ଭୁବନେଶ୍ୱର : ସାଧାରଣ ନିର୍ବାଚନ ପାଇଁ ବଢୁଛି ତାତି । ସଭିଙ୍କ ନଜର ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସର ପ୍ରାର୍ଥୀଙ୍କ ଉପରେ । ଆସନ୍ତୁ ନଜର ପକାଇବା କେଉଁ ଦଳ କେତେ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି । ଆଜି ବିଜେଡିର ଆଉ ୯ ଜଣ ପ୍ରାର୍ଥୀଙ୍କର ନାଁ ଘୋଷଣା କରିଛି । ପୂର୍ବରୁ ଦଳ ୧୨୬ ଜଣଙ୍କ ନାଁ ଘୋଷଣା କରିଥିବାବେଳେ ଆଜିର ୯ ଜଣଙ୍କୁ ମିଶାଇ ତାଲିକା ୧୩୫କୁ ବୃଦ୍ଧି ପାଇଛି । ଅନ୍ଯପଟେ କଂଗ୍ରେସ ଏଯାଏଁ ୧୨୮ଜଣଙ୍କ ନାଁ ଘୋଷଣା କରିଛି । ବିଜେପି ଏଯାଏଁ ୧୩୧ ପ୍ରାର୍ଥୀଙ୍କ ନାଁ ଘୋଷଣା କରିଛି । ବିଜେଡି ଆହୁରି ୧୨ ଆସନରେ ପ୍ରାର୍ଥୀ ଦେବାକୁ ବାକି ଥିବାବେଳେ ବିଜେପି ଆଉ ୧୬ଟି ଆସନରେ ଏବଂ କଂଗ୍ରେସ ୩୧ ଆସନରେ ପ୍ରାର୍ଥୀ ଦେବାକୁ ବାକି ଅଛି ।
ଦକ୍ଷିଣରୁ ପଶ୍ଚିମ ସବୁଠି ବିଜେଡିରେ ସାମିଲ ହେଉଛନ୍ତି ଏକାଧିକ ନେତା, ଶହ ଶହ କର୍ମୀ
ନନ୍ଦିଘୋଷ ବ୍ୟୁରୋ : ବିଜେଡିରେ ମିଶିଲେ ଗଜପତି ଜିଲ୍ଲା ପାରଳାଖେମୁଣ୍ଡି ବିଧାନସଭା ନିର୍ବାଚନମଣ୍ଡଳୀ, ଗୁମ୍ମା ଓ କାଶୀନଗର ବ୍ଲକର ନେତା ଚନ୍ଦ୍ର ସାହୁକାର ଏବଂ ଶତାଧିକ ନେତା ତଥା କର୍ମୀ। ସମସ୍ତଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସାଂଗଠନିକ ସମ୍ପାଦକ ପ୍ରଣବ ପ୍ରକାଶଙ୍କ ପକ୍ଷରୁ ସାଂସଦ ସସ୍ମିତ ପାତ୍ର ସ୍ୱାଗତ କରିଥିଲେ । ସମସ୍ତେ କହିଥିଲେ, ଅଞ୍ଚଳରେ ଆହୁରି ଶକ୍ତିଶାଳୀ ହେବ ବିଜେଡି । ମୁଖ୍ୟମନ୍ତ୍ରୀଙ୍କ ହାତମୁଠା ଟାଣ ହେବ। ମୁଖ୍ୟମନ୍ତ୍ରୀଙ୍କ ଜନ୍ମରୁ ମୃତ୍ୟୁ ଯାଏଁ ଯୋଜନାରେ ସମସ୍ତେ ଅନୁପ୍ରାଣିତ । ନିର୍ବାଚନରେ ବଡ଼ ବ୍ୟବଧାନରେ ବିଜେଡିକୁ ଜିତାଇବାକୁ ଚେଷ୍ଟା କରିବୁ। ବିଜୁବାବୁଙ୍କର ଗଜପତି ଜିଲ୍ଲା ସହ ସଂପର୍କ ବହୁ ନିବିଡ଼ ଥିଲା। ଏବେ ନବୀନ ବାବୁଙ୍କ ସମୟରେ ଗଜପତି ଜିଲ୍ଲାର ଆହୁରି ଉନ୍ନତି ହେବ । ସେହିପରି ବିଜେଡିରେ ମିଶିଛନ୍ତି ଟିଟିଲାଗଡ଼ ନିର୍ବାଚନ ମଣ୍ଡଳୀର ବିଜେପି ଛାଡ଼ିଥିବା ଅନେକ ନେତା। ସେମାନେ ହେଲେ ମୁକେଶ ଜୈନ, ଅଶୋକ ମିଶ୍ର, ତପନ, ବିଜୟ, ବିବେକ ବେହେରା, ପଦ୍ମଲୋଚନ, ପ୍ରଶାନ୍ତ ମହାନ୍ତି, ନରସିଂହ ସିଂ, ବିପିନ ଠାକୁର, ଆକାଶ ମଣ୍ଡଳ, ରାଜା ନାଗ, ରାଜା ଖାନ, ମନୋଜ ନାୟକ, ପିନାକ ସାହୁ, ଦେବେନ୍ଦ୍ର ସାହୁଙ୍କ ସମେତ ଅନେକ ନେତା। ସମସ୍ତଙ୍କୁ ଶଙ୍ଖ ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ଦଳକୁ ସ୍ୱାଗତ କରିଥିଲେ ସାଂସଦ ସସ୍ମିତ ପାତ୍ର। ଟିଟିଲାଗଡ଼ ବିଧାୟିକା ଟୁକୁନି ସାହୁ ଉପସ୍ଥିତ ଥିଲେ। ଟିଟିଲାଗଡ଼ର ବିକାଶରେ କାମ କରିବାକୁ ସମସ୍ତେ ବିଜେଡିକୁ ଆସିଛନ୍ତି। ମୁଖ୍ୟମନ୍ତ୍ରୀଙ୍କ କାର୍ଯ୍ୟଧାରା ଦେଖି ସମସ୍ତେ ଆସିଛନ୍ତି ଓ ବିଜେଡିକୁ ସୁଦଢ଼ କରିବା ସହ ବିକାଶ କାମକୁ ଆଗକୁ ନେବେ।
ବଡ଼ଚଣାରୁ ପ୍ରାର୍ଥୀ ହେବା ପରେ କଣ କହିଲେ ବର୍ଷା ଜାଣନ୍ତୁ ?
ଭୁବନେଶ୍ବର: ବିଧାନସଭା ନିର୍ବାଚନ ପାଇଁ ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକାରେ ବର୍ଷା ପ୍ରିୟଦର୍ଶିନୀଙ୍କ ନାମରେ ମୋହର ମାରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଯାଜପୁର ବଡ଼ଚଣା ନିର୍ବାଚନ ମଣ୍ଡଳୀରୁ ବର୍ଷାଙ୍କୁ ଯୋଦ୍ଧା କରିଛି ବିଜୁ ଜନତା ଦଳ । ଗତକାଲି ଶଙ୍ଖ ଭବନେର ବିଜେଡିରେ ମିଶିଥିଲେ ବର୍ଷା । ଏହାର ଦିନକ ପରେ ଅର୍ଥାତ ଆଜି ବିଜେଡି ବର୍ଷାଙ୍କୁ ମୈଦାନକୁ ଛାଡିଛି । ପ୍ରାର୍ଥୀହେବାପରେ କଟକ ଚଣ୍ଡୀ ମନ୍ଦିର ଯାଇ ମାଙ୍କ ନିକଟରେ ପୂଜାର୍ଚ୍ଚନା କରିଥିଲେ । ବର୍ଷା ତାଙ୍କ ପ୍ରାଥମିକ ପ୍ରତିକ୍ରିୟାରେ ସେ କହିଛନ୍ତି ମୁଖ୍ୟମନ୍ତ୍ରୀ ମୋପ୍ରତି ଆସ୍ଥା ପ୍ରକଟ କରିଥିବାରୁ କୃତଜ୍ଞତା ଜଣାଉଛି । ମୁଖମନ୍ତ୍ରୀଙ୍କ ବିଶ୍ଵାସ ଓ ଭରସାକୁ ସମ୍ମାନ ଜଣାଉଛି ଆଗାମି ଦିନରେ ତାଙ୍କର ଏହି ବିଶ୍ୱାସକୁ ଅତୁଟ ରଖିବି । ବଡ଼ଚଣା ମଟିର ସମସ୍ଥ ମା’ ମାଉସୀଙ୍କୁ ଭୁମିଷ୍ଠ ପ୍ରଣାମ ଜଣାଉଛି ସେମାନଙ୍କର ସୁଖ, ଦୁଖଃରେ ଛିଡ଼ା ହେବି । ଶତ ପ୍ରତିଶତ ନୁହେଁ ହଜାର ପ୍ରତିଶତ ଚେଷ୍ଟା ଜାରି ରଖିବି ବଡ଼ଚଣାର ବିକାଶ ପାଇଁ । ସରକାରଙ୍କ ବିକାଶମୂଳକ କାର୍ଯ୍ୟ ଲୋକଙ୍କ ନିକଟରେ ପହଞ୍ଚାଇବି । ମହିଳା ସଶକ୍ତି କରଣକୁ ଆହୁରି କେମିତି ଆଗକୁ ନିଆଯାଇପାରିବ ସେଥିପାଇଁ ଗୁରୁତ୍ବ ଦେବି ।
ଶିଳ୍ପ ବିକାଶ ଧାରାରେ ଶ୍ରମିକ ମାନଙ୍କର ଭୂମିକାକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା
ସମ୍ବଲପୁର : ଦୈନିକ ମଜୁରୀରେ ୩୪୬ ଟଙ୍କାରୁ ୪୫୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିଛନ୍ତି ମୁଖ୍ୟମନ୍ତ୍ରୀ । ୫୦ ବର୍ଷ ମଧ୍ୟରେ ଏକକାଳୀନ ଦୈନିକ ମଜୁରୀ ୧୦୦ ଟଙ୍କା ବୃଦ୍ଧି କରି ନବୀନ ରଚିଛନ୍ତି ଇତିହାସ । ଏନେଇ ଆଜି ସମ୍ବଲପୁର ଠାରେ ଏକ ସାମ୍ବାଦିକ ସମିଳନୀରେ ବିଜୁ ଶ୍ରମିକ ସାମୁଖ୍ୟର ମହା ସଚିବ ତଥା କଟକ ମେୟର ସୁବାସ ସିଂହ ପ୍ରକାଶ କରିଛନ୍ତି । ଏହାଦ୍ବାରା ସବୁ ସ୍ତରର ପ୍ରାୟ ଏକ କୋଟି ଶ୍ରମିକ ଉପକୃତ ହେବେ। ବିଶେଷ କରି ମୁନ୍ସିପାଲଟି ରେ କାର୍ଯ୍ୟରତ ଶ୍ରମିକ, ବିଦୂତ ବିଭାଗରେ କାର୍ଯ୍ୟରତ ଶ୍ରମିକ, ପରିବହନ ବିଭାଗରେ କାର୍ଯ୍ୟରତ ଶ୍ରମିକ, ବିଭିର୍ଣ୍ଣ କମ୍ପାନୀ ଓ ଘରୋଇ ସଂସ୍ଥାରେ କାର୍ଯ୍ୟରତ ଶ୍ରମିକ ଏହା ଦ୍ବାରା ଉପକୃତ ହେବେ l ମୁଖ୍ୟମନ୍ତ୍ରୀ ନବୀନ ପଟନାୟକ ଙ୍କ ” ନୂଆ ଓଡିଶା ରାଜ୍ୟ ତମାମ ରୂପାନ୍ତରୀକରଣ, ଶିଳ୍ପ ବିକାଶ ଧାରାରେ ଶ୍ରମିକ ମାନଙ୍କର ଭୂମିକା ସବୁଠାରୁ ପ୍ରଶଂସନୀୟ । ସେମାଙ୍କର ମଜୁରୀ ଓ ସାମାଜିକ ସୁରକ୍ଷା ଯୋଗାଇବା ସବୁଠାରୁ ଗୁରୁତ୍ବପୂର୍ଣ ପ୍ରସଙ୍ଗ। ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା “ମା” ମାନଙ୍କ ପାଇଁ ଏବଂ ଶ୍ରମିକ ଶ୍ରେଣୀର ଲୋକଙ୍କ ପାଇଁ ଏକ ବଡ଼ ସୁରକ୍ଷା ପ୍ରଦାନ କରିପାରିଛି । ନିର୍ମାଣ ଶ୍ରମିକ କଲ୍ୟାଣ ଯୋଜନାରେ ସମଗ୍ର ରାଜ୍ୟରେ ଆଜି ସୁଦ୍ଧା ୪୨ଲକ୍ଷ ୪୮ ହଜାର ଶ୍ରମିକ ପଂଜିକୃତ ହୋଇଛନ୍ତି ।
ସେମାଙ୍କୁ ବିଭିର୍ଣ୍ଣ ଯୋଜନାରେ ୩ ହଜାର ୫୨୪ କୋଟି ଟଙ୍କାର ସହାୟତା ପ୍ରଦାନ କରାଯାଇପାରିଛି l ଅଣ ସଂଗଠିତ ଶ୍ରମିକ କଲ୍ୟାଣ ବୋର୍ଡ଼ ଗଠନ କରାଯାଇ ସବୁ ସ୍ତରରେ ଶ୍ରମିକ ଏପରିକ ଡୋମେସ୍ଟିକ ଶ୍ରମିକ ପର୍ଯ୍ୟନ୍ତ ସାମାଜିକ ସୁରକ୍ଷା ପ୍ରଦାନ କରାଯାଇଅଛି। ଓଡ଼ିଶାରେ ପରିବହନ କ୍ଷେତ୍ରରେ କାର୍ଯ୍ୟରତ ସବୁ ପ୍ରକାର ଚାଳକ ଓ ଶ୍ରମିକ ମାନଙ୍କୁ ସାମାଜିକ ସୁରକ୍ଷା ଯୋଗାଇଦେବା ପାଇଁ ସ୍ବତନ୍ତ୍ର କଲ୍ୟାଣ ବୋର୍ଡ଼ ଗଠନ କରାଯାଇ ବିଭିର୍ଣ୍ଣ ସୁବିଧା ସୁଯୋଗ ପ୍ରଦାନ କରାଯାଇପାରୁଅଛି l କେନ୍ଦୁ ପତ୍ର ତୋଳାଳୀ ଓ ବୁଣାକାର ମାନଙ୍କୁ ସବୁ ପ୍ରକାର ସହାୟତା ପ୍ରଦାନ କରାଯାଇଛି । ଚଳିତ ବର୍ଷ ୫୦ ଭାଗ ରାଶି ବୃଦ୍ଧି କରାଯାଇ ଅଛି ।
ରାଜ୍ୟରେ ରେକର୍ଡ ପରେ ରେକର୍ଡ ଭାଙ୍ଗୁଛି ତାତି
ଭୁବନେଶ୍ବର: ଆକାଶରୁ ବର୍ଷୁଛି ନିଆଁ । ପ୍ରବଳ ଗ୍ରୀଷ୍ମ ପ୍ରବାହରେ ଆଉଟୁ ପାଉଟୁ ସାରା ରାଜ୍ଯ । ଲଗାତର ରେକର୍ଡ ପରେ ରେକର୍ଡ ଭାଙ୍ଗୁଛି ତାତି। ଗତବର୍ଷର ରେକର୍ଡ ପଛରେ ପକାଇଛି । ଆସନ୍ତା ମେ ୨ ତାରିଖ ପର୍ଯ୍ୟନ୍ତ ଗ୍ରୀଷ୍ମ ପ୍ରବାହ ଜାରି ରହିବ ବୋଲି ସୂଚନା ଦେଇଛି ପାଣିପାଗ ବିଭାଗ । ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ସିଭିୟର ହିଟ୍ଓ୍ବେଭ୍ ପାଇଁ ୨୩ ଜିଲ୍ଲାକୁ ସତର୍କ କରାଯାଇଛି । ତେବେ ୨୧ ଏବଂ ୨୨ ତାରିଖ ବେଳକୁ ସାମୟିକ ଆଶ୍ବସ୍ତି ଆଣିପାରେ କାଳବୈଶାଖୀ ବର୍ଷା । ଆଜିର ତାପମାତ୍ରାକୁ ଲକ୍ଷ୍ୟକଲେ ଆଜି ୨ଟା ୩୦ ସୁଦ୍ଧା ରେକର୍ଡ ତାପମାତ୍ରା
କେନ୍ଦୁଝର: 43.5°C ଝାରସୁଗୁଡା: 43.2°C
ସମ୍ବଲପୁର: 42.7°C ରାଉରକେଲା: 42.6°C
ହୀରାକୁଦ: 42.6°C ଚାନ୍ଦବାଲି: 41.4°C
ଭୁବନେଶ୍ୱର: 40.5°C ବାଲେଶ୍ୱର: 40.2°C
ପୁରୀ: 34.6°C ପାରାଦ୍ୱୀପ: 33.2°C
ଗୋପାଳପୁର: 32.6°C
