ନୂଆଦିଲ୍ଲୀ: ଭାରତର ମିଶନ ଦିବ୍ୟାସ୍ତ୍ର ଗୋଟିଏ ପରେ ଗୋଟିଏ କାରନାମା କରିବାରେ ଲାଗିଛି । ଏହି କ୍ରମରେ ଆଜି ମଲଟିପୁଲ ଇଣ୍ଡିପେଣ୍ଡେଣ୍ଟଲି ଟାର୍ଗେଟେବୁଲ ରି –ଏଣ୍ଟ୍ରି ଭେହିକିଲ (ଏମଆଇଆରବି) ଟେକ୍ନୋଲଜି ସହ ସ୍ବଦେଶୀ ଜ୍ଞାନକୌଶଳରେ ବିକଶିତ ଅଗ୍ନି-୫ ମିଜାଇଲର ସଫଳ ପରୀକ୍ଷଣ ହୋଇଛି । ଏହି ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିଆରଡିଓର ବୈଜ୍ଞାନିକଙ୍କୁ ଶୁଭେଚ୍ଛା ଜଣାଇଛନ୍ତି । ଏହି ଦିବ୍ୟାସ୍ତ୍ର ପାଇଁ ଆମେ ଡିଆରଡିଓକୁ ନେଇ ଗର୍ବିତ ବୋଲି ପ୍ରଧାନମନ୍ତ୍ରୀ କହିଛନ୍ତି ।
୨୦୨୨ରେ ମଧ୍ୟ ଭାରତର ସବୁଠାରୁ ଶକ୍ତିଶାଳୀ ଏହି ମିଜାଇଲର ସଫଳ ପରୀକ୍ଷଣ କରାଯାଇଥିଲା । ସେତେବେଳେ ଏହା ୫୫୦୦ ଦୂର ଯାଇ ଟାର୍ଗେଟକୁ ହିଟ୍ କରିଥିଲା । ଏହାକୁ ଡିଆରଡିଓ ଓ ଭାରତୀୟ ଡାଇନେମିକ୍ସ ଲିମିଟେଡ (BDL) ମିଳିତ ଭାବେ ବିକଶିତ କରିଛନ୍ତି । ତେବେ ଗୁରୁତ୍ବପୂର୍ଣ୍ଣ କଥା ଏହାର ରେଜ୍ଞ ନୁହେଁ । ବଡ଼ କଥା ହେଲା ଏହାର ରେଞ୍ଜରେ ଚୀନ ସମେତ ଏକାଧିକ ଦେଶ ଆସିଯାଉଛନ୍ତି । ତେଣୁ ଚୀନ ସବୁ ବେଳେ ଭାରତର ଅଗ୍ନି-୫କୁ ନେଇ କିଛି ନା କିଛି aିଛ କଥା ପ୍ରଚାର କରି ଆସିଛି ।
