ନନ୍ଦିଘୋଷ ବ୍ୟୁରୋ: ରାଜ୍ୟର ଅନ୍ୟତମ ପ୍ରମୁଖ ଜିଲ୍ଲା ଭାବେ ପରିଚିତ କଟକ। ଏଠାରେ ହାଇକୋର୍ଟ, ମେଡିକାଲ, ପୋଲିସ ମୁଖ୍ୟାଳୟ, ପରିବହନ କାର୍ଯ୍ୟାଳୟ ଆଦି ପ୍ରମୁଖ ସରକାରୀ ଅଫିସ ରହିଛି। କିନ୍ତୁ ଏହି ଜିଲ୍ଲାରେ ନାହାନ୍ତି ଜିଲ୍ଲାପାଳ। କାରଣ କଟକ ଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ବଦଳି ହୋଇଛି। କିନ୍ତୁ ସେବେ ଠାରୁ ଜିଲ୍ଲାପାଳ ଭାବେ କାହାକୁ ଦାୟିତ୍ବ ଦିଆଯାଇନାହିଁ। ଜିଲ୍ଲାର ପ୍ରଶାସନିକ ସ୍ତରରେ ଏହି ପଦବୀ ବେଶ ଗୁରୁତ୍ୱପୂର୍ଣ୍ଣ। କିନ୍ତୁ ଜିଲ୍ଲାପାଳ ଭାବେ କାହାକୁ ନିଯୁକ୍ତ କରାଯିବ ସେ ନିଷ୍ପତ୍ତି ନେଇ ପାରୁନାହାନ୍ତି ସରକାର। ଯାହାକୁ ନେଇ ଅସନ୍ତୋଷ ବ୍ୟକ୍ତି କରିଛନ୍ତି କଟକର ବିଦ୍ଧିଜୀବୀ। ଜିଲ୍ଲାରେ ବର୍ଷା ଲାଗି ରହିଥିବା ବେଳେ ଉପରମୁଣ୍ଡ ବନ୍ୟାଜଳ ଜିଲ୍ଲାକୁ ଜଳାର୍ଣ୍ଣବ କରିବ। ସହରରେ ମଧ୍ୟ ଜଳବନ୍ଦୀ ସମସ୍ୟା ରହିଛି। ମଶା ତଥା ଡେଙ୍ଗୁ ନେଇ ଆଶା ଆଶଙ୍କା ଲାଗି ରହିଛି। ଏଠାରେ ହଜାର ହଜାର କୋଟି ଟଙ୍କା ବିନିଯୋଗରେ ଏକାଧିକ ପ୍ରକଳ୍ପ କାମ ଚାଲିଛି। ଏ ସବୁକୁ ତଦାରଖ କରିବା ଜିଲ୍ଲାପାଳଙ୍କ ଦାୟିତ୍ୱ। ଏହା ସରକାର ବୁଝିବା ଦରକାର, କିନ୍ତୁ ଆରମ୍ଭରୁ ଏ ସରକାର କାହିଁ ଝୁଣ୍ଟିବା ପରି ଲାଗୁଛି। ଜିଲ୍ଲାପାଳ ଘୋଷଣାରେ ବିଳମ୍ବ ଏହାର ପ୍ରମାଣ ବୋଲି ବିଦ୍ଧିଜୀବୀ ମତ ଦେଇଛନ୍ତି। ଜିଲ୍ଲାର ଗୁରୁତ୍ୱକୁ ବୁଝି ସରାକର ତୁରନ୍ତ ପଦକ୍ଷେପ ନେବେ ବୋଲି ଆଶା ରଖିଛନ୍ତି ମେୟର।
କ୍ଯାନ୍ସରରୁ ମୁକ୍ତି ଦେବା ସହ ମେଦ ବହୁଳତା ଓ ଡାଇବେଟିସ୍ ପାଇଁ ଅତ୍ଯନ୍ତ ଉପାଦେୟ ମିରାକଲ୍ ବେରୀ
ନନ୍ଦିଘୋଷ ବ୍ୟୁରୋ: ଦାଦା ପୁତୁରାଙ୍କ ନିଆରା ପ୍ରୟାସ । ଅନେକ ବିଦେଶୀ ଫଳକୁ ଆଣି ନିଜ ବଗିଚାରେ ଅମଳ କରି ବେଶ ଚର୍ଚ୍ଚାରେ ଦାଦା ରାମପ୍ରସାଦ ଗନ୍ତାୟତ ଓ ପୁତୁରା ଆକାଶ ଗନ୍ତାୟତ । ବି-ଟେକ କୃଷି ଇଞ୍ଜିନିୟର ହୋଇ ବି ଚାଷ କାମ କରି ଅଞ୍ଚଳରେ ଚର୍ଚ୍ଚାକୁ ଆସିଛନ୍ତି ଆକାଶ । ଜୟପୁର ବ୍ଲକ ସାନଓଜେଇ ଗାଁରେ ନିଜର ଫାର୍ମ ହାଉସ କରି ଅନେକ ବିଦେଶୀ ଫଳ ସହ ମିରାକଲ୍ ବେରୀ ଚାରା ଲଗାଇ ଅନ୍ଯମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି ।
ସ୍ବାଦ ଯେମିତି ଦେହକୁ ବି ସେତିକି ଉପକାରୀ । କ୍ଯାନ୍ସରରୁ ମୁକ୍ତି ଦେବା ସହ ମେଦ ବହୁଳତା ଓ ଡାଇବେଟିସ୍ ପାଇଁ ଅତ୍ଯନ୍ତ ଉପାଦେୟ । ସ୍ବାସ୍ଥ୍ଯର ଯତ୍ନ ନେବ ମିରାକଲ୍ ବେରୀ । ଏମିତି ଏକ କୋଳି ଚାଷ କରି ଚର୍ଚ୍ଚାରେ ଜୟପୁରର ଆକାଶ ଗନ୍ତାୟତ । ଦାଦା ଦାଦା ରାମପ୍ରସାଦ ଗନ୍ତାୟତ ଓ ପୁତୁରା ଆକାଶ ଗନ୍ତାୟତ ତାଙ୍କ ଫାର୍ମ ହାଉସରେ ଅନେକ ଫଳ ଉତ୍ପାଦନ କରୁଥିବାବେଳ ଏବେ ୱେଷ୍ଟ ଆଫ୍ରିକାନ ଦେଶର ଏହି ମିରାକଲ କୋଳି ଲଗାଇ ଚର୍ଚ୍ଚାକୁ ଆସିଛନ୍ତି । ଏହି ଫଳଟି ସୁଆଦିଆ ନଥିଲେ ମଧ୍ୟ ଖାଇବାକୁ ଭଲ ଲାଗେ । କୋଳିଟି ଖାଇବାର କିଛି ସମୟ ଯାଏ ଆପଣ ଲେମ୍ବୁ,ଖଟା ଆମ୍ବ ଏମିତି ଅନେକ ଖଟା ଜାତୀୟ ଜିନିଷ ଖାଇଲେ ମଧ୍ଯ ମିଠା ଲାଗେ । ଆଗାମୀ ଦିନରେ ଲୋକଙ୍କ ଗ୍ରହଣୀୟତାକୁ ଦେଖି ବଜାର ନିବେଶ ପାଇଁ ଲକ୍ଷ୍ଯ ରଖିଥିବା କହିଛନ୍ତି ଆକାଶ ।
ଏହି ବେରୀର ବୈଜ୍ଞାନିକ ନାମ ହେଉଛି ସିନ୍ସେପାଲମ୍ ଡୁଲସିଫମ୍ । ଏହିସବୁ ଫଳ ବିଦେଶୀ, ସାଧାରଣତଃ ଭାରତୀୟ ପରିବେଶରେ ହୁଏନାହିଁ । ଏହି ସବୁ ଫଳ ସାଧାରଣ ତହ ଭାରତୀୟ ପରିବେଶ ରେ ହୁଏ ନାହିଁ । ଏଥିରେ ଗ୍ଲାଇକୋପ୍ରୋଟିନ୍ , କାର୍ବୋହାଇଡ୍ରେଟ୍, ମିରାକ୍ଯୁଲିନ୍ ଭଳି ଅନେକ ତତ୍ତ୍ବ ରହିଛି । ବିଭିନ୍ନ ଦେଶରେ ଏହି ଫଳରୁ ଲୋକମାନେ ବୀଅର, ଆଚାର, ଜାମ ଭଳି ବିଭିନ୍ନ ଖାଦ୍ୟ ପ୍ରସ୍ତୁତ କରନ୍ତି । ଔଷଧୀୟ ଗୁଣ ସହ ଏଥିରେ ଭିଟାମିନ-ସି ,ଫାଇବର, ଏସିଟୋଜେନିନ୍ ରହିଛି । କ୍ଯାନ୍ସର, ସ୍ଥନ କର୍କଟ, ଓଷ୍ଟିଓପୋରୋସିସ୍, ଲେଗ୍ କ୍ରମ୍ପସ୍ ଭଳି ରୋଗୀଙ୍କ ପାଇଁ ଏହା ଉପାଦେୟ ।
ବ୍ରହ୍ମପୁର ଖାସ୍ପା ସାହିରେ କଣ୍ଢେଇ ଯାତ୍ରା, ସାମିଲ ହେଲେ ଜିଲ୍ଲା ଏବଂ ଜିଲ୍ଲା ବାହାରର କଣ୍ଢେଇ କାରିଗର
ନନ୍ଦିଘୋଷ ବ୍ୟୁରୋ: ବ୍ରହ୍ମପୁରରେ ବେଶ ଧୁମଧାମରେ ଅନୁଷ୍ଠିତ ହୋଇଯାଇଛି ପ୍ରସିଦ୍ଧ ପାରମ୍ପରିକ କଣ୍ଢେଇ ଯାତ୍ରା । ଖାସ୍ପାସାହିରେ ଅନୁଷ୍ଠିତ ଏହି ଯାତ୍ରାରେ ବ୍ରହ୍ମପୁର ସହର ସମେତ ସମଗ୍ର ଗଂଜାମ ଜିଲ୍ଲାର ବିଭିନ୍ନ ସ୍ଥାନରୁ ଲୋକଙ୍କ ଭିଡ଼ ଜମିଥିଲା । ୩ଶହ ବର୍ଷ ପୁରୁଣା ଏହି ଯାତ୍ରାକୁ ଆସି ଲୋକେ ଖାସ୍ପା ସାହି ଜଗନ୍ନାଥ ମନ୍ଦିରରେ ଜଗନ୍ନାଥଙ୍କ ଶ୍ରୀରାମଙ୍କ ପଟ୍ଟାଭିଷେକ ଓ ମାଆ ବୁଢୀ ଠାକୁରାଣୀଙ୍କୁ ଅନ୍ନପୂର୍ଣ୍ଣା ବେଶ ଦର୍ଶନ କରିଥିଲେ । ଯାତ୍ରାରେ ମାଟି କଣ୍ଢେଇ ପରିବର୍ତ୍ତେ ଇଲୋକଟ୍ରୋନିକ୍ସ ଓ ପ୍ଲାଷ୍ଟିକ କଣ୍ଢେଇ ଚାହିଦା ଅଧିକ ଦେଖିବାକୁ ମିଳିଥିଲା ।
ହାତୀ, ଘୋଡ଼ା, ବାଘ, କୁକୁର ସାଙ୍ଗକୁ ଦେବୀ ଦେବତାଙ୍କ ମୂର୍ତ୍ତି । ମାଟିରେ ଅତି ନିଖୁଣ ଭାବେ ନିର୍ମାଣ କରିଛି କାରିଗର । ଗୋଟିଏ ସ୍ଥାନରେ ଜାତିଜାତିକା ଓ ବିଭିନ୍ନ ରକମର କଣ୍ଢେଇ । ଛୁଆଙ୍କ ଠାରୁ ଆରମ୍ଭ କରି ବୟସ୍କ ସମସ୍ତଙ୍କ ଆକୃଷ୍ଟ କରୁଛି ସୁନ୍ଦର କାରୁକାର୍ଯ୍ଯ । ଇଏ ହେଇଛି ବ୍ରହ୍ମପୁର ଖାସ୍ପା ସାହିର ଦୃଶ୍ଯ । ଆଷାଢ ପୁର୍ଣ୍ଣିମାଦିନ ଏଠି ଜମିଛି ଖଚାଖଚ ଭିଡ଼ । ଗଡ ଜଗନ୍ନାଥ ଓ ବଡଜଗନ୍ନାଥଙ୍କୁ ପ୍ରଭୁ ଶ୍ରୀରାମଙ୍କ ପଟ୍ଟାଭିଷେକ ଓ ମାଆ ବୁଢୀ ଠାକୁରାଣୀଙ୍କୁ ମାଆ ଅନ୍ନପୂର୍ଣ୍ଣା ବେଶରେ ଶ୍ରଦ୍ଧାଳୁଙ୍କୁ ଦେଇଛନ୍ତି ଦର୍ଶନ । ରାଜାରାଜୁଡା କାଳରୁ ଏଠାରେ ପାଳିତ ହେଉଛି କଣ୍ଢେଇ ଯାତ୍ରା । ପ୍ରାୟ ୩ଶହ ବର୍ଷର ପୁରୁଣା ଏହି ଯାତ୍ରା ଦେଖିବାକୁ ଖାଲି ବ୍ରହ୍ମପୁର ନୁହେଁ ଆଖପାଖ ଜିଲ୍ଲାର ଲୋକଙ୍କ ବି ଭିଡ଼ ଦେଖିବାକୁ ମିଳିଥିଲା । ଅଣକୁଶଳୀ, ଅର୍ଦ୍ଧକୁଶଳୀ ଓ କୁଶଳୀ କାରୀଗରକୁ ପ୍ରୋତ୍ସାହିତ କରିବା ଉର୍ଦ୍ଦେଶ୍ୟରେ ଯାତ୍ରା ପାଳିତ ହୋଇ ଆସୁଛିବୋଲି କହିଛନ୍ତି ସଂସ୍କୃତି ଗବେଷକ ।
ରଥଯାତ୍ରାରୁ ବାହୁଡ଼ା ପର୍ଯ୍ୟନ୍ତ ନବଦିନାତ୍ମକ ଯାତ୍ରାକୁ ମନେରଖିବା ପାଇଁ ଜଗନ୍ନାଥଙ୍କୁ ପଟ୍ଟାଭିଷେକ ବେଶରେ ସଜ୍ଜିତ କରାଯାଇଥାଏ । ମହୁରୀରାଜାଙ୍କ ମହୁରୀଗଡ଼ ଭାଙ୍ଗିବା ପରେ ବ୍ରହ୍ମପୁରରେ ଆରମ୍ଭ ହୋଇଥିଲା ଏହି କଣ୍ଢେଇ ଯାତ୍ରା । ମହୁରୀ ରାଜା ଆନ୍ଧ୍ରପ୍ରଦେଶର କିଛି ବ୍ୟବସାୟୀଙ୍କୁ ଆଣି ଜଗନ୍ନାଥଙ୍କ ଶ୍ରୀରାମଙ୍କ ପଟ୍ଟାଭିଷେକ ବେଶ ପାଳନ ଅବସରରେ କଣ୍ଢେଇ ଯାତ୍ରାର ଆୟୋଜନ କରିଥିଲେ । କାଳକ୍ରମେ ଏହି ଯାତ୍ରା ଲୋପ ପାଇ ଆସୁଥିବାବେଳେ ୨୦୦୫ରୁ ଏକ କମିଟି ଗଠନ କରାଯାଇ ଯାତ୍ରାକୁ ପାଳନ କରାଯାଉଛି ତେବେ ସରକାରୀ ସ୍ତରରେ ଉଦ୍ଯମ ହେଲେ ଯାତ୍ରା ଆହୁରି ଅଧିକ ଲୋକପ୍ରିୟ ହୋଇ ପାରନ୍ତା ବୋଲି କହିଛନ୍ତି ସ୍ଥାନୀୟ ବାସିନ୍ଦା ।
ପୂର୍ବତନ ବିଧାୟକ ମହମ୍ମଦ ମୋକିମଙ୍କୁ ପିସିସି ମୁଖିଆ କରିବାକୁ କସରତ ଚଳାଇଛନ୍ତି ଝିଅ ସୋଫିଆ ଫିରଦୌସ
ନନ୍ଦିଘୋଷ ବ୍ୟୁରୋ: ବାପାଙ୍କୁ ପିସିସି ସଭାପତି କରିବାକୁ ଅଣ୍ଟା ଭିଡ଼ିଲେ ଝିଅ। ପୂର୍ବତନ ବିଧାୟକ ମହମ୍ମଦ ମୋକିମଙ୍କୁ ପିସିସି ମୁଖିଆ କରିବାକୁ କସରତ ଚଳାଇଛନ୍ତି ବିଧାୟିକା ଝିଅ ସୋଫିଆ ଫିରଦୌସ।ଦୃଢ ସଂଗଠନ ଭାବେ କଂଗ୍ରେସକୁ ଆଗକୁ ନେବାକୁ ପୂର୍ବତନ ବିଧାୟକ ମହମ୍ମଦ ମୋକିମଙ୍କ ପାଇଁ ଚଳାଇଛନ୍ତି ଜୋରଦାର ଲବି। ପିସିସିର ସବୁ କମିଟିକୁ ଏଆଇସିସି ଭାଙ୍ଗିବା ପରେ ପିସିସି ସଭାପତି ଚୌକି ପାଇଁ ଭିନ୍ନ ଢଙ୍ଗରେ ନେତା ଉଦ୍ୟମ ଆରମ୍ଭ କରିଛନ୍ତି। କିଛିନେତା ଦିଲ୍ଲୀରେ ସଭାପତି ହେବା ପାଇଁ କସରତ ଚଳାଇଥିବା ବେଳେ ଓଡ଼ିଶାରେ ଏହାକୁ ନେଇ ଜୋର ଧରିଛି ଚର୍ଚ୍ଚା ।
ବାପାଙ୍କ ପାଇଁ ଅଣ୍ଟା ଭିଡ଼ିଲେ ବିଧାୟିକା ଝିଅ। ପିସିସି ସଭାପତି ଲାଗି ମୋକିମଙ୍କ ନାଁକୁ ଆଗକୁ ବଢାଇଲେ ଝିଅ ସୋଫିଆ ଫିରଦୌସ। ଦିଲ୍ଲୀରେ ଜୋରଦାର ଚଳାଇଛନ୍ତି ଲବି। କିଏ ହେବେ ପରବର୍ତ୍ତୀ ପିସିସି ସଭାପତି। କାହା ମୁଣ୍ଡରେ ଢଳାହେବ ସୁନାକଳସ। ରାଜସ୍ଥାନ ଢାଞ୍ଚାରେ ଓଡ଼ିଶା ପିସିସିର ସବୁ କମିଟି ଏଆଇସିସି ଭଂଗ କରିବା ପରେ ଭୁବନେଶ୍ବରୁ ଦିଲ୍ଲୀ ଯାଏ ଚାଲିଛି ଏ ଚର୍ଚ୍ଚା। ଓଡ଼ିଶାର ନୂଆ କଂଗ୍ରେସ ମୁଖିଆ ହେବା ପାଇଁ ଦଳରେ ଆରମ୍ଭ ହୋଇଛି ଜୋରଦାର କସଲତ। ଦିଲ୍ଲୀରେ କିଛି ବରିଷ୍ଠ କଂଗ୍ରେସ ନେତା ସଭାପତି ହେବାକୁ ଲବି ଚଳାଇଛନ୍ତି। ଏସବୁ ଭିତରେ ବାପାଙ୍କୁ ପିସିସି ସଭାପତି କରିବା ପାଇଁ ଅଣ୍ଟା ଭିଡ଼ିଲେ ବିଧାୟିକା ଝିଅ ସୋଫିଆ ଫିରଦୌସ। ସୋଫିଆଙ୍କ ଯୁକ୍ତି, ବାପା ତଥା ପୂର୍ବତନ ବିଧାୟକ ମହମ୍ମଦ ମୋକିମ ହେଉଛନ୍ତି ଜଣେ ଦୃଢ ସଂଗଠକ। ସବୁବେଳେ ଲୋକଙ୍କ ସହ ଯୋଡ଼ି ହୋଇ ଅଛନ୍ତି।