ନନ୍ଦିଘୋଷ ବ୍ୟୁରୋ: କୋର୍ଟରୁ କଏଦୀ ଚମ୍ପଟ । ସିସିଟିଭିରେ କଏଦ ହେଲା ଫେରାର ବେଳର ଦୃଶ୍ଯ । ଖୋର୍ଦ୍ଧା କୋର୍ଟରୁ ଚମ୍ପଟ ମାରିଲା କଏଦୀ । ଫେରାର କଏଦୀର ନାମ ସୁକାନ୍ତ ନାୟକ । ଝାରପଡା ଜେଲରୁ ଖୋର୍ଦ୍ଧା ପୋକ୍ସ କୋର୍ଟକୁ ବିଚାର ପାଇଁ ଆସିଥିଲା । କୋର୍ଟରେ ପୋଲିସକୁ ଧକ୍କା ମାରି ଚମ୍ପଟ ମାରିଲା । ଫେରାର କଏଦୀକୁ କାବୁ କରିବାକୁ ଖୋର୍ଦ୍ଧା, ଭୁବନେଶ୍ୱର ପୋଲିସର ଉଦ୍ୟମ ଜାରି । ତେବେ ଫେରାରବେଳେ ସିସିଟିଭିରେ କଏଦ ହୋଇଛି ସମସ୍ତ ଦୃଶ୍ଯ ।
ମନେ ରହିବେ ସୁନେଲି ଧାନ ବିଲ ସାମ୍ରାଜ୍ଯର ପାଟରାଣୀ
ନନ୍ଦିଘୋଷ ବ୍ୟୁରୋ: ସ୍ବର୍ଗରେ ସୁନେଲି ଧାନ ବିଲ ସାମ୍ରାଜ୍ଯର ପାଟରାଣୀ। ଚାଲିଗଲେ ପଦ୍ମଶ୍ରୀ କମଳା ପୂଜାରୀ । ଏସସିବି ମେଡିକାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ମୃତ୍ୟୁ ବେଳକୁ ତାଙ୍କୁ ୭୬ବର୍ଷ ହେଇଥିଲା। ହୃଦଘାତରେ ତାଙ୍କର ପରଲୋକ ହୋଇଛି। ଏସସିବି ମେଡିକାଲର ଆଇସିୟୁରେ ଭର୍ତ୍ତି ପରେ ତାଙ୍କର ଚିକିତ୍ସା ଚାଲିଥିଲା।
ସୁନେଲି ଧାନ ବିଲ ସାମ୍ରାଜ୍ଯର ପାଟରାଣୀ। ଅଖ୍ଯାତ ପଲ୍ଲୀର ବିଖ୍ଯାତ ନାଁ କମଳା ପୂଜାରୀ। ୧୯୪୮ ମସିହାରେ କୋରାପୁଟ ଜୟପୁର ବ୍ଲକ ପାତ୍ରପୁଟ ଗାଁରେ କମଳାଙ୍କ ଜନ୍ମ। ପିଲାଟି ଦିନରୁ ଚାଷ ପ୍ରତି ଥିଲା ତାଙ୍କର ଦୁର୍ବଳତା। ସେ ଜୈବିକ ପଦ୍ଧତିରେ ପ୍ରାୟ ୧୦୦ରୁ ଅଧିକ କିସମର ଧାନ ଉତ୍ପାଦନ ଓ ସଂରକ୍ଷଣ କରି ବେଶ୍ ଚର୍ଚ୍ଚାକୁ ଆସିଥିଲେ। ପୁରୁଣା ଧାନ ବିହନକୁ ବିଭିନ୍ନ ଉପାୟରେ ସାଇତି ରଖିଥିବାରୁ ୨୦୧୯ ମାର୍ଚ୍ଚ ୧୬ ତାରିଖରେ ତାଙ୍କୁ ପଦ୍ମଶ୍ରୀ ସମ୍ମାନ ମିଳିଥିଲା। ପ୍ରଥମ ଆଦିବାସୀ ମହିଳା ଭାବେ କୋରାପୁଟ ଜିଲ୍ଲାରୁ ପଦ୍ମଶ୍ରୀ ସମ୍ମାନରେ ସମ୍ମାନୀତ ହୋଇଥିଲେ କମଳା। ବିଶ୍ଵକୁ ବିରଳ କଳାଜିରା ପ୍ରଜାତିର ଧାନ ଉପହାର ଦେଇ ଜଣେ କୃଷି ବିଜ୍ଞାନୀ ହେବାର ସେ ସୌଭାଗ୍ୟ ଲାଭ କରିଥିଲେ। ପାରମ୍ପରିକ ଧାନ କିସମ ଯଥା