ପୁରୀ: ଶ୍ରୀମନ୍ଦିର ନାଟମଣ୍ଡପ ମରାମତି ପାଇଁ ସ୍ବତନ୍ତ୍ର ନୀତି ନିର୍ଘଣ୍ଟ ସ୍ଥିର ହୋଇଛି । ୨୩ ତାରିଖରୁ ନାଟମଣ୍ଡପ ମରାମତି କାର୍ଯ୍ୟ ଆରମ୍ଭ କରାଯିବ । ଏଥିପାଇଁ ରାତି ୨ଟାରେ ଦ୍ବାରଫିଟା ନୀତି ସମ୍ପନ୍ନ କରାଯିବ । ସେହିଭଳି ଭିତର ଶୋଧ ସାଢେ ଦୁଇଟା, ୩ଟାରେ ମଙ୍ଗଳଆଳତୀ, ୩ଟା ୧୦ରୁ ୩ଟା ୩୦ ମଧ୍ଯରେ ମଇଲମ ତଡ଼ପ ଲାଗି ନୀତି ଅନୁଷ୍ଠିତ ହେବ । ଅନ୍ଯାନ୍ଯ ନୀତି ପରେ ସକାଳ ୬ଟା ୩୦ରୁ ୮ଟା ମଧ୍ଯରେ ସକାଳଧୂପ କରାଯାଇ ୯ଟା ମଧ୍ଯରେ ମଇଲମ ବେଶ ନୀତି ସମ୍ପନ୍ନ ହେବ । ୧୦ଟାରୁ ୧୧ଟା ୩୦ ମଧ୍ଯରେ ମଧ୍ଯାହ୍ନ ଧୂପ, ୧୦ଟା ୩୦ରୁ ଅପରାହ୍ନ ଗୋଟାଏ ମଧ୍ଯରେ ଦ୍ବିତୀୟ ଭୋଗମଣ୍ଡପ ନୀତି କରିଯିବ । ସନ୍ଧ୍ଯା ସାଢେ ୬ଟାରେ ସନ୍ଧ୍ଯା ଆଳତି, ୭ଟାରୁ ରାତି ସାଢେ ୮ଟା ମଧ୍ଯରେ ସନ୍ଧ୍ଯା ଧୂପ, ରାତି ୧୦ଟାରେ ବଡସିଂହାର ବେଶ, ୧୦ଟା ୩୦ରେ ବଡସିଂହାର ଭୋଗ ନୀତି ସମ୍ପନ୍ନ କରାଯିବା ପରେ ରାତି ୧୧ଟାରେ ରାତ୍ର ପହୁଡ଼ ପଡ଼ିବ । ମରାମତି କାର୍ଯ୍ୟ ମାର୍ଚ୍ଚ ୧୯ ତାରିଖ ସୁଦ୍ଧା ସାରିବାକୁ ଲକ୍ଷ୍ଯ ରଖାଯାଇଛି । ମରାମତି କାର୍ଯ୍ୟ ପ୍ରତିଦିନ ମଧ୍ୟାହ୍ନ ଗୋଟାଏରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଚାଲିବ । ମରାମତି ସମୟରେ ଶ୍ରଦ୍ଧାଳୁ ଓ ଭକ୍ତଙ୍କ ଦର୍ଶନକୁ ନେଇ ସ୍ୱତନ୍ତ୍ର ଧ୍ୟାନ ଦିଆଯିବ ।
ହକି ଷ୍ଟାଡିୟମରେ ବସି ଖେଳ ଦେଖିଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ
ରାଉରକେଲା: ରାଉରକେଲା ସ୍ଥିତ ବିଶ୍ଵର ସର୍ବବୃହତ ବିର୍ସାମୁଣ୍ଡା ହକି ଷ୍ଟାଡିୟମରେ ମଙ୍ଗଳବାର ଖେଳାଯାଇଥିଲା ଇଣ୍ଡିଆ-ନେଦରଲ୍ୟାଣ୍ଡସ ମ୍ୟାଚ୍। ରାଉରକେଲାରେ ଥିବା ବିଶ୍ଵର ସର୍ବବୃହତ ବିର୍ସାମୁଣ୍ଡା ହକି ଷ୍ଟାଡିୟମରେ ବସି ଖେଳ ଦେଖିଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଦର୍ଶକଙ୍କ ବସି ଖେଳ ଦେଖିଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଏହି ଅବସରରେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ପାଖରେ ପାଇ ଦର୍ଶକ ଵେଶ ଉତ୍ସାହିତ ଥିଲେ। 