ତେଣୁ ସେ ପିସିସି ସଭାପତି ହେଲେ ଭଲ ହେବ ବୋଲି କହିଛନ୍ତି ଝିଅ ସୋଫିଆ। ଓଡ଼ିଶା କଂଗ୍ରେସର ଜଣେ ଟାଣୁଆ ଓ ତୃଣମୂଳସ୍ତରର ନେତାଙ୍କୁ ପିସିସି ସଭାପତି କରିବାକୁ ସବୁ ନେତା ପ୍ରସ୍ତାବ ଦେଇଛନ୍ତି ବୋଲି ସେ କହିଛନ୍ତି। ଅନ୍ୟପଟେ ଦଳର ବରିଷ୍ଠ ନେତା ସନ୍ତୋଷ ସିଂହ ସାଲୁଜା କହିଛନ୍ତି, କାହାକୁ ପିସିସି ସଭାପତି କଲେ ଭଲ ହେବ ଏହି ନିଷ୍ପତି ଠିକଣା ସମୟରେ ନିଆଯିବ ।
ସେପଟେ ୨୦୨୪ ନିର୍ବାଚନ ପରାଜୟ ପରେ ଏଆଇସିସି ପକ୍ଷରୁ ଗଠିତ ଅନୁସନ୍ଧାନକାରୀ ଦଳ ଓଡ଼ିଶା ଗସ୍ତ କରିବା ପୂର୍ବରୁ ପିସିସିର ସବୁ କମିଟି ଭାଙ୍ଗିଛନ୍ତି ହାଇକମାଣ୍ଡ। ସେପଟେ ଓଡ଼ିଶାର ତୃଣମୂଳସ୍ତରର ନେତାଙ୍କ ସହ ଆଲୋଚନା ନକରି ପିସିସି ନିଯୁକ୍ତି ନିଷ୍ପତି ଦଳ ପାଇଁ ଶୁଭଙ୍କର ନୁହେଁ ବୋଲି ରାଜନୈତିକ ସମୀକ୍ଷକ କହିଛନ୍ତି। ତେଣୁ ପିସିସି ସଭାପତି କେବଳ ଦିଲ୍ଲୀ ଲବିରେ ବଛାଯିବ ବୋଲି ସମୀକ୍ଷକ ଆକଳନ କରିଛନ୍ତି ।
ମାଟିରେ ମିଶିବ ୫୦ ବର୍ଷର ଭିଟାମାଟି, ବାସ ହରାଇବେ ରାଉରକେଲା ବସ୍ତି ବାସିନ୍ଦା
ନନ୍ଦିଘୋଷ ବ୍ୟୁରୋ: ଭିଟାମାଟି ଛାଡ଼ିବେ ରାଉରକେଲା ସହରର ବିଭିନ୍ନ ବସ୍ତିରେ ଗତ ୫୦ ଵର୍ଷ ହେଲା ବସବାସ କରି ଆସୁଥିବା ଵସ୍ତି ବାସିନ୍ଦା । ରେଳ ଵିଭାଗ ପକ୍ଷରୁ ଆରମ୍ଭ ହୋଇଛି ଉଚ୍ଛେଦ କାର୍ଯ୍ଯ । ତେବେ ବସ୍ତି ବାସିନ୍ଦାଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ବାସଗୃହ ଯୋଗାଇ ଦେଵା ପରେ ଉଛେଦ କରିବା ପାଇଁ ବିଜୁ ଜନତା ଦଳ ଓ ରାଉରକେଲା ବିଧାୟକ ଦାବି କରିବା ପରେ ଉଛେଦ କାର୍ଯ୍ୟ ସ୍ଥଗିତ ରଖାଯାଇଛି । ବସ୍ତି ବାସିନ୍ଦାଙ୍କୁ ଥଇଥାନ କରିବା ପରେ ଵସ୍ତି ଉଛେଦ କରିବା ପାଇଁ ରାଉରକେଲା ଅତିରିକ୍ତ ଜିଲ୍ଲାପାଳ ରେଲୱେ ଡିଆରଏମଙ୍କୁ ଚିଠି କରି ଅନୁରୋଧ କରିଛନ୍ତି ।
ମାଟିରେ ମିଶିବ ୫୦ ବର୍ଷର ଭିଟାମାଟି । ବାସ ହରାଇବେ ରାଉରକେଲା ବସ୍ତି ବାସିନ୍ଦା । ରେଳ ବିଭାଗ ପକ୍ଷରୁ ଆରମ୍ଭ ହୋଇଛି ଉଚ୍ଛେଦ କାମ । ତେବେ ରାଉରକେଲା ସହରରେ ନୁଆ ରେଳ ଲାଇନ ନିର୍ମାଣ କରିବା ପାଇଁ ଵସ୍ତି ବାସିନ୍ଦାଙ୍କୁ ଥଇଥାନ ନକରି ଆରମ୍ଭ ହୋଇଥିବା ଵସ୍ତି ଉଛେଦ କାର୍ଯ୍ୟକୁ ବିରୋଧ କରାଯାଇଛି । ରାସହରର ବନ୍ଧମୁଣ୍ଡା ଠାରୁ ପାନପୋଷ ପର୍ଯ୍ୟନ୍ତ ନୁଆ ରେଳ ଲାଇନ ନିର୍ମାଣ କାର୍ଯ୍ୟ କରିବା ପାଇଁ ୮ ଶହ ଵସ୍ତି ବାସିନ୍ଦାଙ୍କ ଘର ଭାଙ୍ଗିବା