କଳାଜିରା, ବାୟାମଣ୍ଡା, ଆସାମଚୁଡ଼ି ଆଦିର ସଂରକ୍ଷଣ କ୍ଷେତ୍ରରେ କମଳା ପୂଜାରୀ ଅନ୍ତର୍ଜାତୀୟ ସ୍ତରରେ ସମ୍ମାନିତ ହୋଇଥିଲେ। ନାରୀ ସଶକ୍ତିକରଣ ସହିତ ଜଙ୍ଗଲ ସୁରକ୍ଷା ନିମନ୍ତେ ସେ ପ୍ରାରମ୍ଭିକ ଅବସ୍ଥାରେ ୨୧ ଜଣ ଉତ୍ସର୍ଗୀକୃତ ତଥା କର୍ମଠ ମହିଳାଙ୍କୁ ନେଇ ନିଜ ଗାଆଁରେ “ତ୍ରିନାଥ ଠାକୁର ବନ ସୁରକ୍ଷା ସମିତି” ନାମକ ଏକ ସଂଘ ଗଠନ କରି ଜଙ୍ଗଲ ସୁରକ୍ଷା କ୍ଷେତ୍ରରେ କାମ କରିଥିଲେ ।
କମଳା ପୂଜାରୀ ଅନେକ ଦିନରୁ ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ଥିଲେ। ଗତ ମଙ୍ଗଳବାର ସେ ଅସୁସ୍ଥ ହେବା ପରେ ତାଙ୍କୁ ଜୟପୁର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହାପରେ ତାଙ୍କର ସ୍ଥିତି ଅଧିକ ଖରାପ ହେବାରୁ ତାଙ୍କୁ କଟକ ଏସସିବି ମେଡିକାଲକୁ ସ୍ଥାନାନ୍ତରିତ କରାଯାଇଥିଲା। ସକାଳୁ ହୃଦଘାତରେ ତାଙ୍କର ପରଲୋକ ହୋଇଛି। ଏସସିବି ମେଡିକାଲର ଆଇସିୟୁରେ ଭର୍ତ୍ତି ପରେ ତାଙ୍କର ଚିକିତ୍ସା ଚାଲିଥିଲା। ମେଡିସିନ ବିଭାଗର ପ୍ରଫେସର ଡାକ୍ତର ଜୟନ୍ତ ପଣ୍ଡାଙ୍କ ନେତୃତ୍ବରେ ଏକ ୪ ଜଣିଆ ଡାକ୍ତରୀ ଟିମ୍ ତାଙ୍କର ଚିକିତ୍ସା କରୁଥିଲେ। କିଡନୀ ଜନିତ ସମସ୍ୟା ସହ ଜ୍ବର ରୋଗରେ ଆକ୍ରାନ୍ତ ହୋଇଥିଲେ କମଳା ପୂଜାରୀ। ସକାଳେ ତାଙ୍କର ସ୍ୱାସ୍ଥ୍ୟାବସ୍ଥା ଅଧିକ ଖରାପ ହୋଇଥିଲା ଏବଂ ପରେ ତାଙ୍କର ମୃତ୍ୟୁ ହୋଇଥିଲା। ମୃତ୍ଯୁ ବେଳକୁ କମଳାଙ୍କୁ ୭୬ ବର୍ଷ ବୟସ ହୋଇଥିଲା।
ସୋନୁଙ୍କ ଟ୍ବିଟକୁ ନେଇ ଏମିତି ଲେଖିଲେ କଙ୍ଗନା
ନନ୍ଦିଘୋଷ ବ୍ୟୁରୋ: ଆଜିକାଲି ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଜଣେ ହୋଟେଲ ମନ୍ତ୍ରୀ ଖାଦ୍ୟରେ ଛେପ ପକାଇ ନାନ ବନାଉଛନ୍ତି । ଏହି ଭିଡିଓଟି ସୋସିଆଲ ମିଡିଆରେ ନିଆଁ ଭଳି ଭାଇରାଲ ହେଉଥିବାବେଳେ ସୋନୁ ସୁଦ ଏହାକୁ ନିଜର ସୋସିଆଲ ମିଡିଆରେ ପୋଷ୍ଟ କରି ରାମାୟଣର ଶବରୀ ସହ ତୁଳନା କରିଛନ୍ତି । ଯାହାକୁ ନେଇ ତାଙ୍କୁ ଟ୍ରୋଲର ଶିକାର ହେବାକୁ ପଡ଼ିଛି । ତେବେ ଏହାକୁ ନେଇ ଅଭିନେତ୍ରୀ ତଥା ସାଂସଦ କଙ୍ଗନା ରଣାଓ୍ବତ ମଧ୍ୟ ସମାଲୋଚନା କରିଛନ୍ତି । ସେ କହିଛନ୍ତି କି, ଏବେ ସୋନୁ ଭାଗବତ ଏବଂ ଧର୍ମକୁ ନେଇ ଏକ ନୂଆ ରାମାୟଣ ବନାଇବେ । ତେବେ ଏହାକୁ ନେଇ ୟୁଜର୍ସମାନେ ସୋନୁଙ୍କୁ ମଧ୍ୟ କମେଣ୍ଟ କରୁଥିବା ଦେଖିବାକୁ ମିଳିଛି ।
Next you know Sonu ji will direct his own Ramayana based on his own personal findings about God and religion. Wah kya baat hai Bollywood se ek aur Ramayana 👌 https://t.co/s1bWOer4Rp
— Kangana Ranaut (@KanganaTeam) July 20, 2024
ବାସ୍ତବରେ ଜଣେ ୟୁଜର୍ସ ଏହି ଭିଡିଓକୁ ଉତ୍ତୋଳନ କରିଥିବାବେଳେ ସେ ଏହାକୁ ସୋସିଆଲ ମିଡିଆରେ ପୋଷ୍ଟ କରିଥିଲେ । ଯାହାକୁ ୟୁଜର୍ସମାନେ ବହୁଳ ମାତ୍ରାରେ ସେୟାର କରିଥିଲେ । ଏହା ବେଶ ଭାଇରାଲ ହେବାରେ ଲାଗିଛି ।
हमारे श्री राम जी ने शबरी के झूठे बेर खाए थे तो मैं क्यों नहीं खा सकता
हिंसा को अहिंसा से पराजित किया जा सकता है मेरे भाई🤍
बस मानवता बरकरार रहनी चाहिए ।जय श्री राम🚩 https://t.co/uljActwMrR
— sonu sood (@SonuSood) July 20, 2024
ଶଙ୍ଖ ଭବନକୁ ବଦନାମ କରିବାକୁ ଚେଷ୍ଟା : ବିଜେଡି
ନନ୍ଦିଘୋଷ ବ୍ୟୁରୋ: ଶଙ୍ଖ ଭବନରେ ବିଜେଡିର ପ୍ରେସମିଟ୍ । ଶଙ୍ଖ ଭବନକୁ ବଦନାମ କରିବାକୁ ଚେଷ୍ଟା କରାଯାଉଛି । ରାଜସ୍ବ ମନ୍ତ୍ରୀଙ୍କ ଦ୍ବାରା ସରକାର ବଦନାମ । ମନ୍ତ୍ରୀ ସୁରେଶ ପୂଜାରୀଙ୍କୁ ଜବାବ ଦେଇଛି ବିଜେଡି । ୧୩ କୋଟି ଟଙ୍କାରେ ଜମିର ମୂଲ୍ୟାୟନ ହୋଇଥିଲା । ମୂଲ୍ୟାୟନ ହେବା ପରେ ଟଙ୍କା ପୈଠ କରାଯାଇଛି । ପ୍ରଚଳିତ ଆଇନ ଓ ବ୍ୟବସ୍ଥା ଅନୁସାରେ ଗୃହ ନିର୍ମାଣ ହୋଇଛି । ମୁଖ୍ୟ ରାସ୍ତା ନୁହେଁ ଏକ ଉପଗଳି ବୋଲି ଅଛି ଡକ୍ୟୁମେଣ୍ଟ । ଶଙ୍ଖ ଭବନକୁ ନେଇ ଲୋକଙ୍କୁ ବିଭ୍ରାନ୍ତ କରାଯାଉଛି । ଶଙ୍ଖ ଭବନ ନିର୍ମାଣକୁ ନେଇ କୌଣସି ଆଇନଗତ ଅସଙ୍ଗତି ନାହିଁ ।
