ଭୁବନେଶ୍ୱର : ଆଜିଠୁ ତାତି କରିବ ଅସ୍ତବ୍ୟସ୍ତ । ଦୁଇଦିନର ଲଗାଣ ବର୍ଷା ପରେ ଆଜିଠୁ ପାଗରେ ପରିବତ୍ତନ । ସାରା ରାଜ୍ଯରେ ବଢିବ ତାପମାତ୍ରା । ଆସନ୍ତା କାଲି ସୁଦ୍ଧା ସ୍ବାଭାବିକଠାରୁ ୮ ରୁ ୧୦ ଡିଗ୍ରୀ ତାତି ବଢିବା ନେଇ ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଉପକୂଳ ଅପେକ୍ଷା ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ଅଧିକ ରହିବ । ଅଧିକାଂଶ ସହରର ତାପମାତ୍ରା ୪୦ ଛୁଇଁବା ସମ୍ଭାବନା ରହିଛି । ମେଘମୁକ୍ତ ଆକାଶ ସହ ଶୁଖିଲା ପାଗ ପାଇଁ ତାତି ବୃଦ୍ଧି ପାଇବ । ଉପକୂଳ ଓଡିଶାରେ ତାତି ସହ ଅସମ୍ଭାଳ ଗୁଳୁଗୁଳି ହେବ । ୨୫ ତାରିଖରୁ ପୁଣି ବର୍ଷା ନେଇ ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି ।
ଦାମୋଦର ରାଉତଙ୍କ ବିୟୋଗରେ ବିଜେଡିର ବରିଷ୍ଠ ନେତାଙ୍କ ଶୋକ ପ୍ରକାଶ
ଭୁବନେଶ୍ୱର : ବରିଷ୍ଠ ବିଜେଡି ନେତା ଦାମୋଦର ରାଉତଙ୍କ ପରଲୋକରେ ଶୋକ ପ୍ରକାଶ କରିଛନ୍ତି ସାଂସଦ ମାନସ ମଙ୍ଗରାଜ। ଦାମୋଦର ରାଉତ ଏରସମାରୁ ୫ଥର ଏବଂ ପାରାଦୀପରୁ ୨ ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି। ଦାମ ରାଉତଙ୍କ ବିୟୋଗ ଓଡ଼ିଶା ରାଜନୀତିରେ ଏକ ଶୂନ୍ୟସ୍ଥାନ ସୃଷ୍ଟି କରିଛି।ଶୋକ ସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ସାଂସଦ ମାନସ ମଙ୍ଗରାଜ।
https://twitter.com/manasrmangaraj/status/1771010116583649670
ଦାମୋଦର ରାଉତଙ୍କ ବିୟୋଗରେ ବିଜେଡିର ବରିଷ୍ଠ ନେତା ଶୋକ ପ୍ରକାଶ କରିଛନ୍ତି। ବିଜେଡି ବରିଷ୍ଠ ଉପସଭାପତି ପ୍ରସନ୍ନ ଆଚାର୍ଯ୍ୟ ଶୋକ ପ୍ରକାଶ କରିବା ସହ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି। ଆସିକା ବିଧାୟିକା ମଞ୍ଜୁଳା ସ୍ୱାଇଁ ମଧ୍ୟ ଦାମୋଦର ରାଉତଙ୍କ ପରଲୋକରେ ଶୋକ ପ୍ରକାଶ କରିଛନ୍ତି। ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ବରିଷ୍ଠ ବିଜେଡ଼ି ନେତା ତଥା ପୁର୍ବତନ ମନ୍ତ୍ରୀ ଦାମ ରାଉତଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି। ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ରିତା ସାହୁ ଶୋକବ୍ୟକ୍ତ କରି ତାଙ୍କ ଅମର ଆତ୍ମାର ସଦଗତି କାମନା କରିଛନ୍ତି।
