ ୨ ମହିଳା ମାଓ କ୍ୟାଡର ଥିବା ସୂଚନା ରହିଛି। ଓଡିଶା, ଛତିଶଗଡ ପୋଲିସ ଏବଂ ସିଆରପିଏଫ ଯବାନଙ୍କ ମିଳିତ ଅପରେସନରେ ମିଳିଛି ବଡ଼ ସଫଳତା। ଘଟଣାସ୍ଥଳରୁ ଗୋଟିଏ SLR ବନ୍ଧୁକ ଜବତ ହୋଇଛି। ଗରିଆବନ୍ଧରେ ଚାଲିଛି ଜୋରଦାର ସର୍ଚ୍ଚ ଅପରେସନ। ଗତ ୧୯ ତାରିଖ ରାତିରୁ ଓଡିଶାର ନୂଆପଡ଼ା ଜିଲ୍ଲା ସୀମାଠାରୁ ମାତ୍ର ୫ କିଲୋମିଟର ଦୂର ଛତିଶଗଡ଼ର କୁଲାରୀଘାଟ ସଂରକ୍ଷିତ ଜଙ୍ଗଲରେ ବହୁ ସଂଖ୍ୟାରେ ମାଓବାଦୀ ଲୁଚି ରହିଥିବା ଗୁଇନ୍ଦା ସୂଚନା ମିଳିଥିଲା। ଉଭୟ ରାଜ୍ୟର ସୁରକ୍ଷା ବାହିନୀଙ୍କ ସହ କେନ୍ଦ୍ରୀୟ ସୁରକ୍ଷା ବାହିନୀ ମିଶି କମ୍ବିଂ ଅପରେସନ୍ ଜାରି ରଖିଛନ୍ତି।
ନନ୍ଦିଘୋଷ ବ୍ୟୁରୋ: ବରଗଡ଼ ଧନୁଯାତ୍ରାରେ ଜଙ୍ଗଲରୁ ରକ୍ତ ଜୁଡୁବୁଡୁ ଅବସ୍ଥାରେ ଯୁବତୀ ଉଦ୍ଧାର ଘଟଣା । ଆଜି ୧୨ ଘଣ୍ଟିଆ ବରଗଡ଼ ବନ୍ଦ। ପୀଡ଼ିତାଙ୍କୁ ନ୍ୟାୟ ଦାବିରେ ବରଗଡ଼ରେ ୧୨ ଘଣ୍ଟିଆ ବନ୍ଦ ପାଳନ କରାଯାଉଛି। ସଚେତନ ନାଗରିକ ମଂଚ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି। ସକାଳ ୬ ଟାରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ବନ୍ଦ ପାଳନ କରାଯାଉଛି। ଜରୁରୀ କାଳୀନ ସେବା ବ୍ୟତୀତ ଅନ୍ୟ ସମସ୍ତ ସେବା ବନ୍ଦ ରହିଛି। ସମସ୍ତ ଦୋକାନ ବଜାର ବନ୍ଦ ରହିଛି। ଏହି ବନ୍ଦ ଡାକରାକୁ ବିଭିନ୍ନ ରାଜନୈତକ ତଥା ସାମାଜିକ ସଂଗଠନ ପକ୍ଷରୁ ସମର୍ଥନ ଦିଆଯାଇଛି। ବରଗଡ଼ ଗାନ୍ଧୀଛକ, ଭଟଲୀ ଛକ , ଡାଙ୍ଗ ଛକ ଆଦି ବିଭିନ୍ନ ଛକରେ ଆନ୍ଦୋଳନକାରୀ ମାନେ ରାସ୍ତା ଅବରୋଧ କରିବା ସହ ନାରାବାଜି କରିଛନ୍ତି । ପୂର୍ବତନ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ମଧ୍ୟ ଏହି ବନ୍ଦରେ ସାମିଲ ହୋଇଛନ୍ତି। ମୁଖ୍ୟ ଅଭିଯୁକ୍ତକୁ ପୋଲିସ ତୁରନ୍ତ ଗିରଫ କରୁ ବୋଲି ଦାବୀ କରିଛନ୍ତି। ବରଗଡ଼ ଧନୁଯାତ୍ରା ଦେଖିବାକୁ ଆସି ନିଖୋଜ ଯୁବତୀଙ୍କୁ କୁର୍ଲା ଜଙ୍ଗଲରୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରାଯାଇଥିଲା। ଗତକାଲି ଏହି ଘଟଣାରେ ୩ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ବରଗଡ଼ ପୋଲିସ । ଏବେବି ମୁଖ୍ୟ ଅଭିଯୁକ୍ତ ଫେରାର ରହିଛି।