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ଉପରେ ବର୍ଷିଲା କଂଗ୍ରେସ
ନନ୍ଦିଘୋଷ ବ୍ୟୁରୋ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ଉପରେ ବର୍ଷିଛି କଂଗ୍ରେସ । ସମ୍ବିଧାନକୁ ନେଇ ଦେଇଥିବା ବୟାନ ଉପରେ ବର୍ଷିଛନ୍ତି ଦଳୀୟ ମୁଖପାତ୍ର ସୋନାଲି ସାହୁ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଯେଉଁ କଥା କହିଛନ୍ତି ତାହା ତାଙ୍କ ଛୋଟ ମନର ପରିଚୟ ଦେଉଛି । ତାଙ୍କ କଥାରୁ ସ୍ପଷ୍ଟ ବାରି ହେଉଛି ଯେ ତାଙ୍କର ଓଡ଼ିଶାବାସୀଙ୍କ ପ୍ରତି ଭଲପାଇବା ନଥିଲା । ସମ୍ବିଧାନର ହତ୍ୟାକାରୀ ସମ୍ବିଧାନ ବିଷୟରେ କହିବା ଲଙ୍କାରେ ହରି ନାମ ଭଳି । ଭାରତବାସୀ ସମ୍ବିଧାନକୁ ବୁଝିଛନ୍ତି ବୋଲି ୪୦୦ ପାର ନାରାକୁ ୨୪୦ରେ ରଖିଦେଲେ । ସମ୍ବିଧାନ କଥା କହୁଥିବ ଲୋକ ମଣିପୁର ବେଳେ କୁଆଡେ ଗଲେ ? କୃଷକ ଆନ୍ଦୋଳନ କରି ମରିଗଲେ ? ସେବେ କୁଆଡେ ଯାଇଥିଲେ ସମ୍ବିଧାନ ରକ୍ଷକ ବୋଲି ପ୍ରଶ୍ନ କରିଛନ୍ତି ସୋନାଲି ।
ଓଡ଼ିଶାରେ ରାଜ୍ୟପାଳଙ୍କ ପୁଅ ଜଣେ ଓଡିଆ ଅଧିକାରୀଙ୍କୁ ଆକ୍ରମଣ କରି ଆହତ କଲେ । କୁଆଡେ ଯାଇଥିଲେ ସମ୍ବିଧାନ ରକ୍ଷାକାରୀ ଜେ ପି ନଡ୍ଡା ? କଣ ପାଇଁ ଗୋଟିଏ ପଦ କହିଲେନି? ବିଜେପି ମୁହଁରେ ସମ୍ବିଧାନ କଥା ଶୋଭାପାଉନି । ଯିଏ ବିଜେପି ବିରୋଧରେ କହିଲେ କି ଲେଖିଲେ ସେମାନଙ୍କୁ ଜେଲ ପଠାଇଲେ । ସେବେ କୁଆଡେ ଗଲେ ସମ୍ବିଧାନ ରକ୍ଷକ ? ବିଜେପି ଲୋକଙ୍କୁ ଅର୍ବାନ ନକ୍ସଲ ସଜାଇଲା । ଆଉ ଏମାନେ ଛାଟି ପିଟି ସମ୍ବିଧାନ ଉପରେ ମତ ରଖୁଛନ୍ତି । ସୁପ୍ରିମକୋର୍ଟ ଇଲେକ୍ଟ୍ରୋରାଲ ବଣ୍ଡର ପର୍ଦ୍ଦାଫାସ କରିଦେଲା । ମିଡିଆ ସ୍ଵାଧୀନତାକୁ ଛଡ଼ାଇ ନେଇଛି ଏ ସରକାର । ଯେଉଁ ମିଡିଆ କିମ୍ବା ଲୋକ ବିଜେପି ବିରୋଧରେ ଯାଇଛି ସେମାନଙ୍କ ଅବସ୍ଥାକୁ ସମସ୍ତେ ଦେଖିଛନ୍ତି । ସମ୍ବିଧାନକୁ ବୁଝିଥିବା ଲୋକ କେବେ ବି କଂଗ୍ରେସ ମୁକ୍ତ କି ବିରୋଧୀ ଦଳ ମୁକ୍ତ ନାରା ଦେବେନାହି ।