ଅନ୍ୟପଟେ ପ୍ରବଳ ଗ୍ରୀଷ୍ମ ପ୍ରବାହ ସହ ଗୁଳୁଗୁଳି ରାଜ୍ୟବାସୀଙ୍କୁ ଅସ୍ତବ୍ୟସ୍ତ କରିଛି । ସକାଳ ୧୦ଟା ବାଜିବନା ମାତ୍ରେ ଘରୁ ବାହାରିବା ମୁସ୍କିଲ ହୋଇପଡୁଛି ।
ଏସି ହେଲମେଟ ପିନ୍ଧି ଟ୍ରାଫିକ ବ୍ୟବସ୍ଥା ସମ୍ଭାଳିବେ ପୋଲିସ କର୍ମୀ
ଭୁବନେଶ୍ବର: ଖରା ପାଇଁ ଏୟାର କୁଲିଙ୍ଗ ହେଲମେଟ ପିନ୍ଧିଲେ ଟ୍ରାଫିକ ପୋଲିସ । ଆଜି ଏହି ହେଲମେଣ୍ଟକୁ ପରୀକ୍ଷାମୂଳକ ଭାବେ ଆରମ୍ଭ କରାଯାଇଛି। କମିଶନରେଟ ପୋଲିସରେ କାର୍ଯ୍ୟରତ ସମସ୍ତ ଟ୍ରାଫିକ କର୍ମଚାରୀ ମାନେ ପ୍ରଚଣ୍ତ ଖରାରୁ ନିସ୍ତାର ପାଇବେ। ସେଥିପାଇଁ ସ୍ୱତନ୍ତ୍ର ଜ୍ଞାନକୌଶଳରେ ତିଆରି ହୋଇଥିବା ଏହି ଏସି ହେଲମେଟକୁ ପରୀକ୍ଷା ମୂଳକ ଭାବେ ଆରମ୍ଭ କରାଯାଇଛି।
ଖରାରୁ ରକ୍ଷା ପାଇବା ପାଇଁ ଏଭଳି ପଦକ୍ଷେପ ଗ୍ରହଣ କରିଛି ପୋଲିସ । ହେଲମେଟରେ ରହିଛି ସ୍ଵତନ୍ତ୍ର ବ୍ୟାଟେରୀ। ଯାହାଫଳରେ ହେଲମେଟ ଚାର୍ଜ ହେବ । ଥରେ ଚାର୍ଜ ହୋଇଗଲେ 8 ଘଣ୍ଟା ପର୍ଯ୍ୟନ୍ତ ଚାର୍ଜ ରହିବ । ସେପଟେ ଖରା ଦିନେ ଥଣ୍ଡା ପବନ ଦେବା ସହିତ ଶୀତ ଦିନେ ଗରମ ପବନ ଦେବ । ପୋଲିସ କମିଶନର ଏହି ହେଲମେଟକୁ ପରୀକ୍ଷା ମୂଳକ ଭାବେ ଜଣେ ମହିଳା ଟ୍ରାଫିକ କର୍ମଚାରୀଙ୍କୁ ପ୍ରଦାନ କରିଛନ୍ତି ।
ସଫଳ ହେଲେ ସବୁ ଟ୍ରାଫିକ କର୍ମଚାରୀଙ୍କୁ ଏହା ପ୍ରଦାନ କରାଯିବ ବୋଲି କହିଛନ୍ତି ପୋଲିସ କମିସନର । ପୂର୍ବରୁ ଗୁଜରାଟ ପୋଲିସ ଏହାର ବ୍ୟବହାର କରିସାରିଛି।
ଖରସ୍ରୋତା ନଦୀରେ ଅଘଟଣ, ଗାଧୋଇବାକୁ ଯାଇ ଭାସିଗଲେ ଦୁଇ ଭାଇ
ଯାଜପୁର: ଯାଜପୁର ରୋଡ୍ ଥାନା ଯୋକଡିଆ ନିକଟ ଖରସ୍ରୋତା ନଦୀରେ ଅଘଟଣ । ଗାଧୋଉଥିବା ବେଳେ ଭାସିଯାଇ ଦୁଇ ଭାଇ ନିଖୋଜ ହୋଇଯାଇଛନ୍ତି । ନିଖୋଜ ଦୁଇ ଭାଇ ବ୍ୟାସନଗର ପୌରାଞ୍ଚଳ ସାପଗଡି଼ଆ ଅଞ୍ଚଳର ଶାଶ୍ୱତ ରଞ୍ଜନ ସ୍ୱାଇଁ ଓ ସ୍ବସ୍ତିକ ରଞ୍ଜନ ସ୍ୱାଇଁ ।
ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଭୟଙ୍କୁ ଖୋଜାଖୋଜି କରୁଛି । ନଦୀରେ ଦୁଇ ଭାଇଙ୍କ ୪ ଜଣ ଯୁବକ ଗାଧୋଉଥିବା ସମୟରେ ପ୍ରଥମେ ଶାଶ୍ବତ ଭାସିଯାଇଥିଲେ। ତାଙ୍କ ବଞ୍ଚାଇବାକୁ ଯାଇ ସ୍ବସ୍ତିକ ମଧ୍ଯ ଭାସିଯାଇଥିଲେ । ଅଗ୍ନିଶମ ବାହିନୀ ସ୍ଥାନୀୟ ଲୋକଙ୍କ ସହାୟତାରେ ସର୍ଚ୍ଚ ଅପରେସନ ଜାରି ରଖିଛି ।
ରଣପୁରରେ ବଢୁଛି ବିଜେଡି ବଳ, ଶତାଧିକ କର୍ମୀ ନେଇ ମିଶିଲେ ଦୁଇ ଟାଣୁଆ ନେତା
ଭୁବନେଶ୍ବର: ବିଜେଡିରେ ମିଶିଲେ ନୟାଗଡ ଜିଲ୍ଲା ରଣପୁରର ସନ୍ନ୍ୟାସୀ ପ୍ରଧାନ । ସେ ଓଡ଼ଗାଁର ପୂର୍ବତନ ଅଧ୍ୟକ୍ଷ ଓ ସମବାୟ ସମିତିର ନିର୍ଦେଶକ ଅଛନ୍ତି । ସେହିପରି ନୟାଗଡ଼ ଜିଲ୍ଲା ବିଜେପି ଛାଡି ସ୍ମିତା ସିଂ ମିଶିଲେ । ସେ ଭୁବନେଶ୍ୱର ସାଂସଦଙ୍କ ପ୍ରତିନିଧି ଥିଲେ । ସମସ୍ତଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ସ୍ୱାଗତ କଲେ ସାଂସଦ ସସ୍ମିତ ପାତ୍ର ।
ନୟାଗଡ ବିଧାୟକ ଅରୁଣ ସାହୁ କହିଛନ୍ତି ସନ୍ନ୍ୟାସୀ ପ୍ରଧାନ ଓ ଅନ୍ୟମାନେ ମିଶିବାରୁ ରଣପୁର ନିର୍ବାଚନ ମଣ୍ଡଳୀର ଦୁଇଟି ବ୍ଲକ ବିଜେପି ଗଡ଼ ଗୁଣ୍ଡ ହୋଇଛି । ଆହୁରି ବଡ଼ ମିଶ୍ରଣ ସେଠି ହେବ । ସନ୍ନ୍ୟାସୀ ପ୍ରଧାନ 1992 ରୁ ସରପଞ୍ଚରୁ ସମବାୟ ବ୍ୟାଙ୍କ ଯାଏଁ ଜିତିଛନ୍ତି । ପଂଚାୟତିରାଜ ଓ ସମବାୟ ଜ୍ଞାନ ଓ କ୍ଷମତା ତାଙ୍କ ପାଖରେ ରହିଛି ।
ସେହିପରି ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ କହିଛନ୍ତି ଆଜି ଏକ ପବିତ୍ର ଦିନ । ରଣପୁର ବିଜେଡି ପରିବାର ଦୃଢ଼ ହୋଇଛି । ସମସ୍ତଙ୍କୁ ସାଥିରେ ନେଇ ବିଜେଡିକୁ ଜୟଯୁକ୍ତ କରିବାକୁ ଚେଷ୍ଟା ଚାଲିଛି । ରଣପୁର ଆଜି ବିଜେଡି ଗଡ଼ ହୋଇଛି । ଯୋଡି ଶଙ୍ଖ ଜିତିବ । ଏହି ମିଶ୍ରଣ ପର୍ବରେ ପୁରୀ ଲୋକସଭା ପ୍ରାର୍ଥୀ ଅରୂପ ପଟ୍ଟନାୟକ ଯୋଗ ଦେଇ କହିଛନ୍ତି ଯେ ‘‘ସନ୍ନ୍ୟାସୀ ବାବୁଙ୍କ ବିଷୟରେ ବହୁତ ଶୁଣିଥିଲି. ନୟାଗଡ ଓ ରଣପୁର ଉପରେ ମୁଁ ମୁଣ୍ଡ ଖେଳାଉ ନାହିଁ ସବୁ ଅରୁଣ ସାହୁ ଓ ସତ୍ୟ ପ୍ରଧାନଙ୍କ ପକଡ ଅଛି । ସବୁ ଶ୍ରେୟ ଓ ଧନ୍ୟବାଦ କାରଣ ଏହା ପୁରୀ ଲୋକସଭା ଓ ବିଜେଡି ପାଇଁ ବଡ଼ ସଫଳତା ।