ପାଇଁ ରେଲୱେ ବିଭାଗ ପକ୍ଷରୁ ନୋଟିସ ଜାରି କରାଯାଇ ଘର ଭାଙ୍ଗିବା କାର୍ଯ୍ୟ ଆରମ୍ଭ ହୋଇଥିଲା । ତେବେ ଥଇଥାନ କରିବା ପରେ ଵସ୍ତି ଉଛେଦ କରିବା ପାଇଁ ରାଉରକେଲା ବିଧାୟକ ଓ ଵିଜୁ ଜନତା ଦଳ ପକ୍ଷରୁ ଦାବି କରାଯାଇ ଆନ୍ଦୋଳନ କରାଯିବା ପରେ ଉଚ୍ଛେଦ କାମ ସ୍ଥଗିତ ରହିଛି । ଜୋର ଜବରଦସ୍ତ ଭାଙ୍ଗିବା ଅପେକ୍ଷା ଥଇଥାନ କରି ଵସ୍ତି ଉଛେଦ କରିବା ପାଇଁ ରାଉରକେଲା ଅତିରିକ୍ତ ଜିଲ୍ଲାପାଳ ଚକ୍ରଧରପୁର ରେଲୱେ ଡିଆରଏମଙ୍କୁ ଚିଠି ଲେଖି ଅନୁରୋଧ କରିଛନ୍ତି ।
ଉଚ୍ଛେଦ ହେଵାକୁ ଥିବା ୮ ଶହ ବସ୍ତି ବାସିନ୍ଦାଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ବାସଗୃହ ଯୋଗାଇ ଦେବା ଦାବି ହୋଇଛି । ବାସଗୃହ ଯୋଗାଇ ନଦେଇ ଜୋର ଜବରଦସ୍ତ ଉଛେଦ କରାଗଲେ ତିବ୍ର ବିରୋଧ କରାଯିଵ ବୋଲି ରାଉରକେଲା ବିଧାୟକ ଚେତାବନୀ ଦେଇଛନ୍ତି । ବସ୍ତିରେ ଵହୁ ଗରିଵ ଓ ଶ୍ରମିକ ଶ୍ରେଣୀର ଲୋକ ବସବାସ କରୁଥିବାରୁ ସେମାନଙ୍କ ଥଇଥାନ ଜରୁରୀ ବୋଲି କହିଛନ୍ତି ଶ୍ରମିକ ନେତା।
ରାଉରକେଲା ସହର ଦେଇ ନୁଆ ରେଳ ଲାଇନ ନିର୍ମାଣ କାର୍ଯ୍ୟକୁ କେହି ଵିରୋଧ କରୁନାହାନ୍ତି । କିନ୍ତୁ ଉଚ୍ଛେଦ ହେଲେ ୫୦ ବର୍ଷ ଧରି ରହିଆସୁଥିବା ବସ୍ତି ବାସିନ୍ଦା କେଉଁଠି ରହିବେ ବୋଲି ପ୍ରଶ୍ନ କରିଛନ୍ତି ଲୋକେ ।
ଗ୍ରାହକଙ୍କୁ କନ୍ଦାଉଛି ବିଲାତିର ଦରବୃଦ୍ଧି
ନନ୍ଦିଘୋଷ ବ୍ୟୁରୋ: ଖାଉଟିଙ୍କୁ କନ୍ଦାଇଲାଣି ଟମାଟୋ । ଅନ୍ୟାନ୍ୟ ପନିପରିବା ଦର ଆକାଶ ଛୁଆଁ ହୋଇଥିବା ବେଳେ ଟମାଟୋରେ ହାତ ମାରିହେଉନି । କିଲୋଗ୍ରାମ ପିଛା ଦର ଶହେ ଛୁଇଁଥିବା ବେଳେ ଆଗକୁ ଏହି ଦର ଆହୁରି ବଢିବାର ସମ୍ଭାବନା ରହିଛି । ଟମାଟୋ ପାଇଁ ଓଡିଶା ବାଙ୍ଗାଲୋର ସହ ଅନ୍ଯ ରାଜ୍ଯ ଉପରେ ନିର୍ଭର କରୁଥିବା ବେଳେ ବର୍ଷା ତଥା ଅନ୍ୟାନ୍ୟ କାରଣରୁ ଆମଦାନୀ ପ୍ରଭାବିତ ହୋଇଛି । ଦରବୃଦ୍ଧି ନେଇ ବ୍ୟବସାୟୀ ମହାସଂଘ ରାଜ୍ୟ ସରକାରଙ୍କୁ ଦୋଷ ଦେଇଛି । ସରକାରଙ୍କ ସହ ଯାହା ଆଲୋଚନା ହୋଇଥିଲା ତାର କିଛି ପ୍ରଭାବ ଦେଖିବାକୁ ମିଳୁନି ବୋଲି କହିଛି ରାଜ୍ୟ ବ୍ୟବସାୟୀ ମହାସଂଘ ।
ନାଲି ଟମାଟୋର ନାଲିଆଖି । ଗ୍ରାହକଙ୍କୁ କନ୍ଦାଉଛି ବିଲାତିର ଦରବୃଦ୍ଧି । ସେଞ୍ଚୁରୀ ମାରିଲାଣି ଦର । ଆଗାମୀ ଦିନରେ ୨ଶହ ଛୁଇଁବା ଆଶଂକା । ପନିପରିବା, ଆଳୁ, ପିଆଜ ଦର ଆକାଶଛୁଆଁ ଥିବାବେଳେ ଟମାଟୋରେ ଏବେ ହାତ ମାରି ହେଉନି । ବିଭିନ୍ନ ଖୁଚୁରା ଦୋକାନରେ ଶହେ କୋଡିଏ ଟଙ୍କା ମଧ୍ୟ ବିକ୍ରି ହେଉଛି । ଅତ୍ୟଧିକ ଦରବୃଦ୍ଧି ଯୋଗୁ ବହୁ ବ୍ୟବସାୟୀ ଟମାଟୋ ରଖୁ ନ ଥିବାବେଳେ କିଛି ବ୍ୟବସାୟୀ ଅଳ୍ପ ଟମାଟୋ ରଖୁଛନ୍ତି । ବାହାର ରାଜ୍ୟରୁ ଟମାଟୋ ଆସିବା କମିଥିବା ବେଳେ ବ୍ୟବସାୟୀ ଚଢା ଦରରେ କିଣୁଛନ୍ତି । ଏପରିକି ବଙ୍ଗାଲୋରରୁ ମଧ୍ୟ ଆବଶ୍ୟକ ଟମାଟୋ ଆସି ପାରୁ ନ ଥିବାରୁ ଦର ବଢି ଚାଲିଛି । ରୋଷେଇର ଏହା ବହୁଳ ଭାବେ ବ୍ୟବହାର ହେଉଥିବାରୁ ଲୋକେ ଦରବୃଦ୍ଧି ସତ୍ତ୍ବେ ବାଧ୍ୟ ହୋଇ ଆବଶ୍ଯକତା ଅନୁସାରେ କିଣୁଛନ୍ତି । ସେପଟେ ବାହାରୁ ଆମଦାନୀ କମିଲେ ମୂଲ୍ଯ ଆହୁରି ବଢିବ ବୋଲି କୁହାଯାଇଛି ।