ବିଜେପି ନେତା ମାନେ ସମ୍ବିଧାନ ଢାଞ୍ଚା ପରିବର୍ତ୍ତନ ପାଇଁ ସୋସିଆଲ ମିଡିଆରେ ନାରା ଦେଉଥିଲେ । ସେବେ ନଡ୍ଡାଙ୍କୁ ଏହା ଦେଖାଗଲା ନାହି ? ସମ୍ବିଧାନର ଦ୍ୱାହି ଦେଇ ନିଜେ ଖସିଯିବାକୁ ଯେଉଁ ଚେଷ୍ଟା ଚଳାଉଛନ୍ତି ତାକୁ ଦେଶବାସୀ ଜାଣିସାରିଛନ୍ତି । ଦଶ ବର୍ଷ ହେଲାଣି ଲୋକସଭାରେ ଡେପୁଟି ସ୍ପିକର ନାହାନ୍ତି । ଏହା ସମ୍ବିଧାନର ଉଲ୍ଲଂଘନ। ଏନେଇ ଜବାବ ମାଗିଛନ୍ତି ସୋନାଲି । ବିଜେପି ସରକାର ଆଦିବାସୀଙ୍କ ଖଣିକୁ ଆଦାନୀଙ୍କୁ ଟେକି ଦେଇଛି । ସେବେ ନଡ୍ଡାଙ୍କ ସମ୍ବିଧାନ କୁଆଡେ ଥିଲା ? ଗତ ଦେଢ଼ ମାସ ଧରି ଓଡ଼ିଶାରେ ଏଜି ପଦବୀ ଫାଙ୍କା ଥିଲା ।
ଏହା ସମ୍ବିଧାନର ଉଲ୍ଲଂଘନ ନୁହେଁ କି? ଏକ ଦେଶ ଓ ଏକ ନିର୍ବାଚନ କରିବା ପରିକଳ୍ପନା ସମ୍ବିଧାନ ଉପରେ ପ୍ରଭାବ ପକାଉଛି। ବିଜେପି ମୁହଁରେ ସମ୍ବିଧାନ କଥା ଶୋଭା ପାଏନା । ଏମାନେ ସମ୍ବିଧାନ ତିଆରି ହେବା ବେଳେ ନଥିଲେ କି କୌଣସି ଯୋଗଦାନ ନଥିଲା । ବିଜେପି ଆରଏସଏସ ଏଜେଣ୍ଡାରୁ ବାହାରିପାରୁନି । ଆରଏସଏସ ସମ୍ବିଧାନ ବିରୋଧୀ, ଆରଏସଏସ ଓ ବିଜେପି ଗୋଟିଏ ମୁଦ୍ରାର ଦୁଇଟି ପାର୍ଶ୍ବ,। ବିଜେପି ଦୟାକରି କଂଗ୍ରେସକୁ ସମ୍ବିଧାନ ପାଠ ନ ପଢାଉ । କାହିଁକି ୩୦୦ ୟୁନିଟ ମାଗଣା ବିଜୁଳି ଦେଉନାହାନ୍ତି ? କାହିଁକି ସୁଭଦ୍ରା ଯୋଜନାରେ ୫୦ ହଜାର ଦେଲେନି ? କାହିଁକି ୩୧୦୦ ଟଙ୍କା ଏମଏସପି ଦେଲେନି ? କାହିଁକି ନିଯୁକ୍ତି ଦିଆଯାଉନାହିଁ ? ଏ ସବୁ ପ୍ରଶ୍ନ ଲୋକ ପଚାରିଦେବେ ବୋଲି ସମ୍ବିଧାନ ନାଁ ନେଇ ଲୁଚିବାକୁ ବିଜେପି ଚେଷ୍ଟା କରୁଛି ବୋଲି କଟାକ୍ଷ କରିଛନ୍ତି ସୋନାଲି ।
ଚିତ୍ରୋତ୍ପଳା ନଦୀରେ ବୁଡ଼ି ଛାତ୍ର ନିଖୋଜ
