ଚଣ୍ଡିଗଡ଼: ବଲିଉଡ୍ ଅଭିନେତ୍ରୀ ତଥା ନୂତନ ଭାବେ ମଣ୍ଡିରୁ ଲୋକସଭା ନିର୍ବାଚନ ଜିତିଥିବା କଙ୍ଗନା ରନୱାତଙ୍କୁ ଚାପୁଡ଼ା ମାଡ ହୋଇଛି । ଏହି ଘଟଣା ଚଣ୍ଡିଗଡ ବିମାନ ବନ୍ଦରରେ ଗୁରୁବାର ଦିନ ଘଟିଛି । ଅପରାହ୍ନ ୩ଟା ୩୦ ମିନିଟରେ ଏହି ଘଟଣା ଘଟିଥିବା କୁହାଯାଉଛି । ରିପୋର୍ଟ ଅନୁସାରେ ଚାପୁଡା ମାରିଥିବା ବ୍ୟକ୍ତି ହେଇଛନ୍ତି ସିଆଇଏସଏଫ ଯବାନ ।
ସୂଚନା ଅନୁସାରେ, ଚାପୁଡା ମାରିଥିବା ସିଆଏସଏଫର ମହିଳା ସୁରକ୍ଷାକର୍ମୀଙ୍କ ନାମ ହେଉଛି କୁଲୱିନ୍ଦର କୌର । ଏହି ଘଟଣାର ତଦନ୍ତ ପାଇଁ ସିଆଇଏସଏଫ୍ ଏକ ଉଚ୍ଚସ୍ତରୀୟ କମିଟି ଗଠନ କରିଛି । ମିଳୁଥିବା ପ୍ରାରମ୍ଭିକ ରିପୋର୍ଟ୍ ଅନୁସାରେ ଚାଷୀ ଆନ୍ଦୋଳନକୁ ନେଇ କଙ୍ଗନା ରନାୱତଙ୍କ ଟିପ୍ପଣୀକୁ ନେଇ କୁଲୱିନ୍ଦର ଅସନ୍ତୁଷ୍ଟ ଥିଲେ । ଯେଉଁଥିପାଇଁ ସେ କଙ୍ଗନାଙ୍କୁ ଚାପୁଡା ମାରିଥିବା କୁହାଯାଉଛି ।
ଗୁରୁବାର ଦିନ ବିଜେପି ସାଂସଦଙ୍କ ବୈଠକରେ ଯୋଗ ଦେବାକୁ କଙ୍ଗନା ଦିଲ୍ଲୀ ଆସୁଥିବା ବେଳେ ଚଣ୍ଡିଗଡ଼ ବିମାନ ବନ୍ଦରରେ ଏଭଳି ଘଟଣା ଘଟିଥିବା କୁହାଯାଉଛି ।