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ସହ ସେଲଫି ନେଇଥିଲେ ଅନେକ ଦର୍ଶକ। ମ୍ୟାଚର ହାଫ୍ ଟାଇମରେ ଦର୍ଶକଙ୍କୁ ସମ୍ବୋଧିତ କରିଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ସୁନ୍ଦରଗଡ଼ରେ ହକିର ଲୋକପ୍ରିୟତା ଥିବାରୁ ଏଠାରେ ବିଶ୍ଵର ସର୍ବବୃହତ ହକି ଷ୍ଟାଡିୟମ କରିବାକୁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଥିଲେ। ହକିକୁ ବିଶ୍ଵସ୍ତରରେ ପହଞ୍ଚାଇବା ସହ ଭଲ ପାଉଥିବା ସୁନ୍ଦରଗଡ଼ର ଖେଳାଳୀ ଏବଂ ଜନତାଙ୍କ ଲାଗି ଏହି ଷ୍ଟାଡିୟମ ଏକ ଶ୍ରଦ୍ଧାଞ୍ଜଳି ସଦୃଶ ବୋଲି କହିଥିଲେ 5T ଅଧ୍ୟକ୍ଷ। ଆଜିର ମ୍ୟାଚରେ ପ୍ରଥମେ ନିର୍ଦ୍ଧାରିତ ସମୟରେ ପରସ୍ପରକୁ ଗୋଟିଏ ଲେଖାଏଂ ଗୋଲ ଦେଇଥିଲେ ଭାରତ ଓ ନେଦରଲ୍ଯାଣ୍ଡସ। ପରେ ପେନାଲଟି ସୁଟ ଆଉଟରେ ଭାରତକୁ ୪-୨ ଗୋଲରେ ପରାସ୍ତ କରି ନେଦରଲାଣ୍ଡ ଵିଜୟୀ ହୋଇଛି। ଏହି ଅବସରରେ ହକି ପ୍ରୋଲିଗରେ ଅଂଶଗ୍ରହଣ କରିଥଇବା ସମସ୍ତ ଦଳଙ୍କୁ ଶୁଭକାମନା ଜଣାଇଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଭାରତୀୟ ହକି ଖେଳାଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଫାଇଭ-ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ଆୟୋଜନ ଲାଗି ଧନ୍ୟବାଦ ଜଣାଇଛନ୍ତି।
ରାଜ୍ୟର ଦ୍ରୁତ ଅଭିବୃଦ୍ଧି, ନିବେଶ ସମ୍ଭାବନା, ଦକ୍ଷତା ବିକାଶ ଓ ନିଯୁକ୍ତି ସୁଯୋଗ ଉପରେ ବିସ୍ତୃତ ଆଲୋଚନା
ଭୁବନେଶ୍ବର: ବିକାଶ ପଥରେ ପଡ଼ିଶା । ବିଭିନ୍ନ କ୍ଷେତ୍ରରେ ଲଗାତାର ଅଭିବୃଦ୍ଧି ହେଉଛି। ଓଡ଼ିଶାରେ ଆଜି ରୂପାନ୍ତରଣର ନୂଆ ଚିତ୍ର ସୃଷ୍ଟି ହୋଇଛି । ରାଜ୍ୟରେ ଆଧୁନିକ ଶିଳ୍ପ ପ୍ରତିଷ୍ଠା ପାଇଁ ନିବେଶକଙ୍କୁ ଆକୃଷ୍ଟ କରିବା ସହ ଦକ୍ଷତା ବିକାଶ କ୍ଷେତ୍ରରେ ଓଡ଼ିଶା ସାରା ଦେଶରେ ଆଗଧାଡ଼ିର ରାଜ୍ୟ ଭାବେ ପରିଚୟ ପାଇଛି। ଏହି ଅଭିବୃଦ୍ଧି ହାରକୁ ଦୀର୍ଘସ୍ଥାୟୀ କରିବା ସହ ଯୁବପିଢ଼ିଙ୍କୁ ସୁଦକ୍ଷ କରି ଭବିଷ୍ୟତର ମାନବ ସମ୍ବଳ ଆବଶ୍ୟକତା ଲାଗି ପ୍ରସ୍ତୁତ କରିବାକୁ ଭୁବନେଶ୍ୱରରେ ଚାଲିଥିବା ପ୍ରଥମ ‘ନୂଆ ଓଡ଼ିଶା ବିଶ୍ୱ ଅଭିବୃଦ୍ଧି ଓ ନିଯୁକ୍ତି ସମ୍ମିଳନୀ’ରେ ବ୍ୟାପକ ମାନସମନ୍ଥନ ହୋଇଛି।
