ଏସଆଇ ପରୀକ୍ଷା ଜାଲିଆତି ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛି ବିଜେଡି। ବିଜୁ ଛାତ୍ର ଜନତା ଦଳର ସଭାନେତ୍ରୀ ଇସପିତା ସାହୁ ଅଭିଯୋଗ କରିଛନ୍ତି, ଯୁବକଙ୍କ ଭବିଷ୍ୟତକୁ ଅନ୍ଧକାର ଆଡକୁ ଠେଲି ଦେଇଛନ୍ତି ବିଜେପି ସରକାର । ଏଇ ଦେଢ଼ ବର୍ଷ ଭିତରେ ୧୪ ରୁ ୧୫ ଥର ପେପର୍ ଲିକ୍ ହେଇଛି । କାହିଁକି ଶୋଇଛନ୍ତି ବିଜେପି ସରକାର। ମୁଖ୍ୟମନ୍ତ୍ରୀ କାହିଁକି ନୀରବ ରହୁଛନ୍ତି । ମୋହନ ଚରଣ ମାଝୀ ଏହାକୁ ଗୁରୁତର ସହ ନେଇ କାର୍ଯ୍ୟାନୁଷ୍ଠାନ ନିଅନ୍ତୁ । ପୂର୍ବରୁ ଏଭଳି ପ୍ରଶ୍ନପତ୍ର ଲିକ୍ ହେଉନଥିଲା । ଯେଉଁ ପରୀକ୍ଷାର୍ଥୀ ପରିଶ୍ରମ କରି ପାଠ ପଢ଼ି ଭବିଷ୍ୟତ ଗଢ଼ିବାକୁ ସ୍ଵପ୍ନ ଦେଖିଖାନ୍ତି, ସେମାନଙ୍କର ଆଶା ଧୂଳିସାତ ହୋଇଯାଇଛି । ଆଗରୁ ଥରେ ପ୍ରଶ୍ନପତ୍ର ଲିକ୍ ଘଟଣାରେ ଜଣେ ଆଇପିଏସ୍ ଅଫିସରଙ୍କ ସଂପୃକ୍ତି ଥିବା ସରକାର କହିଥିଲେ କିନ୍ତୁ ଆଜି ପର୍ଯ୍ୟନ୍ତ ସରକାର ସେ ଆଇପିଏସ୍ ଅଫିସରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇ ନାହାନ୍ତି । ସରକାର ଯଦି ପ୍ରଶ୍ନପତ୍ର ଲିକ୍ ରୋକିବାରେ ବିଫଳ ହେବେ ତା ହେଲେ ବିଜେଡି ରାଜରାସ୍ତାକୁ ଓହ୍ଲାଇ ପ୍ରତିବାଦ କରିବ ବୋଲି ଚେତାବନୀ ଦେଇଛନ୍ତି ଇପସିତା ସାହୁ।
ପୋଲିସ ଏସଆଇ ପରୀକ୍ଷାରେ ବଡ଼ ଧରଣର ଜାଲିଆତି
ପୋଲିସ ଏସଆଇ ପରୀକ୍ଷାରେ ବଡ଼ ଧରଣର ଜାଲିଆତି । ବିକ୍ରି ହେଉଛି ଚାକିରି । ପରୀକ୍ଷା ପୂର୍ବରୁ ମିଳିଛି ଏହି ଦୁର୍ନୀତିର ବଡ଼ ସୁରାଗ। ୧୨୦ ଆଶାୟୀଙ୍କୁ ବ୍ରହ୍ମପୁର ପୋଲିସର ପଚରା ଉଚରା । ପରୀକ୍ଷା ସ୍ଥଗିତ, କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ । ଏସଆଇ ପରୀକ୍ଷାର ୧୨୦ ପ୍ରାର୍ଥୀଙ୍କୁ ବ୍ରହ୍ମପୁର ପୋଲିସ ଧରିବା ପରେ ଏତେ ବଡ଼ ଦୁର୍ନୀତିର ପର୍ଦ୍ଦାଫାସ ହୋଇଛି। ଏହି ଆଶାୟୀଙ୍କୁ ହାଇଦ୍ରାବାଦ ନେଉଥିଲା ପରୀକ୍ଷା ପରିଚାଳନାର ଦାୟିତ୍ଵ ନେଇଥିବା ସଂସ୍ଥା। ହାଇଦ୍ରାବାଦରେ କୋଚିଂ ଦେବା ପାଇଁ ସେମାନଙ୍କୁ ନିଆଯାଇଥିଲା। ସନ୍ଦେହ କରାଯାଉଛି, ସେଠାରେ କୋଚିଂ ବାହାନାରେ ଫିକ୍ସିଂ ହୋଇଥାନ୍ତା। ପରୀକ୍ଷାର୍ଥୀଙ୍କୁ ଅସାଧୁ ଉପାୟର ସୁଯୋଗ ମିଳିଥାନ୍ତା। ଯାହା ଫଳରେ ସେମାନେ ଚାକିରି ପାଇଥାନ୍ତେ। ବ୍ରହ୍ମପୁର ପୋଲିସ କୌଣସି ସୂତ୍ରରୁ ଖବର ପାଇଁ ପିଛା କରିଥିଲା ଏବଂ ସମସ୍ତଙ୍କୁ ଶ୍ରୀକାକୁଲମ୍ ରେ ଧରିଥିଲା। ସମସ୍ତଙ୍କୁ ଧରି ବ୍ରହ୍ମପୁର ଆଣିଛି ପୋଲିସ ଏବଂ ଅଧିକ ତଥ୍ୟ ହାସଲ ପାଇଁ ପଚରା ଉଚରା କରିଛି।
ଏତେ ବଡ଼ ଦୁର୍ନୀତିର ସୁରାଗ ମିଳିବା ପରେ ପରୀକ୍ଷାକୁ ସ୍ଥଗିତ ରଖିଛି ଓଡ଼ିଶା ପୋଲିସ ରିକ୍ରୁମେଣ୍ଟ ବୋର୍ଡ। ପରେ ନୂଆ ତାରିଖ ଘୋଷଣା ହେବ ବୋଲି କର୍ତ୍ତୃପକ୍ଷଙ୍କ ତରଫରୁ ଘୋଷଣା କରାଯାଇଛି। ସେପେଟ ରାଜ୍ୟ ସରକାର ଏହାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି। କ୍ରାଇମବ୍ରାଞ୍ଚର ଏକ ଟିମ୍ ବ୍ରହ୍ମପୁରରେ ପହଞ୍ଚି କରୁଛନ୍ତି ତନାଘନା। ଘଟଣାର ଚେର ଖୋଜୁଛି କ୍ରାଇମବ୍ରାଞ୍ଚ। ଏହି ଜାଲିଆତି ଧରାପଡ଼ିବା ପରେ ଓଡ଼ିଶା ପୋଲିସ ରିକ୍ରୁଟମେଣ୍ଟ ବୋର୍ଡ ପକ୍ଷରୁ ଆଶାୟୀ ମାନଙ୍କ ପାଇଁ ଜାରି କରାଯାଇଛି ହେଲ୍ପ ଲାଇନ୍ ନମ୍ବର। ହେଲ୍ପ ଲାଇନ ନମ୍ବରଟି ହେଲା ୯୦୪୦୪ ୯୩୨୨୩ । ଯଦି କିଏ କିଛି ଅଭିଯୋଗ କରିବାକୁ ଚାହୁଁଛି, ସେମାନେ ଏହି ନମ୍ଵରରେ ଯୋଗାଯୋଗ କରିପାରିବେ।
ସେପଟେ ପୋଲିସ ଏସଆଇ ପରୀକ୍ଷାର ଜାଲିଆତି ଧରାପଡ଼ିବା ପରେ ତାତିଛନ୍ତି ଆଶାୟୀମାନେ। ଭୁବନେଶ୍ଵରରେ ସେମାନେ ବିକ୍ଷୋଭ କରିଛନ୍ତି। ସେମାନେ ପ୍ରଶ୍ନ କରିଛନ୍ତି, କାହିଁକି ସରକାର ସ୍ଵଚ୍ଛତାର ସହିତ ପରୀକ୍ଷା କରିପାରୁ ନାହାନ୍ତି। ମେଧାବୀ ପିଲାଙ୍କ ଭାଗ୍ୟ ସହିତ ଖେଳୁଛନ୍ତି। ଜାଲିଆତିରେ ସଂପୃକ୍ତ ଥିବା ଲୋକଙ୍କ ବିରୋଧରେ କଡ଼ା ଆକ୍ସନ ସହିତ ସଂପୂର୍ଣ୍ଣ ସ୍ଵଚ୍ଛତାର ସହିତ ପରୀକ୍ଷା କରାନ୍ତୁ ବୋଲି ଦାବି କରିଛନ୍ତି ଆଶାୟୀମାନେ। ଓଡ଼ିଶା ପୋଲିସର ୬୦୯, ସଶସ୍ତ୍ର ପୋଲିସର ୨୫୩, ଅଗ୍ନିଶମ ସେବାର ୪୭ ଷ୍ଟେସନ ଅଫିସର ଓ ୨୪ଟି ଆସିଷ୍ଟାଣ୍ଟ ଜେଲର୍ ଭାବେ ସବଇନ୍ସପେକ୍ଟର ପଦବୀ ପାଇଁ ଗତ ଜାନୁଆରି ମାସରେ ପ୍ରକାଶିତ ହୋଇଥିଲା ବିଜ୍ଞପ୍ତି। ଓଡ଼ିଶା ପୋଲିସ ରିକ୍ରୁମେଣ୍ଟ ବୋର୍ଡ ତରଫରୁ ପରୀକ୍ଷା ହେବାର ଥିଲା। ତା ପୂର୍ବରୁ ଧରାପଡ଼ିଛି ଏହି ଜାଲିଆତି।
ହ୍ବାଟ୍ସଆପ ବନାମ ଭାରତର ଦେଶୀ ଆପ ଅରଟ୍ଟୈ: କେଉଁ ମେସେଗିଂ ଆପ ଆଗରେ
ନନ୍ଦିଘୋଷ ବ୍ୟୁରୋ: ଭାରତୀୟ ଡିଜିଟାଲ ମେସେଜିଂ ମାର୍କେଟରେ ହ୍ବାଟ୍ସଆପକୁ ଏବେ ଟକ୍କର ଦେଉଛି ଭାରତର ଦେଶୀ ଆପ୍ ଅରଟ୍ଟୈ । ମେଟାର ହ୍ବାଟ୍ସଆପକୁ ବିଶ୍ବର ୩ ଅବର (୩ ଶହ କୋଟି)ରୁ ଅଧତକ ଲୋକ ବ୍ୟବହାର କରୁଛନ୍ତି । ଆଉ ଭାରତୀୟ କମ୍ପାନୀ ଜୋହୋର ଦେଶୀ ମେସେଜିଂ ଆପ୍ ଅରଟ୍ଟୈ ଭାରତରେ ଧୁମ ମଚାଇଛି । ଏବେ ଆପ୍ ଷ୍ଟୋରର ସୋସିଆଲ ନେଟଓ୍ବାର୍କିଂ କ୍ୟାଟାଗୋରୀରେ ଏକ ନମ୍ବରରେ ପହଞ୍ଚି ଯାଇଛି ଅରଟ୍ଟୈ । ଗତ ତିନିଦିନରେ ଏହି ଆପକୁ ଶହେ ଗୁଣା ଅଧିକ ଏନଗେଜମେଣ୍ଟ ମିଳିଛି । ଏବେ ପ୍ରଶ୍ନ ଉଠୁଛି ଫିଚର୍ସ, ପ୍ରାଇଭେସି ଓ ବିଜନେସ ଟୁଲ୍ସ ମାମଲାରେ ଏହି ଦୁଇଟିରୁ କେଉଁ ଆପ୍ ଅଧିକ ଲାଭଦାୟକ ମେସେଜିଂ ଆପ୍ । ତେବେ ବେଶି ଡେରି ନକରି ଆସନ୍ତୁ ଜାଣିବା ହ୍ବାଟ୍ସଆପ ଓ ଅରଟ୍ଟୈ ମଧ୍ୟରେ କାହାର ପଲା ଭାରି ।
ହ୍ବାଟ୍ସଆପ ବନାମ ଅରଟ୍ଟୈ
ମେଟା ଅଧୀନରେ ଆସୁଥିବା ହ୍ବାଟ୍ସଆପ ଏକ ବିଶ୍ବସ୍ତରୀୟ ଆପ୍, ଯାହା ଏଣ୍ଡ ଟୁ ଏଣ୍ଡ ଇନକ୍ରିପସନ ଓ ପାଓ୍ବରଫୁଲ ଫିଚର୍ସ ପାଇଁ ଜଣାଯାଏ । ଅନ୍ୟପକ୍ଷେ ଜୋହୋ ଦ୍ବାରା ନିର୍ମିତ ଅରଟ୍ଟୈ ଏକ ମେଡ ଇନ୍ ଇଣ୍ଡିଆ ଆପ୍ । ଯାହାର ନାମକରଣ ତାମିଲ ଶବ୍ଦ ଅର୍ଟ୍ଟୋ ଅର୍ଥା କାଜୁଆଲ ଚାଟରୁ ନିଆଯାଇଛି । ଆତ୍ମନିର୍ଭର ଭାରତକୁ ନଜରରେ ରଖି ଏହି ଆପକୁ ଡିଜାଇନ୍ କରାଯାଇଛି ଓ ଏଥିରେ ଏକାଧିକ ଆଞ୍ଚଳିକ ଭାଷାର ସପୋର୍ଟ ଦିଆଯାଇଛି ।
ମେସେଜିଂ ଓ ଭାଷା ସପୋର୍ଟ
ଅରଟ୍ଟୈ ହାଲକା ଇଣ୍ଟରଫେସ ଓ ଭାରତୀୟ ଭାଷା ଯେମିତି ତାମିଲ, ତେଲଗୁ ଆଦିରେ ଦୃଢ଼ ସପୋର୍ଟ ସହ ଆସୁଛି । ଏହାବାଦ ଜାପାନୀ, ଋଷୀ ଓ ତୁର୍କୀ ପରି ୧୬ଟି ଭାଷାର ସପୋର୍ଟ ଏଥିରେ ରହିଛି । ଏହା କମ ଷ୍ଟୋରେଜ ଓ କମ ନେଟଓ୍ବର୍କରେ ଆରାମରେ ଚାଲିବାକୁ ସକ୍ଷମ । ସେହିପରି ହ୍ବାଟ୍ପଆପ ବିଶ୍ବସ୍ତରରେ ଦୃଢ଼ ମେସେଜିଂ ଏକ୍ସପ୍ରିଏନ୍ସ ଦେଇଥାଏ । ଏହାସହ ବଡ଼ ବଡ଼ ଭାରତୀୟ ଭାଷା ସପୋର୍ଟ କରିଥାଏ । ହେଲେ ଏହା ଅଧିକ ବିଶ୍ବସ୍ତରୀୟ ଗ୍ରାହକଙ୍କ ଉପରେ କେନ୍ଦ୍ରୀତ ଓ ୬୦ରୁ ଅଧିକ ଭାଷାର ବିକଳ୍ପ ରହିଛି । ମେସେଜିଂ ଆପକୁ ଦେଖିଲେ ହ୍ବାଟ୍ପଆପ୍ ଭାରତରେ ସବୁଠାରୁ ଅଧିକ ବ୍ୟବହାର ହୋଇଥାଏ ।