ଡାକ୍ତର ଦାମୋଦର ରାଉତଙ୍କ ବିୟୋଗରେ ସମବାୟ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ, ଉଚ୍ଚଶିକ୍ଷା ମନ୍ତ୍ରୀ ଅତନୁ ସବ୍ୟସାଚୀ ନାୟକ ଶୋକ ପ୍ରକାଶ କରିଛନ୍ତି। ଡାକ୍ତର ଦାମୋଦର ରାଉତଙ୍କ ବିୟୋଗ ଖବର ପାଇ ମର୍ମାହତ ବୋଲି କହିଛନ୍ତି। ଡାକ୍ତର ରାଉତ ଜଣେ ଦୃଢ ମାନସିକ ବ୍ୟକ୍ତି ,ଓଡିଶା ରାଜନୀତିର ଜଣେ ମହାଦ୍ରୁମ। ୭ଥର ବିଧାନସଭାକୁ ନିର୍ବାଚିତ ହେବା ସହିତ ସ୍ୱାସ୍ଥ୍ୟ ଓ ପରିବାର କଲ୍ୟାଣ , ପଚାଂୟତିରାଜ , ସମବାୟ , କୃଷି ଆଦି ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ ହୋଇ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ । ସେ ଜଣେ ବିଜୁ ଅନୁଗାମୀ ଓ ବିଜୁ ଚିନ୍ତାଧାରାର ଦୃଢ ସମର୍ଥକ ଥିଲେ । ତାଙ୍କର ବିୟୋଗ ରାଜ୍ୟ ଓ ରାଜନୀତି ପୀଇଁ ଏକ ଅପୁରଣୀୟ କ୍ଷତି ବୋଲି କହିଛନ୍ତି ଅତନୁ ସବ୍ୟସାଚୀ ନାୟକ। ଶୋକ ସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇବା ସହିତ ଅମର ଆତ୍ମାର ସଦଗତି ପାଇଁ ଇଶ୍ୱରଙ୍କ ପାଖରେ ପ୍ରାର୍ଥନା କରିଛନ୍ତି। ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କ ବିୟୋଗରେ ନିମାପଡା ବିଧାୟକ ସମୀର ରଞ୍ଜନ ଦାଶ ଶୋକ ପ୍ରକାଶ କରିଛନ୍ତି।
ଓଡ଼ିଶା ରାଜନୀତିରେ ଅପୂରଣୀୟ କ୍ଷତି : ମୁଖ୍ୟମନ୍ତ୍ରୀ
ଭୁବନେଶ୍ୱର : ବରିଷ୍ଠ ବିଜେଡି ନେତା ଡାକ୍ତର ଦାମୋଦର ରାଉତଙ୍କ ପରଲୋକରେ ଗଭୀର ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦାମୋଦର ରାଉତଙ୍କ ଦେହାନ୍ତ ଓଡ଼ିଶା ରାଜନୀତିରେ ଏକ ଅପୂରଣୀୟ କ୍ଷତି ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଲୋକଙ୍କ ସେବା ଲାଗି ତାଙ୍କ କାର୍ଯ୍ୟ ସର୍ବଦା ସ୍ମରଣୀୟ ରହିବ ବୋଲି କହିଛନ୍ତି ମୁଖ୍ୟମନ୍ତ୍ରୀ। ତାଙ୍କର ଅମର ଆତ୍ମାର ସଦଗତି କାମନା କରିଛନ୍ତି ମୁଖ୍ୟମନ୍ତ୍ରୀ। ଶୋକସନ୍ତପ୍ତ ପରିବାର ପ୍ରତି ସମବେଦନା ଜଣାଇଛନ୍ତି।
ବିଜୁ ଜନତା ଦଳର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଦାମୋଦର ରାଉତଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ଓଡ଼ିଶା ରାଜନୀତିରେ ଏହା ଏକ ଅପୂରଣୀୟ କ୍ଷତି। ଲୋକଙ୍କ ସେବା ତଥା ଉନ୍ନତି ପାଇଁ ତାଙ୍କ କାର୍ଯ୍ୟ ସର୍ବଦା ସ୍ମରଣୀୟ ରହିବ। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ସଦସ୍ୟଙ୍କ ପ୍ରତି ମୋର ସମବେଦନା…
— Naveen Patnaik (@Naveen_Odisha) March 22, 2024
ବହୁଚର୍ଚ୍ଚିତ ଦିଲ୍ଲୀ ମଦ ନୀତି ମାମଲା : ଆଜି ନେତ୍ରୀ କେ. କବିତାଙ୍କ ଆବେଦନର ଶୁଣାଣି
