ନନ୍ଦିଘୋଷ ବ୍ୟୁରୋ: ରାୟଗଡା ଜିଲ୍ଲା ବିଷମକଟକ ବସଷ୍ଟାଣ୍ଡରେ ଜଳୁଛି ବସ। ହୁତୁ ହୁତୁ ହୋଇ ଜଳୁଛି ବସ। ଗୋଟିଏ ପରେ ଗୋଟିଏ ବସକୁ ନିଆଁ ମାଡି ୪ଟି ବସରେ ନିଆଁ ଲାଗିଥିବା ସୂଚନା। ଘଟଣାସ୍ଥଳରେ ଅଗ୍ନିଶମ ବିଭାଗ ପହଂଚି ନିଆଁକୁ ଆୟତ୍ତ କରିବାରେ ଲାଗିଛନ୍ତି। କିଭଳି ନିଆଁ ଲାଗିଲା କାରଣ ଅସ୍ପଷ୍ଟ।
ମା’ ଭୋଟ୍ ଦେବାକୁ ଯାଇଥିବାବେଳେ ପୋଖରୀରେ ବୁଡ଼ି ଶିଶୁ କନ୍ୟାର ମୃତ୍ୟୁ
ନନ୍ଦିଘୋଷ ବ୍ୟୁରୋ: ମାଆ ଭୋଟ ଦେବାକୁ ଯାଇଥିବା ବେଳେ ପୋଖରୀରେ ବୁଡି ୬ ବର୍ଷର ଶିଶୁକନ୍ୟାର ମୃତ୍ୟୁ। ରାଜନଗର ବ୍ଲକ ପ୍ରହରାଜପୁର ଗାଁର କାର୍ତ୍ତିକ ପ୍ରଧାନଙ୍କ ଝିଅ ସରସ୍ବତୀ ପ୍ରଧାନଙ୍କ ମୃତ୍ୟୁ ହୋଇଛି । ମାଆ ରଞ୍ଜୁଲତା ପ୍ରଧାନ ଝିଅକୁ ଘରେ ଛାଡି ଭୋଟ ଦେବାପାଇଁ ଯାଇଥିବା ଏଭଳି ଅଘଟଣ ଘଟିଛି । ରାଜନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏହାକୁ ନେଇ ସମଗ୍ର ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
ଗାଙ୍ଗୁଲି କହିଲେ ଟିମ୍ ଇଣ୍ଡିଆକୁ ଦରକାର କେମିତିକା କୋଚ୍
ନନ୍ଦିଘୋଷ ବ୍ୟୁରୋ: ଟି-୨୦ ବିଶ୍ବକପ ଖେଳିବା ପାଇଁ ଭାରତୀୟ ଦଳ ଏବେ ଆମେରିକାରେ ରହିଥିବାବେଳେ ପରବର୍ତ୍ତୀ କୋଚ କିଏ ହେବେ ତାକୁ ନେଇ ଚର୍ଚ୍ଚା ଜାରି ରହିଛି । ତେବେ ଗୌତମ ଗମ୍ଭୀରଙ୍କ ଅଧିକାଂଶ ପ୍ରଶଂସକଙ୍କ ପ୍ରିୟ ହୋଇଥିବାବେଳେ ତାଙ୍କୁ ଏହି ଗୁରୁ ଦାୟିତ୍ବ ଦିଆଯିବ ବୋଲି ଚର୍ଚ୍ଚା ହେଉଛି । ତେବେ ବିସିସିଆଇର ପୂର୍ବତନ ଅଧ୍ୟକ୍ଷ ସୌରଭ ଗାଙ୍ଗୁଲଙ୍କୁ ଏକ ସାକ୍ଷାତକାର ବିଭିନ୍ନ ପ୍ରଶ୍ନ କରାଯାଇଥିଲା । ଟିମ ଇଣ୍ଡିଆର କୋଚ ଜଣେ ବିଦେଶୀ ହେଲେ ଭଲ ନାଁ ଭାରତୀୟ? ତେବେ ଆପଣଙ୍କ ପ୍ରଥମ ପସନ୍ଦ କିଏ?