ଆଗାମୀ ଦିନରେ ଦରଦାମ ବୃଦ୍ଧି ଆହୁରି ଅସହ୍ୟ ହେବ ବୋଲି କହିଛି ଓଡିଶା ବ୍ୟବସାୟୀ ମହାସଂଘ । ଏଥିପାଇଁ ସରକାରଙ୍କୁ ଦୋଷ ଦେଇଛି ମହାସଂଘ । କିଛି ଦିନ ତଳେ ଖାଦ୍ୟ ଯୋଗାଣ ମନ୍ତ୍ରୀଙ୍କ ସହ ଆଲୋଚନା ବେଳେ ଦରଦାମ ବୃଦ୍ଧି ନିୟନ୍ତ୍ରଣ ନେଇ ବହୁ ପ୍ରସ୍ତାବ ଦିଆଯାଇଥିଲା । ତେବେ ପଦକ୍ଷେପ ନିଆଯାଇ ନଥିବାରୁ ଦର ବଢିଚାଲିଛି । ସେପଟେ ଖାଦ୍ୟ ଯୋଗାଣ ମନ୍ତ୍ରୀଙ୍କ କହିବା କଥା ଦରଦାମ ନିୟନ୍ତ୍ରଣ କରିବାକୁ ଜିଲ୍ଲା ସ୍ତରରେ ବିଭାଗୀୟ ଅଧିକାରୀଙ୍କୁ ନିର୍ଦେଶ ଦିଆଯାଇଛି । ଯଦି ଟମାଟୋ ଦର ବଢିଛି, ତେବେ ଏହାକୁ ନିୟନ୍ତ୍ରଣ କରିବାକୁ ନିର୍ଦେଶ ଦିଆଯିବ ।
ରାଜଧାନୀରେ ନକଲି ସସ୍ କାରଖାନା ଠାବ
ନନ୍ଦିଘୋଷ ବ୍ୟୁରୋ: ନକଲି ଟମାଟୋ ସସ ଫ୍ୟାକ୍ଟ୍ରିରେ ବଡ଼ ଧରଣର ରେଡ଼ । ରେଡ କଲା କମିଶନରେଟ ପୋଲିସର ସ୍ପେଶାଲ ସ୍କ୍ୱାଡ । ଭୁବନେଶ୍ୱର ଭୀମଟାଙ୍ଗୀ ଅଞ୍ଚଳରେ ଖାଦ୍ୟ ସୁରକ୍ଷା ବିଭାଗ ସହାୟତାରେ ଚଢ଼ାଉ କରିଛି ସ୍ପେଶାଲ ସ୍କ୍ୱାଡ । ଚଢ଼ାଉ ବେଳେ ବିପୁଳ ପରିମାଣର ନକଲି ସସ, ରଙ୍ଗ, କଞ୍ଚାମାଲ ଜବତ କରାଯାଇଛି । ସସ ତିଆରି ହେଉଥିବା କିଛି ମେସିନ ମଧ୍ୟ ଜବତ କରାଯାଇଛି । ନାଳ ପାଣିରେ ତିଆରି ହେଉଥିଲା ସସ । ଯାହାକୁ ଖାଇ ମାରାତ୍ମକ ରୋଗର ଶିକାର ହେଉଥିଲେ ଲୋକେ । ଏ ନେଇ ବିଶ୍ୱସ୍ତ ସୂତ୍ରରୁ ଖବର ପାଇବା ଆଜି ସ୍କ୍ୱାଡ ପକ୍ଷରୁ ଚଢ଼ାଉ କରାଯାଇଛି । ମୁଖ୍ୟ କାର୍ପଟଦାରକୁ କାବୁ କରି ଅଧିକ ପଚରାଉଚରା କରୁଛି ପୋଲିସ । ଘଟଣାସ୍ଥଳରେ ଭୁବନେଶ୍ୱର ଡିସିପି ପ୍ରତୀକ ସିଂ ପହଂଚି ଘଟଣା ସମ୍ପର୍କରେ ଅନୁଧ୍ୟାନ କରିଛନ୍ତି । ସେପଟେ ଏତେ ଦିନ ଧରି ଏହି ଜାଗାରେ ନକଲି ଫ୍ୟାକ୍ଟ୍ରି ଚାଲୁଥିବା ବେଳେ ସ୍ଥାନୀୟ ପୋଲିସ କିଭଳି ଖବର ପାଉନଥିଲା ତାହା ଏବେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି ।
ବର୍ଷା ଆଗମନେ ହସୁଛି କ୍ଷେତ, ଚାଷ କାମରେ ଲାଗିଛନ୍ତି କୋରାପୁଟ ପଟାଙ୍ଗୀ ଅଞ୍ଚଳ ଚାଷୀ
ନନ୍ଦିଘୋଷ ବ୍ୟୁରୋ: କଥାରେ ଅଛି ଚାଷ ଅଛି ଯାହାର କି ଆନନ୍ଦ ତାହାର। କିନ୍ତୁ ଏଥର ମୌସୁମୀ ବର୍ଷାର ଲୁଚକାଳି ଖେଳ ଚାଷୀଙ୍କ ଚିନ୍ତା ବଢ଼ାଇଥିଲା । ନିଅଣ୍ଟିଆ ବର୍ଷା ଯୋଗୁଁ ୮୯ଭାଗ ଜମିରେ ଧାନ ତଳି କିମ୍ବା ଧାନବୁଣା କାର୍ଯ୍ୟ ହୋଇ ପାରି ନଥିଲା। କିନ୍ତୁ ଗତ କିଛି ଦିନର ଲଗାଣ ବର୍ଷା ନିଅଣ୍ଟିଆ ଭରଣା କରିଛି । ଫଳରେ ଚାଷ ଜମିରେ ପାଣି ଭରିଛି । ଆଉ ଚାଷୀଙ୍କୁ ମିଳିଛି ସଞ୍ଜିବନୀ।
