ଭୁବନେଶ୍ୱର: ଲୋକଙ୍କ ନେତା ନବୀନ। ଲୋକଙ୍କ ସୁଖ ଦୁଃଖରେ ସବୁବେଳେ ସାଥୀ ହୋଇ ରହିଛନ୍ତି ନବୀନ । କ୍ଷମତା ଥାଉ କି ନଥାଉ ସବୁବେଳେ ଓଡ଼ିଶାବାସୀଙ୍କ ବିକାଶ ପାଇଁ କାମ କରି ଆସୁଛନ୍ତି । ରାଜ୍ୟ ସ୍ବାର୍ଥ ପ୍ରସଙ୍ଗରେ ବିରୋଧୀ ଦଳ ଭାବେ ବିଜେଡି କେବେ ପଛଘୁଞ୍ଚା ଦେବନାହିଁ । ପ୍ରତ୍ୟେକ ଦିନ ବିଭିନ୍ନ ବର୍ଗର ଲୋକଙ୍କୁ ଭେଟିବା ସହ ଓଡ଼ିଶାର ବିକାଶକୁ ଆଗେଇ ନେବାକୁ ସଭିଁଙ୍କ ସହଯୋଗ ଲୋଡୁଛି ଦଳ । ନବୀନଙ୍କ ନେତୃତ୍ବରେ ଆରମ୍ଭ ହୋଇଥିବା କାମ ଗୁଡ଼ିକ ସରିବା ଯାଏଁ ତାହାକୁ ଜଗିବ ବିଜେଡି ।

ଓଡିଶାବାସୀଙ୍କ ହିତ ପାଇଁ ସମ୍ପୂର୍ଣ୍ଣ ସମର୍ପିତ ବିଜେଡି। ୧୯୯୭ରୁ ଗଠନ ହେବା ଦିନଠାରୁ ଓଡ଼ିଶାର ସ୍ବାର୍ଥ ପାଇଁ ସଂଗ୍ରାମ ଜାରି ରଖିଛି ଦଳ । ଏହାରି ଭିତରେ ନିର୍ବାଚନ ଆସିଛି ଆଉ ଯାଇଛି । ମୁଖ୍ୟମନ୍ତ୍ରୀ ଥିବା ବେଳେ ନବୀନ ଯେତିକି ତତ୍ପର ଥିଲେ ବିରୋଧୀ ଦଳ ନେତା ସମୟରେ ବି ଠିକ ସେତିକି ତତ୍ପର । ପ୍ରତ୍ୟେକ ଦିନ ଓଡ଼ିଶାର ବିକାଶ ରଥକୁ କିପରି ଆଗେଇବ ନେଇହେବ ଓ  ଓଡ଼ିଶାବାସୀଙ୍କ ସମସ୍ୟା ଦୂର ହେବ ସେଦିଗରେ କାମ କରୁଛନ୍ତି । ନବୀନ ନିବାସରେ ବିଭିନ୍ନ ବର୍ଗର ଲୋକଙ୍କୁ ଭେଟିବା ସହ ବହୁ ଉପାଦେୟ ପରାମର୍ଶ ଦେଉଛନ୍ତି । ବିରୋଧୀ ଦଳଭାବେ ବିଜେଡି କେବେ ପଛଘୁଞ୍ଚା ଦେବନି ବୋଲି ବରିଷ୍ଠ ନେତା ଦେବୀ ପ୍ରସାଦ ମିଶ୍ର କହିଛନ୍ତି । ଲୋକଙ୍କ ବିକାଶ ସବୁବେଳେ ବିଜେଡିର ମୂଳ ଏଜେଣ୍ଡା ଥିଲା ଓ ରହିବ ବୋଲି ସେ ଯୁକ୍ତି ବାଢିଛନ୍ତି । ଦଳର ଛାମୁଆ ସଂଗଠନ ବୈଠକ କରି ଜନସେବାକୁ ଜାରି ରଖିବା ପାଇଁ ନବୀନ ଗୁରୁମନ୍ତ୍ର ଦେବା ସହ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଥିବା ବରିଷ୍ଠ ନେତା ଦେବୀ ମିଶ୍ର କହିଛନ୍ତି  ।

ଜନସେବା ସହ ଦଳୀୟ ସଂଗଠନ ଉପରେ ମଧ୍ୟ ଫୋକସ କରିଛନ୍ତି ବିଜେଡି ସୁପ୍ରିମୋ। ଶଙ୍ଖ ଭବନରେ ବିଭିନ୍ନ ଜିଲ୍ଲା ସଂଗଠନର ସମୀକ୍ଷା କରିବା ସହ ତୃଣମୂଳ ସ୍ତରରେ ସଂଗଠନକୁ ଅଧିକ ମଜଭୂତ କରିବାକୁ ନେତାଙ୍କୁ ପରାମର୍ଶ ଦେଇଛନ୍ତି । ପୂଜା ପରେ ବିଭିନ୍ନ ଜିଲ୍ଲାକୁ ଗସ୍ତ କରି ଲୋକଙ୍କ ସମସ୍ୟା ବୁଝିବା ସହ ବିଭିନ୍ନ ସ୍ଥାନରେ ସଭା ସମିତି କରିବାକୁ ବିଜେଡି ବଡ଼ ପ୍ଲାନ କରିଛି । ରାଜ୍ୟ ସ୍ବାର୍ଥ ସମ୍ବଳିତ ବିଭିନ୍ନ ପ୍ରସଙ୍ଗରେ ଆଗକୁ ଜୋରଦାର ଲଢେଇ କରିବାକୁ ଦଳ ସଜବାଜ ଆରମ୍ଭ କରିଛି ।

ସଶକ୍ତ ବିରୋଧୀ ଦଳ ଭାବେ ବିଜେଡ଼ି  ପୋଲାଭରମ, ମହାନଦୀ, କୋଟିଆ ଠାରୁ ଆରମ୍ଭ ରାଜ୍ୟ ସ୍ବାର୍ଥ ଥିବା ବଡ଼ବଡ଼ ପ୍ରସଙ୍ଗକୁ ମୁଦ୍ଦା କରିଛି । ଓଡ଼ିଶାର ଦାବିପୂରଣ କରିବାକୁ ବିଜେଡି ସଂଗ୍ରାମ ଜାରି ରଖିଛି ।  ଆଗକୁ ପଲ୍ଲୀରୁ ଦିଲ୍ଲୀ ଯାଏ ଲଢେଇକୁ ଜୋରଦାର କରିବାକୁ ଦଳ ଲମ୍ବା ବ୍ଲ୍ୟୁ-ପ୍ରିଣ୍ଟ ପ୍ରସ୍ତୁତ କରିଛି ।