ଭୁବନେଶ୍ବର : ନିର୍ବାଚନ ପୂର୍ବରୁ କମିସନରେଟ ପୋଲିସର ଜିରୋ ଟଲେ୍ରାନ୍ସ । ଅପରାଧୀ ମାନଙ୍କ ଉପରେ ନଜର ରଖିଛି ପୋଲିସ । ନିର୍ବାଚନକୁ ସ୍ବଚ୍ଛ, ଅବାଧ ଏବଂ ନିରପେକ୍ଷ ନିର୍ବାଚନ କରିବା ପାଇଁ ଆରମ୍ଭ ହୋଇଛି ଆକ୍ସନ । ଭୁବନେଶ୍ୱରରେ ଜାନୁଆରୀ ମାସରୁ ଏପର୍ଯ୍ୟନ୍ତ ୪୩୮ ଟି NBW ଜାରି କରିଛି ପୋଲିସ । ଏହାସହ ଅନ୍ୟ ଅପରାଧିକ ମାମଲାରେ ଏକ ହଜାର ୭୧୯ଜଣ କୋର୍ଟରେ ଆତ୍ମସମର୍ପଣ କରିଛନ୍ତି | ସେହିଭଳି ୨୫୮ ଟି ଏକ୍ସସାଇଜ କେସ ଡିଟେକ୍ଟ ହୋଇଛି । ୬୮୮ ଲିଟର ବିଦେଶୀ ମଦ ଓ ୧୧ ହଜାର ୩ଶହ ଲିଟର ଦେଶୀ ମଦ ଜବତ ସହ ୨୧୨ ଜଣଙ୍କୁ ଗିରଫ କରିଛି ପୋଲିସ | ରାଜଧାନୀରୁ ୫୭୬ ଗ୍ରାମ ବ୍ରାଉନସୁଗାର, ୫୯୧ କେଜି ଗଞ୍ଜେଇ ଜବତ ସହ ୫୪ ଜଣଙ୍କୁ ଗିରଫ କରିଛି ପୋଲିସ । ସେପଟେ ସ୍ପେଶାଲ କ୍ରାଇମ ୟୁନିଟ ପାଞ୍ଚଟି ବେଆଇନ ବନ୍ଧୁକ, ୨୪ ଟି ଗୁଳି ଜବତ କରିଛି । ୮୬୦ଟି ଲାଇସେନ୍ସ ପ୍ରାପ୍ତ ବନ୍ଧୁକ ଡିସିପି ଅଫିସରେ ଡିପୋଜିଟ ହୋଇଛି । ଆହୁରି ୪୦୩ ଡିପୋଜିଟ ହେବାକୁ ବାକି ରହିଛି । ରାଜଧାନୀରେ ଗୋଟିଏ ସେକ୍ସନ CAPF ନିୟୋଜିତ ହୋଇଛନ୍ତି । ସମ୍ବେଦନଶୀଳ ଅଞ୍ଚଳରେ ଫ୍ଲାଗମାର୍ଚ୍ଚ କରୁଛନ୍ତି । ସେହି କଟକରେ କମିସନରେଟ ପୋଲିସ ତରଫରୁ ୪୨୮ ଟି NBW ଜାରି କରାଯାଇଛି । ବିଭିନ୍ନ ମାମଲାରେ ୪୩୬ ଜଣ କୋର୍ଟରେ ଆତ୍ମସମର୍ପଣ କରିଛନ୍ତି । ସେହିଭଳି ୫୯୯ ଗ୍ରାମ ବ୍ରାଉନସୁଗର,୧୯୯ କେଜି ଗଞ୍ଜେଇ ଜବତ ସହ ୨୭ ଜଣଙ୍କୁ ଗିରଫ କରିଛି ପୋଲିସ । କଟକ ବିଭିନ୍ନ ଥାନା ଅଞ୍ଚଳରେ ୧୧ଟି ବେଆଇନ ବନ୍ଧୁକ ଜବତ ସହ ୧୪ ଜଣଙ୍କୁ ଗିରଫ କରାଯାଇଛି । ୬୪୪ ଟି ଲାଇସେନ୍ସ ପ୍ରାପ୍ତ ବନ୍ଧୁକ କଟକ ଡିସିପିଙ୍କ ଅଫିସରେ ଡିପୋଜିଟ ହୋଇଛି । ଆହୁରି ୨୦ଟି ଲାଇସେନ୍ଟ ପ୍ରାପ୍ତ ବନ୍ଧୁକ ଡିପୋଜିଟ ପାଇଁ ବାକି ରହିଛି । କଟକ ଏବଂ ଭୁବନେଶ୍ୱରରେ ଦିନରେ ଓ ରାତିରେ ବିଭିନ୍ନ ଜାଗାରେ ବ୍ଲକିଂ ଚେକିଂ ଜାରି ରହିଛି ।
ଆଇପିଏଲରେ ଆହତ ଖେଳାଳି ଦରମା ପାଇବେ କି ନାହିଁ ଜାଣନ୍ତୁ ?