ତେବେ ସୌରଭ ଗଙ୍ଗୁଲି କହିଛନ୍ତି କି, ଜଣେ ଭାରତୀୟ ପ୍ରଶିକ୍ଷକ ଟିମ ଇଣ୍ଡିଆର ପ୍ରଶିକ୍ଷଣ ଭାର ସମ୍ଭାଳିବା ଉଚିତ । ତେବେ ଗୌତମ ଗମ୍ଭୀର ତାଙ୍କର ପ୍ରଥମ ପସନ୍ଦ ବୋଲି ସେ କହିଛନ୍ତି । ଯଦିଓ ଗମ୍ଭୀର ଏଯାବତ କୌଣସି ଦଳର କୋଚିଂ ଦେଇ ନାହାନ୍ତି । ତଥାପି ଆଇପିଏଲରେ ମେଣ୍ଟରଭାବେ ଭଲ ଦାୟିତ୍ବ ତୁଲାଇଛନ୍ତି । ୨୦୨୨ ଏବଂ ୨୩ରେ ଲକ୍ଷ୍ନୌ ସୁପର ଜାଏଣ୍ଟର ମେଣ୍ଟରଭାବେ କାମ ଦାୟିତ୍ବ ତୁଲାଇଥିବାବେଳେ ଦଳ ପ୍ଲେଅଫରେ ସ୍ଥାନ ପକ୍କା କରିଥିଲା । ଚଳିତ ସିଜିନରେ କେକେଆରର ମେଣ୍ଟର ରହିଥିବାବାବେଳେ ଦଳ ଚାମ୍ପିୟନ ହୋଇଛି । ଏଣୁ ସେ ଭଲଭାବେ ଦଳକୁ କୋଚିଂ ଦେଇପାରିବେ ବୋଲି କୁହାଯାଉଛି । ସେପଟେ ଜୟ ଶାହା ମଧ୍ୟ ଗମ୍ଭୀରଙ୍କ ସହ ଆଲୋଚନା କରିଥିବା କୁହାଯାଉଛି ।
୮ମାସର ଗର୍ଭବତୀ ହୋଇ ମଧ୍ୟ କର୍ତ୍ତବ୍ୟ କରିଚାଲିଛନ୍ତି ଏସପି ନିବେଦିତା
ଭୋପାଳ: ଏସପି ନିବେଦିତା ନାଇଡୁ, ଯାହାଙ୍କୁ ନେଇ ଏବେ ସବୁଠି ଚର୍ଚ୍ଚା। କାରଣ ଆଠ ମାସର ଗର୍ଭବତୀ ହୋଇ ମଧ୍ୟ ସେ ନିଜ କର୍ତ୍ତବ୍ୟ ପାଳନ କରିବାକୁ ପଛଘୁଞ୍ଚା ଦେଇନାହାଁନ୍ତି।
ନିବେଦିତା ନାଇଡୁ ମା ହେବାକୁ ଯାଉଥିଲେ ମଧ୍ୟ ଦେଶ ପାଇଁ କର୍ତ୍ତବ୍ୟ କରିବାକୁ ଭୁଲି ନାହାଁନ୍ତି । ଆଠ ମାସର ଗର୍ଭବତୀ ଥିବା ସତ୍ବେ ନିବେଦିତା ନାଇଟ୍ ପାଟ୍ରୋଲିଂ ଠାରୁ ଆରମ୍ଭ କରି ଜିଲ୍ଲା ଚେକିଂ ପର୍ଯ୍ୟନ୍ତ ସବୁ କରୁଛନ୍ତି। ଖାଲି ଏତିକି ନୁହେଁ ତାଙ୍କ ସ୍ୱାମୀ ବାହାର ସହରରେ କାମ କରୁଥିବା ବେଳେ ସେ ନିଜକୁ ସମ୍ଭାଳିବା ସହ ଘରେ ତିନି ବର୍ଷର ଝିଅର ମଧ୍ୟ ଲାଳନପାଳନ ଏକାକୀ କରୁଛନ୍ତି । ଏହାସହିତ ସେ ଦେଶ ପ୍ରତି ଥିବା କର୍ତ୍ତବ୍ୟ ପାଳନ କରିବାରେ ଆଦୌ ଦ୍ୱିଧା କରିନାହାଁନ୍ତି। ଏହି କର୍ତ୍ତବ୍ୟନିଷ୍ଠ ଏସପିଙ୍କ ଏକ ଭିଡ଼ିଓ ଭାଇରାଲ୍ ହୋଇଛି, ଯାହା ପରେ ସବୁଠୁ ତାଙ୍କୁ ପ୍ରଶଂସା କରାଯାଉଛି ।
