ନୂଆଦିଲ୍ଲୀ: ହରିଆନାର ଝଜର କୁସ୍ତିଯୋଦ୍ଧା ପ୍ୟାରିସ କରିଛନ୍ତି କମାଲ । ଅମନ ସହରାବତ ୫୭ କିଲୋ ବର୍ଗ କୁସ୍ତିରେ ଶାନାଦାର ଖେଳ ପ୍ରଦର୍ଶନ କରି ସେମିଫାଇନାଲରେ ନିଜ ପାଇଁ ସ୍ଥାନ ପକ୍କା କରିଛନ୍ତି । ଏହା ସହିତ ଭାରତ ପାଇଁ ଆଉ ଏକ ପଦକର ଆଶା ଉଜ୍ଜୀବିତ ହୋଇଛି । ଅମନ ,ଆସବେନିଆ କୁସ୍ତିଯୋଦ୍ଧାଙ୍କୁ ୧୨-୦ରେ ପରାସ୍ତ କରି ସେମିଫାଇନାଲକୁ ଯାଇଛନ୍ତି । ଏବେ ଅମନ ପଦକଠାରୁ ଗୋଟିଏ ପାଦ ଦୂରରେ ଅଛନ୍ତି । ଯଦି ସେ ସେମିଫାଇନାଲ ଜିତି ଫାଇନାଲକୁ ପ୍ରବେଶ କରନ୍ତି ତେବେ ରୌପ୍ୟ ପଦକା ପାଇବା ସୁନିଶ୍ଚିତ । ଆଉ ଯଦି ଫାଇନାଲରେ ବିଜୟୀ ହୁଅନ୍ତି ତେବେ ସ୍ୱର୍ଣ୍ଣ ପଦକ ପାଇବେ ।.
ଅମନଙ୍କ କ୍ୟାରିୟର
ଅମନଙ୍କ କ୍ୟାରିୟର ବେସ ଦମଦାର ରହି ଆସିଛି । ମାତ୍ର ୨୧ ବର୍ଷ ବୟସର ଏହି କୁସ୍ତିଯୋଦ୍ଧା ବର୍ତ୍ତମାନ ପର୍ଯ୍ୟନ୍ତ ଅନେକ ବଡ଼ ପ୍ରତିଯୋଗୀତାରେ ସ୍ୱର୍ଣ୍ଣ ପଦକ ଜିତିଛନ୍ତି । ଗତବର୍ଷ ସେ ଏସିଆନ ଚମ୍ପିଆନସିପରେ ସ୍ୱର୍ଣ୍ଣ ପଦକ ଜିତିଥିଲେ । ସେହିଭଳି ଚଳିତ ବର୍ଷ ଜାଗ୍ରେବରେ ସେ ସ୍ୱର୍ଣ୍ଣ ପଦକ ପାଇଥିଲେ । ୨୦୨୨ରେ ସେ ୬୧ କିଲୋ ବର୍ଗରେ ରୌପ୍ୟ ପଦକ ପାଇଥିଲେ । ତେବେ ବର୍ତ୍ତମାନ ସେ ୫୭ କିଲୋ ବର୍ଗରେ ଖେଳୁଛନ୍ତି ।
ଜୀବନ ସଂଘର୍ଷପୂର୍ଣ୍ଣ
ଅମନଙ୍କ ଜୀବନ ସଂଘର୍ଷପୂର୍ଣ୍ଣ । । ପିଲାବେଳେ ସେ ନିଜ ଅଭିଭାବକଙ୍କୁ ହରାଇଥଇଲେ । ଏହାସତ୍ୱେ ଅମନ ହାରି ଯାଇନଥିଲେ । କଠୋର ସଂଘର୍ଷ ମଧ୍ୟରେ ସେ କୁସ୍ତିରେ ନିଜ କ୍ୟାରିୟର ଗଢିଥିଲେ । ଅମନ କେବଳ ନିଜେ କୁସ୍ତିରେ ନିଜ ପାଇଁ ପରିଚୟ ତିଆରି କରିନଥିଲେ । ସେ ମଧ୍ୟ ନିଜ ସାନ ଭଉଣୀର ଲାଳନପାଳନ କରି ତାକୁ ପଢାଇଥିଲେ । ଅର୍ଥର ଘୋର ଅଭାବ ମଧ୍ୟରେ ସେ ନୂଆଦିଲ୍ଲୀର ଛତ୍ରଶାଲ ଷ୍ଟାଡିୟମରେ କୋଚ୍ ପ୍ରବୀଣ ଦାହିଆଙ୍କଠାରୁ କୁସ୍ତି ଶିଖିଥିଲେ ।