ନନ୍ଦିଘୋଷ ବ୍ୟୁରୋ : ଆଇପିଏଲ୍ ରେ ଗତ କିଛି ସିଜିନରେ ଖେଳାଳିମାନେ କ୍ରମାଗତ ଭାବରେ ଆଘାତର ଶିକାର ହେଉଛନ୍ତି | ଜସପ୍ରୀତ ବୁମ୍ରା, ରିଷଭ ପନ୍ତ ଏବଂ ପ୍ରସାଦ କୃଷ୍ଣଙ୍କ ସମେତ ଅନେକ ବିଦେଶୀ ଖେଳାଳି ଆହତ କାରଣରୁ ଆଇପିଏଲ ୨୦୨୩ରେ ଖେଳିପାରିନଥିଲେ । ମାର୍ଚ୍ଚ ୨୨ରୁ ଆଇପିଏଲ୍ ୨୦୨୪ ଆରମ୍ଭ ହୋଇଛି, କିନ୍ତୁ ଅନେକ ବଡ ବଡ ଖେଳାଳି ଏହି ସିଜିନ ଆରମ୍ଭ ପୂର୍ବରୁ ମଧ୍ୟ ଆଘାତ କାରଣରୁ ଟୁର୍ନାମେଣ୍ଟରୁ ବାଦ ପଡିଛନ୍ତି | ଏହି ଖେଳାଳୀମାନଙ୍କ ମଧ୍ୟରୁ ଅନେକଙ୍କର ନିଲାମରେ କୋଟି କୋଟି ଟଙ୍କା ମୂଲ୍ୟର ଦାମ ଥିଲା | କିନ୍ତୁ ଆଘାତ କାରଣରୁ ସମଗ୍ର ଟୁର୍ନାମେଣ୍ଟରୁ ବାହାରିବା ପରେ ମଧ୍ୟ ତାଙ୍କୁ ପୂର୍ଣ୍ଣ ଟଙ୍କା ଦିଆଯିବ କି ନାହିଁ ଆପଣଙ୍କ ମନେ ପ୍ରଶ୍ନ ଆସୁଥିବ। ତାହେଲେ ଜାଣନ୍ତୁ ସେମାନେ ଆହାତ ହେବା ପରେ ଟଙ୍କା ନିଅନ୍ତ କି ନାହିଁ ।
ଯଦି କେହି ଖେଳାଳି ଟୁର୍ଣ୍ଣାମେଣ୍ଟରୁ ବାହାରେ ଅଛି ତେବେ ମୁଁ ସମ୍ପୂର୍ଣ୍ଣ ଟଙ୍କା ପାଇବି କି ?
ଆଇପିଏଲ୍ ନିୟମ ଅନୁଯାୟୀ, ଯଦି କୌଣସି ଖେଳାଳି ସିଜିନ ଆରମ୍ଭ ପୂର୍ବରୁ ଆଘାତ କିମ୍ବା ଅନ୍ୟ କୌଣସି କାରଣରୁ ତାଙ୍କ ନାମ ପ୍ରତ୍ୟାହାର କରନ୍ତି, ତେବେ ତାଙ୍କୁ କୌଣସି ରାଶି ପ୍ରଦାନ କରାଯିବ ନାହିଁ | ଏହାର ଅର୍ଥ ଯଦି କୌଣସି ଖେଳାଳି କୌଣସି ମ୍ୟାଚ୍ ନ ଖେଳି ଟୁର୍ନାମେଣ୍ଟରୁ ଓହରି ଯାଆନ୍ତି, ତେବେ ସେ ଟଙ୍କା ପାଇବେ ନାହିଁ | ଏଥି ସହିତ, ଯଦି ଖେଳାଳି ଟୁର୍ନାମେଣ୍ଟ ସମୟରେ ଆହତ ହୁଅନ୍ତି କିମ୍ବା କୌଣସି ବ୍ୟକ୍ତିଗତ କାରଣରୁ ଖେଳିବାକୁ ଅସମର୍ଥ ହୁଅନ୍ତି, ତେବେ ମ୍ୟାଚ୍ ଅନୁପାତ ଅନୁଯାୟୀ ତାଙ୍କୁ ଟଙ୍କା ଦିଆଯିବ ।
ଶରଧା ଡଙ୍ଗା ବୁଡ଼ି ଘଟଣାରେ ଉଦ୍ଧାର ହେଲେ ଶେଷ ନିଖୋଜ ମହିଳା