ନୂଆଦିଲ୍ଲୀ : ବହୁଚର୍ଚ୍ଚିତ ଦିଲ୍ଲୀ ମଦ ନୀତି ମାମଲା । ଗିରଫ ବିରୋଧରେ ଭାରତ ରାଷ୍ଟ୍ର ସମିତି ନେତ୍ରୀ କେ. କବିତାଙ୍କ ଆବେଦନର ଶୁଣାଣି କରିବେ ସୁପ୍ରିମକୋର୍ଟ । ବେଆଇନ ଅର୍ଥ କାରବାର ମାମଲାରେ ତାଙ୍କୁ ବିନା କାରଣରେ ଗିରଫ କରାଯାଇଛି ବୋଲି ସୁପ୍ରିମକୋର୍ଟରେ ଦର୍ଶାଇଥିଲେ କବିତ ।
ନିଜ ପିଟିସନରେ ସେ ଦର୍ଶାଇଥିଲେ ତାଙ୍କ ବିରୋଧରେ ଥିବା ରିମାଣ୍ଡ ଅର୍ଡର ଧାରା ୧୪୧ର ଉଲ୍ଲଂଘନ କରୁଛି । ସୁପ୍ରିମକୋର୍ଟଙ୍କ ଦ୍ବାରା ଘୋଷିତ ଧାରା ୧୪୧ ଦେଶର ସମସ୍ତ କୋର୍ଟ ଲାଗି ପ୍ରଯୁଜ୍ୟ । ମାତ୍ର ତାଙ୍କ କ୍ଷେତ୍ରରେ ଏହା ପାଳନ ହୋଇନାହିଁ । ସେହିପରି ପିଏମଏଲଏ ଆଇନର ଧାରା ୧୯-୧ ମଧ୍ୟ କବିତା ଚାଲେଞ୍ଜ କରିଛନ୍ତି ।
ଦିଲ୍ଲୀ ମଦନୀତି ମାମଲାରେ ଗତ ମାର୍ଚ୍ଚ ୧୫ ତାରିଖରେ ହାଇଦ୍ରାବାଦସ୍ଥିତ ନିଜ ବାସଭବନରୁ କବିତାଙ୍କୁ ଗିରଫ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ବାରମ୍ବାର ସମନ ସତ୍ତ୍ବେ ସେ ହାଜର ନ ହେବାରୁ ତାଙ୍କୁ ଗିରଫ କରିଥିଲା ଇଡି । କବିତାଙ୍କୁ ଗିରଫ କରିବାର ଦୁଇ ଦିନ ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଓ ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଅନ୍ୟତମ ଦୁଇ ସହଅଭିଯୁକ୍ତ ବୋଲି ଦର୍ଶାଇଥିଲେ ଇଡି । ଏହି ମାମଲାରେ ମନୀଷ ସିସୋଦିଆ ଓ ସଞ୍ଜୟ ସିଂଙ୍କୁ ଗିରଫ କରାଯାଇଥିବାବେଳେ କେଜ୍ରିଓ୍ବାଲଙ୍କ ବିରୋଧରେ ବାରମ୍ବାର ସମନ ଜାରି କରିଆସୁଛି ଇଡି । ୧୨୯କୋଟି ଟଙ୍କାର ଦୁର୍ନୀତି ମାମଲାରେ ବର୍ତ୍ତମାନ ସୁଦ୍ଧା ପ୍ରବର୍ତ୍ତନ ନିର୍ଦ୍ଦେଶାଳୟ ୧୫ ଜଣଙ୍କୁ ଗିରଫ କରିସାରିଲାଣି ।
ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କ ପରଲୋକ
ଭୁବନେଶ୍ୱର : ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କ ପରଲୋକ । ଚିକିତ୍ସାଧୀନ ଅବସ୍ଥାରେ ୮୨ ବର୍ଷ ବୟସରେ ଦାମୋଦରଙ୍କ ପରଲୋକ ହୋଇଛି । ଦୀର୍ଘଦିନ ଧରି ସେ ଚିକିତ୍ସାଧୀନଥିଲେ । ହୃଦଘାତ ପରେ ସେ ଗୁରୁତର ହୋଇପଡ଼ିଥିଲେ ।ଏକ ଘରୋଇ ହସପିଟାଲରେ ତାଙ୍କର ଚିକିତ୍ସା କରାଯାଉଥିଲା । ବ୍ରେନଡେଡ ପରେ ତାଙ୍କୁ ମୃତ ଘୋଷଣା କରାଯାଇଛି ।