ନନ୍ଦିଘୋଷ ବ୍ୟୁରୋ: କାଳ ସାଜିଲା ନଦୀରେ ପହଁରା । ଚିତ୍ରୋତ୍ପଳା ନଦୀରେ ବୁଡ଼ି ଛାତ୍ର ନିଖୋଜ । ପାଟକୁରା ଥାନା ଗରଦପୁର ବ୍ଲକ ଜଗନ୍ନାଥ ପୁରରେ ଘଟିଛି ଅଘଟଣ । ନିଖୋଜ ଯୁବକ ହେଲେ ୧୮ ବର୍ଷୀୟ କୌଶିକ ସାମନ୍ତରାୟ । ସାଙ୍ଗମାନଙ୍କ ସହ ନଦୀରେ ପହଁରି ଗୋଟିଏ ପାଖରୁ ଆଉ ଗୋଟିଏ ପାଖକୁ ଯିବାବେଳେ କୌଶିକ ବୁଡ଼ିଯାଇ ନିଖୋଜ ହୋଇଯାଇଛନ୍ତି । ଅଗ୍ନିଶମ ବାହିନୀ ଖୋଜାଖୋଜି କରୁଥିଲେ ମଧ୍ଯ ଏଯାଏଁ ତାଙ୍କୁ ଉଦ୍ଧାର କରାଯାଇପାରିନାହିଁ । ଘଟଣାସ୍ଥଳରେ ଅଗ୍ନିଶମ ବାହିନୀ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
୨୦୧୯ ବିଶ୍ବକପକୁ ନେଇ ଏମିତି ପ୍ରଶ୍ନ ଉଠାଇଲେ ସାମି
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଦୃତ ବୋଲର ୨୦୧୯ ବିଶ୍ବକପକୁ ନେଇ ଏକ ପ୍ରଶ୍ନ ଉଠାଇଥିବା ଦେଖିବାକୁ ମିଳିଛି । ସେ ଏକ ଗଣମାଧ୍ୟମକୁ ଇଣ୍ଟରଭିୟ୍ୟୁ ଦେବା ସମୟର ଏକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯେଉଁଥିରେ ସେ କହିଛନ୍ତି କି, ୨୦୧୯ ବିଶ୍ବକପରେ ସେ ୩ଟି ମ୍ୟାଚରେ ୧୩ ଓ୍ବିକେଟ ଅକ୍ତିଆର କରିଥିଲେ । ମାତ୍ର ତାଙ୍କୁ ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ତାଙ୍କୁ ଦଳରେ ସ୍ଥାନ ମିଳିନଥିଲା । ତେବେ ସେ ୨୦୧୯ ବିଶ୍ବକପରେ ୪ଟି ମ୍ୟାଚ ଖେଳି ୧୪ ଓ୍ବିକେଟ ଅକ୍ତିଆର କରିବାରେ ସକ୍ଷମ ହୋଇଥିଲେ । ମାତ୍ର ତାଙ୍କ ଅଧିକ ମ୍ୟାଚ ଖେଳିବାର ସୁଯୋଗ ମିଳିନଥିବା ଅସନ୍ତୋଷ ବ୍ୟକ୍ତ କରିଥିବା ଦେଖିବାକୁ ମିଳିଛି ।
Mohammad Shami taking a dig at kohli-shastri politics for excluding him from 2019 wc semifinal 👏 pic.twitter.com/GJxP78vkrI
— Dev 🇮🇳 (@time__square) July 19, 2024
ପ୍ରକାଶ ପାଇଲା ନିଟ- ୟୁଜି ପରୀକ୍ଷା ଫଳ, ଏନଟିଏ ଓ୍ବେବସାଇଟରେ ରେଜଲ୍ଟ ଉପଲବ୍ଧ