ଭିଡିଓରେ ସେ ଜଣେ ପୋଲିସ କର୍ମଚାରୀଙ୍କ ସହ ରାତିରେ କାହା ଘରେ ପହଞ୍ଚିଛନ୍ତି। ଭିଡିଓରେ ତାଙ୍କ ବେବି ବମ୍ପ୍ ମଧ୍ୟ ସ୍ପଷ୍ଟ ଦେଖାଯାଉଛି । ତେବେ ସାଧାରଣତଃ ଗର୍ଭବତୀ ସମୟରେ ମହିଳାମାନେ ଆରାମ କରିଥାନ୍ତି । ଏପରିକି ସମସ୍ତ କାର୍ଯ୍ୟରତ ମହିଳାଙ୍କ ପାଖରେ ମାଟରନିଟି ଛୁଟି ନେବା ଅଧିକାର ରହିଛି। କିନ୍ତୁ ମଧ୍ୟପ୍ରଦେଶ ଉମରିଆର ଏସପି ନିବେଦିତା ଜଣେ ମା’ର କର୍ତ୍ତବ୍ୟ ପାଳନ କରିବା ପୂର୍ବରୁ ଦେଶ ପ୍ରତି କର୍ତ୍ତବ୍ୟକୁ ଆଗ ପାଳନ କରିଚାଲିଛନ୍ତି।
ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ବାହାରକୁ ବାହାରିଲେ କ’ଣ କରିବେ, ସଚେତନ କଲେ ମୁଖ୍ୟ ଶାସନ ସଚିବ ପ୍ରଦୀପ ଜେନା
ଭୁବନେଶ୍ୱର: ଗତ କିଛି ଦିନ ହେବ ରାଜ୍ୟରେ ଜାରି ରହିଛି ଗ୍ରୀଷ୍ମ ପ୍ରବାହ । ଯାହା ଫଳରେ ଅନେକ ସ୍ଥାନରେ ଅଂଶୁଘାତ ଭଳି ଖବର ସାମ୍ନାକୁ ଆସୁଛି।ଅଂଶୁଘାତ ଏଡ଼ାଇବା ପାଇଁ ଟାଣ ଖରାରେ ନ ବାହାରିବାକୁ ପରାମର୍ଶ ଦେଇଛନ୍ତି। ଜରୁରୀ ହେଲେ ଛତା, ପାଣି ନେବାକୁ କହିଛନ୍ତି ମୁଖ୍ୟ ଶାସନ ସଚିବ ପ୍ରଦୀପ ଜେନା।
ନିର୍ବାଚନ ଡ୍ୟୁଟିରେ ଥିବା BLOଙ୍କ ମୃତ୍ୟୁ
ନନ୍ଦିଘୋଷ ବ୍ୟୁରୋ: ନିର୍ବାଚନ ଡ୍ୟୁଟିରେ ଥିବା ବେଳେ BLOଙ୍କ ମୃତ୍ୟୁ। ମୃତକ ହେଲେ ବିଂଝାରପୁର ବ୍ଲକ ନଛିପୁର ଗ୍ରାମର ମନୋରଞ୍ଜନ ସାହୁ। ସେ ୧୫୭ ନମ୍ବର ବୁଥରେ ବୁଥ ଲେଭଲ ଅଫିସର ଭାବେ କାର୍ଯ୍ୟ କରୁଥିଲେ। ସେ ଆଜି ଅସୁସ୍ଥ ଅନୁଭବ କରିବାରୁ ତାଙ୍କୁ ବିଂଝାରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ସେହିପରି ନୀଳଗିରିରେ ଭୋଟ ଦେବାକୁ ଆସି ଟଳିପଡିଲେ ବୃଦ୍ଧ। ମୃତକ ଜଣଙ୍କ ହେଲେ ସୁରେନ୍ଦ୍ର ମହାନ୍ତି । ଇଶ୍ୱରପୁର ମେଡ଼ିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ନୀଳଗିରି ନିର୍ବାଚନମଣ୍ଡଳି ଇଶ୍ୱରପୁର ପଂଚାୟତର ୧୫୯ ନଂ ବୁଥରେ ବୃଦ୍ଧ ସୁରେନ୍ଦ୍ର ମହାନ୍ତି ଏବଂ ତାଙ୍କ ସ୍ତ୍ରୀ ଭୋଟ ଦେବାକୁ ଆସିଥିବା ବେଳେ ଏହି ଅଘଟଣ ଘଟିଛି। ଅତ୍ଯଧିକ ଖରା ଏବଂ ଗୁଳୁଗୁଳି ପାଇଁ ସ୍ବାସ୍ଥ୍ଯବସ୍ଥା ବିଗିଡିଯାଇଥିବା ଆଶଙ୍କା।
୩୦ ବୁଥରେ ଇଭିଏମ ଅଚଳ ଖବରରେ ସତ୍ୟତା ନାହିଁ: ମୁଖ୍ୟ ନିର୍ବାଚନ ଅଧିକାରୀ
ଭୁବନେଶ୍ୱର: ରାଜ୍ୟରେ ଚାଲିଛି ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ। ଶେଷ ପର୍ଯ୍ୟାୟରେ ରାଜ୍ୟର ୬ଟି ସଂସଦୀୟ କ୍ଷେତ୍ର ଓ ୪୨ଟି ବିଧାନସଭା ଆସନ ପାଇଁ ଚାଲିଛି ମତଦାନ। ଏହି ସମୟରେ କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ନିର୍ବାଚନମଣ୍ଡଳୀର ୩୦ଟି ବୁଥରେ ଇଭିଏମ ଅଚଳ ବୋଲି ଏକ ନିର୍ଦ୍ଦିଷ୍ଟ ଗଣମାଧ୍ୟମ ଖବର ପ୍ରସାରଣ କରିଥିଲା।
କିନ୍ତୁ ଏହି ଖବର ସତ୍ୟ ନୁହେଁ ବୋଲି କହିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ। ଯଦି ସନ୍ଦେହ ହୁଏ ମୁଖ୍ୟ ନିର୍ବାଚନ ଅଧିକାରୀ ଓ ଜିଲ୍ଲାପାଳଙ୍କ ସହିତ ଆଲୋଚନା କରି ଖବର ପ୍ରଦାନ କରନ୍ତୁ ବୋଲି କହିଛନ୍ତି। ଏପରି ତଥ୍ୟ ଟିଭିରେ ପ୍ରସାରଣ ହେବା ଦ୍ୱାରା ଜନମତ ପ୍ରଭାବିତ ହେବ ବୋଲି କହିଛନ୍ତି ସିଇଓ।
ଅନ୍ୟପଟେ ମହାକାଳପଡ଼ାରେ ନିର୍ବାଚନ ପ୍ରକ୍ରିୟା ସ୍ବାଭାବିକ୍ ଚାଲିଥିବା ନେଇ ସୂଚନା ଦେଇଛନ୍ତି କେନ୍ଦ୍ରାପଡ଼ା ଜିଲ୍ଲାପାଳ। ଯେଉଁ ନିର୍ଦ୍ଦିଷ୍ଟ ଗଣମାଧ୍ୟମ ଇଭିଏମ୍ ତ୍ରୁଟି ବୋଲି ଖବର ପ୍ରସାରଣ କରିଛି, ତାହା ମିଥ୍ୟା ବୋଲି ସେ କହିଛନ୍ତି।