ଗୋପନୀୟତା ଓ ସୁରକ୍ଷା
ହ୍ବାଟ୍ସଆପ ଏଣ୍ଡ ଟୁ ଏଣ୍ଡ ଇନକ୍ରିପସନ ସହ ସବୁ ଚାଟ, କଲ ଓ ମିଡିଆକୁ ସୁରକ୍ଷିତ କରିଥାଏ । ହେଲେ ମେଟାର ଡାଟା ଡ୍ରିଭିନ୍ ମଡେଲକୁ ନେଇ ଗ୍ରାହକଙ୍କ ଚିନ୍ତା ଲାଗି ରହିଥାଏ । ସେପଟେ ଅରଟ୍ଟୈ ଭଏସ ଓ ଭିଡିଓ କଲ ପାଇଁ ଇନକ୍ରିପସନ ଦେଇଥାଏ । ହେଲେ ଟେଷ୍ଟ ମେସେଜ ସମ୍ପୂର୍ଣ୍ଣ ଭାବେ ଇନକ୍ରିପସନ ହୋଇପାରିନି । ଏହାର ଭାରତ ଆଧାରିତ ସର୍ବର ଓ ଜୋହୋର ଡାଟା ବିଜ୍ଞାପନରେ ଉପଯୋଗ ନକରିବା ପଲିସି ଏହାକୁ ଅଲଗା ବନାଉଛି ।
କଲିଂ ଓ ଗ୍ରାପ୍ ଚାଟିଂ
ଅରଟ୍ଟୈ ହାଇ ଡେଫିନେଶନ କଲିଂ ସୁବିଧା ଦେଇଥାଏ । ଯାହା ନେଟ୍ବଓ୍ବର୍କ କମ ଥିଲେ ବି ଆରାମରେ ଚାଲିଥାଏ । ଏଥିରେ ଏକ ହଜାର ସଦସ୍ୟ ପର୍ଯ୍ୟନ୍ତ ଗ୍ରୁପ୍ ଚାଟ ଓ ଚ୍ୟାନେଲ ସପୋର୍ଟ ସୁବିଧା ରହିଛି । ସେପଟେ ହ୍ବାଟ୍ସଆପର କଲିଂ ଷ୍ଟେବୁଲ ଓ ୧୦୨୪ ଜଣ ପର୍ଯ୍ୟନ୍ତ ଗ୍ରୁପ୍ ଚାଟିଂ ସୁବିଧା ଦେଇଥାଏ । ଏହାସହ ଆଡମିନ କଣ୍ଟ୍ରୋଲ ଓ ମେସେଜକୁ ପିନ୍ କରିବା ପରି ଫିଚର ଦେଉଛି ।
ଫାଇଲ ସେୟାରିଂ ଓ ଷ୍ଟୋରେଜ୍
ଅରଟ୍ଟୈରେ 1GB ପର୍ଯ୍ୟନ୍ତ ଫାଇଲ୍ ସେୟାର କରିହେଉଥିବା ବେଳେ ହ୍ବାଟ୍ପଆପରେ 2GB ପର୍ଯ୍ୟନ୍ତ ଫାଇଲ ସେୟାର କରିବାର ସୁବିଧା ରହିଛି । ହ୍ବାଟ୍ପଆପ୍ ଷ୍ଟାଟସ ଫିଚର୍ସ ଦେଉଥିବା ବେଳେ ଅରଟ୍ଟୈ ଷ୍ଟୋର ଫିଚର ସୁବିଧା ଦେଉଛି ।
ପ୍ରଡକ୍ଟିଭିଟି ଓ ବିଜନେସ ଟୁଲ୍ସ
ଅରଟ୍ଟୈ ପୋକେଟ ଫିଜର ସେଲ୍ଫ ଷ୍ଟୋରେଜ ପାଇଁ ଭଲ । ଯେଉଁଥିରେ ଫଟୋ, ନୋଟିସ ଓ ଫାଇଲ ସେଭ କରିହେବ । ଏହାବାଦ ମିଟିଂ ସିଡ୍ୟୁଲିଂ ସେକ୍ସନ ମଧ୍ୟ ଏଥିରେ ରହିଛି । ସେହିପରି ହ୍ବାଟ୍ସଆପର Chat with yourself ଫିଚର ଲିଙ୍କ, ଫଟୋ ଓ ଟ୍ୟାକ୍ସ ଭେଭ କରିହେଉଛି । WhatsApp Business ପ୍ଲାଟଫର୍ମ ନେଣଦେଣ, କ୍ୟାଟଲୋଗ ଓ ମେଟା ଇଣ୍ଟିଗ୍ରେସନ ପରି ସୁବିଧା ରହିଛି । ହେଲେ ଏଥିରେ ମିଟଇଂ ସିଡ୍ୟୁଲିଂ ପରି ଫିଚର ନାହିଁ ।
କାର୍ଯ୍ୟଦକ୍ଷତା ଓ ଗ୍ରାହକଙ୍କ ଆଗ୍ରହ
ଅରଟ୍ଟୈ ସମ୍ପୂର୍ଣ୍ଣ ଭାବେ ବିଜ୍ଞାପନ ମୁକ୍ତ ଓ ଲୋ-ଲଣ୍ଡ ଡିଭାଇସରେ ବି ସହଜରେ ଚାଲିଥାଏ । ଏହା ଗ୍ରାମୀଣ ଓ qଜେଟ ୟୁଜର୍ସଙ୍କ ପାଇଁ ଭଲ ହୋଇପାରେ । ସେହିପରି ହ୍ବାଟ୍ସଆପ ଏକ ରିଚ୍ ଆପ୍ ଫଇଚର ଅଟେ । ହେଲେ ପୁରୁଣା ଓ ସ୍ଲୋ ଡିଭାଇସ ଉପରେ ଭାରି ପଡ଼ିପାରେ । ଏହାବାଦ ଏହାର ଆପ୍ ଷ୍ଟୋରେଜ ସାଇଜ ମଧ୍ୟ ବହୁତ ଅଧିକ ।
ଜାଲିଆତି ଘଟଣା: ସ୍ଥଗିତ ରହିଲା ପୋଲିସ ଏସଆଇ ପରୀକ୍ଷା
ନନ୍ଦିଘୋଷ ବ୍ୟୁରୋ: ସ୍ଥଗିତ ରହିଲା ପୋଲିସ ଏସଆଇ ପରୀକ୍ଷା । ଜାଲିଆତି ତଥା କିଛି ଅପ୍ରତ୍ଯାଶିତ ଘଟଣା ଘଟିବା ପରେ ଓଡିଶା ପୋଲିସ ରିକ୍ରୁଟମେଣ୍ଟ ବୋର୍ଡ ଏହି ପଦକ୍ଷେପ ନେଇଛି । ଆସନ୍ତା ଅକ୍ଟୋବର ୫ ଓ ୭ ତାରିଖରେ ସବୁ ଜିଲ୍ଲାରେ ପୋଲିସ ସବ ଇନସପେକ୍ଟର ପରୀକ୍ଷା ହେବ ବୋଲି ଧାର୍ଯ୍ୟ ହୋଇଥିଲା । ତେବେ ପରୀକ୍ଷା ପୂର୍ବରୁ କିଛି ହଲଚଲ ଦେଖି ବୋର୍ଡ ଅଧ୍ୟକ୍ଷ ଏହାକୁ ସ୍ଥଗିତ ଘୋଷଣା କରିଛନ୍ତି । ଏ ନେଇ ପ୍ରେସ ବିଜ୍ଞପ୍ତି ମଧ୍ଯ ଜାରି ହୋଇଛି । ଖୁବଶୀଘ୍ର ସାନି ପରୀକ୍ଷା ତାରିଖ ଘୋଷଣା କରାଯିବ ବୋଲି ସୂଚନା ଦିଆଯାଇଛି ।