ଓଡ଼ିଶା ରାଜନୀତିର ପିତାମହ ଭୀଷ୍ମ ଭାବେ ପରିଚିତ ଥିଲେ ଡାକ୍ତର ଦାମୋଦର ରାଉତ । ସେ ୭ ଥର ବିଧାୟକ ଓ ବିଭିନ୍ନ ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ ଭାବେ ଦାୟିତ୍ବ ତୁଲାଇଥିଲେ । ୧୯୭୭ ମସିହାରୁ ୨୦୧୯ ମସିହା ପର୍ଯ୍ୟନ୍ତ ସେ ୭ ଥର ବିଧାୟକ ଭାବେ ନିର୍ବାଚିତ ହୋଇଥିଲେ । ଦାମୋଦର ରାଉତ ୧୯୪୨ ମସିହାର ଜୁଲାଇ ୨ ତାରିଖରେ ଜନ୍ମ ଗ୍ରହଣ କରିଥିଲେ । ତାଙ୍କ ବାପାଙ୍କ ନାମ କପିଳ ଚରଣ ରାଉତ ଓ ପତ୍ନୀଙ୍କ ନାମ ସ୍ନେହା ରାଉତ । ୧୯୭୭ ମସିହାରେ ପ୍ରଥମ କରି ବିଧାନସଭାକୁ ନିର୍ବାଚିତ ହୋଇଥିଲେ ଦାମୋଦର ରାଉତ ।
ଜନତା ପାର୍ଟି ଟିକେଟରେ ଏରସମା ଆସନରୁ ୧୯୭୭ରୁ ୧୯୮୦ ମସିହା ପର୍ଯ୍ୟନ୍ତ ବିଧାୟକ ହୋଇଥିଲେ । ପରେ ୧୯୮୦ରେ ଜନତା ପାର୍ଟି-ସେକ୍ୟୁଲାର ଟିକେଟରେ ବିଧାନସଭାକୁ ଏରସମାରୁ ବିଜୟୀ ହୋଇଥିଲେ । ୧୯୯୦ରେ ପୁନଶ୍ଚ ଜନତା ଦଳ ଟିକେଟରେ ଏରସମାରୁ ବିଧାନସଭାକୁ ଆସିଥିଲେ ।
ରାଜ୍ୟ ରାଜନୀତିର ଆଗଧାଡ଼ିର ଟାଣୁଆ ନେତା ଥିଲେ ଦାମୋଦର । ପ୍ରବାଦ ପୁରୁଷ ବିଜୁ ପଟ୍ଟନାୟକ ଓ ନବୀନ ପଟ୍ଟନାୟକଙ୍କ ମନ୍ତ୍ରିମଣ୍ଡଳରେ ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ ଭାବେ ଦାୟିତ୍ବ ତୁଲାଇଥିଲେ । ୧୯୭୯ ଅକ୍ଟୋବର ୨୫ ତାରିଖରୁ ୧୯୮୦ ଫେବୃଆରୀ ଦୁଇ ତାରିଖ ପର୍ଯ୍ୟନ୍ତ ସେ ସୂଚନା ଓ ଲୋକସମ୍ପର୍କ ବିଭାଗର ମନ୍ତ୍ରୀ ଥିଲେ । ପରେ ସୋସିଆଲ ୱେଲଫେୟାର ବିଭାଗ ସହ ୧୯୯୩ରୁ ୧୯୯୫ ମସିହା ପର୍ଯ୍ୟନ୍ତ ପଞ୍ଚାୟତିରାଜ ବିଭାଗର ମନ୍ତ୍ରୀ ଥିଲେ ଡାକ୍ତର ଦାମୋଦର ରାଉତ । ମହିଳା ଓ ଶିଶୁ ବିଭାଗର ମନ୍ତ୍ରୀ ଭାବେ ମଧ୍ଯ କାର୍ଯ୍ଯ କରିଥିଲେ ।
ନବୀନଙ୍କ ମନ୍ତ୍ରିମଣ୍ଡଳରେ ପଞ୍ଚାୟତିରାଜ, ସୂଚନା ଓ ଲୋକସମ୍ପର୍କ, କୃଷି, ସମବାୟ, ମତ୍ସ୍ଯ ଓ ପ୍ରାଣୀ ସମ୍ପଦ ବିକାଶ, ସ୍ବାସ୍ଥ୍ଯ, ଅବକାରୀ ଆଦି ବିଭାଗର ମନ୍ତ୍ରୀ ଭାବେ ଦାୟିତ୍ବ ତୁଲାଇଥିଲେ । ଏହାଛଡ଼ା ବିଧାନସଭାର ବିଭିନ୍ନ ଗୁରୁତ୍ବପୂର୍ଣ୍ଣ କମିଟିରେ ମଧ୍ଯ ଦାମୋଦର ସ୍ଥାନ ପାଇଥିଲେ । ବିଜୁ ବାବୁଙ୍କ ସହିତ ଅତି ଘନିଷ୍ଠ ଥିଲେ ଦାମୋଦର । ବିଜୁଙ୍କ ପରାମର୍ଶରେ ସେ ଚାକିରି ଛାଡ଼ି ରାଜନୀତିରେ ଯୋଗଦେଇଥିଲେ । ଡାକ୍ତର ଦାମୋଦର ରାଉତଙ୍କ ବିୟୋଗରେ ଓଡ଼ିଶା ରୈଜନୀତିରେ ଏକ ବିରାଟ ଶୂନ୍ୟସ୍ଥାନ ସୃଷ୍ଟି ହୋଇଛି।
ଆକ୍ସନ ମୋଡରେ ଇଡି: ୫୦ ଦିନରେ ୨ ମୁଖ୍ୟମନ୍ତ୍ରୀ, ଜଣେ ମୁଖ୍ୟମନ୍ତ୍ରୀଙ୍କ ଝିଅ ଗିରଫ
ନୂଆଦିଲ୍ଲୀ: ଆକ୍ସନ ମୋଡରେ ପ୍ରବର୍ତ୍ତନ ନିର୍ଦ୍ଦେଶାଳୟ । ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ମଦ ନୀତି ମାମଲାରେ ଗିରଫ କରିଛି ଇଡି । ପ୍ରାୟ ଦୁଇ ଘଣ୍ଟା ପଚରାଉଚରା କରିବା ପରେ କେଜ୍ରିଓ୍ବାଲଙ୍କ ବାସଭବନରୁ ତାଙ୍କୁ ଗିରଫ କରାଯାଇଛି । ତେବେ ଗତ ୫୦ ଦିନନ ମଧ୍ୟରେ ଇଡି ଦୁଇ ଜଣ ମୁଖ୍ୟମନ୍ତ୍ରୀ (ଅରବିନ୍ଦ କେଜ୍ରିଓ୍ବାଲ ଏବଂ ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ) ଏବଂ ଜଣେ ମୁଖ୍ୟମନ୍ତ୍ରୀଙ୍କ ଝିଅ କେ. କବିତାଙ୍କୁ ଗିରଫ କରିଛି । ଅର୍ଥାତ ତିନି ତିନି ଜଣ ବଡ଼ ନେତାଙ୍କୁ ଗିରଫ କରିଛି ଇଡି । କେଜ୍ରିଓ୍ବାଲ ଏବଂ କବିଥାଙ୍କ ମଦ ନୀତି ମାମଲାରେ ଏବଂ ହେମନ୍ତଙ୍କୁ ଜମି ଘୋଟାଲାରେ ମାମଲାରେ ଗିରଫ କରାଯାଇଛି ।
ଆମ ଆଦମୀ ପାର୍ଟି ନେତା ଆତିଶୀ କହିଛନ୍ତି, ଇଡି ଦ୍ବାରା ଗିରଫ ଅରବିନ୍ଦ କେଜ୍ରିଓ୍ବାଲଙ୍କ ଗିରଫଦାରୀକୁ ରଦ୍ଦ କରିବାକୁ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛୁ । ଆଜି ରାତିରେ ତୁରନ୍ତ ମାମଲାର ବିଚାର କରିବାକୁ ଦାବି କରିଛୁ । ଏପଟେ କେଜ୍ରିଓ୍ବାର ଗିରଫ ହୋଇଥିଲେ ବି ଇସ୍ତଫା ଦେବେ ନାହିଁ ବୋଲି ଦିଲ୍ଲୀ ଆପ୍ ବିଧାନସଭା ଅଧ୍ୟକ୍ଷ କହିଛନ୍ତି ।
ଇଡି କେଜ୍ରିଓ୍ବାଲଙ୍କ ଫୋନ ଜବତ କରି ନେଇଥିବା ବେଳେ ତାଙ୍କ ଘର ଆଗରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି । କେଜ୍ରିଓ୍ବାଲଙ୍କ ଘର ଆଗରେ ଆରଏଏଫଙ୍କୁ ମୁତୟନ କରାଯାଇଛି । ସେପଟେ ଇଡି କାର୍ଯ୍ୟାଳୟ ଆଗରେ ୧୪୪ ଧାରା ଜାରି କରାଯାଇଛି ।
୬ ଦିନ ପୂର୍ବରୁ କେ. କବିତା ହୋଇଥିଲେ ଗିରଫ
ଦିଲ୍ଲୀ ମଦ ନୀତି ମାମଲାରେ ୧୫ ମାର୍ଚ୍ଚକୁ ଇଡି ତେଲେଙ୍ଗାନାର ପୂର୍ବତନ ମୁଖ୍ୟମନ୍ତ୍ରୀ କେସିଆରଙ୍କ ଝିଅ କେ. କବିତାଙ୍କୁ ଗିରଫ କରିଥିଲା । କବିତାଙ୍କ ଗିରଫଦାରୀ ପୂର୍ବରୁ ଇଡି ତାଙ୍କ ହାଇଦ୍ରାବାଦ ଘରେ ରେଡ୍ଡ କରିଥିଲା । ଯାଞ୍ଚ ସମୟରେ ଇଡି ପ୍ରମାଣ ଏକାଠି କରିଥିଲା । ମଦ ଘୋଟାଲାରେ ମନିଷ ସିସୋଦିଆ ଏବଂ ସଞ୍ଜୟ ସିଂଙ୍କ ପରେ ବଡ଼ ନେତା ଭାବେ କେ. କବିତା ଗିରଫ ହୋଇଥିଲେ ।
୩୧ ଜାନୁଆରୀରେ ଗିରଫ ହୋଇଥିଲେ ହେମନ୍ତ ସୋରେନ
ଏହା ପୂର୍ବରୁ ଝାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଇଡି ୩୧ ଜାନୁଆରୀରେ ଗିରଫ କରିଥିଲା । ଜମି ଘୋଟାଲା ମାମଲାରେ ତାଙ୍କୁ ଗିରଫ କରାଯାଇଥିଲା । ଗିରଫ କରିବା ପୂର୍ବରୁ ଇଡି ତାଙ୍କୁ ପ୍ରାୟ ୭ ଘଣ୍ଟା ପଚରାଉଚରା କରିଥିଲା ।
କେଜ୍ରିଓ୍ବାଲଙ୍କ ଗିରଫ ପ୍ରତିବାଦରେ ସୁପ୍ରିମକୋର୍ଟ ଗଲା ଆପ୍
