ପୁରୀ: ନିର୍ଦ୍ଧାରିତ ସମୟରେ ଖୋଲିଲା ଶ୍ରୀମନ୍ଦିର ରତ୍ନଭଣ୍ଡାର । ଦିନ ୧ଟା ୨୮ରେ ରତ୍ନଭଣ୍ଡାର ଖୋଲିଛି । ପ୍ରଥମେ ବାହାର ରତ୍ନଭଣ୍ଡାର ଖୋଲାଯାଇଛି । ଆଜି କୌଣସି ରତ୍ନ ଗଣତି ମଣତି ହେବନାହିଁ । ରତ୍ନଭଣ୍ଡାରକୁ ଯାଇଥିବା ଟିମ୍ ଆଜି କେବଳ ବାହାର ରତ୍ନଭଣ୍ଡାର ଯାଞ୍ଚ କରିବେ ।

ବାବା ଲୋକନାଥଙ୍କ ଆଜ୍ଞାମାଳ ଆସିବା ପରେ ବସିଥିଲା ରତ୍ନଭଣ୍ଡାର ତଦାରଖ କମିଟି ବୈଠକ । ନିଷ୍ପତ୍ତି ଅନୁସାରେ ଦିନ ୧୨ଟାରେ ରତ୍ନଭଣ୍ଡାର ଖୋଲିବା ପ୍ରକ୍ରିୟ ଆରମ୍ଭ ହୋଇଥିଲା । ଯାଞ୍ଚ ପାଇଁ ତଦାରଖ କମିଟିର ୧୧ ଜଣିଆ ଟିମ୍ ରତ୍ନଭଣ୍ଡାର ଅଭିମୁଖେ ବାହାରି ଥିଲେ । ତଡଉକରଣ, ଦେଉଳକରଣ, ଭଣ୍ଡାରମେକାପ, ମୁଖ୍ୟ ପ୍ରଶାସକଙ୍କ ସହ ଜିଲ୍ଲାପାଳ ରତ୍ନଭଣ୍ଡାର ଭିତରକୁ ଯାଇଛନ୍ତି । ଏଥିସହ ଉଚ୍ଚସ୍ତରୀୟ କମିଟିରୁ ୨ ଜଣ ଜଷ୍ଟିସ୍ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ରତ୍ନଭଣ୍ଡାର ଭିତରକୁ ଯାଇଛନ୍ତି ।

ଏହା ପୂର୍ବରୁ ଟ୍ରେଜେରୀରେ ଥିବା ଚାବିକୁ ଅଧିକୃତ ଅଧିକାରୀଙ୍କୁ ପ୍ରଦାନ କରାଯାଇଥିଲା । ରତ୍ନଭଣ୍ଡାର ଖୋଲୁଥିବାରୁ ଶ୍ରଦ୍ଧାଳୁଙ୍କ ପାଇଁ ଶ୍ରୀମନ୍ଦିର ଦର୍ଶନ ବନ୍ଦ ରଖାଯାଇଛି । ରତ୍ନଭଣ୍ଡାର ତଦାରଖ କରାଯିବା ସମୟରେ ସାମୟିକ ଭାବେ ଶ୍ରୀମନ୍ଦିରରେ କଟକଣା ଲାଗୁ କରାଯାଇଛି । ସିଂହଦ୍ବାରକୁ ଛାଡି ବାକି ୩ ଦ୍ବାର ବନ୍ଦ କରିଦିଆଯାଇଛି । ଯେଉଁମାନେ ଅଧିକୃତ ସେବା ପୂଜାରେ ନିୟୋଜିତ ଅଛନ୍ତି, ସେମାନେ ସେବା କରିପାରିବେ । ପୋଲିସର ସୁରକ୍ଷା ବଳୟରେ ଏବେ ଶ୍ରୀମନ୍ଦିର ରହିଛି  l ସୁରକ୍ଷା ବ୍ୟବସ୍ଥାରେ ୫ ପ୍ଲାଟୁନ ଫୋର୍ସ ଶ୍ରୀମନ୍ଦିର ଚାରିପାଖରେ ଅଛନ୍ତି l ଭିତର ଶୋଧ ପରେ ରତ୍ନଭଣ୍ଡାର କମିଟି ଟିମ ଭିତରକୁ ପ୍ରବେଶ କରିଥିଲେ । ରତ୍ନଭଣ୍ଡାର ଖୋଲାଯିବା ପରେ ସମସ୍ତ ପ୍ରକ୍ରିୟାର ଭିଡିଓଗ୍ରାଫି କରାଯିବ । ରତ୍ନଭଣ୍ଡାରରେ ଥିବା ରତ୍ନକୁ ଅସ୍ଥାୟୀ ଷ୍ଟ୍ରଙ୍ଗରୁମକୁ ସ୍ଥାନାନ୍ତର କରାଯିବ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଅନ୍ୟପଟେ ରତ୍ନଭଣ୍ଡାର ଖୋଲିବା ପାଇଁ ଆବଶ୍ୟକୀୟ ସରଞ୍ଜାମ ଭିତରକୁ ନିଆଯାଇଛି ।