ଶରଧା : ଡଙ୍ଗା ବୁଡ଼ିରେ ଘଟଣାରେ ଉଦ୍ଧାର ହେଲେ ଶେଷ ନିଖୋଜ ମହିଳା। ମହିଳାଙ୍କର ନାମ ଘସମିନ ରାଠିଆ ବୋଲି ଜଣା ପଡ଼ିଛି। ଗତକାଲି ଅପରାହ୍ନ ପ୍ରାୟ ତିନି ଟାରେ ଶରଧା ଡଙ୍ଗା ଘାଟକୁ ଆସୁଥିବା ବେଳେ ଡଙ୍ଗା ବୁଡ଼ିଯାଇଥିଲା। ଡଙ୍ଗା ରେ ଥିବା ୫୪ଜଣକ ମଧ୍ୟରୁ ୪୫ ଜଣ ଛତିଶଗଡ଼ ରାଜ୍ୟ ଖର୍ସିଆରେ ଥିବାର ସୁଚନା ମିଳିଥିଲା। ତେବେ ଗତକାଲି ଜଣେ ମହିଳାଙ୍କର ମୃତ ଦେହ ଉଦ୍ଧାର କରାଯାଇଥିବା ବେଳେ ମହିଳା ଶିଶୁ ମିଶାଇ ଆହୁରି ସାତ ଜଣ ନିଖୋଜ ଥିଲେ। ଡଙ୍ଗା ବୁଡିଯିବା ସମୟରେ ନିକଟରେ ଥିବା ମାଛ ଧରାଳି ମାନେ ଡଙ୍ଗାରେ ଥିବା ଯାତ୍ରୀ ଙ୍କୁ ଉଦ୍ଧାର କରିଥିଲେ। ଆହତ ଥିବା ବ୍ୟକ୍ତି ଙ୍କୁ ପ୍ରାଥମିକ ଚିକିତ୍ସା ପରେ ଛତିଶଗଡ଼ କୁ ପଠାଇ ଦିଆଯାଇଥିଲା। ଗତରାତି ପ୍ରାୟ ୧୧ ଟା ଯାଏଁ ଚାଲିଥିଲା ଅପରେସନ। କିନ୍ତୁ ନିଖୋଜ ସାତ ଜଣଙ୍କୁ ଠାବ କରି ପାରିନଥିଲା ଓଡ୍ରାଫ, ଅଗ୍ନିଶମ ବିଭାଗ। ତେବେ ଆଜି ସକାଳୁ ପ୍ରାୟ ୫ଟାରୁ ରେସକ୍ୟୁ ଅପରେସନ କରି ନିଖୋଜ ସମସ୍ତ ମୃତଦେହ ଉଦ୍ଧାର କରାଯାଇଛି। ଡଙ୍ଗା ବୁଡ଼ି ଦୁର୍ଘଟଣାର ୨୪ଘଣ୍ଟା ମଧ୍ୟରେ ସମସ୍ତ ନିଖୋଜକୁ ଉଦ୍ଧାର କରିଛନ୍ତି ଓଡ୍ରାଫ ଟିମ ଏବଂ ଅଗ୍ନିଶମ ବିଭାଗ । ଏହି ଉଦ୍ଧାର କାର୍ଯ୍ୟରେ ସ୍କୁବା ଡ୍ରାଇଭର, ସର୍ଚ୍ଚ କ୍ୟାମେରାର ସହାୟତା ନିଆଯାଇଥିଲା। ଉଦ୍ଧାର ହୋଇଥିବା
ସମସ୍ତ ମୃତଦେହକୁ ଶବ ବ୍ୟବଚ୍ଛେଦ କରି ତାଙ୍କର ପରିବାର କୁ ହସ୍ତାନ୍ତର କରିଛନ୍ତି ଜିଲ୍ଲା ପ୍ରଶାସନ। ଛତିଶଗଡ଼ ପ୍ରଶାସନ ମଧ୍ୟ ଘଟଣାସ୍ଥଳରେ ରହି କାର୍ଯ୍ୟରେ ସହାୟତା କରିଛନ୍ତି। ମୃତକଙ୍କୁ ଚାରି ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ତେବେ ସମସ୍ଥ ମୃତକ ମାନଙ୍କ ପରିଚୟ ମିଳିଛି ।ସେମାନେ ହେଲେ ରାଧିକା ନିଶାଦ, ତେରଷବାଇ ରାଠିଆ, ଲଷ୍ମୀନବାଇ ରାଠିଆ, ରାଧିକା ରାଠିଆ, ଘସମିନ ବାଇ ରାଠିଆ, ଶିଶୁ କୁନାଲ ରାଠିଆ, ପିକେଶ୍ୱର ରାଠିଆ, ନବୀନ ରାଠିଆ । ମୃତକ ସମସ୍ତଙ୍କ ଘର ଛତିଶଗଡ଼ ରାଜ୍ୟ, ରାଏଗଡ଼ ଜିଲ୍ଲା, ଖର୍ସିଆ ପୋଲିସ ଷ୍ଟେସନ ଅନ୍ତର୍ଗତ ଅଞ୍ଜୋରୀପାଳି ଗାଁରେ ହୋଇଥିବା ସୂଚାନ
କେଉଁ ଦଳ କେତେ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି
ଭୁବନେଶ୍ୱର : ସାଧାରଣ ନିର୍ବାଚନ ପାଇଁ ବଢୁଛି ତାତି । ସଭିଙ୍କ ନଜର ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସର ପ୍ରାର୍ଥୀଙ୍କ ଉପରେ । ଆସନ୍ତୁ ନଜର ପକାଇବା କେଉଁ ଦଳ କେତେ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି । ଆଜି ବିଜେଡିର ଆଉ ୯ ଜଣ ପ୍ରାର୍ଥୀଙ୍କର ନାଁ ଘୋଷଣା କରିଛି । ପୂର୍ବରୁ ଦଳ ୧୨୬ ଜଣଙ୍କ ନାଁ ଘୋଷଣା କରିଥିବାବେଳେ ଆଜିର ୯ ଜଣଙ୍କୁ ମିଶାଇ ତାଲିକା ୧୩୫କୁ ବୃଦ୍ଧି ପାଇଛି । ଅନ୍ଯପଟେ କଂଗ୍ରେସ ଏଯାଏଁ ୧୨୮ଜଣଙ୍କ ନାଁ ଘୋଷଣା କରିଛି । ବିଜେପି ଏଯାଏଁ ୧୩୧ ପ୍ରାର୍ଥୀଙ୍କ ନାଁ ଘୋଷଣା କରିଛି । ବିଜେଡି ଆହୁରି ୧୨ ଆସନରେ ପ୍ରାର୍ଥୀ ଦେବାକୁ ବାକି ଥିବାବେଳେ ବିଜେପି ଆଉ ୧୬ଟି ଆସନରେ ଏବଂ କଂଗ୍ରେସ ୩୧ ଆସନରେ ପ୍ରାର୍ଥୀ ଦେବାକୁ ବାକି ଅଛି ।
ଦକ୍ଷିଣରୁ ପଶ୍ଚିମ ସବୁଠି ବିଜେଡିରେ ସାମିଲ ହେଉଛନ୍ତି ଏକାଧିକ ନେତା, ଶହ ଶହ କର୍ମୀ
ନନ୍ଦିଘୋଷ ବ୍ୟୁରୋ : ବିଜେଡିରେ ମିଶିଲେ ଗଜପତି ଜିଲ୍ଲା ପାରଳାଖେମୁଣ୍ଡି ବିଧାନସଭା ନିର୍ବାଚନମଣ୍ଡଳୀ, ଗୁମ୍ମା ଓ କାଶୀନଗର ବ୍ଲକର ନେତା ଚନ୍ଦ୍ର ସାହୁକାର ଏବଂ ଶତାଧିକ ନେତା ତଥା କର୍ମୀ। ସମସ୍ତଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସାଂଗଠନିକ ସମ୍ପାଦକ ପ୍ରଣବ ପ୍ରକାଶଙ୍କ ପକ୍ଷରୁ ସାଂସଦ ସସ୍ମିତ ପାତ୍ର ସ୍ୱାଗତ କରିଥିଲେ । ସମସ୍ତେ କହିଥିଲେ, ଅଞ୍ଚଳରେ ଆହୁରି ଶକ୍ତିଶାଳୀ ହେବ ବିଜେଡି । ମୁଖ୍ୟମନ୍ତ୍ରୀଙ୍କ ହାତମୁଠା ଟାଣ ହେବ। ମୁଖ୍ୟମନ୍ତ୍ରୀଙ୍କ ଜନ୍ମରୁ ମୃତ୍ୟୁ ଯାଏଁ ଯୋଜନାରେ ସମସ୍ତେ ଅନୁପ୍ରାଣିତ । ନିର୍ବାଚନରେ ବଡ଼ ବ୍ୟବଧାନରେ ବିଜେଡିକୁ ଜିତାଇବାକୁ ଚେଷ୍ଟା କରିବୁ। ବିଜୁବାବୁଙ୍କର ଗଜପତି ଜିଲ୍ଲା ସହ ସଂପର୍କ ବହୁ ନିବିଡ଼ ଥିଲା। ଏବେ ନବୀନ ବାବୁଙ୍କ ସମୟରେ ଗଜପତି ଜିଲ୍ଲାର ଆହୁରି ଉନ୍ନତି ହେବ । ସେହିପରି ବିଜେଡିରେ ମିଶିଛନ୍ତି ଟିଟିଲାଗଡ଼ ନିର୍ବାଚନ ମଣ୍ଡଳୀର