ଏହି ଦୁଇଦିନିଆ ସମ୍ମିଳନୀ ମଙ୍ଗଳବାର ଦିନ ଉଦଯାପିତ ହୋଇଯାଇଛି। ଏଥିରେ ଦେଶର ବିଭିନ୍ନ ପ୍ରାନ୍ତରୁ ଆସିଥିବା ପ୍ରମୁଖ ଶିଳ୍ପ ନେତୃତ୍ୱ, ବୈଷୟିକ ଶିକ୍ଷା ଓ ଦକ୍ଷତା ବିକାଶ ତଥା ନିଯୁକ୍ତି ଓ ମାନବ ସମ୍ବଳ ବିକାଶ କ୍ଷେତ୍ରର ପ୍ରମୁଖ ବ୍ୟକ୍ତିତ୍ୱ ଏବଂ ବିଶେଷଜ୍ଞମାନେ ଯୋଗ ଦେଇଥିଲେ। ସେମାନଙ୍କ ସହ ରାଜ୍ୟ ସରକାରଙ୍କ ବରିଷ୍ଠ ଅଧିକାରୀ, ବିଶେଷକରି ଦକ୍ଷତା ବିକାଶ କ୍ଷେତ୍ର ସହ ଜଡ଼ିତ ପ୍ରଶାସକ ଓ ପ୍ରଶିକ୍ଷକମାନେ ବିଭିନ୍ନ ଅଧିବେଶନରେ ଯୋଡ଼ି ହୋଇଥିଲେ।
ଏହି କାର୍ଯ୍ୟକ୍ରମରେ ୧୬ଟି ବିଶେଷ ଅଧିବେଶନ ଜରିଆରେ ସେମାନେ ଭବିଷ୍ୟତର ଶିଳ୍ପ ପାଇଁ ଓଡ଼ିଶାରେ ରହିଥିବା ସମ୍ଭାବନା ତଥା ଭବିଷ୍ୟତ ଲାଗି ମାନବ ସମ୍ବଳ ପ୍ରସ୍ତୁତି ବିଷୟରେ ବିସ୍ତୃତ ଆଲୋଚନା କରିଥିଲେ। ରାଜ୍ୟ ସରକାରଙ୍କ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ପକ୍ଷରୁ ଆୟୋଜିତ ଏହି ଅନ୍ତର୍ଜାତୀୟ ସମ୍ମିଳନୀରେ ଯୋଗ ଦେଇଥିବା ପ୍ରମୁଖ ବ୍ୟକ୍ତିତ୍ୱ ଓ ବିଶେଷଜ୍ଞମାନେ ସେମାନଙ୍କ ମତ ଓ ପରାମର୍ଶ ଉପସ୍ଥାପନ କରିଥିଲେ।
ମଙ୍ଗଳବାର ଦିନ ଏ ସମ୍ପର୍କରେ ଏକ ସାମ୍ବାଦିକ ସମ୍ମିଳନୀ କରାଯାଇଥିଲା। ଏଥିରେ ବିଭାଗର ପ୍ରମୁଖ ଶାସନ ସଚିବ ଊଷା ପାଢ଼ୀ ଯୋଗଦେଇ କହିଥିଲେ ଯେ, ‘‘ଆଧୁନିକ ଶିଳ୍ପ ପ୍ରତିଷ୍ଠା ପାଇଁ ଓଡ଼ିଶାରେ ଅପାର ସମ୍ଭାବନା ରହିଛି। ରାଜ୍ୟ ସରକାରଙ୍କ ଅନୁକୂଳ ଶିଳ୍ପ ନୀତି ଆଜି ଦେଶ ବିଦେଶର ନିବେଶକମାନଙ୍କୁ ବିଶେଷ ଭାବେ ଆକୃଷ୍ଟ କରୁଛି। ପାରମ୍ପରିକ ଶିଳ୍ପ ସହ ଆଇଟି ଏବଂ ଆଇଟିଇଏସ୍, ମାନୁଫାକଚରିଂ, ଲଜିଷ୍ଟିକ୍ ଓ ସପ୍ଲାଏ ଚେନ୍ ତଥା ବିଭିନ୍ନ ସେବା କ୍ଷେତ୍ର ଲାଗି ଓଡ଼ିଶାରେ ବ୍ୟାପକ ସମ୍ଭାବନା ରହିଛି। ଏହାଛଡ଼ା ଆଗାମୀ କାଲିର ଶିଳ୍ପ ଓ ବିଭିନ୍ନ କ୍ଷେତ୍ରର ଯେଉଁ ମାନବ ସମ୍ବଳର ଆବଶ୍ୟକତା ରହିଛି ତାହା ଆଜିଠାରୁ ପ୍ରସ୍ତୁତ କରିବା ପାଇଁ ଆମ ରାଜ୍ୟ ପ୍ରସ୍ତୁତ ହେଉଛି। ଏହି ଦୁଇଦିନିଆ ସମ୍ମିଳନୀରେ ଏହିସବୁ ବିଷୟରେ ଯେଉଁ ବ୍ୟାପକ ଆଲୋଚନା ହେଲା ତାହା ଆମକୁ ଏକ ନୂଆ ମାର୍ଗଦର୍ଶନ ଦେବାରେ ସହାୟକ ହେବ।’’
ସୋମବାର ଦିନ ସମ୍ମିଳନୀକୁ ଉଦଘାଟନ କରିବା ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ଯେ, ଏଭଳି କାର୍ଯ୍ୟକ୍ରମ ରାଜ୍ୟର ଦୀର୍ଘସ୍ଥାୟୀ ବିକାଶ ତଥା ଭବିଷ୍ୟତ ଲାଗି ଯୁବପିଢ଼ିଙ୍କ ଦକ୍ଷତା ବୃଦ୍ଧି ପରିପ୍ରେକ୍ଷୀରେ ନୂଆ ବାଟ ଦେଖାଇବ। ସେହିପରି ୫ଟି ଓ ନବୀନ ଓଡ଼ିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ୍ ଯୋଗଦେଇ ଓଡ଼ିଶାର ରୂପାନ୍ତରଣର ନୂଆ ଯୁଗ ସମ୍ପର୍କରେ ଉପସ୍ଥାପନା କରିଥିଲେ।
ସମ୍ମିଳନୀର ପ୍ରଥମ ଦିନରେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ମନ୍ତ୍ରୀ ପ୍ରୀତିରଞ୍ଜନ ଘଡ଼ାଇ ଯୋଗ ଦେଇଥିଲେ। ସେ କହିଥିଲେ ଯେ, ‘‘ସ୍କିଲ୍ଡ ଇନ୍ ଓଡ଼ିଶା ଏକ ବିଶ୍ୱସ୍ତରୀୟ ବ୍ରାଣ୍ଡ ହୋଇଥିବା ବେଳେ ଓଡ଼ିଶା ଏକ ପ୍ରମୁଖ ଦକ୍ଷତା ବିକାଶ କେନ୍ଦ୍ର ଭାବେ ପରିଗଣିତ ହେଉଛି। ମାନ୍ୟବର ମୁଖ୍ୟମନ୍ତ୍ରୀଙ୍କ ମାର୍ଗଦର୍ଶନରେ ଆୟୋଜିତ ଏହି ସମ୍ମିଳନୀ ପ୍ରମୁଖ ନିଯୁକ୍ତିଦାତା ଏବଂ ନିବେଶକମାନଙ୍କୁ ଆକୃଷ୍ଟ କରିବାରେ ସହାୟକ ହେବ।’’
ସମ୍ମିଳନୀର ଦ୍ୱିତୀୟ ଦିନରେ ‘ମିଶନ ଶକ୍ତି ଓଡ଼ିଶା’ ଶୀର୍ଷକରେ ଏକ ବିଶେଷ ଅଧିବେଶନ ହୋଇଥିଲା। ଏଥିରେ ମିଶନ ଶକ୍ତି ବିଭାଗର ସଚିବ ସୁଜାତା ରାଉତ କାର୍ତ୍ତିକେୟନ୍ ଯୋଗଦେଇ ରାଜ୍ୟରେ ମହିଳା ସଶକ୍ତିକରଣର ସୁଦୂରପ୍ରସାରୀ ସୁଫଳ ସମ୍ପର୍କରେ କହିଥିଲେ। ରାଜ୍ୟର ଦ୍ରୁତ ଅଭିବୃଦ୍ଧି ପଛରେ ୭୦ ଲକ୍ଷରୁ ଅଧିକ ମହିଳା ଶକ୍ତିଙ୍କର ହାତ ରହିଛି ବୋଲି ସେ ବର୍ଣ୍ଣନା କରିଥିଲେ।
ଏହାସହ ମଙ୍ଗଳବାର ଦିନ ବିଭିନ୍ନ ବିଷୟରେ ହୋଇଥିବା ବୈଷୟିକ ଅଧିବେଶନରେ ପୂର୍ବତନ ଶିଳ୍ପ ନେତୃତ୍ୱ ତଥା ବିଜେଡିର ରାଷ୍ଟ୍ରୀୟ ମୁଖପାତ୍ର ଡକ୍ଟର ସଂତୃପ୍ତ ମିଶ୍ର ଏବଂ ଶିଳ୍ପ ବିଭାଗର ପ୍ରମୁଖ ଶାସନ ସଚିବ ହେମନ୍ତ ଶର୍ମା ପ୍ରମୁଖ ଯୋଗ ଦେଇଥିଲେ।
ଉଦଯାପନୀ କାର୍ଯ୍ୟକ୍ରମରେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ପ୍ରମୁଖ ଶାସନ ସଚିବ ଊଷା ପାଢ଼ୀ, ଓଡ଼ିଶା ଦକ୍ଷତା ବିକାଶ ପ୍ରାଧୀକରଣର ଅଧ୍ୟକ୍ଷା ତଥା ବିଶ୍ୱ ଦକ୍ଷତା କେନ୍ଦ୍ରର ସିଇଓ ଅଳକା ମିଶ୍ର ଏବଂ ବୈଷୟିକ ଶିକ୍ଷା ଓ ତାଲିମ ନିର୍ଦ୍ଦେଶାଳୟର ନିର୍ଦ୍ଦେଶକ ତଥା ଓଡ଼ିଶା ଦକ୍ଷତା ବିକାଶ ପ୍ରାଧୀକରଣର ସିଇଓ ରେଘୁ ଜି ଯୋଗ ଦେଇଥିଲେ। ଦେଶର ବିଭିନ୍ନ ପ୍ରାନ୍ତରୁ ଆସିଥିବା ପ୍ରମୁଖ ଶିଳ୍ପ ବ୍ୟକ୍ତିତ୍ୱ ଓ ମାନବ ସମ୍ବଳ ଓ ଦକ୍ଷତା ବିକାଶ ବିଶେଷଜ୍ଞମାନଙ୍କ ସକ୍ରିୟ ଯୋଗଦାନ ପାଇଁ ରାଜ୍ୟ ସରକାରଙ୍କ ପକ୍ଷରୁ ସେମାନଙ୍କୁ ଧନ୍ୟବାଦ ଦିଆଯାଇଥିଲା।
ମୃତ ବ୍ୟକ୍ତିଙ୍କ ଚିକିତ୍ସା କରାଇ ଟଙ୍କା ଲୁଟୁଥିଲା ହସ୍ପିଟାଲ
ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶର ଗୋରଖପୁରରେ ମେଡିକାଲ ଦଳ ଗ୍ୟାଙ୍ଗକୁ କାବୁ କରିଛି ପୋଲିସ । ଜଣେ ଚିକିତ୍ସକଙ୍କ ସହ ୮ ଜଣଙ୍କୁ ଗିରଫ କରାଯାଇଛି । ଏହି ଗ୍ୟାଙ୍ଗ ସରକାରୀ ମେଡିକାଲକୁ ଯାଉଥିବା ଲୋକଙ୍କୁ ପ୍ରାଇଭେଟ୍ ମେଡିକାଲକୁ ଯିବା ପାଇଁ କହୁଛନ୍ତି । ଏହାସହ ରୋଗୀଙ୍କ ସମ୍ପର୍କୀୟଙ୍କ ପାଖରୁ ଟଙ୍କା ମଧ୍ୟ ହଡ଼ପ କରୁଛନ୍ତି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ଏକ ପ୍ରାଇଭେଟ୍ ମେଡିକାଲରେ ଚଢ଼ାଉ କରାଯାଇଥିବାବେଳେ ଜଣେ ମୃତ ବ୍ୟକ୍ତିଙ୍କୁ ଚିକିତ୍ସା କରାଉଥିଲା ମେଡିକାଲ । ମୃତ ବ୍ୟକ୍ତିଙ୍କ ପରିବାରଠାରୁ ମୋଟା ଅଙ୍କର ଟଙ୍କା ମଧ୍ୟ ନେଉଥିଲା ମେଡିକାଲ । ତେବେ ଦୀର୍ଘଦିନ ଧରି ଏଭଳି ମେଡିକାଲ ପକ୍ଷରୁ କରାଯାଉଥିବାବେଳେ ପୋଲିସ ପାଖରେ ଖବର ପହଞ୍ଚିଥିଲା । ଚଢ଼ାଉ ବେଳେ ଏଭଳି ସାଙ୍ଘାତିକ ଖବର ସାମନାକୁ ଆସିଥିଲା । ମେଡିକାଲରେ କୌଣସି ଡାକ୍ତର ନଥିବାବେଳେ କେବଳ ପାରା ମେଡିକାଲ ଛାତ୍ରମାନେ ଚିକିତ୍ସା କରାଉଛନ୍ତି ।
ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ଅସହ୍ଯ ହୋଇ ମହିଳାଙ୍କୁ ଆକ୍ରମଣ କଲେ ବିଜେପି କର୍ମୀ
ବାଣପୁର: ସୀମା ଟପୁଛନ୍ତି ରାଜ୍ୟ ବିଜେପି କର୍ମୀ । ସବୁଠି ଗୁଣ୍ଡାଗର୍ଦ୍ଦି। ଏବେ ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ଅସହ୍ଯ ହୋଇ ମହିଳାଙ୍କୁ କରିଛନ୍ତି ଆକ୍ରମଣ । ଖୋର୍ଦ୍ଧା ଜିଲ୍ଲା ନାଚୁଣୀ ପଞ୍ଚାୟତ ଠାରେ କାର୍ଯ୍ୟକ୍ରମ ଚାଲିଥିବା ବେଳେ ସୃଷ୍ଟି କରିଛନ୍ତି ବିଶୃଙ୍ଖଳା । ନାଚୁଣୀ ପଞ୍ଚାୟତର ସରପଞ୍ଚ ସ୍ୱପ୍ନାଞ୍ଜଳି ପଲେଇଙ୍କ ସ୍ୱାମୀ ପୂର୍ଣ୍ଣଚନ୍ଦ୍ର ପଲେଇ ମହିଳା ମାନଙ୍କୁ ଦୁର୍ବ୍ୟବହାର କରିବା ସହ ଆକ୍ରମଣ କରିଥିବା ଅଭିଯୋଗ ହୋଇଛି । ଏମମ୍ବିକେ ଯସ୍ମିନ ମହାରଣା ଓ ତାଙ୍କ ସ୍ୱାମୀ ତପନ ମହାରଣାକୁ ମାଡ଼ ମାରି ଲହୁଲୁହାଣ କରିଥିବା ଅଭିଯୋଗ ହୋଇଛି । ନାଚୁଣୀ ଥାନାରେ ଏନେଇ ଏତଲା ଦେଇଛନ୍ତି ଯସ୍ମିନ ଓ ତପନ ମହାରଣା । ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ମହିଳା ସିଆରପିମାନଙ୍କୁ ଉତ୍ତରୀୟ ଦେବା ନିମନ୍ତେ ଏମ୍ବିକେଙ୍କ ସ୍ୱାମୀ ଉପଢୌକନ ନେଉଥିବା ବେଳେ ହଠାତ ଏହାକୁ ବିରୋଧ କରିଥିଲେ ସରପଞ୍ଚଙ୍କ ସ୍ୱାମୀ ପୂର୍ଣ୍ଣଚନ୍ଦ୍ର । ଏମ୍ବିକେ ଓ ତାଙ୍କ ସ୍ୱାମୀକୁ ଘଟଣାସ୍ଥଳରେ ମାଡ଼ ମାରିଥିଲେ । ଏନେଇ ମହିଳାମାନେ ସରପଞ୍ଚଙ୍କ ସ୍ୱାମୀଙ୍କ ଗୁଣ୍ଡାଗର୍ଦ୍ଦିକୁ ବିରୋଧ କରି ନାରାବାଜି କରିଥିଲେ । କାର୍ଯ୍ୟାନୁଷ୍ଠାନ ନିମନ୍ତେ ନାଚୁଣୀ ଥାନାରେ ଅଭିଯୋଗ କରିଛନ୍ତି ।