ନୂଆଦିଲ୍ଲୀ: ପ୍ରକାଶ ପାଇଲା ନିଟ- ୟୁଜି ପରୀକ୍ଷା ଫଳ। ନ୍ଯାସନାଲ ଟେଷ୍ଟିଂ ଏଜେନସି ବା ଏନଟିଏ ଓ୍ବେବସାଇଟରେ ଅପଲୋଡ ହେଲା ସମସ୍ତ ପରୀକ୍ଷାର୍ଥୀଙ୍କ ମାର୍କ । ସହରଓ୍ବାରୀ ଓ କେନ୍ଦ୍ରଓ୍ବାରୀ ଏହି ତଥ୍ଯ ଅପଲୋଡ କରାଯାଇଛି । ତେବେ ପ୍ରାର୍ଥୀହ୍କ ପରିଚୟ ଗୋପନ ରଖାଯାଇଛି । ଶନିବାର ଛାତ୍ରଛାତ୍ରୀଙ୍କ ଫଳ ଅପଲୋଡ କରିବା ଲାଗି ଗତ ୧୮ ତାରିଖରେ ଶୁଣାଣି ବେଳେ ଏନଟିଏକୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ ।
ପ୍ରଧାନବିଚାରପତି ଜଷ୍ଟିସ ଡି.ଓ୍ବାଇ. ଚନ୍ଦ୍ରଚୂଡ଼, ଜଷ୍ଟିସ ଜେ.ବି. ପାର୍ଦ୍ଦିଓ୍ବାଲା ଓ ଜଷ୍ଟିସ ମନୋଜ ମିଶ୍ରଙ୍କୁ ନେଇ ଗଠିତ ଖଣ୍ଡପୀଠ ଏନଟିଏକୁ ଏହି ନିର୍ଦ୍ଦେଶ ଦେଇଥିଲେ । ଶୁଣାଣି ବେଳେ ଖଣ୍ଡପୀଠ କହିଥିଲେ ନିଟ ପରିଚାଳନାରେ ସେପରି କିଛି ଅନିୟମିତତା ହୋଇଥିବାର ନଜିର ନ ଆସିଲେ ରିଟେଷ୍ଟ ହୋଇପାରିବ ନାହିଁ ।
ପରୀକ୍ଷା ଦେଇଥିବା ଛାତ୍ରଛାତ୍ରୀଙ୍କ ମାର୍କ କେନ୍ଦ୍ରଓ୍ବାରୀ ପ୍ରକାଶ କରାଯାଇ ନଥିବାରୁ ଏହାକୁ ନେଇ ସୁପ୍ରିମକୋର୍ଟରେ ଆବେଦନ କରାଯାଇଥିଲା । ଏହା ସହ ସମସ୍ତ ପରୀକ୍ଷାର୍ଥୀଙ୍କ ମାର୍କ ବି ବିଭିନ୍ନ କାରଣରୁ ପ୍ରକାଶ କରି ନଥିଲା ଏନଟିଏ । ପରୀକ୍ଷାରେ ସ୍ବଚ୍ଛତା ଲାଗି ଏନଟିଏ ଓ୍ବେବସାଇଟରେ ନିଟ-ୟୁଜି ଫଳ ପ୍ରକାଶ କରାଯାଉ ବୋଲି ଆବେଦନକାରୀ ଦର୍ଶାଇଥିଲେ । କେନ୍ଦ୍ରଓ୍ବାରୀ ଫଳ ପ୍ରକାଶ କରିବାକୁ ସଲିସିଟର ଜେନେରାଲ ତୁଷାର ମେହେଟ୍ଟା ବିରୋଧ କରିଥିଲେ ବି ସୁପ୍ରିମକୋର୍ଟ ତାହା ଗ୍ରହଣ କରି ନଥିଲେ ।
ପ୍ରକାଶ ପାଇଲା ଯୁକ୍ତ ଦୁଇ ପ୍ରଥମ ମେଧା ତାଲିକା, ଆଗରେ ରେଭେନ୍ସା ଉଚ୍ଚ ମାଧ୍ୟମିକ ବିଦ୍ୟାଳୟ
ଭୁବନେଶ୍ବର: ପ୍ରକାଶ ପାଇଲା ଯୁକ୍ତ ଦୁଇ ପ୍ରଥମ ମେଧା ତାଲିକା। ସାମ୍ସ ୱେବସାଇଟରେ କଟ୍ ଅଫ ମାର୍କ ଲିଷ୍ଟ ପ୍ରକାଶ ପାଇଛି। ୨୦୨୪ – ୨୫ ଶିକ୍ଷା ବର୍ଷ ପାଇଁ ପ୍ରକାଶ ପାଇଲା ପ୍ରଥମ ଯୁକ୍ତ ଦୁଇ ମେଧା ତାଲିକା । ମୋଟ ୪ ଲକ୍ଷ ୭୬ ହଜାର ୯୩ ଜଣ ଆବେଦନ କରିଥିଲେ। ୪ ଲକ୍ଷ ୨୬ ହଜାର ୪୭୨ ଜଣଙ୍କ ନାମ ମେଧା ତାଲିକାରେ ଆସିଛି।