ବଡ଼ କଥା ହେଲା ବ୍ରହ୍ମପୁର ପୋଲିସ ଆନ୍ଧ୍ର ଶ୍ରୀକାକୁଲମରୁ ୧୨୦ ପରୀକ୍ଷାର୍ଥୀଙ୍କୁ ଧରିବା ପରେ ବୋର୍ଡ ସଜାଗ ହୋଇଉଠିଥିଲା । ପରୀକ୍ଷା ପୂର୍ବରୁ ଜାଲିଆତି ପାଇଁ ଏହି ୧୨୦ ପରୀକ୍ଷାର୍ଥୀଙ୍କୁ ହାଇଦ୍ରାବାଦ ନିଆଯାଉଥିଲା । ତେବେ ପୋଲିସ ଖବର ପାଇ ସେମାନଙ୍କୁ ଶ୍ରୀକାକୁଲମରେ ଧରି ବ୍ରହ୍ମପୁର ଆଣି ପଚରାଉଚରା କରୁଛି । ପରୀକ୍ଷା ଦାୟିତ୍ବରେ ଥିବା ସଂସ୍ଥା ସେମାନଙ୍କୁ ଜାଲିଆତି ପାଇଁ ନେଉଥିଲା ବୋଲି ସୂଚନା ମିଳିଥିଲା । ଏହାପରେ ବୋର୍ଡ ପକ୍ଷରୁ ଏକ ହେଲ୍ପ ଲାଇନ ନମ୍ବର ମଧ୍ଯ ଜାରି କରାଗଲା । ସିପିଏସଇ-୨୦୨୪ ସବୁ ପରୀକ୍ଷାରେ ସ୍ବଚ୍ଛତା ପାଇଁ ଏହି ନମ୍ବର ଜାରି ହୋଇଥିଲା । ନିଜ ଅଭିଯୋଗ 9040493223 ନମ୍ବରରେ ଜଣାଇବା ପାଇଁ ଓପିଆରବି ନିବେଦନ କରିଥିଲା । ହେଲେ କିଛି ସମୟ ପରେ ପରୀକ୍ଷା ସ୍ଥଗିତ ଲାଗି ଘୋଷଣା କରିଥିଲା ।
ପାକିସ୍ତାନର କ୍ୱେଟା ସ୍ଥିତ ସେନା ମୁଖ୍ୟାଳୟ ନିକଟରେ ଆତ୍ମଘାତି ବିସ୍ଫୋରଣ; ୧୦ ମୃତ, ୩୨ରୁଅଧିକ ଆହତ
ନନ୍ଦିଘୋଷ ବ୍ୟୁରୋ: ପାକିସ୍ତାନର ବେଲୁଚିସ୍ତାନ କ୍ବେଟା ସ୍ଥିତ ସେନା ମୁଖ୍ୟାଳୟ ନିକଟରେ ଆତ୍ମଘାତି ବିସ୍ଫୋରଣ । ପୂର୍ବ କ୍ବେଟାର ପ୍ରଣ୍ଟିୟର କ୍ରପ୍ସ ମୁଖ୍ୟାଳୟ ପାଖରେ ଏହି ବିସ୍ଫୋଣ ଘଟିଛି । ବିସ୍ଫୋରଣ ପରେ ପରେ ଅନ୍ଧାଧୁନ ଗୁଳିମାଡ଼ ହୋଇଥିଲା । ବିସ୍ଫୋରଣ ଏତେ ଭୟଙ୍କର ଥିଲା ଯେ ଆଖପାଖରେ ଥିବା ଘରର ଝରକା କାଚ ଭାଙ୍ଗି ଯାଇଥିଲା । ପାକିସ୍ତାନ ନ୍ୟୁଜ୍ ଓ୍ବେବସାଇଟ ଡନ ରିପୋର୍ଟ ଅନୁସାରେ ବିସ୍ଫୋରଣରେ ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୩୨ରୁ ଅଧିକ ଲୋକ ଆହତ ହୋଇଛନ୍ତି । ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଥିବାରୁ ମୃତକଙ୍କ ସଂଖ୍ୟା ଆହୁରି ବଢ଼ିବା ଆଶଙ୍କା ରହିଛି ।
ବେଲୁଚିସ୍ତାନ ସ୍ବାସ୍ଥ୍ୟମନ୍ତ୍ରୀ ବଖ୍ତ ମହମ୍ମଦ କାକର ଓ ସ୍ବାସ୍ଥ୍ୟ ସଚିବ ମୁଜିବ ଉର ରହମାନ ସିବିଲ କ୍ବେଟା ହସ୍ପିଟାଲ, ବିଏମସି ହସ୍ପିଟାଲ ଓ ଟ୍ରୋମା ସେଣ୍ଟରକୁ ଜରୁରୀକାଳିନ ସ୍ଥିତି ପାଇଁ ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦେଇଛନ୍ତି ।
ରିପୋର୍ଟ ଅନୁସାରେ ବିସ୍ଫୋରଣ ପରେ ସହରରେ ଧାଁଦୌଡ଼ ଆରମ୍ଭ ହୋଇଯାଇଥିଲା । ବିସ୍ଫୋରଣ ପରେ ପରେ ଅଞ୍ଚଳରେ ଗୁଳି ମାଡ଼ର ଶବ୍ଦ ବି ଶୁଣିବାକୁ ମିଳିଥିଲା । ଯିଏ ଯୁଆଡ଼େ ପାରିଲା ନିଜକୁ ବଞ୍ଚାଇବାକୁ ସୁରକ୍ଷିତ ସ୍ଥାନକୁ ଚାଲିଯାଇଥିଲେ । ବିସ୍ଫୋରଣ ପରେ ଅଞ୍ଚଳ ଧୂଆଁମୟ ହୋଇଯାଇଥିଲା ।
ତେବେ ଏହି ବିସ୍ଫୋରଣର କାରଣ ସ୍ପଷ୍ଟ ହୋଇପାରିନି । ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି । ସୁରକ୍ଷାକର୍ମୀ ପୂରା ଅଞ୍ଚଳକୁ କଡନ କରି କମ୍ବି ଅପରେସନ ଆରମ୍ଭ କରିଛନ୍ତି । ସେହିପରି ବିସ୍ଫୋରଣ ସମୟର ସିସିଟିଭି ଫୁଟେଜ ସୁରକ୍ଷାକର୍ମୀଙ୍କ ହାତରେ ଲାଗିଛି ।
ସୂଚନାଯୋଗ୍ୟ, କ୍ବେଟା ବେଲୁଚିସ୍ତାନ ପ୍ରାନ୍ତର ରାଜଧାନୀ ଅଟେ । ଆଉ ଏହା ଚରମପନ୍ଥିଙ୍କ ହିଂସାକାଣ୍ଡର ପ୍ରମୁଖ ସ୍ଥାନ ରହିଆସିଛି । ଏଠାରେ ଏମିତି ଘଟଣା ତିନିଦିନିଆ । ଏଥିରେ ଲସ୍କର ଏ ଝାଙ୍ଗବି (LeJ) ଓ ଇସ୍ଲାମିକ ଷ୍ଟେଟ ଖୋରାସାନ ପ୍ରୋବିନ୍ସ (ISKP) ନାଁ ଆସୁଛି । ଏହାବାଦ ତହରିକ ଏ ତାଲିବାନ ପାକିସ୍ତାନ (TTP) ମଧ୍ୟ ଏହି ଅଞ୍ଚଳରେ ସକ୍ରିୟ ରହିଛି । ନିକଟରେ ବେଲୁଚ ବିଦ୍ରୋହୀଙ୍କ ଆକ୍ରମଣ ବି ଅଞ୍ଚଳରେ ନିତିଦିନିଆ ଘଟଣା ହୋଇଯାଇଛି ।
