ଉଦଳା : ୧୪ ଘଣ୍ଟା ହେଲାଣି ହଷ୍ଟେଲରୁ ଗାଏବ ଅଛନ୍ତି ଦୁଇ ଛାତ୍ରୀ। ମିଳୁନି ପତ୍ତା। ଏଭଳି ଘଟଣା ଘଟିଛି ଉଦଳା ବ୍ଲକ ରାଢୋ କେଜିବିଭି ବିଦ୍ୟାଳୟରେ। ଷଷ୍ଠ ରୁ ଯୁକ୍ତ ୨ ପର୍ଯ୍ୟନ୍ତ ୧୫୮ ଜଣ ଛାତ୍ରୀ ରହୁଥିବା ବେଳେ ହଷ୍ଟେଲରେ ରହୁଥିବା ଦୁଇ ଷଷ୍ଠ ଶ୍ରେଣୀ ଛାତ୍ରୀ ଗତକାଲି ରାତିରୁ ଗାଏବ। ଯାହାକି ଘଟଣା ବାବଦରେ ନିଖୋଜ ଛାତ୍ରୀ ଙ୍କ ପରିବାର ଲୋକେ ଖବର ପାଇବା ପରେ ବିଦ୍ୟାଳୟରେ ପହଞ୍ଚି ପଚାରି ବୁଝିବା ସହିତ ବିଭିନ୍ନ ସ୍ଥାନରେ ଖୋଜାଖୋଜି କରି ସାରିଲେଣି। ହେଲେ ଏବେ ପର୍ଯ୍ୟନ୍ତ ନିଖୋଜ ଛାତ୍ରୀଙ୍କ ମିଳୁନି ପତ୍ତା। ସେପଟେ କେମିତି ହଷ୍ଟେଲ ବାହାରକୁ ଗଲେ ଛାତ୍ର ଛାତ୍ରୀ ତାହା ସବୁଠାରୁ ବଡ଼ ପ୍ରଶ୍ନ। ୧୪ ଘଣ୍ଟା ରୁ ଅଧିକ ହେବ ଦୁଇ ପିଲାଙ୍କୁ ନ ପାଇ ଅଭିଭାବକ ଚିନ୍ତାରେ। ତେବେ ଘଟଣା ବାବଦରେ ହଷ୍ଟେଲ ୱାର୍ଡେନ ରଶ୍ମିତାରାଣୀ ସାମଲ କିଛି କହୁ ନ ଥିବା ବେଳେ ପ୍ରଧାନ ଶିକ୍ଷୟିତ୍ରୀ ମାଳତୀ ବେହେରା ଆମ କ୍ୟାମେରା ସାମ୍ନାରେ ମୁହଁ ଖୋଲିବାକୁ ନାରାଜ। ଖବର ପାଇ ଏବିଇଓ ବିଦ୍ୟାଳୟରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଛାତ୍ରୀ ମାନଙ୍କୁ ଶୀଘ୍ର ଖୋଜି ବାହାର କରାଯିଵା ନେଇ ଚେଷ୍ଟା କରାଯାଉଥିବା କହିଛନ୍ତି।
ବିବାହ କାର୍ଡରେ QR କୋଡ୍ : ଯଦି ଆସି ନ ପାରିବେ, ପଇସା ପଠାଇଦେବେ…
ନନ୍ଦିଘୋଷ ବ୍ୟୁରୋ : ଉତ୍ତର ପ୍ରଦେଶର ବାଗପତରେ ଏକ ନିଆରା ବିବାହ କାର୍ଡ ଭାଇରାଲ ହୋଇଛି। ବିବାହ କରୁଥିବା ପୁଅ ଓ ଝିଅ ପାଇଁ ଏକ ବିବାହ କାର୍ଡ ପ୍ରିଣ୍ଟ କରିଛନ୍ତି ଯାହାକୁ ନେଇ ଚର୍ଚ୍ଚା ଜୋର ଧରିଛି । ବିବାହ କାର୍ଡରେ ଏକ QR କୋଡ୍ ପ୍ରିଣ୍ଟ କରାଯାଇଛି। ଏହା ପଛର କାରଣ ଜାଣି ଆପଣ ଆଶ୍ଚର୍ଯ୍ୟ ହେବେ।
ବର ଆକାଶ କହିଛନ୍ତି, ବିବାହରେ ବହୁ ଦୂରଦୂରାନ୍ତରୁ ଅନେକ ସମ୍ପର୍କୀୟ ଆସିଥାନ୍ତି। ଆମକୁ ସେମାନଙ୍କୁ କାର୍ଡ ଦେବାକୁ ପଡ଼ିଥାଏ। ତଥାପି, କାର୍ଡ ବଣ୍ଟନ କରିବା ଏବଂ ବିବାହ ଉତ୍ସବରେ ପହଞ୍ଚିବା ସମୟରେ ପ୍ରାୟତଃ ସଡ଼କ ଦୁର୍ଘଟଣା ଘଟେ। ଏହାକୁ ଧ୍ୟାନରେ ରଖି, QR କୋଡ୍ ଥିବା କାର୍ଡଗୁଡ଼ିକ ମୁଦ୍ରିତ କରାଯାଇଛି। ଏହାର ଅର୍ଥ ହେଉଛି ଯଦି କୌଣସି କାରଣରୁ ସମ୍ପର୍କୀୟମାନେ ବିବାହରେ ଯୋଗ ଦେଇପାରିବେ ନାହିଁ, ତେବେ ସେମାନେ QR କୋଡ୍ ସ୍କାନ୍ କରି ଉପହାର ପଠାଇପାରିବେ। ବର ଅନାବଶ୍ୟକ ଖର୍ଚ୍ଚ ଏବଂ ସମୟ ବଞ୍ଚାଇବା ମଧ୍ୟ ଲକ୍ଷ୍ୟ ରଖିଛି।
ଦୋଘାଟ ସହରର ବାସିନ୍ଦା ଆକାଶ ବାଲ୍ମିକି ତାଙ୍କ ଭଉଣୀ ଏବଂ ତାଙ୍କ ନିଜ ବିବାହ କାର୍ଡରେ QR କୋଡ୍ ପ୍ରିଣ୍ଟ କରିଛନ୍ତି। ଆକାଶ ବୁଝାଇଛନ୍ତି ଯେ ତାଙ୍କ ଭଉଣୀର ବିବାହ ଫେବୃଆରୀ ୭ତାରିଖରେ ଏବଂ ତାଙ୍କ ନିଜ ବିବାହ ଫେବୃଆରୀ ୮ ତାରିଖରେ ହେବ। ଉଭୟ ବିବାହ କାର୍ଡରେ QR କୋଡ୍ ଛପା ଯାଇଛି । ଆକାଶ କୁହନ୍ତି ଯେ ବିବାହରେ, ସମ୍ପର୍କୀୟ ଏବଂ ପରିଚିତ ଲୋକମାନେ ପ୍ରାୟତଃ ଦୂରଦୂରାନ୍ତରୁ ଉତ୍ସବରେ ଯୋଗଦେବାକୁ ଯାତ୍ରା କରନ୍ତି। ଏହି ସମୟରେ ପ୍ରାୟତଃ ସଡ଼କ ଦୁର୍ଘଟଣା ଘଟେ, ଯାହା ଆନନ୍ଦର ପରିବେଶକୁ ଶୋକରେ ପରିଣତ କରେ। ଏହି ସମସ୍ୟାର ସମାଧାନ ପାଇଁ ସେ ଏହି ପଦକ୍ଷେପ ନେଇଥିଲେ, ଦୂରଦୂରାନ୍ତର ସମ୍ପର୍କୀୟମାନେ ସୁରକ୍ଷିତ ଭାବରେ ଏବଂ ଯାତ୍ରା ନକରି ସେମାନଙ୍କର ଶୁଭେଚ୍ଛା ଏବଂ ଆଶୀର୍ବାଦ ପଠାଇପାରିବେ।
ଏହି ଅନନ୍ୟ ଚିନ୍ତାଧାରା ଅଞ୍ଚଳରେ ବହୁଳ ଭାବରେ ପ୍ରଶଂସା କରାଯାଉଛି। ସ୍ଥାନୀୟ ଲୋକମାନେ କହିଛନ୍ତି ଯେ ଏହି ପଦକ୍ଷେପ ସମୟୋଚିତ ଏବଂ ସମାଜକୁ ଏକ ସକାରାତ୍ମକ ବାର୍ତ୍ତା ଦେବ। ପ୍ରଯୁକ୍ତିର ଉପଯୁକ୍ତ ବ୍ୟବହାର ଦ୍ୱାରା ପରମ୍ପରାଗୁଡ଼ିକୁ ସୁରକ୍ଷିତ ଏବଂ ସୁବିଧାଜନକ କରାଯାଇପାରିବ। ଆକାଶଙ୍କ ଦୃଷ୍ଟିକୋଣ ଭବିଷ୍ୟତରେ ଅନ୍ୟମାନଙ୍କ ପାଇଁ ପ୍ରେରଣା ସ୍ୱରୂପ କାର୍ଯ୍ୟ କରିପାରିବ।
ବିଭିନ୍ନ କୋର୍ଟକୁ ଆସିଲା ବୋମା ଧମକ…
ନନ୍ଦିଘୋଷ ବ୍ୟୁରୋ : ରାଜ୍ୟର ବିଭିନ୍ନ କୋର୍ଟକୁ ଆସିଲା ବୋମା ଧମକ । ବୋମା ଧମକ ଆସିବା ପରେ କୋର୍ଟ ପରିସରକୁ ଖାଲି କରାଯାଇଛି । ଭୁବନେଶ୍ଵର କୋର୍ଟକୁ ବୋମା ଧମକ ଇ ମେଲରେ ଆସିଛି। କୋର୍ଟରେ ବୋମା ନିଷ୍କ୍ରିୟକାରୀ ଦଳ ଓ ସନ୍ଧାନୀ କୁକୁର ପହଞ୍ଚିଛନ୍ତି । ସର୍ଚ୍ଚ ଅପରେସନ ଜାରି ରହିଛି ।