ନନ୍ଦିଘୋଷ ବ୍ୟୁରୋ: ଇଂଲଣ୍ଡ ବିପକ୍ଷରେ ଟି-୨୦ ସିରିଜ ଖେଳିବା ପାଇଁ ଭାରତୀୟ ଦଳ ପ୍ରସ୍ତୁତ । ୫ ମ୍ୟାଚ ବିଶିଷ୍ଟ ସିରିଜର ପ୍ରଥମ ମ୍ୟାଚ କୋଲକାତାରେ ଆସନ୍ତାକାଲି ଖୋଳାଯିବ । ତେବେ ଏହି ସିରିଜରେ ବହୁ ରେକର୍ଡର ଅଧିକାରୀ ହୋଇପାରିବେ ଭାରତୀୟ ଖେଳାଳି । ଏଭଳି କିଛି ସୁଯୋଗ ରହିଛି । ତେବେ ଆସନ୍ତୁ ନଜର ପକାଇବା କେଉଁ ରେକର୍ଡର ଅଧିକାରୀ ହେବାକୁ ଯାଉଛନ୍ତି ଭାରତୀୟ ଖେଳାଳି ।
ସୂର୍ଯ୍ୟକୁମାର ଯାଦବ : ଭାରତୀୟ ଟି-୨୦ କ୍ରିକେଟ ଦଳର ଅଧିନାୟକଙ୍କ ଲାଗି ଏକ ବଡ଼ ସୁଯୋଗ ରହିଛି । ସେ ଆନ୍ତର୍ଜାତୀୟ ଟି-୨୦ରେ ୧୫୦ ଛକା ମାରିବାର ଚତୁର୍ଥ ଖେଳାଳି ହେବାକୁ ଯାଉଛନ୍ତି । ସେ ଆଉ ମାତ୍ର ୫ ଛକା ପଛରେ ରହିଛି । ସେପଟେ କିନ୍ତୁ ବଟଲର ୧୪୬ଟି ଛକା ମାରି ଏବେ ଚତୁର୍ଥ ସ୍ଥାନରେ ରହିଛନ୍ତି । ଏଣୁ ଏହି ସିରିଜରେ ଉଭୟଙ୍କ ମଧ୍ୟରେ ଛକା ମାରିବାର ପ୍ରତିଯୋଗିତା ଦେଖିବାକୁ ମିଳିପାରେ ।
ହାର୍ଦ୍ଦିକ ପାଣ୍ଡ୍ୟା : ଯଦି ଛକା ମାରିବା କଥା କହିବା ତାହେଲେ ହାର୍ଦ୍ଦିକ ପାଣ୍ଡ୍ୟା ଏବେ ୮୮ଟି ଛକା ମାରିଛନ୍ତି । ୧୦୦ ଛକା ଠାରୁ ସେ ମାତ୍ର ୧୨ ଛକା ଦୂରେ ରହିଛନ୍ତି । ଏଣୁ ଆଶା ରଖାଯାଇଛି କି ଏହି ସିରିଜରେ ସେ ଶହେ ଛକା ମାରିବେ ।
ଅର୍ଶଦୀପ ସିଂ: ୬୦ ଟି-୨୦ ଖେଳିଥିବା ଅର୍ଶଦୀପ ଏଯାବତ ୯୫ ଓ୍ବିକେଟ ଅକ୍ତିଆର କରିଛନ୍ତି । ଏଣୁ ଏହି ସିରିଜରେ ସେ ୧୦୦ ଓ୍ବିକେଟର ଅଧକାରୀ ହୋଇପାରନ୍ତି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛନ୍ତି କି, ଅର୍ଶଦୀପ ଭାରତ ପକ୍ଷରୁ ସର୍ବାଧିକ ଓ୍ବିକେଟ ନେବାର ସୌଭାଗ୍ୟ ମଧ୍ୟ ଅର୍ଜନ କରିବାର ରେକର୍ଡ ଅର୍ଜନ କରିପାରନ୍ତି । କାରଣ ଚହଲ ଏଯାବତ ସର୍ବାଧିକ ୯୬ ଓ୍ବିକେଟ ଅକ୍ତିଆର କରିଛନ୍ତି ।
ସଞ୍ଜୁ ସାମସନ : ଚାମ୍ପିୟନ୍ସ ଟ୍ରଫିରୁ ବାଦ ପଡ଼ିଥିବା ଓ୍ବିକେଟ କିପର ବ୍ୟାଟ୍ସମ୍ୟାନ ସଞ୍ଜୁ ସାମସନ ୫୦ ଛକା ମାରିବାଠାରୁ ୪ଟି ପଛରେ ରହିଛନ୍ତି । ଏହାସହ ୧୦୦ ରନ ପୂରଣ କରିବା ମାମଲାରେ ୧୯୦ ରନ ପଛରେ ରହିଛନ୍ତି । ଟିମରେ ନିୟମିତ ସ୍ଥାନ ବନାଇବା ପାଇଁ ବଡ଼ ସୁଯୋଗ ଦେବ ।