ବିଜେପି ଛାଡ଼ିଥିବା ଅନେକ ନେତା। ସେମାନେ ହେଲେ ମୁକେଶ ଜୈନ, ଅଶୋକ ମିଶ୍ର, ତପନ, ବିଜୟ, ବିବେକ ବେହେରା, ପଦ୍ମଲୋଚନ, ପ୍ରଶାନ୍ତ ମହାନ୍ତି, ନରସିଂହ ସିଂ, ବିପିନ ଠାକୁର, ଆକାଶ ମଣ୍ଡଳ, ରାଜା ନାଗ, ରାଜା ଖାନ, ମନୋଜ ନାୟକ, ପିନାକ ସାହୁ, ଦେବେନ୍ଦ୍ର ସାହୁଙ୍କ ସମେତ ଅନେକ ନେତା। ସମସ୍ତଙ୍କୁ ଶଙ୍ଖ ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ଦଳକୁ ସ୍ୱାଗତ କରିଥିଲେ ସାଂସଦ ସସ୍ମିତ ପାତ୍ର। ଟିଟିଲାଗଡ଼ ବିଧାୟିକା ଟୁକୁନି ସାହୁ ଉପସ୍ଥିତ ଥିଲେ। ଟିଟିଲାଗଡ଼ର ବିକାଶରେ କାମ କରିବାକୁ ସମସ୍ତେ ବିଜେଡିକୁ ଆସିଛନ୍ତି। ମୁଖ୍ୟମନ୍ତ୍ରୀଙ୍କ କାର୍ଯ୍ୟଧାରା ଦେଖି ସମସ୍ତେ ଆସିଛନ୍ତି ଓ ବିଜେଡିକୁ ସୁଦଢ଼ କରିବା ସହ ବିକାଶ କାମକୁ ଆଗକୁ ନେବେ।
ବଡ଼ଚଣାରୁ ପ୍ରାର୍ଥୀ ହେବା ପରେ କଣ କହିଲେ ବର୍ଷା ଜାଣନ୍ତୁ ?
ଭୁବନେଶ୍ବର: ବିଧାନସଭା ନିର୍ବାଚନ ପାଇଁ ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକାରେ ବର୍ଷା ପ୍ରିୟଦର୍ଶିନୀଙ୍କ ନାମରେ ମୋହର ମାରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଯାଜପୁର ବଡ଼ଚଣା ନିର୍ବାଚନ ମଣ୍ଡଳୀରୁ ବର୍ଷାଙ୍କୁ ଯୋଦ୍ଧା କରିଛି ବିଜୁ ଜନତା ଦଳ । ଗତକାଲି ଶଙ୍ଖ ଭବନେର ବିଜେଡିରେ ମିଶିଥିଲେ ବର୍ଷା । ଏହାର ଦିନକ ପରେ ଅର୍ଥାତ ଆଜି ବିଜେଡି ବର୍ଷାଙ୍କୁ ମୈଦାନକୁ ଛାଡିଛି । ପ୍ରାର୍ଥୀହେବାପରେ କଟକ ଚଣ୍ଡୀ ମନ୍ଦିର ଯାଇ ମାଙ୍କ ନିକଟରେ ପୂଜାର୍ଚ୍ଚନା କରିଥିଲେ । ବର୍ଷା ତାଙ୍କ ପ୍ରାଥମିକ ପ୍ରତିକ୍ରିୟାରେ ସେ କହିଛନ୍ତି ମୁଖ୍ୟମନ୍ତ୍ରୀ ମୋପ୍ରତି ଆସ୍ଥା ପ୍ରକଟ କରିଥିବାରୁ କୃତଜ୍ଞତା ଜଣାଉଛି । ମୁଖମନ୍ତ୍ରୀଙ୍କ ବିଶ୍ଵାସ ଓ ଭରସାକୁ ସମ୍ମାନ ଜଣାଉଛି ଆଗାମି ଦିନରେ ତାଙ୍କର ଏହି ବିଶ୍ୱାସକୁ ଅତୁଟ ରଖିବି । ବଡ଼ଚଣା ମଟିର ସମସ୍ଥ ମା’ ମାଉସୀଙ୍କୁ ଭୁମିଷ୍ଠ ପ୍ରଣାମ ଜଣାଉଛି ସେମାନଙ୍କର ସୁଖ, ଦୁଖଃରେ ଛିଡ଼ା ହେବି । ଶତ ପ୍ରତିଶତ ନୁହେଁ ହଜାର ପ୍ରତିଶତ ଚେଷ୍ଟା ଜାରି ରଖିବି ବଡ଼ଚଣାର ବିକାଶ ପାଇଁ । ସରକାରଙ୍କ ବିକାଶମୂଳକ କାର୍ଯ୍ୟ ଲୋକଙ୍କ ନିକଟରେ ପହଞ୍ଚାଇବି । ମହିଳା ସଶକ୍ତି କରଣକୁ ଆହୁରି କେମିତି ଆଗକୁ ନିଆଯାଇପାରିବ ସେଥିପାଇଁ ଗୁରୁତ୍ବ ଦେବି ।