କଟକ ଜିଲ୍ଲା ଜଜ୍ କୋର୍ଟକୁ ବୋମା ଧମକ । ବୋମାରେ କୋର୍ଟକୁ ଉଡ଼ାଇ ଦେବାକୁ ଧମକ ଦିଆଯାଇଛି। ଏକ ଇ ମେଲରେ ଏହି ଧମକ ଆସିଛି। ଏହି ଖବର ପରେ କୋର୍ଟ ପରିସରରେ ପହଞ୍ଚିଛି ବୋମା ନିଷ୍କ୍ରିୟକାରୀ ଟିମ୍। ଖାନତଲାସି ଚାଲିଛି। କୋର୍ଟ ପରିସରକୁ ଖାଲି କରାଯାଇଛି। କିଏ କାହିଁକି ଏହି ଧମକ ଦେଇଛି, ତାର ତଦନ୍ତ ଚାଲିଛି।
ପୁରୀ କୋର୍ଟରେ ମଧ୍ୟ ବୋମା ଆତଙ୍କ । ଖବର ମିଳିବା ପରେ ପୋଲିସ ପକ୍ଷରୁ ବମ ସ୍କ୍ବାଡ ଓ ସ୍ବତନ୍ତ୍ର ବୋମା ସନ୍ଧାନକାରୀ ଦଳ ଦ୍ବାରା ଯାଞ୍ଚ ପ୍ରକିୟା ଚାଲିଛି । ଏକ ସନ୍ଦିଗ୍ଘ ଇ-ମେଲ ଆଇଡିରୁ ବୋମା ଆତଙ୍କ ନେଇ ଖବର ମିଳିବା ପରେ ପୋଲିସ ପକ୍ଷରୁ ଯାଞ୍ଚ ସହ ତଦନ୍ତ ଆରମ୍ଭ ହୋଇଛି ।
ଫୁଲବାଣୀ କୋର୍ଟକୁ ବୋମାରେ ଉଡେଇ ଦେବାକୁ ମଧ୍ୟ ଧମକ। ଅଜଣା ମେଲ୍ ଆଇଡି ରୁ ଫୁଲବାଣୀ କୋର୍ଟ କୁ ଏହି ଧମକ ଆସିଛି। ଏହି ଧମକ ପରେ ବୋମା ନିଷ୍କ୍ରିୟକାରୀ ଟିମ୍ କୋର୍ଟରେ ପହଞ୍ଚି ସର୍ଚ୍ଚ କରୁଛି। କୋର୍ଟ ପରିସରକୁ ଖାଲି ମଧ୍ୟ କରା ଯାଇଛି।
ସେହିପରି ଯାଜପୁର ଜିଲ୍ଲା କୋର୍ଟକୁ ମଧ୍ୟ ବୋମା ଚେତାବନୀ। ଇମେଲ ଯୋଗେ ଦିନ ୧୨ଟା ମଧ୍ୟରେ ବୋମା ଧମକ ଆସିଛି । କୋର୍ଟ ପରିସରରେ ବ୍ୟାପକ ପୋଲିସ ମୁତୟନ କରାଯାଇଛି । ବୋମା ଧମକ ପରେ କୋର୍ଟ ପରିସରରେ ଦେଖା ଦେଇଛି ଭୟର ବାତାବରଣ । କିଛି ଦିନ ତଳେ ରାଜ୍ୟର ଅନେକ କୋର୍ଟକୁ ଏପରି ବୋମା ଧମକ ଆସିଥିଲା। ପରେ ତାହା ଗୁଜବ ବୋଲି ଜଣାପଡ଼ିଥିଲା।
ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ମାମଲା, ଅଭିଯୁକ୍ତ ସତୀଶକୁ ନିର୍ଦ୍ଦୋଷରେ ଖଲାସ କଲେ କୋର୍ଟ
ଭୁବନେଶ୍ବର : ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ୍ ମାମଲାରେ ଅଭିଯୁକ୍ତ ନିର୍ଦ୍ଦୋଷରେ ଖଲାସ। ସାକ୍ଷ୍ୟ ପ୍ରମାଣ ଅଭାବରୁ ଅଭିଯୁକ୍ତ ସତୀଶ ରେଡ୍ଡିକୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ। ଭୁବନେଶ୍ଵର JMFC ୩ କୋର୍ଟ ପକ୍ଷରୁ ସ୍ପାଇଡର ସତୀଶଙ୍କୁ Not found guilty କରି ନିର୍ଦ୍ଦୋଷରେ ଖଲାସ କରାଗଲା। ପୋଲିସର Mistake of fact ଓ ଅଦାଲତରେ ଆବଶ୍ୟକ ତଥ୍ୟର ଅଭାବରୁ ନିର୍ଦ୍ଦୋଷରେ ଖଲାସ ହେଲେ ସ୍ଲାଇଡର ସତୀଶ। ଏ ନେଇ ନନ୍ଦିଘୋଷ ଟିଭି କ୍ୟାମେରା ସମ୍ମୁଖରେ ପୋଲିସ ର ପୋଲ୍ ଖୋଲିଛନ୍ତି ସତୀଶଙ୍କ ଆଇନଜୀବୀ। ୨୦୨୫ ମସିହା ଜାନୁଆରୀ ୨୬ ତାରିଖ ରାତି ପ୍ରାୟ ୨ ଟା ୩୦ ସମୟରେ ନିରଞ୍ଜନଙ୍କ ନୟାପଲ୍ଲୀ ଘରୁ ସୁନା ଅଳଙ୍କାର ଟଙ୍କା, ଦାମୀ ଘଡି ଲୁଟ ନେଇ ଅଭିଯୋଗ ହୋଇଥିଲା । ଶତାଧିକ ସିସିଟିଭି ଯାଞ୍ଚ ଓ ସ୍ଥାନୀୟ ଲୋକଙ୍କୁ ପଚରାଉଚରା, ସନ୍ଧାନୀ କୁକୁର ର ସନ୍ଧାନ ପରେ ଫେବୃଆରୀ ୧୩ ରେ ସତୀଶଙ୍କୁ କୋର୍ଟଚାଲାଣ କରିଥିଲା ପୋଲିସ । ବହୁ ଆଡମ୍ବରରେ କ୍ରାଇମ ସିନ ରିକ୍ରିଏସନ ମଧ୍ୟ କରାଯାଇଥିଲା । ଗତବର୍ଷ ଏପ୍ରିଲ ୨୫ ରେ ଚାର୍ଜସିଟ ଦାଖଲ ହୋଇଥିଲା। ସତୀଶ ବିରୋଧରେ ୩୪ ଟି କେସ ଥିବା ସେତବେଳେ କୁହାଯାଇଥିଲା । କିନ୍ତୁ ଫିଲ୍ମ ଷ୍ଟାଇଲରେ ଚିତ୍ରଣ କରାଯାଇଥିବା ଏହି କେସ ଗୁଡିକର ପ୍ରମାଣ, ମାନ୍ୟବର କୋର୍ଟଙ୍କ ନିକଟରେ ଦାଖଲ କରିପାରିନଥିଲା ପୋଲିସ । ଏପରିକି ଏତେ ସବୁ କେସର ସତ୍ୟତା ନେଇ ମଧ୍ୟ ପ୍ରଶ୍ନ ଉଠିଥିଲା । ଯେଉଁଥିପାଇଁ ପୋଲିସର ତଦନ୍ତ ପ୍ରକ୍ରିୟା କୁ ଭର୍ତ୍ସନା କରିଛନ୍ତି କୋର୍ଟ।
ଫୁଲବାଣୀ କୋର୍ଟକୁ ବୋମାରେ ଉଡେଇ ଦେବାକୁ ଧମକ
ଫୁଲବାଣୀ : ଫୁଲବାଣୀ କୋର୍ଟକୁ ବୋମାରେ ଉଡେଇ ଦେବାକୁ ଧମକ। ଅଜଣା ମେଲ୍ ଆଇଡି ରୁ ଫୁଲବାଣୀ କୋର୍ଟ କୁ ଏହି ଧମକ ଆସିଛି। ଏହି ଧମକ ପରେ ବୋମା ନିଷ୍କ୍ରିୟକାରୀ ଟିମ୍ କୋର୍ଟରେ ପହଞ୍ଚି ସର୍ଚ୍ଚ କରୁଛି। କୋର୍ଟ ପରିସରକୁ ଖାଲି ମଧ୍ୟ କରା ଯାଇଛି। ବୋମା ଧମକ ପରେ କୋର୍ଟ ପରିସରରେ ଦେଖା ଦେଇଛି ଭୟର ବାତାବରଣ । କିଛି ଦିନ ତଳେ ରାଜ୍ୟର ଅନେକ କୋର୍ଟକୁ ଏପରି ବୋମା ଧମକ ଆସିଥିଲା। ପରେ ତାହା ଗୁଜବ ବୋଲି ଜଣାପଡ଼ିଥିଲା।
ଦଶମ ଶ୍ରେଣୀ ଛାତ୍ରୀଙ୍କୁ ଗଣ ଦୁଷ୍କର୍ମ ଅଭିଯୋଗ
ରାଉରକେଲା : ରାଉରକେଲାରେ ଚାଞ୍ଚଲ୍ୟ । ଦଶମ ଶ୍ରେଣୀ ଛାତ୍ରୀଙ୍କୁ ଗଣ ଦୁଷ୍କର୍ମ ଅଭିଯୋଗ। ଗଣ ଦୁଷ୍କର୍ମ ପରେ ବିଷ ଦେଇ ମାରିଦେଲେ ଦୁର୍ବୃତ୍ତ। ଗତକାଲି ସ୍କୁଲ ଯାଇ ନିଖୋଜ ହୋଇଯାଇ ଥିଲେ ନାବାଳିକା। ବିଶ୍ରା ଥାନା ବାଗଡେଗା ଜଙ୍ଗଲରୁ ନାବାଳିକାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା। ଗୋଟିଏ ପରେ ଗୋଟିଏ ମେଡିକାଲ ନିଆଯାଇଥିଲା। ଚିକିତ୍ସାରେ ଅବହେଳା ନେଇ ଅଭିଯୋଗ କରିଛନ୍ତି ପରିବାର। ରାଉରକେଲା ସରକାରୀ ଡାକ୍ତରଖାନାର ମର୍ଗ ହାଉସରେ ମୃତଦେହ ରଖାଯାଇଛି। ମୃତଦେହ ନିକଟରୁ ବିଷ ବୋତଲ ଜବତ ହୋଇଛି। ନାବାଳିକାଙ୍କୁ ବିଷ ଦେଇ ମାରିଦେଇଥିବା ଅଭିଯୋଗ ଆଣିଛନ୍ତି ପରିବାର ଲୋକେ ।
ସିକିମରରେ ୪.୫ ତୀବ୍ରତାର ଭୂମିକମ୍ପ, ଲୋକେ ଆତଙ୍କିତ
ନନ୍ଦିଘୋଷ ବ୍ୟୁରୋ : ଆଜି ସିକିମର ଗ୍ୟାଲସିଂରେ ରିକ୍ଟର ସ୍କେଲରେ ୪.୫ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଛି। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ସିକିମର ଗ୍ୟାଲସିଂରେ ରାତି ୧.୦୯ ସମୟରେ ଭୂମିକମ୍ପ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୫ ଥିଲା। ଭୂମିକମ୍ପ ଯୋଗୁଁ ଲୋକମାନେ ଭୟଭୀତ ହୋଇ ଘରୁ ବାହାରକୁ ବାହାରି ଆସିଥିଲେ।
ଏହି ଭୂମିକମ୍ପ ଯୋଗୁଁ କୌଣସି ବଡ଼ କ୍ଷୟକ୍ଷତି କିମ୍ବା ଜୀବନ ଓ ସମ୍ପତ୍ତିର କ୍ଷତି ବିଷୟରେ ଏପର୍ଯ୍ୟନ୍ତ କୌଣସି ସରକାରୀ ସୂଚନା ନାହିଁ, କିନ୍ତୁ ସ୍ଥାନୀୟ ପ୍ରଶାସନ ପରିସ୍ଥିତି ଉପରେ ନଜର ରଖିଛି।
ଗତ ମଙ୍ଗଳବାର ଦିନ ପୂର୍ବରୁ, କୋଲକାତା ଏବଂ ପଶ୍ଚିମବଙ୍ଗର ଅନେକ ସ୍ଥାନରେ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ୬.୦ ଥିଲା। ଭୂକମ୍ପର କେନ୍ଦ୍ରସ୍ଥଳ ଥିଲା ମିଆଁମାରର ସିତ୍ୱେ ନିକଟରେ, ୟେନାଙ୍ଗୟାଙ୍ଗରୁ ୯୫ କିଲୋମିଟର ପଶ୍ଚିମରେ ଏବଂ ବାଂଲାଦେଶର କକ୍ସ ବଜାରରୁ ପ୍ରାୟ ୨୦୦ କିଲୋମିଟର ଦୂରରେ। ରାତିରେ ହଠାତ୍ ଭୂମିକମ୍ପ ଯୋଗୁଁ କୋଲକାତାର ଉଚ୍ଚ କୋଠାଘରର ବାସିନ୍ଦାମାନେ ଭୟଭୀତ ହୋଇ ଖୋଲା ପଡ଼ିଆକୁ ପଳାଇ ଯାଇଥିଲେ।
ସାର୍ଥକଙ୍କ ମିଳୁନି ପତ୍ତା : ନବୀନଙ୍କ ଉଦବେଗ, ସହାୟତା ପାଇଁ କେନ୍ଦ୍ର, ସିପିଂ ମହାନିର୍ଦ୍ଦେଶକ ଓ ବୈଦେଶିକ ମନ୍ତ୍ରାଳୟକୁ କଲେ ଅନୁରୋଧ …
