ବ୍ରହ୍ମଗିରି: ପୁରୀ ପରିକ୍ରମା ପ୍ରକଳ୍ପକୁ ନେଇ ବିଜେପିକୁ ଧୋଇଲେ କାର୍ତ୍ତିକ ପାଣ୍ଡିଆନ । ବ୍ରହ୍ମଗିରିରେ ନିର୍ବାଚନ ପ୍ରଚାର କାଳରେ ବିଜେପିର ଅପପ୍ରଚାର ଉପରେ ଜୋରଦାର ଆକ୍ରମଣ କଲେ ପାଣ୍ଡିଆନ । କହିଲେ,ପରିକ୍ରମା ପ୍ରକଳ୍ପ ନେଇ ମିଛ କହୁଛନ୍ତି ବିଜେପି ନେତା । ପ୍ରକଳ୍ପରେ ୪ ହଜାର କୋଟି ଟଙ୍କା ଖର୍ଚ୍ଚ ହୋଇଛି ବୋଲି ବିଜେପି କହୁଛି । କିନ୍ତୁ ପ୍ରକଳ୍ପରେ ଖର୍ଚ୍ଚ ହୋଇଛି ୩୫୦ କୋଟି ଟଙ୍କା ।
ଓଡ଼ିଶାରେ ବିଜେପିର ମିଛ ପ୍ରଚାର ଚାଲିବ ନାହିଁ । ଯେଉଁ ରାଜ୍ୟକୁ ଯାଉଛନ୍ତି ସେହି ରାଜ୍ୟକୁ ଏକ ନମ୍ବର କରିବାକୁ କହୁଛନ୍ତି ବିଜେପି ନେତା । ପ୍ରଥମେ ସେମାନେ କେଉଁ ରାଜ୍ୟକୁ ଏକ ନମ୍ବର କରିବେ ତାହାର ନିଷ୍ପତି ନିଅନ୍ତୁ । ମୁଖ୍ୟମନ୍ତ୍ରୀଙ୍କ ରୂପାନ୍ତରଣ କାର୍ଯ୍ୟରେ ବିରୋଧୀଙ୍କ ମୁଣ୍ଡ କାମ କରୁନି । ତେଣୁ ସେମାନେ ଛାନିଆ ହୋଇଯାଇଛନ୍ତି । ବିଜେଡ଼ିର ମାଗଣା ବିଜୁଳି ପ୍ରତିଶ୍ରୁତି ମଧ୍ୟ ବିଜେପିକୁ ଝଟକା ଦେଇଛି ବୋଲି କହିଛନ୍ତି କାର୍ତ୍ତିକ ପାଣ୍ଡିଆନ ।