ଇଣ୍ଡିଗୋ ବିମାନରେ ବୋମା ଆତଙ୍କ, କ୍ରୁ ସଦସ୍ୟଙ୍କୁ ମିଳିଲା ଧମକପୂର୍ଣ୍ଣ ଚିଠି
ନୂଆଦିଲ୍ଲୀ: ଚେନ୍ନାଇରୁ ମୁମ୍ବାଇ ଅଭିମୁଖେ ଯାଉଥିବା ଇଣ୍ଡିଗୋ ବିମାନରେ ବୋମା ଆତଙ୍କ। ଫ୍ଲାଇଟର କ୍ରୁ ମେମ୍ବରଙ୍କୁ ଏକ ଧମକପୂର୍ଣ୍ଣ ଚିଠି ମିଳିଥିଲା । ବୋମା ଧମକ ମିଳିବା ପରେ ଅଧିକାରୀମାନେ ବିମାନରେ ଯାଞ୍ଚ ଆରମ୍ଭ କରିଥିଲେ।
ପ୍ରଥମେ ଇଣ୍ଡିଗୋ ବିମାନରେ ଥିବା ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ବାହାରକୁ ଅଣାଯାଇଥିଲା । ପରବର୍ତ୍ତୀ ସମୟରେ ବିମାନରେ ଛାନଭିନ୍ନ କରାଯାଇଥିଲା। ତେବେ ଇଣ୍ଡିଗୋକୁ ଏଭଳି ଧମକ ଦିଆଯିବା ପ୍ରଥମ ଘଟଣା ନୁହେଁ।
ରିପୋର୍ଟ ଅନୁସାରେ, ଶନିବାର ସକାଳ ପ୍ରାୟ ୮ଟା ୪୦ମି. ଧମକ ପୂର୍ଣ୍ଣ ଚିଠି ମିଳିବା ପରେ ମୁମ୍ବାଇ ବିମାନବନ୍ଦରରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା। ଇଣ୍ଡିଗୋ କ୍ରୁ ସଦସ୍ୟଙ୍କୁ ମିଳିଥିବା ଚିଠିରେ ଉଲ୍ଲେଖ କରାଯାଇଥିଲା, ‘‘ଡୁ ନଟ୍ ଲ୍ୟାଣ୍ଡ ବମ୍ବେ… ୟୁ ଲ୍ୟାଣ୍ଡ ବମ୍ ବ୍ଲାଷ୍ଟ‘‘ । ଯାହାପରେ ସବୁଠି ଆତଙ୍କ ଖେଳିଯାଇଥିଲା। ତେବେ ଇଣ୍ଡିଗୋର ଏହି ଫ୍ଲାଇଟକୁ ଏୟାରପୋର୍ଟରେ ଆଇସୋଲେଟ୍ କରି ରଖାଯାଇଛି।
ସକାଳ ୯ଟା ସୁଦ୍ଧା ୭.୬୯ ପ୍ରତିଶତ ମତଦାନ, ଜାଣନ୍ତୁ କେଉଁଠି କେତେ
ନନ୍ଦିଘୋଷ ବ୍ୟୁରୋ: ରାଜ୍ୟରେ ଚାଲିଛି ଅନ୍ତିମ ପର୍ଯ୍ୟାୟ ମତଦାନ। ସକାଳ ୯ଟା ସୁଦ୍ଧା ୭.୬୯ ପ୍ରତିଶତ ମତଦାନ । ତେବେ ନଜର ପକାନ୍ତୁ କେଉଁଠି କେତେ…
ବିଧାନସଭା ନିର୍ବାଚନମଣ୍ଡଳୀ-