ମୁଁ ବିଜୁ ବାବୁଙ୍କୁ ପ୍ରଣାମ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଶତ ଶତ ପ୍ରଣାମ ଜଣାଉଛି । ବିଜେପି ଛାଡି ଆଜି ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ଯୋଗ ଦେଲି । ଦଳ କିପରି ସୁଦୃଢ ହେବ କାମ କରିବିଯ । ଆମେ ଵି ଡବଲ ଇଂଜିନ କରିବୁ । ବିଜେଡି ବିଧାୟକ ଓ ସାଂସଦ ଜିତାଇବୁ । ମୁଖ୍ୟମନ୍ତ୍ରୀ ନୂତନ ଅଧ୍ୟୟ ସୃଷ୍ଟି କରିବାକୁ ଯାଉଛନ୍ତି ବୋଲି କହିଛନ୍ତି ଦଳରେ ମିଶିଥିବା ସନ୍ନ୍ୟାସୀ ପ୍ରଧାନ ।
ବିବାହ କାର୍ଡରେ CSK ଲୋଗୋ, ଧୋନିଙ୍କୁ ବି ଛାଡିଲେନି ପ୍ରଶଂସକ
ନନ୍ଦିଘୋଷ ବ୍ୟୁରୋ: ବିବାହ ଏପରି ଏକ ପରମ୍ପରା ଯେ ଯାହାକୁ ସ୍ୱତନ୍ତ୍ର କରିବା ପାଇଁ ପ୍ରତି ଯୋଡି ଚାହାନ୍ତି । ସୁନ୍ଦର ପୋଷାକ, ଅଳଙ୍କାର, ସାଜସଜ୍ଜା ଏବଂ ଅବସ୍ଥାନ କିମ୍ବା ନିମନ୍ତ୍ରଣ କାର୍ଡ ହେଉ, ଆଜିକାଲି ଏହା ଅତ୍ୟନ୍ତ ସ୍ୱତନ୍ତ୍ର । ଅନେକ ଥର ଲୋକମାନେ ଏହା ଦେଖିବା ପରେ ଆଶ୍ଚର୍ଯ୍ୟ ହୋଇଯାଆନ୍ତି | ଏହିପରି ଏକ ନିମନ୍ତ୍ରଣ କାର୍ଡ ଆଜିକାଲି ଚର୍ଚ୍ଚାର ବିଷୟ ପାଲଟିଛି ।
ଭାରତରେ ଆଇପିଏଲ୍ କ୍ରେଜ୍ ବହୁତ ଅଧିକ । ମ୍ୟାଚ୍ ଆରମ୍ଭ ହେବା ମାତ୍ରେ ଲୋକେ ନିଜକୁ ଟିଭି ପରଦା ସମ୍ମୁଖରେ ରଖନ୍ତି । ଏହିପରି ଜଣେ ପ୍ରଶଂସକଙ୍କ ନିମନ୍ତ୍ରଣ କାର୍ଡ ଭାଇରାଲ ହେଉଛି। ନବବିବାହିତ ଦମ୍ପତିଙ୍କୁ ଟ୍ରଫି ପରି କଟ-ଆଉଟ୍ ପୋଷ୍ଟର ସହିତ ପୋଜ୍ ଦେଉଛନ୍ତି । ଏଥିରେ ସେମାନଙ୍କର ଫଟୋଗ୍ରାଫ୍ ଅଛି, ଯାହା ସ୍ପଷ୍ଟ କରୁଛି ଯେ ଉଭୟେ CSK ପ୍ରଶଂସକ ଅଟନ୍ତି ।
ତାମିଲନାଡୁର ଏକ ଦମ୍ପତିଙ୍କ ଏହି ଫଟୋ ଭାଇରାଲ୍ ହୋଇଛି ।ଏଥିରେ ଦୁଇଟି ଛବି ପୋଷ୍ଟ କରାଯାଇଛି । ପ୍ରଥମରେ, ନବ ବିବାହିତ ଦମ୍ପତି ଟ୍ରଫି ପରି କଟ-ଆଉଟ୍ ପୋଷ୍ଟର ସହିତ ପୋଜ୍ ଦେଉଥିବା ନଜର ଆସିଛନ୍ତି । ଏହାକୁ ଦେଖିଲେ ଲାଗୁଛି ଯେପରି ସେ ଏକ ଆନ୍ତର୍ଜାତୀୟ ମ୍ୟାଚ୍ ଜିତିଛନ୍ତି । ଏହି ନିମନ୍ତ୍ରଣରେ ଚେନ୍ନାଇ ସୁପର କିଙ୍ଗ୍ସ ଦଳର ଲୋଗୋ ଅଛି, ଯେଉଁଥିରେ ବର ଏବଂ ବରର ନାମ ଲେଖାଯାଇଛି । କାର୍ଡରେ ଲେଖାଯାଇଥିବା ନିମନ୍ତ୍ରଣର ବିବରଣୀ ମଧ୍ୟ ସମଗ୍ର କ୍ରିକେଟ୍ ମ୍ୟାଚ୍ ଦ୍ୱାରା ଅନୁପ୍ରାଣିତ ହୋଇଥିବା ଜଣାପଡିଛି |