ନନ୍ଦିଘୋଷ ବ୍ୟୁରୋ ; ହଠାତ ମଝି ସମୁଦ୍ରରୁ କୁଆଡ଼େ ଗଲେ ମର୍ଚ୍ଚାଣ୍ଟ ନେଭି କ୍ୟାଡେଟ୍ ସାର୍ଥକ ମହାପାତ୍ର। ଗତ ୩ ତାରିଖରୁ ତାଙ୍କ ସଂପର୍କରେ କୌଣସି ପତ୍ତା ମିଳୁନଥିବାରୁ ପରିବାର ଲୋକ ବହୁତ ଚିନ୍ତିତ। ଘଟଣାକୁ ନେଇ ବିରୋଧୀ ଦଳ ନେତା ନବୀନ ପଟ୍ଟନାୟକ ମଧ୍ୟ ଉଦବେଗ ପ୍ରକାଶ କରିଛନ୍ତି। ସାର୍ଥକଙ୍କୁ ଖୋଜିବାରେ ସହାୟତା କରିବାକୁ କେନ୍ଦ୍ର ସରକାର, ସିପିଂ ମହାନିର୍ଦ୍ଦେଶକ ଓ ବୈଦେଶିକ ବ୍ୟାପାର ମନ୍ତ୍ରାଳୟକୁ ଅନୁରୋଧ କରିଛନ୍ତି ନବୀନ ପଟ୍ଟନାୟକ।
ଅନ୍ୟପଟେ ମାଆଙ୍କ ସହିତ ସାର୍ଥକ ରାତି ୯ଟାରେ ଶେଷ ଥର ପାଇଁ କଥା ହୋଇଥିଲେ। ତା ପରଠୁ ସାର୍ଥକଙ୍କ ସଂପର୍କରେ କୌଣସି ଖୋଜ ଖବର ମିଳୁନି। ୨୩ ବର୍ଷୀୟ ସାର୍ଥକ ଜୁଲାଇ ୨୦୨୫ ରେ ଆଙ୍ଗଲୋ ଇଷ୍ଟର୍ଣ୍ଣ ସିପିଂ କମ୍ପାନୀର ସିପ୍ EA Jersey ରେ କ୍ୟାଡେଟ ଭାବେ ଯୋଗ ଦେଇଥିଲେ । ସିପ୍ ସିଙ୍ଗାପୁର ରୁ ଚାଇନକୁ ଫେରିବା ସମୟରେ ମଝି ସମୁଦ୍ରରେ ଗତ ୩ ତାରିଖରେ ରହସ୍ୟମୟ ଭାବେ ଗାୟବ ହୋଇଛନ୍ତି ଭଦ୍ରକର ସାର୍ଥକ । କମ୍ପାନୀ ତରଫରୁ ପରିବାରକୁ କେବଳ କୁହାଯାଇଛି, ସାର୍ଥକ ମିଶିଂ ଅଛନ୍ତି ଓ ତାଙ୍କୁ ସମୁଦ୍ର ମଝିରେ ଖୋଜା ଚାଲିଛି ବୋଲି କହିଲେ। କିନ୍ତୁ ପୁଅ ସହ କଣ ହୋଇଛି, କେମିତି ନିଖୋଜ ହେଲେ ସେ ବିଷୟରେ କୌଣସି ସୂଚନା କମ୍ପାନୀ ତରଫରୁ ଦିଆଯାଇନାହିଁ । ପୁଅକୁ ଉଦ୍ଧାର ପାଇଁ ଓଡ଼ିଶା ସରକାରଙ୍କ ହସ୍ତକ୍ଷେପ ଲୋଡ଼ିଛନ୍ତି ପରିବାର।
ଭାରତର ବାଣିଜ୍ୟ ଚୁକ୍ତିରେ ଚିନ୍ତାରେ ବାଂଲାଦେଶ…
ନନ୍ଦିଘୋଷ ବ୍ୟୁରୋ : ଆମେରିକା ଓ ବାଂଲାଦେଶ ଫେବୃଆରୀ ୯ ତାରିଖରେ ଏକ ବାଣିଜ୍ୟ ଚୁକ୍ତି ସ୍ୱାକ୍ଷର କରିବାକୁ ଯାଉଛନ୍ତି। ଫେବୃଆରୀ ୧୨ ତାରିଖରେ ଜାତୀୟ ନିର୍ବାଚନର ମାତ୍ର ୭୨ ଘଣ୍ଟା ପୂର୍ବରୁ ଏହି ଚୁକ୍ତିନାମା ଆସିବ। ଏହି ଚୁକ୍ତିନାମାର ସର୍ତ୍ତାବଳୀ ସମ୍ପର୍କରେ ଗୋପନୀୟତା ବ୍ୟାପକ ସମାଲୋଚନାର ଶିକାର ହୋଇଛି। ଭାରତ-ଆମେରିକା ବାଣିଜ୍ୟ ଚୁକ୍ତିନାମା ପରେ ବାଂଲାଦେଶ ଏହି ଚୁକ୍ତିନାମାକୁ ଚୂଡ଼ାନ୍ତ କରିବାକୁ ଶୀଘ୍ର ହେଉଛି, ଯାହା ଭାରତୀୟ ସାମଗ୍ରୀ ଉପରେ ଶୁଳ୍କକୁ ୧୮ ପ୍ରତିଶତକୁ ହ୍ରାସ କରିଥିଲା।