ଆଳି- ୭.୪୦%, ବଡ଼ସାହି- ୫.୩୭%, ବାଲେଶ୍ୱର- ୭.୮୦%, ବାଲିକୁଦା (ଏରସମା)- ୮.୧୮%, ବାଙ୍ଗିରିପୋଷୀ- ୬.୯୪%, ବଡ଼ଚଣା- ୬%, ବରି- ୭%, ବାରିପଦା-୭.୨୫%, ବସ୍ତା-୬.୨୫%, ବାସୁଦେବପୁର-୫.୩୦%, ଭଦ୍ରକ- ୬.୮୫%, ଭଣ୍ଡାରିପୋଖରୀ- ୯.୭୦%, ଭୋଗରାଇ- ୭.୫୧%, ବିଞ୍ଝାରପୁର-୮%, ଚାନ୍ଦବାଲି-୮.୨୦%, ଧାମନଗର- ୯.୩୦%, ଧର୍ମଶାଳା-୯%, ଜଗତସିଂହପୁର-୮.୨୦%, ଯାଜପୁର-୭.୫୦%, ଜଳେଶ୍ୱର- ୭.୪୫, ଯଶିପୁର-୭.୬୧%, କାକଟପୁର-୯.୬୦%, କେନ୍ଦ୍ରାପଡା- ୮.୭୦%, କୋରେଇ-୬.୫୦%, ମହାକାଳପଡା-୭%, ମାହାଙ୍ଗା-୫.୪୦%, ମୋରଡା-୬.୨୫%, ନିଆଳି-୯%, ନୀଳଗିରି-୧୧.୮୦%, ନିମାପଡା-୮.୨୦%, ପାରାଦୀପ-୮.୧%, ପାଟକୁରା-୮.୫୦%, ରାଇରଙ୍ଗପୁର-୭.୫୩%, ରାଜନଗର-୮%, ରେମୁଣା-୬.୧୦, ସାଲେପୁର-୬.୧୦%, ସାରସକଣା- ୭.୯୬%, ସୀମୁଳିଆ-୭.୭୦%, ସୋର-୭.୯୦%, ସୁକିନ୍ଦା-୧୦%, ତିର୍ତ୍ତୋଲ-୮.୫୧%, ଉଦଳା-୭.୯୦%
ଲୋକସଭା ନିର୍ବାଚନମଣ୍ଡଳୀ-
ବାଲେଶ୍ୱର- ୭.୪୬%, ଭଦ୍ରକ-୭.୭୯%, ଜଗତସିଂହପୁର- ୮.୫୪%, ଯାଜପୁର-୭.୭୪%, କେନ୍ଦ୍ରାପଡା-୭.୨୭%, ମୟୂରଭଞ୍ଜ- ୭.୩୩%
ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ଅଗ୍ନିକାଣ୍ଡ, ଜଳିଗଲା ଗେଟ୍ ଓ ବ୍ଯାରିକେଡ୍
ପୁରୀ: ପୁରୀରେ ଭୟାବହ ଅଗ୍ନିକାଣ୍ଡ। ଭୋରରୁ ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ଅଗ୍ନିକାଣ୍ଡ ହୋଇଛି । ନିଆଁ ଲାଗି ହୁତୁହୁତୁ ହୋଇ ଜଳିଲା ଫାଇବର ଗେଟ ଓ ବ୍ଯାରିକେଡ୍ । ନିଆଁ ଏତେ ଭୟଙ୍କର ଥିଲା ଯେ ପାଖକୁ ବି ଯିବା ଅସମ୍ଭବ ହୋଇପଡ଼ୁଥିଲା।
ଅଗ୍ନିକାଣ୍ଡରେ ପ୍ରାୟ ୧୦ଟି ଫାଇବର ଗେଟ୍ ସମ୍ପୂର୍ଣ୍ଣ ଜଳିଯାଇଛି । ଏହାସହ ପାଖରେ ଥିବା ଗଛ ଓ ଅନ୍ଯାନ୍ଯ ସାମଗ୍ରୀ ବି ଜଳିଯାଇଛି। ନାକଚଣା ଦ୍ୱାର ଓ ପାଚେରୀ ବି କ୍ଷତିଗ୍ରସ୍ତ ହୋଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବବେଳେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି।