ଭୁବନେଶ୍ବର: ଅବାଧ ଓ ନିରପେକ୍ଷ ନିର୍ବାଚନରେ ବାଧା ସୃଷ୍ଟିକାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ପାଇଁ ଦାବି କରିଛି ବିଜେଡି। ଏନେଇ ରାଜ୍ଯ ମୁଖ୍ଯ ନିର୍ବାଚନ ଅଧିକାରୀଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି ବିଜେଡିର ଏକ ପ୍ରତିନିଧି ଦଳ। ମୁଖ୍ଯମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ବିଜେଡି ରାଜ୍ଯ ନିର୍ବାଚନ ଇତିହାସରେ ସ୍ବଚ୍ଛ ଓ ଶୃଙ୍ଖଳିତ ନିର୍ବାଚନ ପରିଚାଳନରେ ଏକ ବେଞ୍ଚମାର୍କ ସ୍ଥାପନ କରିଛି। କିନ୍ତୁ ବିଗତ ଦିନରେ ବିରୋଧୀ ଦଳଗୁଡିକ ନିର୍ବାଚନ ସମୟରେ ବ୍ଯାପକ ରାଜନୈତିକ ହିଂସାକୁ ଆପଣେଇଥିଲେ। ବୁଥ ଦଖଲ ସହ ଭୋଟରଙ୍କୁ ପ୍ରଭାବିତ କରିବାକୁ ଚେଷ୍ଟା କରିଥିଲେ ବିରୋଧୀ। ବିଗତ ନିର୍ବାଚନଗୁଡିକରେ ନିର୍ବାଚନ କମିଶନଙ୍କୁ ବାରମ୍ବାର ଅନୁରୋଧ ସତ୍ତ୍ବେ ରାଜନୈତିକ ବିରୋଧୀ ଦଳ ହିଂସାରୁ ବିରତ ରହୁ ନାହିଁ। କିନ୍ତୁ ବିଜେଡି ସବୁ ବେଳେ ଅବାଧ ଓ ନିରପେକ୍ଷ ନିର୍ବାଚନକୁ ବିଶ୍ବାସ କରିଥାଏ। ତେଣୁ ଆସନ୍ତା ନିର୍ବାଚନରେ ହିଂସାତ୍ମକ ପନ୍ଥା ଆପଣେଉଥିବା ଦଳ ଓ ନେତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ରାଜ୍ଯ ମୁଖ୍ଯ ନିର୍ବାଚନ ଅଧିକାରୀଙ୍କ ନିକଟରେ ଦାବି କରିଛି ବିଜେଡି।

ଭୁବନେଶ୍ବର: କଂଗ୍ରେସ ଭବନରେ ଟିକେଟ ପାଇଁ କଳି । କଂଗ୍ରେସ ଭବନରେ ଧାରଣା ଦେଲେ ସୁଦର୍ଶନଙ୍କ ସମର୍ଥକ । ଜଳେଶ୍ବର ବିଧାନସଭା ଆସନ ପାଇଁ ଆଶାୟୀ ଅଛନ୍ତି ସୁଦର୍ଶନ ଦାସ । ଟିକେଟ ପାଉନଥିବା ଆଶଂକାରେ ଧାରଣାରେ ବସିଛନ୍ତି ସମର୍ଥକ । ଧାରଣାରତ କଂଗ୍ରେସ କର୍ମୀଙ୍କୁ ବୁଝାଉଛନ୍ତି ପିସିସି ସଭାପତି । କଂଗ୍ରେସରେ ଏ ଯାଏ ଟିକେଟ ଘୋଷଣା ହୋଇନି ଏବେଠୁ ବଢିଲାଣି ଅସନ୍ତୋଷ ।

ଢେଙ୍କାନାଳ: ଢେଙ୍କାନାଳ ବିଜେପି କାର୍ଯ୍ୟାଳୟରେ ହାଇଭୋଲଟେଜ ଡ୍ରାମା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଜୋରଦାର ହଙ୍ଗାମା । ମିଶ୍ରଣ ପର୍ବରେ ବିଜେପିର ଢେଙ୍କାନାଳ ବିଧାନସଭା ଟିକେଟ ଘୋଷଣା ନେଇ ତୁମୁଳକାଣ୍ଡ ଦେଖିବାକୁ ମିଳିଛି । ଜିଲ୍ଲା ସଭାପତି ନରେଶ ଚାନ୍ଦ ମହାପାତ୍ରଙ୍କୁ ବିଜେପି ମହିଳା କର୍ମୀ ଆକ୍ରମଣ କରିଥିବା ଅଭିଯୋଗ ହୋଇଛି । ଗଣ୍ଡଗୋଳ ଓ ଟିକେଟକୁ ନେଇ ଜିଲ୍ଲା ସଭାପତିଙ୍କୁ ଆକ୍ରମଣ ପରେ ପଦାରେ ପଡିଛି ଦଳର ଗୋଷ୍ଠୀ କନ୍ଦଳ । ଚାରି ଥର ଢେଙ୍କାନାଳ ବିଧାନସଭା ନିର୍ବୀଚନ ମଣ୍ଡଳୀରୁ ହାରିବା ପରେ କୃଷ୍ଣଚନ୍ଦ୍ର ପାତ୍ରଙ୍କୁ ବିଜେପି ଟିକେଟ ଦେଇଥବାରୁ ଦଳରେ ଅସନ୍ତୋଷ ବଢିଛି ।

ଭୁବନେଶ୍ବର: ସତ ହେଲା ଅଭିଯୋଗ । ବିଜେଡିରୁ ବିତାଡ଼ିତ ନେତାଙ୍କ ଭରସାରେ ବିଜେପି । ବିଜେଡିରୁ ବିଦା ହୋଇଥିବା ଓ ଟିକେଟ ପାଇନଥିବା ନେତାଙ୍କୁ ବିଜେପି ପ୍ରାର୍ଥୀ କରିଛି । ୮ ଜଣଙ୍କୁ ବିଧାୟକ ପ୍ରାର୍ଥୀ  ଓ ଦୁଇ ଜଣଙ୍କୁ ସାଂସଦ ପ୍ରାର୍ଥୀ କରିଛି ବିଜେପି । ଆମଦାନୀ କରି ପ୍ରଦୀପ ପାଣିଗ୍ରାହୀ, ଭର୍ତ୍ତୃହରି ମହତାବ, ଆକାଶ ଦାସ ନାୟକ, ସିଦ୍ଧାନ୍ତ ମହାପାତ୍ର, ତେଜେଶ୍ବର ପରିଡ଼ା, ପ୍ରତ୍ୟୁଷା ରାଜେଶ୍ବରୀ ,  ଅରବିନ୍ଦ ଢାଲି, ରାଜୁ ଦାସ ଓ ପ୍ରିୟଦର୍ଶୀ ମିଶ୍ରଙ୍କୁ  ପ୍ରାର୍ଥୀ କରିଛି ବିଜେପି ।

ଅନ୍ୟପଟେ ଆଜି ଘୋଷଣା ହୋଇଛି ବିଜେପିର ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ତାଲିକା । ୧୧୨ ଆସନ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି । ଚାନ୍ଦବାଲିରୁ ଲଢ଼ିବେ ମନମୋହନ ସାମଲ । କୋରେଇରୁ ଆକାଶ ଦାସନାୟକ । ଦିଗପହଣ୍ଡିରୁ ସିଦ୍ଧାନ୍ତ ମହାପାତ୍ର । ଭବାନୀପାଟଣା-ପ୍ରଦୀପ୍ତ କୁମାର ନାୟକ । କଟକ ସଦର-ପ୍ରକାଶ ଚନ୍ଦ୍ର ସେଠୀ । ପୁରୀ-ଜୟନ୍ତ କୁମାର ଷଡ଼ଙ୍ଗୀ । ବ୍ରହ୍ମଗିରି ଉପାସନା ମହାପାତ୍ର । ଭୁବନେଶ୍ୱର(ଜୟଦେବ) ଅରବିନ୍ଦ ଢାଲି । ଭୁବନେଶ୍ୱର (ମଧ୍ୟ) ଜଗନ୍ନାଥ ପ୍ରଧାନ । ସମ୍ବଲପୁର- ଜୟନାରାୟଣ ମିଶ୍ର । ଭୁବନେଶ୍ୱର ଉତ୍ତର –ପ୍ରିୟଦର୍ଶୀ ମିଶ୍ର । ଚିଲିକା – ପୃର୍ଥ୍ବୀରାଜ ହରିଚନ୍ଦନ । ନୟାଗଡ଼- ପ୍ରତ୍ୟୁଶା ରାଜେଶ୍ୱରୀ ସିଂ । ହିଞ୍ଜିଳୀ – ଶିଶିର ମିଶ୍ର । ଗୋପାଳପୁର- ବିଭୁତି ଭୁଷଣ ଜେନା ପ୍ରମୁଖ ନିର୍ବାଚନ ମଇଦାନରେ ଲଢ଼ିବେ ।