ଏହି ଭିଡିଓ ଇନଷ୍ଟାରେ cskfansofficial ନାମକ ଏକ ଆକାଉଣ୍ଟରେ ସେୟାର କରାଯାଇଛି । ଇନଷ୍ଟାଗ୍ରାମରେ ହଜାର ହଜାର ଲୋକ ଏହାକୁ ଦେଖି ମନ୍ତବ୍ୟ ଦେଇ ନିଜର ମତାମତ ଦେଉଛନ୍ତି। ଜଣେ ଉପଭୋକ୍ତା ଲେଖିଛନ୍ତି, ‘ନିମନ୍ତ୍ରଣ କାର୍ଡ ପ୍ରସ୍ତୁତ କରିବାର ଏହି ଉପାୟ ଟିକେ କାଜୁଆଲ୍ ନୁହେଁ।’ ଅନ୍ୟ ଜଣେ ଲେଖିଛନ୍ତି, ‘ସୁନ୍ଦର ଭାଗିଦାରୀ ଏବଂ ଆଗାମୀ ଇନିଂସ ପାଇଁ ଅଧିକ ଶୁଭେଚ୍ଛା।’ ଏହା ବ୍ୟତୀତ, ଅନ୍ୟ ଅନେକ ୟୁଜର ଏହା ଉପରେ ମନ୍ତବ୍ୟ ଦେଇ ନିଜର ମତାମତ ରଖିଛନ୍ତି ।
କାଲି ବିଜେଡିରେ ମିଶିଲେ, ଆଜି ବର୍ଷାଙ୍କୁ ଟିକେଟ ଦେଲା ଦଳ
ଭୁବନେଶ୍ବର: ବିଧାନସଭା ନିର୍ବାଚନ ପାଇଁ ଷଷ୍ଠ ପର୍ଯ୍ୟାୟରେ ପ୍ରାର୍ଥୀ ତାଲିକା ଜାରି କରିଛି ବିଜେଡ଼ି । ମୋଟ ୯ ଜଣଙ୍କ ନାମ ତାଲିକାରେ ଥିବା ବେଳେ ଏଥିରେ ୪ ଜଣ ମହିଳା ପ୍ରାର୍ଥୀ ରହିଛନ୍ତି । ଏଥର ବଡଚଣାରୁ ଲଢିବେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ଗତକାଲି ଶଙ୍ଖ ଭହନେର ବିଜେଡିରେ ମିଶିଥିଲେ ବର୍ଷା । ଏହାର ଦିନକ ପରେ ଆଜି ବିଜେଡି ପ୍ରାର୍ଥୀ ତାଲିକାରେ ବର୍ଷାଙ୍କ ନାଁ ଦେଖିବାକୁ ମିଳିଛି ।
ଦୀର୍ଘଦିନରୁ ବର୍ଷା ସମାଜସେବାରେ ଜଡିତ ଅଛନ୍ତି । ସେହିପରି ବିଜେଡିର ଅଧିକାଂଶ କାର୍ଯ୍ୟକ୍ରମରେ ସାମିଲ ହୋଇଥାନ୍ତି ବର୍ଷା । କିନ୍ତୁ ସିଧାସଳଖ ସେ ରାଜନୀତିରେ ସକ୍ରିୟ ନଥିଲେ । ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ସେ ବିଜେଡିରେ ମିଶିଥିବା ଗତକାଲି ପ୍ରେସମିଟ୍ରେ କହିଥିଲେ । ଏପରିକି ସେ ନବୀନଙ୍କ ଜଣେ ବଡ ପ୍ରଶଂସକ ହୋଇଥିବାରୁ ତାଙ୍କ ଆଧାରିତ ଏକ ସିନେମା ବି ନିର୍ମାଣ କରିଥିଲେ ।