ପାକିସ୍ତାନ ସେନାମୁଖ୍ୟ ମୁନିରଙ୍କ ନିଦ ହଜାଇଥିବା ଶୌକତ ନଓ୍ବାଜ ମୀର କିଏ ? ଯାହାଙ୍କ ଗୋଟିଏ ଡାକରାରେ ପୂରା POK ହୋଇଗଲା ଠପ୍
ନନ୍ଦିଘୋଷ ବ୍ୟୁରୋ: ପାକିସ୍ତାନ ଅଧିକୃତ କାଶ୍ମୀର POKରେ ସରକାର ଓ ସାଧାରଣ ଜନତାଙ୍କ ମଧ୍ୟରେ ବିବାଦ ତୀବ୍ର ହେବାରେ ଲାଗିଛି । ସ୍ଥିତି ନିୟନ୍ତ୍ରଣ କରିବାକୁ ଇସଲାମାବାଦରୁ ୩ ହଜାର ଯବନାଙ୍କୁ ପିଓକେ ପଠାଯାଇଛି । ଏହାପରେ ବି ପାକିସ୍ତାନ ସେନାମୁଖ୍ୟ ମୁନିର ପିଓକେରେ ଲକଡାଇନ ଶେଷ କରିପାରୁନାହାନ୍ତି । ଆଉ ଏହି ଲକଡାଉନ ପାକିସ୍ତାନ କାଶ୍ମୀର ପବ୍ଲିକ ଆକ୍ସନ କମିଟି ଅଧ୍ୟକ୍ଷ ଶୌକତ ନଓ୍ବାଜ ମୀରଙ୍କ ଡାକରାରେ ହୋଇଛି । ମୀରଙ୍କ ନେତୃତ୍ବରେ ଆକ୍ସନ କମିଟି ସରକାରଙ୍କ ପାଖରୁ ୩୫ଟି ଦାବି କରିବା ସହ ଏହାର ଜବାବ ମାଗିଛି । ଯାହାର ଉତ୍ତର ଦେବା ବଦଳରେ ପାକିସ୍ତାନ ସରକାର ସେନା ସହ ମିଶି ବିଦ୍ରୋହକୁ ଦବାଇ ଦେବାକୁ ଉଦ୍ୟମ କରୁଛି ।
କିଏ ଏହି ଶୌକତ ନଓ୍ବାଜ ମୀର ?
ପିଓକେ ସ୍ଥିତ କାଶ୍ମୀର ୟୁନିର୍ଭସିଟିରେ ପାଠପଢ଼ା ସାରିବା ପରେ ଶୌକତ ମୀର ସାମାଜ ସେବାରେ ନିଜକୁ ନିୟୋଜିତ କରିଥିଲେ । ଟ୍ରେଡ ୟୁନିୟନ ଓ ଅନ୍ୟ ସଂସ୍ଥା ଜରିଆବରେ ସେ ପିଓକେରେ ପ୍ରଭାବ ବିସ୍ତାର କରିଥିଲେ । ୨୦୨୪ରେ ଶୌକତ ଦରଦାମ ବୃଦ୍ଧିକୁ ନେଇ ପିଓକେରେ ବିରୋଧ ପ୍ରଦର୍ଶନ କରିଥିଲେ । ଆଉ ସରକାର ଚାପର ବଶବର୍ତ୍ତି ହୋଇ ସେତେବେଳେ ଅଟାର ମୂଲ୍ୟ କମ କରିବାକୁ ବାଧ୍ୟ ହୋଇଥିଲେ । ଶୌକତ ପ୍ରଥମରୁ ପାକିସ୍ତାନ କାଶ୍ମୀର ପବ୍ଲିକ ଆକ୍ସନ କମିଟିର ସଦସ୍ୟ ଥିଲେ । ହେଲେ ସେ କହୁଥିବା କଥା ଓ ରଣନୈତିକ କୁଶଳତା ଯୋଗୁଁ ସେ କମିଟିର ପ୍ରମୁଖ ହୋଇପାରିଥିଲେ । ଏହି କମିଟିରେ ପିଓକେର ଏକାଧିକ ରାଜନୈତିକ ଦଳ ଓ ବଡ଼ ବଡ଼ ବ୍ୟକ୍ତି ରହିଛନ୍ତି । କମିଟି କରୁଥିବା ଦାବି ଭିତରେ ପିଓକେରୁ ଭିଆଇପି କଲଚର ଶେଷ କରିବା ପ୍ରମୁଖ ରହିଛି । ଚଳିତବର୍ଷ ଆଣମ୍ଭରେ ସରକାରଙ୍କ ପ୍ରରୋଚନାରେ ପିଓକେ ହାଇକୋର୍ଟ ଶୌକ୍ ମିରଙ୍କୁ ଡ୍ରେଡ ୟୁନିୟନ ଅଧ୍ୟକ୍ଷ ପଦରୁ ହଟାଇ ଦେଇଥିଲେ । ଏହାପରେ ମୀର ଆକ୍ସନ କମିଟିରେ ପୂରା ଆକ୍ଟିଭ ଭାବେ କାମ କରୁଛନ୍ତି ।
ଶୌକତଙ୍କ ଡାକରାରେ ପିଓକେରେ ଲକଡାଉନ୍
ରିପୋର୍ଟ ଅନୁସାରେ ୨୮ ସେପ୍ଟେମ୍ବରରେ ଶୌକତ ମୁଜାଫରାବାଦରୁ ଲାଲଚୌକକୁ ଆସିବାକୁ ଅପିଲ କରିଥିଲେ । ଆଉ ତାଙ୍କ ଡାକରାରେ ୧୦ ହଜାରରୁ ଅଧିକ ଲୋକ ପିଓକେର ଲାଲଚୌକରେ ଏକାଠି ହୋଇଥିଲେ । ଏଠାରେ ଶୌକ୍ ୧୭ ମିନିଟର ଭାଷଣ ଦେଇଥିଲେ । ଏଥିରେ ସେ କହିଥିଲେ, ଆମେ ଅନିଶ୍ଚିତ ସମୟ ପର୍ଯ୍ୟନ୍ତ ଲକଡାଉନ ଲଗାଇବାକୁ ଯାଉଛନ୍ତି । ସରକାର ଆମ ଦାବିକୁ ଗ୍ରହଣ କରିବା ବଦଳରେ ଆମକୁ ମାରିବାକୁ ଉଦ୍ୟମ କରୁଛି । ସେନାର ଗୁଳିମାଡ଼ରେ ପିଓକେରେ ଦୁଇ ଜଣ ଲୋକଙ୍କ ମୃତ୍ୟୁ ଘଟିଛି । ଏହାପରେ ପିଓକେରେ ଲକଡାଉନ କରି ସ୍ଥିତି ବନିଯାଇଛି । ଗୁରୁତ୍ବପୂର୍ଣ୍ଣ କଥା ହେଲା ପାକିସ୍ତାନ ସେନା ମୁଖ୍ୟ ମୁନିର ମୁଜାଫରାବାଦରେ ଥିବା ବେଳେ ଏହି ଲକଡାଉନର ଡାକରା ଦିଆଯାଇଛି । ଆଉ ଏହାଠାରୁ ବଡ଼ କଥା ହେଲା ମୁନିର ଶୌକତ ଓ ପିଓକେବାସୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠନ ନେବାକୁ ବି ଅସମର୍ଥ ହୋଇଯାଇଛନ୍ତି ।