ପ୍ରଦୀପ ପାଣିଗ୍ରାହୀଙ୍କୁ ବିଜେଡିର ଟାର୍ଗେଟ, ଲୋକଙ୍କ ଟଙ୍କା ଲୁଟି ଚାର୍ଟାଡ ଫ୍ଲାଇଟରେ ବୁଲି ବିଳାସପୂର୍ଣ୍ଣ ଜୀବନ ବିତାଉଥିଲେ
ଭୁବନେଶ୍ବର: ଜନବିରୋଧୀ ପ୍ରଦୀପ ପାଣିଗ୍ରାହୀଙ୍କୁ କୋଳେଇ ନେଲା ରାଜ୍ଯ ବିଜେପି । ପ୍ରେସମିଟରେ ବିଜେପି ଓ ପ୍ରଦୀପଙ୍କୁ କଡ଼ା ସମାଲୋଚନା କରିଛି ବିଜେଡି । ବିଜେଡି କହିଛି ନିଜ ନିର୍ବାଚନମଣ୍ଡଳୀର ସାଧାରଣ ଲୋକ ଓ ଗରିବ ଲୋକଙ୍କଠୁ ଲକ୍ଷ ଲକ୍ଷ ଟଙ୍କା ଲୁଟିଛନ୍ତି ପ୍ରଦୀପ । ଠକେଇ ଜଣାପଡ଼ିବା ପରେ ପ୍ରଦୀପ ଓ ପାଠକ ବାପପୁଅ ଜେଲ ଯାଇଥିଲେ । କରୋନା ବେଳେ ଯେତେବେଳେ ଲୋକମାନେ ଜୀବନ ସହ ସଂଘର୍ଷ କରୁଥିଲେ ସେତେବେଳେ ପ୍ରଦୀପ ଲୋକଙ୍କ ଟଙ୍କା ଲୁଟି ଚାର୍ଟାଡ ଫ୍ଲାଇଟରେ ବୁଲି ବିଳାସପୂର୍ଣ୍ଣ ଜୀବନ ବିତାଉଥିଲେ । ତାଙ୍କ ବିରୋଧରେ ଅନେକ ଠକେଇ ଓ ଆୟବହିର୍ଭୂତ ସମ୍ପତ୍ତି ଠୁଳ ମାମଲା ରହିଛି । ଜନବିରୋଧୀ ନୀତି ପାଇଁ ମୁଖ୍ଯମନ୍ତ୍ରୀ ପ୍ରଦୀପଙ୍କ ବିରୋଧରେ କଠୋର ଆଭିମୁଖ୍ଯ ଗ୍ରହଣ କରିଥିଲେ ।
ପରବର୍ତ୍ତୀ ସମୟରେ ଅଭୟ ପାଠକକଙ୍କୁ ମଧ୍ଯ ବାଧ୍ଯତାମୂଳକ ଅବସର ଦିଆଯାଇଥିଲା । ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦୋମୁହାଁ ନୀତିକୁ ସାମ୍ନାକୁ ଆଣିବା ସହ ସମାଲୋଚନା କରିଛି ବିଜେଡି । ବିଜେଡି କହିଛି, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସେଦିନ ପ୍ରଦୀପଙ୍କୁ ସମାଲୋଚା କରିଥିଲେ । ହେଲେ ଆଜି କେଉଁ ୱାସିଂମେସିନ ପାଖରେ ରଖିଛନ୍ତି ଯେ, ପ୍ରଦୀପଙ୍କ ଭଳି ଠକ ଓ ଲୁଟେରାଙ୍କୁ ସଫା କରିଦେଇ ଆଲିଙ୍ଗନ କରି କୋଳେଇନେଲେ । ବିଜେପି ନୂଆ ନେତା ସୃଷ୍ଟି କରିବାକୁ ସକ୍ଷମ ନୁହେଁ । ସେଥିପାଇଁ ଠକ ଓ ଜନବିରୋଧୀ ନେତାକୁ ନେଇ ଦଳରେ ମିଶାଉଛି । ଭାସିଯାଉଥିବାବେଳେ ପ୍ରଦୀପଙ୍କ ଭଳି ନେତାକୁ ଭରସା କରିଛି ବିଜେପି । ଅସାଧୁ ବୁଝାମଣା ଜନତା ଜାଣିସାରିଛନ୍ତି । ଆଗକୁ ଲୋକ ଏହାର ହିସାବ କରିବେ ବୋଲି ବିଜେଡି କହିଛି ।
ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ
ଭୁବନେଶ୍ବର: ବଢ଼ୁଛି ବିଜେଡିରେ ଲୋକପ୍ରିୟତା । ମୁଖ୍ୟମନ୍ତ୍ରୀଙ୍କ ଆଦର୍ଶ କରୁଛି ଅନୁପ୍ରାଣିତ । ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ । ବିଜେଡିରେ ସାମିଲ ହେଲେ ବଲାଙ୍ଗୀର ଜିଲ୍ଲାର ବୈଶାଖୁ ଗଡ଼ତ୍ୟା, ତୁଷାରକାନ୍ତ ଗଡ଼ତ୍ୟା, ରୋଷନ କୁମାର ପ୍ରଧାନ, ସୁଶୀଲ କୁମାର ବାଗ, ଗଙ୍ଗାଧର ମାଝୀ ଏବଂ ଜନ୍ମଜେୟ ଶତପଥୀ । କଂଗ୍ରେସ ଛାଡ଼ି ବିଜେଡିରେ ସାମିଲ ହୋଇଥିବାବଳେଳେ ବଲାଙ୍ଗୀରରେ ଆହୁରି ଦଳ ଅଧିକ ସୁଦୃଢ଼ ହେବ । ମୁଖ୍ୟମନ୍ତ୍ରୀଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି ।
ଆଇପିଏଲରେ କମାଲ କରିବେ କି ପନ୍ଥ? ସାମନାକୁ ଆସିଲା ବଡ଼ ବଡ଼ ଛକା ମାରୁଥିବାର ଭିଡିଓ
ନନ୍ଦିଘୋଷ ବ୍ୟୁରୋ: ଦୁର୍ଘଟଣା ପରେ ଦୀର୍ଘଦିନ ହେବ କ୍ରିକେଟ ମଇଦାନରୁ ଦୂରେଇ ରହିଥିବା ଋଷଭ ପନ୍ଥ ଚଳିତ ଆଇପିଏଲରେ ନଜର ଆସିବେ ବୋଲି କୁହାଯାଇଛି । ଏବେ ସେ ଅଭ୍ୟାସ ଜାରି ରଖିଥିବାବେଳେ ଏକପ୍ରକାର ଫିଟ୍ ନଜର ଆସିଛନ୍ତି । ମଇଦାନରେ ବଡ଼ ବଡ଼ ସଟ୍ ମାରୁଥିବା ଦେଖିବାକୁ ମିଳିଛି । ପନ୍ଥ ଏକ ବଡ଼ ଛକା ମାରୁଥିବାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଯେଉଁଥିରେ ଆଗକୁ ଆସି ଛକା ମାରୁଥିବା ଦେଖିବାକୁ ମିଳିଛି । ଦିଲ୍ଲୀ କ୍ୟାପିଟାଲ ପାଇଁ ଚଳିତ ଆଇପିଏଲ ଖେଳୁଥିବା ପନ୍ଥ କେବଳ ବ୍ୟାଟିଂ କରିବେ । ସେ ଚଳିତ ସିଜିନରେ ଓ୍ବିକେଟ କିପିଂ କରିପାରିବେ ନାହିଁ ବୋଲି କୁହାଯାଇଛି । କିନ୍ତୁ ଏବେ ପନ୍ଥ ବ୍ୟାଟିଂରେ ନିଜର ଦମ ଦେଖାଉଥିବାବେଳେ ଚଳିତ ସିଜିନରେ ତାଙ୍କ ଦଳ ପାଇଁ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବେ । କହି ରଖୁଛୁ କି, ଡିସେମ୍ବର ମାସ ୨୦୨୨ ମସିହାରେ କାର ଦୁର୍ଘଟଣାର ସମ୍ମୁଖୀନ ହୋଇଥିଲେ ପନ୍ଥ । ଦୀର୍ଘଦିନ ଧରି ମେଡିକାଲରେ ଚିକିତ୍ସିତ ହୋଇଥିବାବେଳେ ତାଙ୍କର ଅସ୍ତ୍ରୋପଚାର ହୋଇଥିଲା । ଏବେ ସେ ଅଭ୍ୟାସ ପାଇଁ ମଇଦାନକୁ ଓହ୍ଲାଇଛନ୍ତି ।
Rishabh Pant smashing in the Practice matches. 🔥🇮🇳pic.twitter.com/hLswXpC6xt
— Johns. (@CricCrazyJohns) February 21, 2024
ନଦୀରେ ବୁଡି ଦୁଇ ସମ୍ପର୍କୀୟ ଭାଇ ଭଉଣୀଙ୍କ ସଲିଳ ସମାଧି