ନୂଆଦିଲ୍ଲୀ: ମଦ ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଗିରଫ । ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ କେଜ୍ରିଓ୍ବାଲଙ୍କୁ କରାଗଲା ଗିରଫ । ଇଡି ଅଧିକାରୀ କେଜ୍ରିଓ୍ବାଲଙ୍କ ଘରେ ୧୦ ସମନ ଧରି ପହଞ୍ଚିବା ସହ ତାଙ୍କୁ ପଚରାଉଚରା କରିଥିଲେ । ପ୍ରାୟ ଦୁଇ ଘଣ୍ଟାର ପଚରାଉଚରା ପରେ ତାଙ୍କୁ ଗିରଫ କରାଯାଇଛି । ତେବେ ଗିରଫଦାରୀକୁ ବିରୋଧ କରି ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛି ଆମ ଆଦମୀ ପାର୍ଟି । ମାମଲାର ତ୍ବରିତ ଶୁଣାଣି ପାଇଁ ଆମ ଆଦମୀ ପାର୍ଟି ସୁପ୍ରିମକୋର୍ଟରେ ଆବେଦନ କରିଛି ।
ସୂଚନାଯୋଗ୍ୟ, ୯ଟି ସମନ ଦେବା ପରେ ଆଜି ୧୦ ସମନ ଦେବାକୁ ପହଞ୍ଚି ଥିଲା ଇଡି । ଇଡି ଅଧିକାରୀ କେଜ୍ରିଓ୍ବାଲଙ୍କ ବାସଭବନରେ ପହଞ୍ଚି ତାଙ୍କୁ ପଚରାଉଚରା କରିବା ସହ ଘରର ଯାଞ୍ଚ କରିଥିଲେ । ଏହାପରେ ଇଡି ଅଧିକାରୀ କେଜ୍ରିଓ୍ବାଲଙ୍କୁ ଗିରଫ କରିଛନ୍ତି ।
ଇଡି ଅଧିକାରୀ ପ୍ରାୟ ୨ ଘଣ୍ଟା କେଜ୍ରିଓ୍ବାଲଙ୍କୁ ତାଙ୍କ ଘରେ ପଚରାଉଚରା କରିଥିଲା । ଏହି ସମୟରେ ଇଡି ଯୁଗ୍ମ ନିର୍ଦ୍ଦେଶକ କପିଲ ରାଜ ମଧ୍ୟ ଉପସ୍ଥିତ ଥିଲେ । ପିଏଲଏଲଏ ଧାରା ୫୦ ଅନୁସାରେ କେଜ୍ରିଓ୍ବାଲଙ୍କ ବୟାନ ରେକର୍ଡ କରାଯାଇଛି ।
ସୂଚନାଯୋଗ୍ୟ, ଇଡି ଅଧିକାରୀଙ୍କ ପଚରାଉଚରା ବେଳେ ସୁରକ୍ଷା ବଳୟ ଭିତରେ ଭିତରେ ରଖାଯାଇଥିଲା । କେଜ୍ରିଓ୍ବାଲଙ୍କ ବାସଭବନ ଆଗରେ ଆରଏଏଫ ଯାବାନଙ୍କୁ ମୁତୟନ କରାଯାଇଥିଲା । ଏହାସହ ସ୍ଥାନୀୟ ପୋଲିସ ମଧ୍ୟ ବହୁ ସଂଖ୍ୟାରେ କେଜ୍ରିଓ୍ବାଲଙ୍କ ଘର ଆଗରେ ମତୟନ ହୋଇଥିଲେ ।
ଖବର ଜଣାପଡିବା ପରେ ଧିରେ ଧିରେ ଆମ୍ ଆଦମୀ ପାର୍ଟି ନେତା, ମନ୍ତ୍ରୀ ଓ କର୍ମୀଙ୍କ ଭିଡ ଲାଗିଥିଲା । ଇଡିର କାର୍ଯ୍ୟାନୁଷ୍ଠାନକୁ ବିରୋଧ କରି ଆପ୍ ନେତା ଓ କର୍ମୀ ତାଙ୍କ ଘର ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ । ଏହାସହ ଇଡି ବିରୋଧରେ ସ୍ଲୋଗାନ ଦେଇଥିଲେ । ରେଡ ବେଳେ କୌଣସି ନେତା ଓ ମନ୍ତ୍ରୀଙ୍କୁ କେଜ୍ରିଓ୍ବାଲଙ୍କ ଘରକୁ ଛଡା ଯାଇନଥିଲା ।
କେଜ୍ରିଓ୍ବାଲ ଗିରଫ: ଏବେ ଜେଲରୁ ଚାଲିବ ଦିଲ୍ଲୀ ସରକାର !
ନୂଆଦିଲ୍ଲୀ: ଦିଲ୍ଲୀ ମଦ ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଗିରଫ । ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ ଅଧିକାରୀ ତାଙ୍କୁ ପଚରାଉଚରା କରିବା ସହ ଗିରଫ କରିଛନ୍ତି । ତେବେ ପ୍ରଶ୍ନ ଉଠୁଛି, କେଜ୍ରିଓ୍ବାଲ ଗିରଫ ହେବା ପରେ ଦିଲ୍ଲୀରେ ଆପ୍ ସରକାରର କ’ଣ ହେବ ? କିଏ ଚଲାଇବ ଦିଲ୍ଲୀ ସରକାର ?