ବିଜାପୁର: ଛତିଶଗଡ଼ ବିଜାପୁରରେ ବଡ଼ ଧରଣର ଏନକାଉଣ୍ଟର। ପୋଲିସ ଏବଂ ନକ୍ସଲମାନଙ୍କ ମଧ୍ୟରେ ଗୁଳିବିନିମୟ | ଏନକାଉଣ୍ଟରରେ ୪ ଜଣ ନକ୍ସଲଙ୍କ ମୃତ୍ୟୁ ହୋଇଛି। ବହୁ ସଂଖ୍ୟକ ନକ୍ସଲ ଆହତ ହୋଇଥିବା ବିଷୟରେ ସୂଚନା ଗ୍ରହଣ କରାଯାଉଛି। ହତ୍ୟା କରାଯାଇଥିବା ନକ୍ସଲ ମାନଙ୍କ ସହିତ INSAS LMG, AK47 ପରି ସ୍ୱୟଂଚାଳିତ ଅସ୍ତ୍ର ମଧ୍ୟ ଘଟଣାସ୍ଥଳରୁ ଉଦ୍ଧାର କରାଯାଇଥିଲା। ପୋଲିସ ଏବେ ମଧ୍ୟ ଜଙ୍ଗଲରେ ସର୍ଚ୍ଚ ଅପରେସନ ଜାରି ରଖିଛି। ।  | ଗଙ୍ଗାଲୁର ପୋଲିସ ଷ୍ଟେସନ ପରିସରର କୋରଖୋଲି ଏବଂ ଲେଣ୍ଡ୍ରା ଜଙ୍ଗଲରେ ଏନକାଉଣ୍ଟର ଚାଲିଛି |

ଭୁବନେଶ୍ବର: ନିର୍ବାଚନ ଯେତିକି ପାଖେଇ ଆସୁଛି, ବିଜେଡି ଅଧିକରୁ ଅଧିକ ଶକ୍ତିଶାଳୀ ହେଉଛି। ବିଜେପି ଓ କଂଗ୍ରେସ ଛାଡ଼ି ବହୁ ନେତା ଓ କର୍ମୀ ବିଜେଡିରେ ମିଶୁଛନ୍ତି । ଆଜି ଗଜପତି ଜିଲ୍ଲା ମୋହନା ନିର୍ବାଚନମଣ୍ଡଳୀର ବହୁ ଜନପ୍ରତିନିଧି ବିଜେପି ଓ କଂଗ୍ରେସ ଛାଡ଼ି ଶଙ୍ଖ ଫୁିଙ୍କିଛନ୍ତି। ଜିଲ୍ଲା ପରିଷଦ ସଭ୍ୟ ରାଜୀବ ଦୋରା, ନିଖୀମା ରାଇତ, ଜୟସେନ ଦୋରା, ଜୋସେଫ ଗମାଙ୍ଗ, ଅବେନା ଗମାଙ୍ଗ, ସୁରତ ରଇତ, ରାଜେନ୍ଦ୍ର ଦଳବେହେରା, ରାଜେଶ ମଣ୍ଡଳ, ନନ୍ଦିନୀ ସାମଲ, ହରି ଚନ୍ଦ୍ର, ପ୍ରଫୁଲ୍ଲ ରଇତ, ଆୟୁଷ୍ମାନ ପାରିଛା, ମୋହନ ଗୌଡ଼ଙ୍କ ସମେତ ଅନେକ ନେତା ବିଜେଡିରେ ଯୋଗଦେଇଛନ୍ତି। ଶଙ୍ଖ ଭବନରେ ସମସ୍ତଙ୍କୁ ସ୍ବାଗତ କରାଯାଇଥିଲେ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ସମସ୍ତଙ୍କୁ ସ୍ୱାଗତ କରିଥିଲେ ସାଂସଦ ସସ୍ମିତ ପାତ୍ର ଓ ଗଜପତି ଜିଲ୍ଲା ବିଜେଡି ପର୍ଯ୍ୟବେକ୍ଷକ ଅତନୁ ସବ୍ୟସାଚୀ ନାୟକ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶ ଓ ବିକାଶ କାମ ଯୋଗୁ ବିଜେଡିରେ ମିଶିଲେ ବୋଲି ସମସ୍ତେ କହିଛନ୍ତି।