ଯଦି ବାଂଲାଦେଶ ସମାନ ପ୍ରତିଯୋଗିତାମୂଳକ କିମ୍ବା ଉତ୍ତମ ସର୍ତ୍ତାବଳୀ ନ ପାଏ, ତେବେ ସେ ଭାରତ ଠାରୁ ବଜାର ଅଂଶ ହରାଇବାକୁ ଭୟ କରୁଛି। କାରଣ ଏହାର ଅର୍ଥନୀତି ଆମେରିକାକୁ ପ୍ରସ୍ତୁତ ପୋଷାକ ରପ୍ତାନି ଉପରେ ବହୁଳ ଭାବରେ ନିର୍ଭରଶୀଳ, ଯାହା ଏହାର ଆମେରିକା ରପ୍ତାନିର ପ୍ରାୟ ୯୦ ପ୍ରତିଶତ ଅଟେ।
ଏପ୍ରିଲ ୨୦୨୫ରେ ୱାଶିଂଟନ ଢାକା ଉପରେ ୩୭ପ୍ରତିଶତର ଏକ ବଡ଼ ଶୁଳ୍କ ଲାଗୁ କରିବା ପରେ ଏହି ଚୁକ୍ତି ହୋଇଛି। ଜୁଲାଇରେ ଏହି ଶୁଳ୍କକୁ ୩୫ ପ୍ରତିଶତ ଏବଂ ଶେଷରେ ଅଗଷ୍ଟରେ ୨୦ ପ୍ରତିଶତକୁ ହ୍ରାସ କରାଯାଇଥିଲା। ଆଶା କରାଯାଉଛି ଯେ ଆଗାମୀ ବାଣିଜ୍ୟ ଚୁକ୍ତି ଦ୍ୱାରା ଶୁଳ୍କକୁ ଆହୁରି ୧୫ ପ୍ରତିଶତକୁ ହ୍ରାସ କରାଯିବ।
୨୦୨୫ ମଧ୍ୟଭାଗରେ, ମହମ୍ମଦ ୟୁନୁସଙ୍କ ନେତୃତ୍ୱରେ ମଧ୍ୟବର୍ତ୍ତୀକାଳୀନ ସରକାର ଆମେରିକା ସହିତ ଏକ ଆନୁଷ୍ଠାନିକ ଅଣ-ପ୍ରକାଶନ ଚୁକ୍ତିନାମା ସ୍ୱାକ୍ଷର କରିଥିଲା । ସମସ୍ତ ଶୁଳ୍କ ଏବଂ ବାଣିଜ୍ୟ ଆଲୋଚନାକୁ ଗୋପନୀୟ ରଖିବାର ପ୍ରତିଶ୍ରୁତି ଦେଇଥିଲା। ଏହି ଚୁକ୍ତିନାମାର କୌଣସି ଖସଡ଼ା ଜନସାଧାରଣ, ସଂସଦ କିମ୍ବା ପ୍ରମୁଖ ଶିଳ୍ପ ଅଂଶୀଦାରମାନଙ୍କ ସହିତ ସେୟାର କରାଯାଇ ନାହିଁ।
ଏକ ରିପୋର୍ଟ ଅନୁଯାୟୀ, ଗତ ବର୍ଷ ଅଗଷ୍ଟରେ ବାଣିଜ୍ୟ ପରାମର୍ଶଦାତା ଏସକେ ବଶିର ଉଦ୍ଦିନ କହିଥିଲେ, ଏହି ଚୁକ୍ତିନାମାରେ ଦେଶର ସ୍ୱାର୍ଥ ବିରୋଧରେ କିଛି ରହିବ ନାହିଁ। ଆମେରିକା ରାଜି ହେବା ପରେ ଏହାକୁ ସାର୍ବଜନୀନ ମଧ୍ୟ କରାଯିବ।
ପ୍ରକାଶନରେ ଏହା ମଧ୍ୟ କୁହାଯାଇଛି ଯେ ଏହି ଚୁକ୍ତିନାମାରେ ଅନେକ ସର୍ତ୍ତ ରହିଛି। ପ୍ରଥମତଃ, ଚୀନରୁ ଆମଦାନୀ ହ୍ରାସ କରାଯିବା ଉଚିତ ଏବଂ ଚୀନ୍ ବଦଳରେ ଆମେରିକାରୁ ସାମରିକ ଆମଦାନୀ ବୃଦ୍ଧି କରାଯିବା ଉଚିତ। ଦ୍ୱିତୀୟତଃ, କୌଣସି ପ୍ରତିବନ୍ଧକ ବିନା ବାଂଲାଦେଶରେ ଆମେରିକାର ଆମଦାନୀକୁ ଅନୁମତି ଦିଆଯିବା ଉଚିତ। ଦକ୍ଷିଣ ଏସୀୟ ଦେଶକୁ ବିନା ପ୍ରଶ୍ନରେ ଆମେରିକାର ମାନଦଣ୍ଡ ଏବଂ ପ୍ରମାଣପତ୍ର ଗ୍ରହଣ କରିବାକୁ ପଡିବ। ଆମେରିକାର ଯାନବାହାନ ଏବଂ ଅଂଶଗୁଡ଼ିକର ଆମଦାନୀ ସମ୍ପର୍କରେ କୌଣସି ଯାଞ୍ଚ କରାଯିବା ଉଚିତ୍ ନୁହେଁ, କାରଣ ୱାଶିଂଟନ୍ ଚାହୁଁଛି ଯେ ଏହାର ଯାନବାହାନଗୁଡ଼ିକ ବାଂଲାଦେଶୀ ବଜାରରେ ସହଜ ପ୍ରବେଶ ପାଇବ।