ସୂଚନାଯୋଗ୍ୟ, ଭାରତରେ ଏହା ପ୍ରଥମ ଘଟଣା ଯେଉଁଠି ଜଣେ ମୁଖ୍ୟମନ୍ତ୍ରୀଙ୍କୁ ଗିରଫ କରାଯାଇଛି । ଦିଲ୍ଲୀରେ କିଏ ଆପ ସରକାର ଚଲାଇବା ତାକୁ ନେଇ ପ୍ରଶ୍ନ ଉଠୁଥିବା ବେଳେ ଏହାକୁ ନେଇ ଆମ ଆଦମୀ ପାର୍ଟିର ସ୍ପଷ୍ଟ ଉତ୍ତର ରହିଛି । ଆପ୍ ପକ୍ଷରୁ କୁହାଯାଇଛି, କେଜ୍ରିଓ୍ବାଲ ଇସ୍ତଫା ଦେବେ ନାହିଁ । ଜେଲରୁ ହିଁ ସେ ସରକାର ଚଲାଇବେ ।
ସୂଚନାଯୋଗ୍ୟ, ୯ଟି ସମନ ଦେବା ପରେ ଆଜି ୧୦ ସମନ ଦେବାକୁ ପହଞ୍ଚି ଥିଲା ଇଡି । ଇଡି ଅଧିକାରୀ କେଜ୍ରିଓ୍ବାଲଙ୍କ ବାସଭବନରେ ପହଞ୍ଚି ତାଙ୍କୁ ପଚରାଉଚରା କରିବା ସହ ଘରର ଯାଞ୍ଚ କରିଥିଲେ । ଏହାପରେ ଇଡି ଅଧିକାରୀ କେଜ୍ରିଓ୍ବାଲଙ୍କୁ ଗିରଫ କରିଛନ୍ତି ।
ଇଡି ଅଧିକାରୀ ପ୍ରାୟ ୨ ଘଣ୍ଟା କେଜ୍ରିଓ୍ବାଲଙ୍କୁ ତାଙ୍କ ଘରେ ପଚରାଉଚରା କରିଥିଲା । ଏହି ସମୟରେ ଇଡି ଯୁଗ୍ମ ନିର୍ଦ୍ଦେଶକ କପିଲ ରାଜ ମଧ୍ୟ ଉପସ୍ଥିତ ଥିଲେ । ପିଏଲଏଲଏ ଧାରା ୫୦ ଅନୁସାରେ କେଜ୍ରିଓ୍ବାଲଙ୍କ ବୟାନ ରେକର୍ଡ କରାଯାଇଛି ।
ସୂଚନାଯୋଗ୍ୟ, ଇଡି ଅଧିକାରୀଙ୍କ ପଚରାଉଚରା ବେଳେ ସୁରକ୍ଷା ବଳୟ ଭିତରେ ଭିତରେ ରଖାଯାଇଥିଲା । କେଜ୍ରିଓ୍ବାଲଙ୍କ ବାସଭବନ ଆଗରେ ଆରଏଏଫ ଯାବାନଙ୍କୁ ମୁତୟନ କରାଯାଇଥିଲା । ଏହାସହ ସ୍ଥାନୀୟ ପୋଲିସ ମଧ୍ୟ ବହୁ ସଂଖ୍ୟାରେ କେଜ୍ରିଓ୍ବାଲଙ୍କ ଘର ଆଗରେ ମତୟନ ହୋଇଥିଲେ ।
ଖବର ଜଣାପଡିବା ପରେ ଧିରେ ଧିରେ ଆମ୍ ଆଦମୀ ପାର୍ଟି ନେତା, ମନ୍ତ୍ରୀ ଓ କର୍ମୀଙ୍କ ଭିଡ ଲାଗିଥିଲା । ଇଡିର କାର୍ଯ୍ୟାନୁଷ୍ଠାନକୁ ବିରୋଧ କରି ଆପ୍ ନେତା ଓ କର୍ମୀ ତାଙ୍କ ଘର ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ । ଏହାସହ ଇଡି ବିରୋଧରେ ସ୍ଲୋଗାନ ଦେଇଥିଲେ । ରେଡ ବେଳେ କୌଣସି ନେତା ଓ ମନ୍ତ୍ରୀଙ୍କୁ କେଜ୍ରିଓ୍ବାଲଙ୍କ ଘରକୁ ଛଡା ଯାଇନଥିଲା ।
ମଦ ନୀତି ମାମଲା: ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଗିରଫ
ନୂଆଦିଲ୍ଲୀ: ଦିଲ୍ଲୀ ମଦ ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଗିରଫ । ରାତି ପ୍ରାୟ ସାଢ଼େ ୯ଟାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଅଧିକାରୀ ତାଙ୍କୁ ଗିରଫ କରିଛନ୍ତି ।