ଶିଳ୍ପ ବିକାଶ ଧାରାରେ ଶ୍ରମିକ ମାନଙ୍କର ଭୂମିକାକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା
ସମ୍ବଲପୁର : ଦୈନିକ ମଜୁରୀରେ ୩୪୬ ଟଙ୍କାରୁ ୪୫୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିଛନ୍ତି ମୁଖ୍ୟମନ୍ତ୍ରୀ । ୫୦ ବର୍ଷ ମଧ୍ୟରେ ଏକକାଳୀନ ଦୈନିକ ମଜୁରୀ ୧୦୦ ଟଙ୍କା ବୃଦ୍ଧି କରି ନବୀନ ରଚିଛନ୍ତି ଇତିହାସ । ଏନେଇ ଆଜି ସମ୍ବଲପୁର ଠାରେ ଏକ ସାମ୍ବାଦିକ ସମିଳନୀରେ ବିଜୁ ଶ୍ରମିକ ସାମୁଖ୍ୟର ମହା ସଚିବ ତଥା କଟକ ମେୟର ସୁବାସ ସିଂହ ପ୍ରକାଶ କରିଛନ୍ତି । ଏହାଦ୍ବାରା ସବୁ ସ୍ତରର ପ୍ରାୟ ଏକ କୋଟି ଶ୍ରମିକ ଉପକୃତ ହେବେ। ବିଶେଷ କରି ମୁନ୍ସିପାଲଟି ରେ କାର୍ଯ୍ୟରତ ଶ୍ରମିକ, ବିଦୂତ ବିଭାଗରେ କାର୍ଯ୍ୟରତ ଶ୍ରମିକ, ପରିବହନ ବିଭାଗରେ କାର୍ଯ୍ୟରତ ଶ୍ରମିକ, ବିଭିର୍ଣ୍ଣ କମ୍ପାନୀ ଓ ଘରୋଇ ସଂସ୍ଥାରେ କାର୍ଯ୍ୟରତ ଶ୍ରମିକ ଏହା ଦ୍ବାରା ଉପକୃତ ହେବେ l ମୁଖ୍ୟମନ୍ତ୍ରୀ ନବୀନ ପଟନାୟକ ଙ୍କ ” ନୂଆ ଓଡିଶା ରାଜ୍ୟ ତମାମ ରୂପାନ୍ତରୀକରଣ, ଶିଳ୍ପ ବିକାଶ ଧାରାରେ ଶ୍ରମିକ ମାନଙ୍କର ଭୂମିକା ସବୁଠାରୁ ପ୍ରଶଂସନୀୟ । ସେମାଙ୍କର ମଜୁରୀ ଓ ସାମାଜିକ ସୁରକ୍ଷା ଯୋଗାଇବା ସବୁଠାରୁ ଗୁରୁତ୍ବପୂର୍ଣ ପ୍ରସଙ୍ଗ। ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା “ମା” ମାନଙ୍କ ପାଇଁ ଏବଂ ଶ୍ରମିକ ଶ୍ରେଣୀର ଲୋକଙ୍କ ପାଇଁ ଏକ ବଡ଼ ସୁରକ୍ଷା ପ୍ରଦାନ କରିପାରିଛି । ନିର୍ମାଣ ଶ୍ରମିକ କଲ୍ୟାଣ ଯୋଜନାରେ ସମଗ୍ର ରାଜ୍ୟରେ ଆଜି ସୁଦ୍ଧା ୪୨ଲକ୍ଷ ୪୮ ହଜାର ଶ୍ରମିକ ପଂଜିକୃତ ହୋଇଛନ୍ତି ।