ଜୟପୁର: ନଦୀରେ ବୁଡି ଦୁଇ ସମ୍ପର୍କୀୟ ଭାଇ ଭଉଣୀ ମୃତ। କୋରାପୁଟ ଜିଲ୍ଲା ବୋରିଗୁମ୍ମା ଅଂଚଳରୁ ଆସିଛି ଏ ଦୁଖଦ ଖବର। ବୋରିଗୁମ୍ମା ଅଞ୍ଚଳା ପଞ୍ଚାୟତର ବିରାହାଣ୍ଡି ଗାଁରେ ଘଟିଛି ଏ ଅଘଟଣ। ଗାଁରେ ଥିବା ନଦୀରେ ବୁଡ଼ି ଉଭୟଙ୍କ ମୃତ୍ୟୁ ଘଟିଛି। ଦୁଇ ମୃତକ ହେଲେ ବିରାହାଣ୍ଡି ଗାଁର ଯୋଗେଶ୍ୱର ଅମୋନାତ୍ୟଙ୍କ ୫ ବର୍ଷୀୟ ଝିଅ ଓ ସଦନ ଅମୋନାତ୍ୟଙ୍କ ପାଞ୍ଚ ବର୍ଷର ପୁଅର ମୃତ୍ଯୁ ହୋଇଛି। ଉଭୟ ଶୌଚ ପାଇଁ ନଦୀକୁ ଯାଇଥିବାବେଳେ ବୁଡ଼ି ଯାଇଥିଲେ। ଦୀର୍ଘ ସମୟ ଧରି ଉଭୟ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ। ପରେ ପାଣିରୁ ଦୁହିଁଙ୍କ ଉଦ୍ଧାର କରାଯାଇଥିଲା। ଉଭୟଙ୍କୁ ବୋରିଗୁମ୍ମା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବାବେଳେ ଡାକ୍ତର ମୃତ ଘୋଷଣା କରିଥିଲେ। ଦୁଇ ଶିଶୁଙ୍କ ମୃତ୍ୟୁକୁ ନେଇ ପରିବାର ମଧ୍ୟରେ ଶୋକାକୁଳ ପରିବେଶ ସୃଷ୍ଟି ହୋଇଛି।
ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରାବେଳେ ଉଡ଼ିଲା ଅଜଣା ଡ୍ରୋନ୍
ନନ୍ଦିଘୋଷ ବ୍ୟୁରୋ: ୟୁପିରେ ପ୍ରବେଶ କରିଛି ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା । ତେବେ ଏହି ସମୟରେ ସୁରକ୍ଷାରେ ଗଡ଼ବଡ଼ ହୋଇଥିବା ଦେଖିବାକୁ ମିଳିଛି । ରାହୁଲଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରା ସମୟରେ ଅଜଣା ଡ୍ରୋନ ଉଡ଼ିଥିବା ଦେଖିବାକୁ ମିଳିଛି । ସୁରକ୍ଷାରେ ଏଭଳି ତୃଟି ଦେଖା ଦେଇଥିବାବେଳେ ଏହାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ଏବେ ଉନ୍ନାବରେ ପହଞ୍ଚିଛି ଭାରତ ଯୋଡ଼ୋ ନ୍ୟାୟ ଯାତ୍ରା । ଉନ୍ନବ ଲକ୍ଷ୍ନୌ ବାଇପାସରୁ ସହର ଭିତର ଦେଇ କାନପୁର ରୋଡ ଦେଇ ଗଙ୍ଗାଘାଟରେ ପହଞ୍ଚି ଆଗକୁ ବଢ଼ିଛି । ତେବେ ଲୋକଙ୍କ ସହ ରାହୁଲ ହାତ ମିଶାଉଥିବାବେଳେ ଏକ ଡ୍ରୋନ ଆସି ରାହୁଲଙ୍କ ଉପରେ ଉଡ଼ିଥିଲା । ଏଥିରେ କ୍ୟାମେରା ଲାଗିଥିବା କୁହାଯାଇଛି । ଯାହାକି ସୁରକ୍ଷାରେ ତୃଟି ରହିଥିବା କଂଗ୍ରେସ ପକ୍ଷରୁ ଅଭିଯୋଗ କରରାଯାଇଥିଲା । ପୋଲିସ ଡ୍ରୋନ କ୍ୟାମେରା ସହ ଜଣେ ଯୁବକଙ୍କୁ ଅଟକ ରଖି ପଚରାଉଚରା କରୁଛି । ସେପଟେ ରାହୁଲ ଗାନ୍ଧୀ ଜିପରୁ ଓହ୍ଲାଇ ନଥିଲେ ।