ପୁରୀ: ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର । ଦିନ ୧ଟା ୨୮ରେ ଖୋଲିବ ରତ୍ନଭଣ୍ଡାର । ଯାଞ୍ଚ ପାଇଁ ତଦାରଖ କମିଟିର ୧୧ ଜଣିଆ ଟିମ୍ ରତ୍ନଭଣ୍ଡାର ଭିତରକୁ ଯାଇଛନ୍ତି । ତଡଉକରଣ, ଦେଉଳକରଣ, ଭଣ୍ଡାରମେକାପ, ମୁଖ୍ୟ ପ୍ରଶାସକଙ୍କ ସହ ଜିଲ୍ଲାପାଳ ରତ୍ନଭଣ୍ଡାର ଭିତରକୁ ଯାଇଛନ୍ତି । ଏଥିସହ ଉଚ୍ଚସ୍ତରୀୟ କମିଟିରୁ ୨ ଜଣ ଜଷ୍ଟିସ୍ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ରତ୍ନଭଣ୍ଡାର ଭିତରକୁ ଯାଇଛନ୍ତି ।

ଟ୍ରେଜେରୀରେ ଥିବା ଚାବିକୁ ଅଧିକୃତ ଅଧିକାରୀଙ୍କୁ ପ୍ରଦାନ କରାଯାଇଛି । ଏଥିପାଇଁ ସମସ୍ତ ବ୍ୟବସ୍ଥା କରାଯାଇଛି । ରତ୍ନଭଣ୍ଡାର ଖୋଲୁ ଥିବାରୁ ଶ୍ରୀମନ୍ଦିର ଦର୍ଶନକୁ ବନ୍ଦ ରଖାଯାଇଛି । ରତ୍ନଭଣ୍ଡାର ଖୋଲିବା ପୂର୍ବରୁ ବାବା ଲୋକନାଥଙ୍କ ପାଖରୁ ଶ୍ରୀମନ୍ଦିରକୁ ଆସିଥିଲା ଆଜ୍ଞାମାଳ । ରତ୍ନଭଣ୍ଡାର ଖୋଲିବା ପୂର୍ବରୁ ଲୋକନାଥଙ୍କ ପାଖରେ ବ୍ରାହ୍ମଣଙ୍କ ଦ୍ଵାରା ପୂଜାର୍ଚ୍ଚନା କରାଯାଇଥିଲା । ରତ୍ନଭଣ୍ଡାର ଖୋଲିବା ସମୟରେ ଉପସ୍ଥିତ ରହିବେ ସ୍ନେକ ହେଲ୍ପ ଲାଇନ୍ ସଦସ୍ୟ ।