ସେମାଙ୍କୁ ବିଭିର୍ଣ୍ଣ ଯୋଜନାରେ ୩ ହଜାର ୫୨୪ କୋଟି ଟଙ୍କାର ସହାୟତା ପ୍ରଦାନ କରାଯାଇପାରିଛି l ଅଣ ସଂଗଠିତ ଶ୍ରମିକ କଲ୍ୟାଣ ବୋର୍ଡ଼ ଗଠନ କରାଯାଇ ସବୁ ସ୍ତରରେ ଶ୍ରମିକ ଏପରିକ ଡୋମେସ୍ଟିକ ଶ୍ରମିକ ପର୍ଯ୍ୟନ୍ତ ସାମାଜିକ ସୁରକ୍ଷା ପ୍ରଦାନ କରାଯାଇଅଛି। ଓଡ଼ିଶାରେ ପରିବହନ କ୍ଷେତ୍ରରେ କାର୍ଯ୍ୟରତ ସବୁ ପ୍ରକାର ଚାଳକ ଓ ଶ୍ରମିକ ମାନଙ୍କୁ ସାମାଜିକ ସୁରକ୍ଷା ଯୋଗାଇଦେବା ପାଇଁ ସ୍ବତନ୍ତ୍ର କଲ୍ୟାଣ ବୋର୍ଡ଼ ଗଠନ କରାଯାଇ ବିଭିର୍ଣ୍ଣ ସୁବିଧା ସୁଯୋଗ ପ୍ରଦାନ କରାଯାଇପାରୁଅଛି l କେନ୍ଦୁ ପତ୍ର ତୋଳାଳୀ ଓ ବୁଣାକାର ମାନଙ୍କୁ ସବୁ ପ୍ରକାର ସହାୟତା ପ୍ରଦାନ କରାଯାଇଛି । ଚଳିତ ବର୍ଷ ୫୦ ଭାଗ ରାଶି ବୃଦ୍ଧି କରାଯାଇ ଅଛି ।
ରାଜ୍ୟରେ ରେକର୍ଡ ପରେ ରେକର୍ଡ ଭାଙ୍ଗୁଛି ତାତି
ଭୁବନେଶ୍ବର: ଆକାଶରୁ ବର୍ଷୁଛି ନିଆଁ । ପ୍ରବଳ ଗ୍ରୀଷ୍ମ ପ୍ରବାହରେ ଆଉଟୁ ପାଉଟୁ ସାରା ରାଜ୍ଯ । ଲଗାତର ରେକର୍ଡ ପରେ ରେକର୍ଡ ଭାଙ୍ଗୁଛି ତାତି। ଗତବର୍ଷର ରେକର୍ଡ ପଛରେ ପକାଇଛି । ଆସନ୍ତା ମେ ୨ ତାରିଖ ପର୍ଯ୍ୟନ୍ତ ଗ୍ରୀଷ୍ମ ପ୍ରବାହ ଜାରି ରହିବ ବୋଲି ସୂଚନା ଦେଇଛି ପାଣିପାଗ ବିଭାଗ । ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ସିଭିୟର ହିଟ୍ଓ୍ବେଭ୍ ପାଇଁ ୨୩ ଜିଲ୍ଲାକୁ ସତର୍କ କରାଯାଇଛି । ତେବେ ୨୧ ଏବଂ ୨୨ ତାରିଖ ବେଳକୁ ସାମୟିକ ଆଶ୍ବସ୍ତି ଆଣିପାରେ କାଳବୈଶାଖୀ ବର୍ଷା । ଆଜିର ତାପମାତ୍ରାକୁ ଲକ୍ଷ୍ୟକଲେ ଆଜି ୨ଟା ୩୦ ସୁଦ୍ଧା ରେକର୍ଡ ତାପମାତ୍ରା
କେନ୍ଦୁଝର: 43.5°C ଝାରସୁଗୁଡା: 43.2°C
ସମ୍ବଲପୁର: 42.7°C ରାଉରକେଲା: 42.6°C
ହୀରାକୁଦ: 42.6°C ଚାନ୍ଦବାଲି: 41.4°C
ଭୁବନେଶ୍ୱର: 40.5°C ବାଲେଶ୍ୱର: 40.2°C
ପୁରୀ: 34.6°C ପାରାଦ୍ୱୀପ: 33.2°C
ଗୋପାଳପୁର: 32.6°C
ଅନ୍ୟପଟେ ପ୍ରବଳ ଗ୍ରୀଷ୍ମ ପ୍ରବାହ ସହ ଗୁଳୁଗୁଳି ରାଜ୍ୟବାସୀଙ୍କୁ ଅସ୍ତବ୍ୟସ୍ତ କରିଛି । ସକାଳ ୧୦ଟା ବାଜିବନା ମାତ୍ରେ ଘରୁ ବାହାରିବା ମୁସ୍କିଲ ହୋଇପଡୁଛି ।