ମୁହଁରେ ହସ ଭରିଛି । ବର୍ଷ ଯାକର ପେଟପାଟଣ ପାଇଁ ଚାଷ କାର୍ଯ୍ୟରେ ଲାଗି ପଡିଛି ଚାଷୀ । କେଉଁଠି କିଆରୀରେ ଧାନତଳି ପକାଇବା ପାଇଁ କାଦୁଅ କାର୍ଯ୍ୟ ଚାଲିଛି ତ ଆଉ କେଉଁଠି ତଳି ରୁଆ ଓ ବିହନ ବୁଣା ଚାଲିଛି। ଏ ହେଉଛି କୋରାପୁଟ ଜିଲ୍ଲା ପଟାଙ୍ଗୀ ଅଞ୍ଚଳର ବିଭିନ୍ନ ଚାଷ ଜମିର ଦୃଶ୍ୟ। ଗତ କିଛି ଦିନ ଧରି ଝିପି ଝିପି ବର୍ଷା ହେଉଥିବାରୁ ତତ୍ପର ହୋଇଛି ଚଷା ପୁଅ। କେଉଁଠି ଚାଷୀ ହଳ ଲଙ୍ଗଳ ତ ଆଉ କେଉଁଠି ଚାଷୀ ଟ୍ରାକ୍ଟର, ପାୱାରଟିଲର, ଯୋଗେ ଜମିକୁ ଚସୁଥିବାର ଦୃଶ୍ୟ ଦେଖିବାକୁ ମିଳୁଛି। ବର୍ଷା ଯେମିତି ଚାଷୀ ଚିନ୍ତା ଦୂର କରିଛି ।
ଚାଷୀ ହୁଡିଲେ ବରଷେ। କିନ୍ତ ଗତ ବର୍ଷ ଅପେକ୍ଷା ଚଳିତ ବର୍ଷ ବର୍ଷାର ପିରିମାଣ କମ ରହିଛି। ଫଳରେ ବିଳମ୍ବରେ ଚାଷ କାର୍ଯ୍ୟ ଆରମ୍ଭ କରିଛନ୍ତି ଚାଷୀ। ଭଲ ବର୍ଷା ନହେଲେ ଚାଷ ବୁଡି ଯିବାର ଆଶଙ୍କା ରହିଛି। ଏଣୁ ଚାଷୀ ଚାଷ କାମ ଆରମ୍ଭ କରିଥିଲେ ସୁଦ୍ଧା ଚିନ୍ତାରେ ରହିଛି । ଜିଲ୍ଲାରେ ନିଅଣ୍ଟିଆ ବର୍ଷା ପ୍ରଭାବରେ ଚାଷୀ କ୍ଷତି ସହିଲେ ସର୍ଭେ କରାଯାଇ ରାଜ୍ୟ ସରକାରଙ୍କୁ ରିପୋର୍ଟ କରାଯିବ ବୋଲି କହିଛନ୍ତି ବ୍ଲକ କୃଷି ଅଧିକାରୀ ।
ଆଣ୍ଠୁଗଣ୍ଠି ପାଇଁ ଔଷଧ ଖାଇ ଗୋଟେ ଆଖି ହରାଇ ଦେଲେ ଯୁବକ, ଚିକିତ୍ସା ପାଇଁ ଅର୍ଥ ସାଜିଛି ବାଧକ
ନନ୍ଦିଘୋଷ ବ୍ୟୁରୋ: ଆଣ୍ଠୁ ଗଣ୍ଠି ରୋଗ ଭଲ କରିବା ପାଇଁ ଔଷଧ ଖାଉ ଖାଉ ଗୋଟିଏ ଆଖି ହରାଇ ଦେଲେ ଯୁବକ । ଡାହାଣ ଆଖି ନଷ୍ଟ ହେବାର କିଛିଦିନ ପରେ ଏବେ ବାମ ଆଖିକୁ ଦେଖାଯାଉନି । ଦିନକୁ ଦିନ ବଢୁଛି ଇନଫେକସନ। ବାମ ଆଖି ଯଦି ନଷ୍ଟ ହୋଇଯାଏ ସବୁଦିନ ପାଇଁ ଅନ୍ଧ ହୋଇଯିବେ ଘରର ଏକ ମାତ୍ର ରୋଜଗାରିଆ ପୁଅ ।ଚିକିତ୍ସା ପାଇଁ ବର୍ତ୍ତମାନ ଅର୍ଥ ସାଜିଛି ବାଧକ।
ଢେଙ୍କାନାଳ ଜିଲ୍ଲା ଭୁବନ ୧ ନମ୍ବର ୱାର୍ଡର ଦୀପକ ମହାନ୍ତି । ବୟସ ମାତ୍ର ୪୨ ବର୍ଷ । ୫ ଜଣଙ୍କୁ ନେଇ ପରିବାର। ପରିବାରର ସମସ୍ତଙ୍କ ଦାୟିତ୍ଵ ଦୀପକଙ୍କ ଉପରେ । କିନ୍ତୁ ବିଧିର ବିଧାନ ବଡ ବିଚିତ୍ର। ୨୦୧୨ ମସିହାରେ ଦୀପକଙ୍କ ଆଣ୍ଠୁଗଣ୍ଠି ବାତ ହେବାରୁ ସେ କଟକ ଏସିବିରେ ଚିକିତ୍ସିତ ହେଲେ। କିନ୍ତୁ ରିମାଟୋଲଜି ଚିକିତ୍ସାର ସାଇଡ ଇଫେକ୍ଟରେ ୨୦୧୬ ମସିହାରେ ଦୀପକଙ୍କ ଡାହାଣ ଆଖି ଲାଲ ପଡିବା ସହ ବିନ୍ଧା ହେଲା। ପରେ ଦୀପକ ଆଖିର ଚିକିତ୍ସା ପାଇଁ ପ୍ରଥମେ କଟକ ଅଗ୍ରଓ୍ବାଲ ଚକ୍ଷୁ ହସପିଟାଲ ଓ ପରେ ବାଙ୍ଗାଲୋର, ମଦୁରାଇ ଯାଇ ଚିକିତ୍ସିତ ହୋଇଥିଲେ। ପରେ ପୁନର୍ବାର ଅଗ୍ରଓ୍ବାଲ ଚକ୍ଷୁ ହସପିଟାଲରେ ଡାହାଣ ଆଖିର ଅପରେସନ କଲେ। କିନ୍ତୁ ଦଇବ ଦାଉ ସାଜିଲା । ଅପରେସନର କିଛି ବର୍ଷ ପରେ ୨୦୨୩ ମସିହାରେ ଡାହାଣ ଆଖିରେ ଦୃଷ୍ଟିଶକ୍ତି କମିବା ସହ ଆଖିଟି ନଷ୍ଟ ହୋଇଗଲା। ଫଳରେ ଡାହାଣ ଆଖିର ଇନଫେକସନ ବାମ ଆଖିକୁ ଧରିଲା। ଏବେ ଆଖିର ଚିକିତ୍ସା ପାଇଁ ଅର୍ଥ ସାଜିଛି ବାଧକ ।
