ଭୁବନେଶ୍ବର: ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ପ୍ରସଙ୍ଗକୁ ନେଇ ବିଜେଡିର ସାମ୍ବାଦିକ ସମ୍ମିଳନୀ। ରାଜ୍ୟସଭା ସାଂସଦ ସସ୍ମିତ ପାତ୍ରଙ୍କ ମନ୍ତବ୍ୟ। ଓଡ଼ିଶାର ମୁଖ୍ୟମନ୍ତ୍ରୀ ମୋହନ ମାଝୀ ମୁଖ୍ୟମନ୍ତ୍ରୀ ଥାଇ ମଧ୍ୟ ଅସହାୟ ଅବସ୍ଥାରେ ଅଛନ୍ତି। ଚାପଗ୍ରସ୍ତ ଅଛନ୍ତି। ନିଜ ଦଳୀୟ ନେତାଙ୍କ ଚାପରେ ଚାପଗ୍ରସ୍ତ ହୋଇପଡିଛନ୍ତି ମୋହନ ମାଝୀ। ମୋହନ ମାଝୀଙ୍କୁ ୟୁଟର୍ଣ୍ଣ ମୁଖ୍ୟମନ୍ତ୍ରୀ ବୋଲି କହିଲା ବିଜେଡି। ସେ ଯାହା କହୁଛନ୍ତି ତାହାର ୟୁଟର୍ଣ୍ଣ ନେଉଛନ୍ତି। ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ସମ୍ଭବପର ନୁହେଁ ବୋଲି ବିଧାନସଭାରେ କହିଲେ। ପରବର୍ତ୍ତୀ ସମୟରେ ଦଳୀୟ ବିଧାୟକ ଜୟ ନାରାୟଣ ମିଶ୍ର ହାଇକୋର୍ଟ ବେଞ୍ଚ ନେଇ ଦାବି କଲେ। ତା ପରେ ମୁଖ୍ୟମନ୍ତ୍ରୀ ମୋହନ ମାଝୀ ଏ ସମ୍ପର୍କରେ ତର୍ଜମା କରୁଥିବା କହିଲେ। ଏହା ହିଁ ମୁଖ୍ୟମନ୍ତ୍ରୀଙ୍କ ଅବସ୍ଥା। ଜଣେ ବିଧାୟକଙ୍କ ପାଖରେ ନତମସ୍ତକ ହେଉଛନ୍ତି ମୁଖ୍ୟମନ୍ତ୍ରୀ।
ଅଗଷ୍ଟ ୨୦୨୪ ରେ ରାଜ୍ୟସଭାରେ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ନେଇ ଏକ ଅଣତାରକା ପ୍ରଶ୍ନ ନମ୍ବର ୨୦୩୧ ପଚରା ଯାଇଥିଲା। ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ଦିଗରେ ପଦକ୍ଷେପ କଣ ନିଆଯାଇଛି ବୋଲି ପ୍ରଶ୍ନ ଥିଲା। ଉତ୍ତରରେ ଆଇନ ମନ୍ତ୍ରୀ ଅର୍ଜୁନ ରାମ ମେଘାୱାଲ କହିଲେ ରାଜ୍ୟ ସରକାରଙ୍କ ମତ ଏବେ ଯାଏ ହସ୍ତଗତ ହୋଇନାହିଁ। ଏହି ମତ ଅପେକ୍ଷାରେ ଅଛୁ ବୋଲି କହିଲେ। କିନ୍ତୁ ଏ ସମ୍ପର୍କରେ ଏବେ ଯାଏ ମୁଖ୍ୟମନ୍ତ୍ରୀ ମୋହନ ମାଝୀ ଚୁପ। ୩ ମାସ ହେଲାଣି ରାଜ୍ୟର ମତ ଯାଇ ନାହି। କେବେ ଚିଠି ଲେଖି ଜଣାଇବେ ଆମେ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ହେଉ ବୋଲି ପ୍ରଶ୍ନ କଲା ବିଜେଡି।
ସେ ସତରେ ଚାହୁଁଛନ୍ତି ବେଞ୍ଚ ହେଉ ନା ବିଧାୟକଙ୍କ ଚାପରେ ଚାପଗ୍ରସ୍ତ। ଲୋକେ ୨୪ ବର୍ଷର ନବୀନ ପଟ୍ଟନାୟକଙ୍କ ଶାସନ ଦେଖିଛନ୍ତି। ମୁଖ୍ୟମନ୍ତ୍ରୀ ୨୪ ଘଣ୍ଟାରେ ଚିଠି ଲେଖିବେ କି ନାହିଁ ବୋଲି କେନ୍ଦ୍ରକୁ ପ୍ରଶ୍ନ କଲା ବିଜେଡି। ମୁଖ୍ୟମନ୍ତ୍ରୀ ନିଜର ମାନସିକତା ଓଡିଶାବାସୀଙ୍କ ନିକଟରେ ସ୍ପଷ୍ଟ କରନ୍ତୁ। ବିଧାନସଭା ଭିତରେ କରିବୁ ନାହିଁ କହୁଛନ୍ତି। ବିଧାୟକଙ୍କ ଚାପ ପରେ ତର୍ଜମା କଥା କହୁଛନ୍ତି। ନବୀନ ଥରେ ନିଷ୍ପତ୍ତି ନେଲେ ତାହା କାଏମ ରହୁଥିଲା। ସେହି ସିଟରେ ବସି ୟୁଟର୍ଣ୍ଣ ମୁଖ୍ୟମନ୍ତ୍ରୀ ହୁଅନ୍ତୁ ନାହିଁ ମୋହନ ମାଝୀ।
ବିଜେଡି ମୁଖ୍ୟମନ୍ତ୍ରୀଙ୍କୁ ଦେଲା ଆହ୍ୱାନ। ୨୪ ଘଣ୍ଟା ଭିତରେ ଚିଠି ଲେଖନ୍ତୁ । କାଲି ଦିନ ୨ ଟା ଯାଏ ଅପେକ୍ଷା। ନ ହେଲେ ଓଡିଶାବାସୀ ବୁଝିଯିବେ ଯେ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପାଇଁ ମୁଖ୍ୟମନ୍ତ୍ରୀଙ୍କର ଆଗ୍ରହ ନାହିଁ। ନବୀନ ପଟ୍ଟନାୟକଙ୍କୁ ଟିକେ ଅନୁସରଣ କରନ୍ତୁ ମୋହନ ମାଝୀ ବୋଲି କହିଲା ବିଜେଡି। ଡବଲ ଇଞ୍ଜିନ ସରକାର ଟିକେ କାମରେ ଦେଖାନ୍ତୁ। ଓଡ଼ିଶାର ମୁଖ୍ୟମନ୍ତ୍ରୀଙ୍କ ଏ ସତସାହସ କାହିଁକି ନାହିଁ। ବିଧାୟକଙ୍କ କଥାରେ ମୁଖ୍ୟମନ୍ତ୍ରୀ ବାଁ ଡାହାଣ ହେଉଛନ୍ତି।