ତାଲିକାରୁ ବାଦ ପଡିଛନ୍ତି ୪୯ ହଜାର ୬୨୧ ଜଣ ଛାତ୍ରଛାତ୍ରୀ। କଳାରେ ୨ ଲକ୍ଷ ୭୧ ହଜାର ୪୯୨ ଜଣ, ବିଜ୍ଞାନରେ ୧ ଲକ୍ଷ ୧୭ ହଜାର ୨୭୩ ଜଣ, ବାଣିଜ୍ୟରେ ୨୪ ହଜାର ୩୫୪ ଜଣ, ଉପଶାସ୍ତ୍ରୀ ୮ ହଜାର ୩୭୫ ଜଣ, ଉପଶାସ୍ତ୍ରୀ ୮ ହଜାର ୩୭୫ ଜଣ, ଧନ୍ଦାମୂଳକ ୪ ହଜାର ୯୭୮ ଜଣ ନାମ ଲେଖାଇବା ପାଇଁ ମନୋନୀତ ହୋଇଛନ୍ତି।
ଅଗଷ୍ଟ ୧ ରୁ ଆରମ୍ଭ ହେବ ଯୁକ୍ତ ୨ ପ୍ରଥମ ବର୍ଷ ପାଠପଢା। କଳାରେ ୭୫.୧୭% ସହ ଆଗରେ ରହିଛି ରେଭେନ୍ସା ହାଇୟର୍ ସେକେଣ୍ଡାରୀ ସ୍କୁଲ୍। ବିଜ୍ଞାନରେ ୯୧.୫୦% ସହ ରେଭେନ୍ସା ହାଇୟର ସେକେଣ୍ଡାରୀ ସ୍କୁଲ୍ ଆଗରେ ରହିଛି। ସେହିପରି ବାଣିଜ୍ୟରେ ୭୭% ସହ ରେଭେନ୍ସା ହାଇୟର ସେକେଣ୍ଡାରୀ ସ୍କୁଲ୍ ଆଗରେ ରହିଛି। ଆସନ୍ତା ୨୨ ରୁ ୨୭ ତାରିଖ ପର୍ଯ୍ୟନ୍ତ ହେବ ନାମ ଲେଖା । ନିଜ ପସନ୍ଦର କଲେଜରେ ପଢ଼ିବାକୁ ଇଛୁକ ଛାତ୍ର ଛାତ୍ରୀ ୨୨ ତାରିଖରୁ ୩୦ ତାରିଖ ପର୍ଯ୍ୟନ୍ତ ଚୟନ କରିପାରିବେ। ଆସନ୍ତା ଅଗଷ୍ଟ ୧ ରୁ ପାଠପଢ଼ା ଆରମ୍ଭ ହେବ ।
ପଦ୍ମଶ୍ରୀ କମଳା ପୂଜାରୀଙ୍କ ବିୟୋଗରେ ଶୋକ ପ୍ରକାଶ କଲେ ନବୀନ
ଭୁବନେଶ୍ବର: ପଦ୍ମଶ୍ରୀ କମଳା ପୂଜାରୀଙ୍କ ବିୟୋଗରେ ଶୋକ ପ୍ରକାଶ କଲେ ବିରୋଧୀ ଦଳ ନେତା ନବୀନ ପଟ୍ଟନାୟକ । ନବୀନ ତାଙ୍କ ଶୋକବାର୍ତ୍ତାରେ କହିଛନ୍ତି ଯେ ‘‘ସ୍ବର୍ଗତ କମଳା ପୂଜାରୀ ଆମର ଶତାଧିକ ଦେଶୀ ଧାନ ବିହନ ଗୁଡିକର ପାରମ୍ପରିକ ପଦ୍ଧତିରେ ସଂରକ୍ଷଣ ଓ ଜୈବିକ ଚାଷ ପଦ୍ଧତି ବିଷୟରେ ସଚେତନତା ସୃଷ୍ଟି କରି ଭବିଷ୍ୟତରେ ଖାଦ୍ୟ ନିରାପତ୍ତା ସହିତ ପରିବେଶ ସୁରକ୍ଷା ଦିଗରେ ମହାନ ଅବଦାନ ରଖିଯାଇଛନ୍ତି. ତାଙ୍କ ବିୟୋଗ ସମାଜ ପାଇଁ ପାଇଁ ଏକ ଅପୂରଣୀୟ କ୍ଷତି’’ ।
ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ସଦସ୍ୟଙ୍କ ପ୍ରତି ସମବେଦନା ଜଣାଇଛନ୍ତି ନବୀନ। ଆଜି ସକାଳେ କଟକରେ ଚିକିତ୍ସାଧୀନ ଅବସ୍ଥାରେ ପ୍ରାଣତ୍ୟାଗ କରିଥିଲେ ପଦ୍ମଶ୍ରୀ କମଳା ପୂଜାରୀ ।