ଘରୋଇ ଗବେଷଣା ସଂଗଠନ ସେଣ୍ଟର ଫର୍ ପଲିସି ଡାଏଲଗ୍ ର ଜଣେ ପ୍ରମୁଖ ଫେଲୋ ଦେବପ୍ରିୟ ଭଟ୍ଟାଚାର୍ଯ୍ୟ ପ୍ରଥମ ଆଲୋକୁ କହିଛନ୍ତି ଯେ ବାଣିଜ୍ୟ ଚୁକ୍ତି ସ୍ୱଚ୍ଛ ନୁହେଁ କାରଣ ଏହାର ସୁବିଧା ଏବଂ ଅସୁବିଧା ବିଷୟରେ ବିଚାର କରିବାର କୌଣସି ସୁଯୋଗ ମିଳିନାହିଁ।
ସେ କହିଛନ୍ତି ଯେ ଯଦି ନିର୍ବାଚନ ପରେ ଶୁଳ୍କ ଚୁକ୍ତି ସ୍ୱାକ୍ଷରିତ ହୋଇଥାନ୍ତା, ତେବେ ରାଜନୈତିକ ଦଳଗୁଡ଼ିକ ଏହା ଉପରେ ଆଲୋଚନା କରିପାରିଥାନ୍ତେ। ଏହା ମଧ୍ୟ ଚିନ୍ତା କରିବା ଉଚିତ ଯେ ଆଗାମୀ ନିର୍ବାଚିତ ସରକାରଙ୍କ ହାତ ବନ୍ଧା ହେଉଛି କି ନାହିଁ। ତଥାପି, ଏକ ଅନିର୍ବାଚିତ ମଧ୍ୟବର୍ତ୍ତୀକାଳୀନ ସରକାର ନିର୍ବାଚନର ତିନି ଦିନ ପୂର୍ବରୁ ଏହି ଚୁକ୍ତି ସ୍ୱାକ୍ଷର କରୁଛି, ଅର୍ଥାତ୍ ଚୁକ୍ତିନାମା କାର୍ଯ୍ୟକାରୀ କରିବାର ଦାୟିତ୍ୱ ନୂତନ ନିର୍ବାଚିତ ସରକାର ଗଠନ କରୁଥିବା ଦଳ ଉପରେ ପଡ଼ିବ।
ଭୁବନ ସହର ଭିତରେ ବୁଲୁଛନ୍ତି ହାତୀ, ଭାଲୁ
ଢେଙ୍କାନାଳ ଭୁବନ ସହର ଭିତରେ ବୁଲୁଛନ୍ତି ହାତୀ, ଭାଲୁ। ଜଙ୍ଗଲୀ ଜନ୍ତୁ ସହର ମୁହାଁ ହେଉଥିବାରୁ ଆତଙ୍କିତ ଅବସ୍ଥାରେ ସ୍ଥାନୀୟ ଲେକେ । ଗତକାଲିର ମଧ୍ଯ ରାତିରେ ଦୁଇଟି ଦୃଶ୍ଯ ଦେଖିବାକୁ ମିଳିଛି। ଭୁବନ ଡାକ ବଙ୍ଗଳା ଭିତରକୁ ଏକ ଭାଲୁ ପଶି ଆସିଥିଲା। ଡାକ ବଙ୍ଗଳା ଭିତରେ ଥିବା ଏକ ଗଛରେ ଚଢି ମହୁ ଫେଣାରୁ ମହୁ ଖାଇଥିଲା ଭାଲୁ । ଡାକବଙ୍ଗଳା କର୍ମଚାରୀ ଏହାର ଭିଡିଓ ଉତ୍ତୋଳନ କରିଥିବା ଦେଖିବାକୁ ମିଳିଥିଲା। ଅନ୍ୟପଟେ ଗୋଟିଏ ହାତୀ ଭୁବନ ବିଜ୍ଞାପିତ ଅଞ୍ଚଳ ପରିଷଦର ସାମ୍ନାରେ ଏକ ବାହାଘର ଚାଲୁଥିବା ସମୟରେ ମୁଖ୍ୟ ରାସ୍ତା ଦେଇ ସହର ଭିତରକୁ ପଶି ଆସିଥିଲା। ସ୍ଥାନୀୟ ଲୋକେ ହାତୀକୁ ଘଉଡାଇଥିଲେ । ତେବେ ବାରମ୍ବାର ଜଙ୍ଗଲି ଜନ୍ତୁ ଭୁବନ ସହରକୁ ପଶି ଆସିଥିବାରୁ ସହରରେ ଭୟର ବାତାବରଣ ଦେଖାଯାଇଛି। ବନବିଭାଗ ନିଘୋଡ଼ ନିଦ୍ରାରେ ଶୋଇଥିବା ଭୁବନବାସୀ ଅଭିଯୋଗ ଆଣିଛନ୍ତି। ଢେଙ୍କାନାଳ ବନପାଳ ଏ ଦିଗରେ ଦୃଷ୍ଟି ଦେବା ପାଇଁ ଲୋକେ ଦାବି କରିଛନ୍ତି ।