ହ୍ବାଟ୍ସଆପର ନୂଆ ଫିଚର: ଲାଇଭ ଫଟୋ ସହ ମେଟା AI ଚାଟ ଥିମ ଓ ଆହୁରି ବହୁତ କିଛି
ନନ୍ଦିଘୋଷ ବ୍ୟୁରୋ: ଚାଟିଂ ଓ ମେସେଜିଂ ପାଇଁ ହ୍ବାଟ୍ସଆପ ବ୍ୟବହାର କରୁଛନ୍ତି କି ? ଯିଦ କରୁଛନ୍ତି, ତେବେ ଆପଣଙ୍କ ପାଇଁ ଖୁସି ଖବର । ହ୍ବାଟ୍ସଆପ ନିଜ ୟୁଜର୍ସଙ୍କ ପାଇଁ ଏକାଧିକ ନୂଆ ଫିଚର ଘୋଷଣା କରିଛି । ଏହି ଫିଚର୍ସରେ ios ରେ Live Photos ଓ ଆଣ୍ଡ୍ରୁଏଡ଼ରେ Motion Photos ସେୟାର କରିହେବ । ଏହାସହ Meta AI ସାହାଯ୍ୟରେ ଚାଟ ଥିମ ଓ କଲ୍ ବ୍ୟାକଗ୍ରାଉଣ୍ଡ ବି କଷ୍ଟମାଇଜ୍ କରିପାରିବେ । ନୂଆ ଅପଡେଟରେ ଷ୍ଟିର ପ୍ୟାକ୍ସ, ଗ୍ରୁପ୍ ସର୍ଚ୍ଚ ସହଜ କରାଯିବା ସହ ଆଣ୍ଡ୍ରୁଏଡ଼ରେ ଡକ୍ୟୁମେଣ୍ଟ ସ୍କାନିଂ ପରି ଫିଚର୍ସ ବି ଦିଆଯାଇଛି ।
Live ଓ Motion Photo ସପୋର୍ଟ
ହ୍ବାଟ୍ସଆପ ଏବେ iosରେ Live Photos ଓ ଆଣ୍ଡ୍ରୁଏଡ଼ରେ Motion Photos ସେୟାର କରିବାର ସୁବିଧା ଦେଉଛି । Live Photos ଛୋଟ ଭିଡିଓ କ୍ଲିପ ହୋଇଥାଏ । ଯାହା ଫଟୋ କ୍ଲିକ କରିବାର ପରେ ଓ ପୂର୍ବର କିଛି ସମୟର ଦୃଶ୍ୟ ଓ ଶବ୍ଦ ରହିଥାଏ । ଏବେ ଏହି ଫିଚର୍ସ ଦୁଇଟି ଯାକ ପ୍ଲାଟଫର୍ମ ଆଇଓଏସ ଓ ଆଣ୍ଡ୍ରୁଏଡ଼ରେ ଉପଲବ୍ଧ ହେଉଛି ।
Meta AI ରେ ଚାଟ ଥିମ ଓ କଲ ବ୍ୟାକଗ୍ରାଉଣ୍ଡ
ହ୍ବାଟ୍ସଆପ ମେଟା AI ସାହାଯ୍ୟରେ ଚାଟିଂକୁ ଆଡୁରି ମଜାଦାର କରିଛି । ଏବେ ୟୁଜର୍ସ ପ୍ରମ୍ପଟ୍ ଡାଇଲକ ନିଜ ପସନ୍ଦର ଚାଟ ଥିମ୍ ଜେନେରେଟ କରିପାରିବେ । ଏହାସହ Meta AI ରେ ଭିଡିଓ କଲ୍ ଓ ଚାଟ ବ୍ୟାକଗ୍ରାଉଣ୍ଡ ବି ବନାଇ ପାରିବେ । ତେବେ ହି ଫଇଚର ଏବେ ମାତ୍ର କିଛି ଦେଶରେ ଉବଲବ୍ଧ ହେଉଛି । ଇଂଲିସ, ଫ୍ରେଞ୍ଚ, ଜର୍ମାନ ସମେତ ୧୦ରୁ ଅଧିକ ଭାଷାରେ ଏହା ସପୋର୍ଟ କରୁଛି ।
ନୂଆ ଷ୍ଟିକର, ଗ୍ରୁପ୍ ସର୍ଚ୍ଚ ଓ ଡକ୍ୟୁମେଣ୍ଟ ସ୍କାନିଂ
ନୂଆ ଅପଡେଟରେ ଫିୟରଲେସ ବ୍ରିଡ, ସ୍କୁଲ ସମୟ ଓ ଭ୍ୟାକେଶନ ପରି ଷ୍ଟିକର ପ୍ୟାକ ସାମିଲ କରାଯାଇଛି । ଏହାସହ ଏବେ ଗ୍ରୁପ ସର୍ଚ୍ଚ କରିବା ଆହୁରି ସହଜ ହୋଇଯାଇଛି । ଯଦି ଆପଣଙ୍କୁ କୌଣସି ଗ୍ରୁପର ନାଁ ମନେ ନାହିଁ ତେବେ ଏଥିରେ ଥିବା ଆପଣଙ୍କ ବନ୍ଧୁଙ୍କ ନାଁ ସର୍ଚ୍ଚ କଲେ, ଉକ୍ତ ଗ୍ରୁପ୍ ଆପଣ ଦେଖିପାରିବେ । ସେହିପରି ଆଣ୍ଡ୍ରୁଏଡ଼ ୟୁଜର୍ସଙ୍କ ପାଇଁ ଡକ୍ୟୁମେଣ୍ଟ ସ୍କାନ କରିବା, କ୍ରପ ଓ ପଠାଇବା ସୁବିଧା ଦିଆଯାଇଛି ।
ଦୁଇଦିନ ପୂର୍ବରୁ ନିଖୋଜ ଛାତ୍ରଙ୍କ ଗଳିତ ଶବ ଜବତ, ହତ୍ୟା ଅଭିଯୋଗ
ନନ୍ଦିଘୋଷ ବ୍ୟୁରୋ: ଦୁଇଦିନ ପୂର୍ବରୁ ନିଖୋଜ ଛାତ୍ରଙ୍କ ଗଳିତ ଶବ ଊଦ୍ଧାର । ଘରଠାରୁ ପ୍ରାୟ ତିନି କିମି ଦୂର ଏକ ବୁଦା ମୂଳରୁ ଛାତ୍ରଙ୍କ ମୃତଦେହ ଉଦ୍ଧାର କରିଛି ପୋଲିସ । ପୁଅକୁ ହତ୍ୟା କରିବା ପରେ ଫିଙ୍ଗି ଦିଆଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ । ଘଟଣା ଆସ୍କା ଗାଙ୍ଗପୁର ଥାନା ଖଣ୍ଡରା ବଳି ଗାଁରେ ଘଟିଛି ।
