ନନ୍ଦିଘୋଷ ବ୍ୟୁରୋ: ଆସୁଛି ଦୀପାବଳୀ । ସେପଟେ ରାଜଧାନୀ ଦିଲ୍ଲୀରେ ଗ୍ରୀନ କ୍ରାକରର ପ୍ରସ୍ତୁତି, ବିକ୍ରି ପ୍ରସଙ୍ଗ । ଆଜି ଏନେଇ ଶୁଣାଣି କରିବେ ସୁପ୍ରିମକୋର୍ଟ । ସିଏସଆଇଆର-ନୀରୀ ପକ୍ଷରୁ ପରିବେଶ ଅନୁକୂଳ ଗ୍ରୀନ କ୍ରାକର ବ୍ୟବହାର କଲେ ପରିବେଶ ଉପରେ ପ୍ରଭାବ ପଡିନଥାଏ ଏବଂ ପ୍ରଦୂଷଣ ସୃଷ୍ଟି ହୋଇ ନଥାଏ । ଗ୍ରୀନ କ୍ରାକର ୩ ପ୍ରକାର ରହିଥାଏ । ତାହା ହେଲା ସ୍ବାସ ବା ସେଫ ୱାଟର ରିଲିଜର, ଷ୍ଟାର ବା ସେଫ ଥର୍ମାଇଟ କ୍ରାକର ଏବଂ ସଫଳ ବା ସେଫ ମିନିମମ ଆଲୁମିନିୟମ । ଗତ ସେପ୍ଟେମ୍ବର ୨୬ରେ ଗ୍ରୀନ କ୍ରାକର ପ୍ରସ୍ତୁତି ଲାଗି ସୁପ୍ରିମକୋର୍ଟ ଅନୁମତି ଦେଇଥିଲେ । ତେବେ ବିନା ଅନୁମତିରେ ଦିଲ୍ଲୀ-ଏନସିଆରରେ ଏହାକୁ ବିକ୍ରି କରାଯାଇପାରିବ ନାହିଁ ବୋଲି ଦର୍ଶାଇଥିଲେ।
ଏହା ସହ ଦିଲ୍ଲୀ ଏନସିଆରରେ ବାଣ ଉପରେ ସମ୍ପୂର୍ଣ୍ଣ ନିଷେଧାଦେଶ ଜାରି କରିବା ଦିଗରେ ପଦକ୍ଷେପ ନେବା ଲାଗି କେନ୍ଦ୍ରକୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ। ଅଂଶୀଦାରମାନଙ୍କ ସହ ଆଲୋଚନା କରିବାକୁ କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ମନ୍ତ୍ରାଳୟକୁ ବି ନିର୍ଦ୍ଦେଶ ଦେଇଥିଲେ ଅଦାଲତ ।