ରତ୍ନଭଣ୍ଡାର ତଦାରଖ କରାଯିବା ସମୟରେ ସାମୟିକ ଭାବେ କଟକଣା ରହିଛି । ସିଂହଦ୍ବାର ଛାଡି ବାକି ୩ ଦ୍ବାର ବନ୍ଦ ରହିବ । ଯେଉଁମାନେ ଅଧିକୃତ ସେବା ପୂଜାରେ ନିୟୋଜିତ ଅଛନ୍ତି, ସେମାନେ ସେବା କରିପାରିବେ । ପୋଲିସର ସୁରକ୍ଷା ବଳୟରେ ଏବେ ଶ୍ରୀମନ୍ଦିର ରହିଛି  l ସୁରକ୍ଷା ବ୍ୟବସ୍ଥାରେ ୫ ପ୍ଲାଟୁନ ଫୋର୍ସ ଶ୍ରୀମନ୍ଦିର ଚାରିପାଖରେ ଅଛନ୍ତି l ଭିତର ଶୋଧ ପରେ ରତ୍ନଭଣ୍ଡାର କମିଟି ଟିମ ଭିତରକୁ ପ୍ରବେଶ କରିଛନ୍ତି । ରତ୍ନଭଣ୍ଡାର ଖୋଲାଯିବା ପରେ ସବୁ ପର୍ଯ୍ୟାୟ କ୍ରମାଗତ ଭାବେ କରାଯିବ । ଆଜି କେବଳ ରତ୍ନଭଣ୍ଡାର ଖୋଲାଯିବ । ରତ୍ନର ଗଣତି ମଣତି ହେବ ନାହିଁ । କେବଳ ରତ୍ନକୁ ସ୍ଥାନାନ୍ତର କରାଯିବ । ସମସ୍ତ ପ୍ରକ୍ରିୟାର ଭିଡିଓଗ୍ରାଫି କରାଯିବ । ରତ୍ନଭଣ୍ଡାରରେ ଥିବା ରତ୍ନକୁ ଅସ୍ଥାୟୀ ଷ୍ଟ୍ରଙ୍ଗରୁମକୁ ସ୍ଥାନାନ୍ତର କରାଯିବ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଅନ୍ୟପଟେ ରତ୍ନଭଣ୍ଡାର ଖୋଲିବା ପାଇଁ ଆବଶ୍ୟକୀୟ ସରଞ୍ଜାମ ଭିତରକୁ ନିଆଯାଇଛି ।

ପୁରୀ: ସରିଲା ରତ୍ନଭଣ୍ଡାର ତଦାରଖ କମିଟି ବୈଠକ । ବୈଠକ ପରେ ସବିଶେଷ ସୂଚନା ଦେଲେ ରତ୍ନଭଣ୍ଡାର ତଦାରଖ କମିଟି ଅଧ୍ୟକ୍ଷ ଜଷ୍ଟିସ୍ ବିଶ୍ବନଥ ରଥ । କହିଲେ, ଭଣ୍ଡାର ଭିତରକୁ ଯିବେ ୧୧ ସଦସ୍ୟ । ୧୨ରେ ଶ୍ରୀମନ୍ଦିର ପ୍ରବେଶ ଓ ଗୋଟାଏ ୨୮ରୁ ଶୁଭ ମୁହୂର୍ତ୍ତ ଆରମ୍ଭ ।

ବୈଠକ ପରେ ତଦାରଖ କମିଟି ଅଧ୍ୟକ୍ଷ ରଥ କହିଛନ୍ତି, ଅପରାହ୍ନ ଗୋଟାଏ ୨୮ରୁ ଶୁଭ ମୁହୂର୍ତ୍ତ ଆରମ୍ଭ ହେଉଛି । ଏହା ପୂର୍ବରୁ ଦିନ ୧୨ଟାରେ କମିଟି ସଦସ୍ୟ ଶ୍ରୀମନ୍ଦିର ଭିତରକୁ ପ୍ରବେଶ କରିବେ । ମୋଟ ୧୧ ଜଣ ସଦସ୍ୟ ରତ୍ନଭଣ୍ଡାର ମଧ୍ୟକୁ ପ୍ରବେଶ କରିବେ । ଜଷ୍ଟିସ ରଥଙ୍କ ସମେତ ଡକ୍ତର ସିବିକେ ମହାନ୍ତି ରତ୍ନଭଣ୍ଡାର ଭିତରକୁ ଯିବେ । ଅନ୍ୟ କମିଟିର ୯ ଜଣ ସଦସ୍ୟ ଭଣ୍ଡାର ଭିତରକୁ ପ୍ରବେଶ କରିବେ । ଏହି ୯ ସଦସ୍ୟ ବାହାର ଭଣ୍ଡାରକୁ କେବଳ ପ୍ରବେଶ କରିପାରିବେ । ଜଷ୍ଟିସ ରଥ ଏବଂ ଡକ୍ତର ମହାନ୍ତି କେବଳ ଭିତର ଭଣ୍ଡାର ମଧ୍ୟକୁ ପ୍ରବେଶ କରିବେ ।

ପୁରୀ: ଆଜ୍ଞାମାଳ ଆସିବା ପରେ ଆରମ୍ଭ ହୋଇଯାଇଛି ଶ୍ରୀମନ୍ଦିର ରତ୍ନଭଣ୍ଡାର ଖୋଲାଯିବା ପ୍ରକ୍ରିୟା । ଏପଟେ ରତ୍ନଭଣ୍ଡାର ତଦାରଖ କମିଟିର ବୈଠକ ଚାଲିଛି । ତଦାରଖ କମିଟି ଅଧ୍ୟକ୍ଷ ବିଶ୍ବାନାଥ ରଥଙ୍କ ଅଧ୍ୟକ୍ଷତାରେ ବୈଠକ ବସିଥିବା ବେଳେ ରତ୍ନଭଣ୍ଡାର ଖୋଲାଯିବା ନେଇ ଚୂଡ଼ାନ୍ତ ଆଲୋଚନା ହେଉଛି । ସେପଟେ ରତ୍ନଭଣ୍ଡାର ଖୋଲିବା ପୂର୍ବରୁ ଶ୍ରୀମନ୍ଦିରରେ ସ୍ନେକ ହେଲ୍ପ ଲାଇନ୍ ସଦସ୍ୟଙ୍କୁ ଦେଖିବାକୁ ମିଳିଛି । ଏହାସହ ଭଣ୍ଡାର ଖୋଲାଯିବା ବେଳେ ସିଂହଦ୍ବାରା ବ୍ୟତୀତ ଅନ୍ର ତିନି ଦ୍ବାରା ବନ୍ଦ ରହିବ ବୋଲି ଜଣାପଡିଛି ।

ରତ୍ନଭଣ୍ଡାର ଖୋଲାଯିବା ବେଳେ ସ୍ନେକ ହେଲ୍ପ ଲାଇନ୍ ସଦସ୍ୟ ଘଟଣା ସ୍ଥଳରେ ଉପସ୍ଥିତ ରହିବେ । କାରଣ ଦୀର୍ଘ ବର୍ଷ ହେଲା ରତ୍ନଭଣ୍ଡାର ଖୋଲା ଯାଇ ନଥିବାରୁ ସେଥିରେ ସାପଙ୍କ ବାସ୍ ଥିବା ଆଶଙ୍କା କରାଯାଉଛି । ସେଥିପାଇଁ ସୁରକ୍ଷା ଦୃଷ୍ଟିରୁ ସେ୍ନକ ହେଲ୍ପ ଲାଇନ୍ ସଦସ୍ୟଙ୍କୁ ନିୟୋଜିତ କରାଯାଇଛି । ସ୍ନେକ ହେଲ୍ପ ଲାଇନର ସଦସ୍ୟମାନେ ଶ୍ରୀମନ୍ଦିରରେ ପହଞ୍ଚି ମହାପ୍ରଭୁଙ୍କୁ ମୁଣ୍ଡିଆ ମାରିବା ସହ ଯାହା ଦାୟିତ୍ବ ମିଳିବ ସୂଚାରୁରୂପ ସମ୍ପାଦନ କରିବେ ବୋଲି କହିଛନ୍ତି ।

ସେହିପରି ରତ୍ନଭଣ୍ଡାର ତଦାରଖ କରାଯିବା ସମୟରେ ସାମୟିକ ଭାବେ କଟକଣା ରହିବ । ସିଂହଦ୍ବାର ଛାଡି ବାକି ୩ ଦ୍ବାର ବନ୍ଦ ରହିବ । ଯେଉଁମାନେ ଅଧିକୃତ ସେବା ପୂଜାରେ ନିୟୋଜିତ ଅଛନ୍ତି, ସେମାନେ ସେବା କରିପାରିବେ । ଏହାସହ ଯେଉଁମାନେ ଚିଠା ଅନୁସାରେ ମନ୍ଦିରକୁ ପ୍ରବେଶ କରିବେ, ସେମାନଙ୍କୁ ଯାଞ୍ଚ କରିବେ ଏସପି ଓ ପୋଲିସ ।

ଏପଟେ ଯାଞ୍ଚ କମିଟି ଅଧ୍ୟକ୍ଷ ବିଶ୍ବନାଥ ରଥ କହିଛନ୍ତି, ଆଖି ଦେଖିବ ମୁଣ୍ଡକୁ ଯିବ, ତୁଣ୍ଡକୁ ଆସିବନି କି ହାତକୁ ଆସିବନି । ରତ୍ନଭଣ୍ଡାର ଖୋଲାଯିବା ପରେ ସବୁ ପର୍ଯ୍ୟାୟ କ୍ରମାଗତ ଭାବେ କରାଯିବ । ରତ୍ନଭଣ୍ଡାର ଭିତରକୁ ଯିବାଠୁ ଗଣତି ପର୍ଯ୍ୟନ୍ତ ସବୁ କାର୍ଯ୍ୟ ସତର୍କତାର ସହ କରାଯିବ । ଏହାକୁ ମହାପ୍ରଭୁଙ୍କ ସ୍ବତନ୍ତ୍ର ନୀତି ଭାବେ ପରିଗଣିତ କରାଯିବ । ଅତି ନିଖୁଣ ଭାବେ ଅଳଙ୍କାରର ଗଣତି କରାଯିବ । ଗଣତି ମଣତି ପ୍ରକ୍ରିୟାରେ ସମ୍ପୂର୍ଣ୍ଣ ସ୍ବଚ୍ଛତା ରହିବ । ଗଣତି କାର୍ଯ୍ୟରେ ରିଜର୍ଭ ବ୍ଯାଙ୍କ ଅଫ ଇଣ୍ଡିଆର ପ୍ରତିନିଧି ରହିବେ । ପକ୍ରିୟାର ସୁପରିଚାଳନା ପାଇଁ ଶ୍ରୀମନ୍ଦିର ମୁଖ୍ଯ ପ୍ରଶାସକଙ୍କୁ ଦାୟିତ୍ବ ପ୍ରଦାନ କରାଯାଇଛି । ପ୍ରଭୁଙ୍କର ପ୍ରତିଟି ଅଳଙ୍କାରର ସଂଖ୍ଯା, ଓଜନ ଓ ମାନର ଡିଜିଟାଲ ଲାଇବ୍ରେରୀ ହେବ । ଆଗାମୀ ଦିନ ପାଇଁ ଏକ ଡିଜିଟାଲ ଡକ୍ଯୁମେଣ୍ଟ ପ୍ରସ୍ତୁତ କରାଯିବ । ଫଳରେ ଆଗାମୀ ଦିନରେ ରତ୍ନଭଣ୍ଡାର ଗଣତି ସମୟରେ ଏହା ସହାୟକ ହେବ । ଏସଓପି ବାବଦରେ ଶ୍ରୀମନ୍ଦିର ପ୍ରଶାସନକୁ ସ୍ପଷ୍ଟ ଚିତ୍ର ଦିଆଯାଇଛି । ବିଶେଷ ବିଶେଷଜ୍ଞ ଟିମ୍ ରତ୍ନଭଣ୍ଡାର ଭିତରକୁ ଯିବେ । କେଉଁ କାମ ପାଇଁ କେଉଁ ଟିମ୍ ଯିବ ଧାର୍ଯ୍ୟ ହୋଇଛି । ସେହି ଆଧାରରେ ସେମାନଙ୍କୁ ଏସଓପି ପ୍ରଦାନ କରାଯାଇଛି ।