ଏସି ହେଲମେଟ ପିନ୍ଧି ଟ୍ରାଫିକ ବ୍ୟବସ୍ଥା ସମ୍ଭାଳିବେ ପୋଲିସ କର୍ମୀ
ଭୁବନେଶ୍ବର: ଖରା ପାଇଁ ଏୟାର କୁଲିଙ୍ଗ ହେଲମେଟ ପିନ୍ଧିଲେ ଟ୍ରାଫିକ ପୋଲିସ । ଆଜି ଏହି ହେଲମେଣ୍ଟକୁ ପରୀକ୍ଷାମୂଳକ ଭାବେ ଆରମ୍ଭ କରାଯାଇଛି। କମିଶନରେଟ ପୋଲିସରେ କାର୍ଯ୍ୟରତ ସମସ୍ତ ଟ୍ରାଫିକ କର୍ମଚାରୀ ମାନେ ପ୍ରଚଣ୍ତ ଖରାରୁ ନିସ୍ତାର ପାଇବେ। ସେଥିପାଇଁ ସ୍ୱତନ୍ତ୍ର ଜ୍ଞାନକୌଶଳରେ ତିଆରି ହୋଇଥିବା ଏହି ଏସି ହେଲମେଟକୁ ପରୀକ୍ଷା ମୂଳକ ଭାବେ ଆରମ୍ଭ କରାଯାଇଛି।
ଖରାରୁ ରକ୍ଷା ପାଇବା ପାଇଁ ଏଭଳି ପଦକ୍ଷେପ ଗ୍ରହଣ କରିଛି ପୋଲିସ । ହେଲମେଟରେ ରହିଛି ସ୍ଵତନ୍ତ୍ର ବ୍ୟାଟେରୀ। ଯାହାଫଳରେ ହେଲମେଟ ଚାର୍ଜ ହେବ । ଥରେ ଚାର୍ଜ ହୋଇଗଲେ 8 ଘଣ୍ଟା ପର୍ଯ୍ୟନ୍ତ ଚାର୍ଜ ରହିବ । ସେପଟେ ଖରା ଦିନେ ଥଣ୍ଡା ପବନ ଦେବା ସହିତ ଶୀତ ଦିନେ ଗରମ ପବନ ଦେବ । ପୋଲିସ କମିଶନର ଏହି ହେଲମେଟକୁ ପରୀକ୍ଷା ମୂଳକ ଭାବେ ଜଣେ ମହିଳା ଟ୍ରାଫିକ କର୍ମଚାରୀଙ୍କୁ ପ୍ରଦାନ କରିଛନ୍ତି ।
ସଫଳ ହେଲେ ସବୁ ଟ୍ରାଫିକ କର୍ମଚାରୀଙ୍କୁ ଏହା ପ୍ରଦାନ କରାଯିବ ବୋଲି କହିଛନ୍ତି ପୋଲିସ କମିସନର । ପୂର୍ବରୁ ଗୁଜରାଟ ପୋଲିସ ଏହାର ବ୍ୟବହାର କରିସାରିଛି।
ଖରସ୍ରୋତା ନଦୀରେ ଅଘଟଣ, ଗାଧୋଇବାକୁ ଯାଇ ଭାସିଗଲେ ଦୁଇ ଭାଇ
ଯାଜପୁର: ଯାଜପୁର ରୋଡ୍ ଥାନା ଯୋକଡିଆ ନିକଟ ଖରସ୍ରୋତା ନଦୀରେ ଅଘଟଣ । ଗାଧୋଉଥିବା ବେଳେ ଭାସିଯାଇ ଦୁଇ ଭାଇ ନିଖୋଜ ହୋଇଯାଇଛନ୍ତି । ନିଖୋଜ ଦୁଇ ଭାଇ ବ୍ୟାସନଗର ପୌରାଞ୍ଚଳ ସାପଗଡି଼ଆ ଅଞ୍ଚଳର ଶାଶ୍ୱତ ରଞ୍ଜନ ସ୍ୱାଇଁ ଓ ସ୍ବସ୍ତିକ ରଞ୍ଜନ ସ୍ୱାଇଁ ।
ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଭୟଙ୍କୁ ଖୋଜାଖୋଜି କରୁଛି । ନଦୀରେ ଦୁଇ ଭାଇଙ୍କ ୪ ଜଣ ଯୁବକ ଗାଧୋଉଥିବା ସମୟରେ ପ୍ରଥମେ ଶାଶ୍ବତ ଭାସିଯାଇଥିଲେ। ତାଙ୍କ ବଞ୍ଚାଇବାକୁ ଯାଇ ସ୍ବସ୍ତିକ ମଧ୍ଯ ଭାସିଯାଇଥିଲେ । ଅଗ୍ନିଶମ ବାହିନୀ ସ୍ଥାନୀୟ ଲୋକଙ୍କ ସହାୟତାରେ ସର୍ଚ୍ଚ ଅପରେସନ ଜାରି ରଖିଛି ।