କଟକ ଏସିବିରେ ବିଜୁ ସ୍ଵାସ୍ଥ୍ଯ କାର୍ଡ ଜରିଆରେ ଦୀପକଙ୍କ ଆଖିର ଚିକିତ୍ସା ହେଉଥିଲା । ହେଲେ ନିର୍ବାଚନ ଆଚରଣ ବିଧି ଲାଗିବା ପରେ ବିଜୁ ସ୍ଵାସ୍ଥ୍ଯ କାର୍ଡ କାମ ଦେଲା ନାହିଁ । ମାଗଣା ଇନଜେକସନ ପାଇବାରୁ ବଞ୍ଚିତ ହେଲେ ଦୀପକ । ଫଳରେ ଆଖିର ଇନଫେକସନ ବଢି ୪୦ ପ୍ରତିଶନ ଆଖିକୁ ଦେଖାଯାଉନାହିଁ । ଏବେ ଦୀପକଙ୍କ ଆଖିର ଚିକିତ୍ସା ପାଇଁ ଅଧିକ ଅର୍ଥ ଆବଶ୍ଯକ ହେଉଛି । ତେଣୁ ଆଖିର ଚିକିତ୍ସା ନିମନ୍ତେ ସରକାରଙ୍କ ସହାୟତା ଲୋଡିଛନ୍ତି ପରିବାର ଲୋକେ । ଏହି ବିଷୟରେ ଜାଣିବା ପରେ ଢେଙ୍କାନାଳର କିଛି ସମାଜସେବୀ ଘରକୁ ଯାଇ ତାଙ୍କ ଅବସ୍ଥା ବୁଝିବା ସହ ଚିକିତ୍ସା କରାଇବା ପାଇଁ ପ୍ରତିଶୃତି ଦେଇଛନ୍ତି ।
ସଞ୍ଜୁଙ୍କ ଉପରେ କାହିଁକି ଭାରି ପଡ଼ୁଛନ୍ତି ପନ୍ଥ, ବିସିସିଆଇ ମିଟିଂରେ ଏମିତି କହିଲେ ରୋହିତ
ନନ୍ଦିଘୋଷ ବ୍ୟୁରୋ: ଶ୍ରୀଲଙ୍କା ବିପକ୍ଷ ସିରିଜ ପାଇଁ ଭାରତୀୟ ଦଳ ଘୋଷଣା ହେବା ପରେ ବିଭିନ୍ନ ପ୍ରଶ୍ନମାନ ଉଠିଛି । କାହିଁକି କିଛି ଖେଳାଳିଙ୍କୁ ଅଣଦେଖା କରାଯାଉଛି ବୋଲି ପୂର୍ବତନ କ୍ରିକେଟରମାନେ ମଧ୍ୟ ପ୍ରଶ୍ନ ଉଠାଇଛନ୍ତି । ସଞ୍ଜୁ ସାମସନ ନିଜର ଅନ୍ତିମ ଦିନିକିଆ ମ୍ୟାଚରେ ଶତକ ହାସଲ କରିଥିଲେ । ମାତ୍ର ତାଙ୍କୁ ଶ୍ରୀଲଙ୍କା ବିପକ୍ଷ ଦିନିକିଆ ଦଳରେ ସାମିଲ କରାଯାଇନାହିଁ । ସେପଟେ ଋଷଭ ପନ୍ଥଙ୍କୁ ଦିନିକିଆ ଦଳରେ ସ୍ଥାନ ମିଳିଥିବାକୁ ନେଇ ପ୍ରଶ୍ନ ଉଠାଯାଇଛି । ଦିନିକିଆ ଦଳରେ ଋଷଭ ପନ୍ଥ ଏବଂ କେ.ଏଲ ରାହୁଙ୍କୁ ସ୍ଥାନ ମିଳିଛି । କିନ୍ତୁ ସଞ୍ଜୁ ସାମସନଙ୍କୁ ମିଳିନାହିଁ । ତେବେ ଜୁଲାଇ ୧୭ ତାରିଖରେ ବିସିସିଆଇ ଏକ ବୈଠକ ଅନୁଷ୍ଠିତ ହୋଇଥିଲା । ଅନଲାଇନରେ ଅଧିନାୟକ ରୋହିତ ଶର୍ମା, ଗୌତମ ଗମ୍ଭୀର ଏବଂ ଅଜିତ ଅଗରକର ରହିଥିଲେ । ତେବେ ସଞ୍ଜୁଙ୍କୁ ଦିନିକିଆ ଦଳରୁ ବାଦ ପଛର କାରଣରେ ଅଗରକର କହିଛନ୍ତି କି, ଦିନିକିଆ ବିଶ୍ବକପରେ କେ.ଏଲ ରାହୁଲ ଶେଷ ଦିନିକିଆ ସିରିଜ ଖେଳିଥିବାବେଳେ ସେ ଭଲ ପ୍ରଦର୍ଶନ କରିଥିଲେ । ଏହାସହ ଋଷଭ ପନ୍ଥ ଆହତ କାରଣରୁ ଦୀର୍ଘଦିନ ଦଳରୁ ବାହାରେ ରହିଥିଲେ । ମାତ୍ର ଟି-୨୦ ବିଶ୍ବକପରେ ଦଳକୁ ଫେରିବା ପରେ ଦମଦାର ପ୍ରଦର୍ଶନ କରିଥିଲେ । ଏହିୀ ଦୃଷ୍ଟିରୁ ସେମାନଙ୍କୁ ଦିନିକିଆ ଦଳରେ ସାମିଲ କରାଯାଇଛି । ସେପଟେ ଟି-୨୦ ଦଳରେ ସଞ୍ଜୁ ସାମସନଙ୍କୁ ସାମିଲ କରାଯାଇଛି ।