ସୂଚନା ଅନୁସାରେ ମୃତ ଛାତ୍ର ଜଣଙ୍କ ହେଲେ ବାବୁ ବିଷୋୟୀଙ୍କ ୧୪ ବର୍ଷର ପୁଅ ଅମର । ଗତ ୨୮ ତାରିଖରୁ ଅମର ନିଖଷାଜ ଥିଲେ । ଏ ନେଇ ଗାଙ୍ଗପୁର ଥାନାରେ ପରିବାର ପକ୍ଷରୁ ନିଖୋଜ ଅଭିଯୋଗ ହୋଇଥିଲା l ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି l
ଘଟଣା ଦିନ ମୃତକଙ୍କ ମାଆ ବାହାରକୁ ଯାଇଥିବା ବେଳେ ଜେଜେଙ୍କୁ ଚାହା କରି ପିଇବାକୁ ଦେଇଥିଲେ । ଏପରିକି ଘରେ ମଧ୍ୟାହ୍ନ ଭୋଜନ କରିଥିଲେ । ଏହାପରେ ଘରୁ ବାହାରକୁ ଯାଇ ଆଉ ଫେରି ନଥିଲେ । ପରିବାର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରି ନିରାଶ ହେବା ପରେ ଥାନାରେ ଅଭିଯୋଗ କରିଥିଲେ । ତେବେ କିଏ ଓ କାହିଁକି ତାଙ୍କୁ ହତ୍ୟା କରିଛି କାରଣ ଅସ୍ପଷ୍ଟ ରହିଛି । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।
ଶାରଦୀୟ ଦୁର୍ଗାପୂଜା: ପୀଠରେ ମହାନବମୀ ଓ ମଣ୍ଡପରେ ମହାଷ୍ଟମୀ
ନନ୍ଦଘୋଷ ବ୍ୟୁରୋ: ଧୂମଧାମରେ ସାରା ରାଜ୍ୟରେ ଚାଲିଛି ଶାରଦୀୟ ଦୁର୍ଗାପୂଜା । ଗାଁଠୁ ସହର ସବଠି ଉତ୍ସବର ମାହୋଲ । ପୁଣି ଥରେ ଅସତ୍ୟ ଉପରେ ସତ୍ୟର ବିଜୟ ଧ୍ବଜା ଉଡାଇବାକୁ ଆସିଛନ୍ତି ଜଗତ ଜନନୀ ମହିଷାମର୍ଦ୍ଦିନ ମା’ ଦୁର୍ଗା ।
ମା’ଙ୍କ ଆଗମନରେ ପୁରପଲ୍ଲୀରେ ଚାଲିଛି ଉତ୍ସବ । ପୀଠରେ ମା’ଙ୍କ ମହାନବମୀ ଅନୁଷ୍ଠିତ ହେଉଛି । ରାଜ୍ୟରେ ଥିବା ବିଭିନ୍ନ ଶକ୍ତିପୀଠରେ ମା’ ଭିନ୍ନ ଭିନ୍ନ ରୂପରେ ଆଜି ପୂଜା ପାଉଛନ୍ତି । ନବମୀ ପୂଜା ପାଇଁ ପୀଠରେ ଶ୍ରଦ୍ଧାଳୁଙ୍କ ଗହଳି ଦେଖିବାକୁ ମିଳୁଛି ।
ସେହିପରି ବିଭିନ୍ନ ପୂଜା ମଣ୍ଡପରେ ମା’ଙ୍କ ଅଷ୍ଟମୀ ପୂଜା ଅନୁଷ୍ଠିତ ହେଉଛି । ସକାଳୁ ସକାଳୁ ମା’ଙ୍କ ଦର୍ଶନ କରିବା ସହ ନୈବିଦ୍ୟ ଅର୍ପଣ କରିବାକୁ ଶ୍ରଦ୍ଧାଳୁଙ୍କ ଭିଡ଼ ଲାଗିଛି । ଦର୍ଶନ ଶୃଙ୍ଖଳିତ କରିବା ପାଇଁ ପୀଠ ଓ ମଣ୍ଡପ କମିଟଇ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି ।
ଐତିହ୍ୟ ସହର କଟକ, ରାଜଧାନୀ ଭୁବନେଶ୍ବର, ଷ୍ଟିଲସିଟି ରାଉରକେଲା ସହ ରାଜ୍ୟର ସବୁ ଜିଲ୍ଲାରେ ଧୂମଧାମରେ ମଣ୍ଡପରେ ମା’ଙ୍କ ପୂଜା କରାଯାଉଛି । ରଙ୍ଗବେରଙ୍ଗର ଆଲୋକମାଳା ସହ ଆଖି ଝଲିସି ଯିବା ପରି ସୁଉଚ୍ଚ ତୋରଣ ଲୋକଙ୍କୁ ଆକୃଷ୍ଟ କରୁଛି । ଦିନ ତ ଦିନ ସାରା ରାତି ରାଜଧାନୀରେ ପୂଜା ମଣ୍ଡପଗୁଡିକରେ ଲୋକଙ୍କ ଭିଡ଼ ଦେଖିବାକୁ ମିଳୁଛି ।
କଟକରେ ସୁନା ଓ ଚାନ୍ଦି ଅଳଙ୍କାରେ ଆଭୂଷିତ ହୋଇ ମା’ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି । ସେହିପରି ରାଜଧାନୀ ଭୁବନେଶ୍ବରରେ ବିଭିନ୍ନ ପୂଜା କମିଟି ପକ୍ଷରୁ ସୁଉଚ୍ଚ ତୋରଣ ନିର୍ମାଣ କରାଯାଇଛି । ଗୋଟିଏକୁ ବଡ଼ି ଅନ୍ୟ ତୋରଣ ଦେଖିବାକୁ ଲୋକଙ୍କ ଗହଳି ଲାଗୁଛି ।
ସେହିପରି ରାମ ଦୋଳିକୁ ପିଲାଙ୍କ ପାଇଁ ଭଳି କି ଭଳି ଖେଳର ପସରା ମେଲିଛି ପୂଜା ମଣ୍ଡପଗୁଡିକରେ । ଗୁପଚୁପ, ଆଇସକ୍ରିମ, ଚାଟ ସାଙ୍ଗକୁ ଭଳି କି ଭଳି ଖାଦ୍ୟ ଓ ଫାଷ୍ଟଫୁଟ୍ ଦୋକାନରେ ଲୋକଙ୍କ ଗହଳି ଦେଖିବାକୁ ମିଳୁଛି । ମୀନାବଜାରରେ ଘରକରଣା ଜିନିଷ କିଣି ନେବାକୁ ମହିଳାଙ୍କ ଭିଡ଼ ଦେଖିବାକୁ ମିଳୁଛି । ପାଗ ଭଲ ଥିବାରୁ ଲୋକେ ବିନଦାଶ ଭାବେ ବିଭିନ୍ନ ପୂଜା ମଣ୍ଡପ ବୁଲି ମଜ୍ଜା ଉଠାଉଛନ୍ତି ।
RBI ଦେଲା ଆଶ୍ବସ୍ତି: ଏହି ଦିନରୁ ଲୋନ ନେବା ହେବ ସହଜ, କମିବ EMI
ନନ୍ଦିଘୋଷ ବ୍ୟୁରୋ: ସାଧାରଣ ଲୋକଙ୍କ ସୁବିଧା ପାଇଁ ଆରବିଆଇ ଋଣ ନେବାକୁ ନେଇ ବଡ଼ ଧରଣର ଘୋଷଣା କରିଛି । ଋଣ ନେବା ସହଜ କରିବା ଓ ବଡ଼ ଧରଣରୁ ଋଣ ନେବା ପାଇଁ ଥିବା ନିୟମକୁ କିଛି ମାତ୍ରାରେ କୋହଳ କରିବା ପାଇଁ କିଛି ପରିବର୍ତ୍ତନ କରିବାକୁ ଯାଉଛି । ଆଉ ଏହି ପରିବର୍ତ୍ତନରେ ୩ଟି ନିୟମ ଅକ୍ଟୋବର ଏକ ତାରିଖରୁ ଲାଗୁ ହେବାକୁ ଯାଉଥିବା ବେଳେ ବାକି ୪ଟି ନିୟମ ଉପରେ ବିଚାର ଚାଲିଛି ।
ଯଦି ଆପଣ ପ୍ଲୋଟିଂ ରେଟରେ ଲୋନ ନେଇଛନ୍ତି ତେବେ ବ୍ୟାଙ୍କ ଆପଣଙ୍କ ଇଏମଆଇକୁ ତିନି ବର୍ଷର ଲକ୍ ଇନ୍ ଅବଧି ପୂର୍ବରୁ କମ କରିପାରିବେ । ଏହାର ଲାଭ ସିଧା ସିଧା ଆପଣଙ୍କୁ ମିଳିବ ଓ ଆପଣଙ୍କ ଇଏମଆଇ କମ ହୋଇପାରେ । ଏହାସହ ଯେଉଁମାନେ ଫିକ୍ସ ରେଟ ଲୋନ ନେଇଛନ୍ତି, ସେମାନଙ୍କୁ ଏହାକୁ ପରିବର୍ତ୍ତନ କରି ଫ୍ଲୋଟିଂ ରେଟ୍ କରିବାର ବିକଳ୍ପ ଦିଆଯାଇପାରେ । ଏହା ବାଧ୍ୟତାମୂଳକ ନହେଲେ ବି ବ୍ୟାଙ୍କ ଚାହିଁଲେ ଏହି ସୁବିଧା ଗ୍ରାହକଙ୍କୁ ଦେଇପାରିବେ । ଏହାଦ୍ବାରା ଋଣ ଗ୍ରହିତାଙ୍କୁ ପରିଶୋଧ ପାଇଁ ଫ୍ଲେସିବିଲିଟି ମିଳିବ ଓ ସମୟ ସହ ଉଚିତ ସୁଧ ଦର ଧାର୍ଯ୍ୟ କରିବା ସହଜ ହେବ ।
ସୁନା ଋଣ ନେବା ହେଲା ସହଜ
ଯଦି ଆପଣ ଗୋଲ୍ଡ ଲୋନ ନେବାକୁ ଚିନ୍ତା କରୁଛନ୍ତି, ତେବେ ଆପଣଙ୍କ ପାଇଁ ସୁଖି ଖବର ରହିଛି । ଏଣିକି କେବଳ ସୁନା ଦୋକାନୀ ନୁହଁନ୍ତି. ସେ ସମସ୍ତ ଲୋକ ଯେଉଁମାନେ ସୁନାକୁ କଚ୍ଚା ମାଲ ଭାବେ ବ୍ୟବହାର କରୁଛନ୍ତି ଯେମିତି ଛୋଟ ବ୍ୟବସାୟୀ, କାରିଗରମାନେ ବି ସୁନା ବଦଳରେ ବ୍ୟାଙ୍କରୁ ଋଣ ନେଇପାରିବେ । ଏହାଦ୍ବାରା ଛୋଟ ଉଦ୍ୟୋଗପତିଙ୍କୁ ଟଙ୍କା ଯୋଗାଡ଼ ସହଜ ହେବ ।
ଏହାବାଦ ଆରବିଆଇ ଏକ ପ୍ରସ୍ତାବ ଦେଇ କହିଛି ଗୋଲ୍ଡ ମେଟଊ ଲୋନ (GML)ର ରିପେମେଣ୍ଟ ଅବଧି ୧୮୦ ଦିନରୁ ବଢ଼ାଇ ୨୭୦ ଦିନ କରିବାକୁ । ଏହାବାଦ ଅନ୍ୟ ଅଳଙ୍କାର ବେପାରୀ ମଧ୍ୟ ଜିଏମଏଲ ମଧ୍ୟ ଆଉଟ୍ ସୋର୍ସିଂ ପାଇଁ ଲୋନ୍ ପାଇପାରିବେ । ଏହି ସମସ୍ତ ପରିବର୍ତ୍ତନ MSME ଓ ଅଳଙ୍କାର ସେକ୍ଟରକୁ ପାଇଁ ଲାଭଦାୟକ ହୋଇପାରେ ।
ବ୍ୟାଙ୍କଙ୍କୁ ପୁଞ୍ଜି ଯୋଗାଡ଼ କରିବା ହେବ ସହଜ
ଆୀବିଆଇ ବ୍ୟାଙ୍କଙ୍କୁ ଅଫଶୋର କାର୍ମେଟ ମାଧ୍ୟମରେ ପୁଞ୍ଜି ଯୋଗାଡ଼ କରିବା ସହଜ ରିଛି । ଏବେ ବ୍ୟାଙ୍କ ବିଦେଶୀ ମୁଦ୍ରା ଓ ଟଙ୍କା ମାଧ୍ୟମରେ ବଣ୍ଡ ଜାରି କରି ଅଧିକ ଫଣ୍ଡ ଯୋଗାଡ଼ କରିପାରିବେ । ଏହାଦ୍ବାରା ବ୍ୟାଙ୍କଙ୍କ ବିତ୍ତିୟ ସ୍ଥିତି ଦୃଢ଼ ହେବ ଓ ସେମାନେ ଅଧିକ ଋଣ ଦେଇପାରିବେ । ଆରବିଆଇ ଭାରତରେ କାମ କରୁଥିବା ବିଦେଶୀ ବ୍ୟାଙ୍କ ଶାଖାଙ୍କ ପାଇଁ ନିୟମ ପରିବର୍ତ୍ତନ ପାଇଁ ପ୍ରସ୍ତାବ ଦେଇଛି । ଏବେ ସେମାନଙ୍କ ବଡ଼ ଲୋନ ଏକ୍ସପୋଜର ଓ ଇଣ୍ଟର ଗ୍ରୁପ୍ ଟନେଣଦେଣ ପାଇଁ ନୂଆ ନିୟମ ଲାଗୁ ହେବ ।
କ୍ରେଡିଟ ଡାଟା ହେବ ଆହୁରି ସଠିକ
ବ୍ୟାଙ୍କ ଓ ଆର୍ଥିକ ସଂସ୍ଥାଙ୍କୁ ପ୍ରତି ସପ୍ତାହରେ କ୍ରେଡିଟ ବ୍ୟୂରୋକୁ ଡାଟା ପଠାଇବାକୁ ଆରବିଆଇ ପରାମର୍ଶ ଦେଇଛି । ପୂର୍ବରୁ ଏହା ଦୁଇ ସପ୍ତାହରେ ଥରେ ପଠାଉଥିଲେ । ଏହାଦ୍ବାରା ଲୋକଙ୍କ କ୍ରେଡିଟ ସ୍କୋରରେ ଭୁଲଭଟକା କମ ହେବ ଓ ସମୟ ପୂର୍ବରୁ ଏହାକୁ ସୁଧରାଯାଇପାରିବ । ଏହାସହ ରିପେମେଟରେ ଏବେ CKYC ନମ୍ବର ଅନ୍ତର୍ଭୁକ୍ତ କରାଯିବ । ଏହାଦ୍ବାରା ପରିଚୟ ଜାଣିବା ଆହୁରି ସହଜ ହେବ ।