୯ଟି ସମନ ଦେବା ପରେ ଆଜି ୧୦ ସମନ ଦେବାକୁ ପହଞ୍ଚି ଥିଲା ଇଡି । ଇଡି ଅଧିକାରୀ କେଜ୍ରିଓ୍ବାଲଙ୍କ ବାସଭବନରେ ପହଞ୍ଚି ତାଙ୍କୁ ପଚରାଉଚରା କରିବା ସହ ଘରର ଯାଞ୍ଚ କରିଥିଲେ । ଏହାପରେ ଇଡି ଅଧିକାରୀ କେଜ୍ରିଓ୍ବାଲଙ୍କୁ ଗିରଫ କରିଛନ୍ତି ।
ଇଡି ଅଧିକାରୀ ପ୍ରାୟ ୨ ଘଣ୍ଟା କେଜ୍ରିଓ୍ବାଲଙ୍କୁ ତାଙ୍କ ଘରେ ପଚରାଉଚରା କରିଥିଲା । ଏହି ସମୟରେ ଇଡି ଯୁଗ୍ମ ନିର୍ଦ୍ଦେଶକ କପିଲ ରାଜ ମଧ୍ୟ ଉପସ୍ଥିତ ଥିଲେ । ପିଏଲଏଲଏ ଧାରା ୫୦ ଅନୁସାରେ କେଜ୍ରିଓ୍ବାଲଙ୍କ ବୟାନ ରେକର୍ଡ କରାଯାଇଛି ।
ସୂଚନାଯୋଗ୍ୟ, ଇଡି ଅଧିକାରୀଙ୍କ ପଚରାଉଚରା ବେଳେ ସୁରକ୍ଷା ବଳୟ ଭିତରେ ଭିତରେ ରଖାଯାଇଥିଲା । କେଜ୍ରିଓ୍ବାଲଙ୍କ ବାସଭବନ ଆଗରେ ଆରଏଏଫ ଯାବାନଙ୍କୁ ମୁତୟନ କରାଯାଇଥିଲା । ଏହାସହ ସ୍ଥାନୀୟ ପୋଲିସ ମଧ୍ୟ ବହୁ ସଂଖ୍ୟାରେ କେଜ୍ରିଓ୍ବାଲଙ୍କ ଘର ଆଗରେ ମତୟନ ହୋଇଥିଲେ ।
ଖବର ଜଣାପଡିବା ପରେ ଧିରେ ଧିରେ ଆମ୍ ଆଦମୀ ପାର୍ଟି ନେତା, ମନ୍ତ୍ରୀ ଓ କର୍ମୀଙ୍କ ଭିଡ ଲାଗିଥିଲା । ଇଡିର କାର୍ଯ୍ୟାନୁଷ୍ଠାନକୁ ବିରୋଧ କରି ଆପ୍ ନେତା ଓ କର୍ମୀ ତାଙ୍କ ଘର ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ । ଏହାସହ ଇଡି ବିରୋଧରେ ସ୍ଲୋଗାନ ଦେଇଥିଲେ । ରେଡ ବେଳେ କୌଣସି ନେତା ଓ ମନ୍ତ୍ରୀଙ୍କୁ କେଜ୍ରିଓ୍ବାଲଙ୍କ ଘରକୁ ଛଡା ଯାଇନଥିଲା ।
ପ୍ରମୋଦ ଉଦ୍ୟାନରେ ମୃଗ ଶିକାର କଲେ ମହାପ୍ରଭୁ ଜଗନ୍ନାଥ
ପୁରୀ: ଉତ୍କଳୀୟ ପରମ୍ପରା ଓ ଶ୍ରୀଜଗନ୍ନାଥ ସଂସ୍କୃତିରେ ବାର ମାସରେ ତେର ଯାତ୍ରା ଅନୁଷ୍ଠିତ ହୋଇଥିବା ବେଳେ ଶ୍ରୀମନ୍ଦିରରେ ଅନେକ ସ୍ୱତନ୍ତ୍ର ନୀତିକାନ୍ତି କରାଯାଇଥାଏ । ତ୍ରେତୈୟା ଯୁଗର ଲୀଳାକୁ ନେଇ ଶ୍ରୀମନ୍ଦିରରେ ଅନୁଷ୍ଠିତ ହୋଇଥାଏ ସ୍ୱତନ୍ତ୍ର ଓ ନିଆରା ବେଣ୍ଟ ନୀତି । ମହାପ୍ରଭୁ ପ୍ରମୋଦ ଉଦ୍ୟାନରେ ବେଣ୍ଟ ପୋଖରୀ ନିକଟରେ ମୃଗ ଶିକାରର ବିଧିକୁ ଶ୍ରୀଫଳ ଉପରେ ତୀର ସନ୍ଧାନ କରାଯାଇଥିଲା । ଏହି ଦୃଶ୍ୟ ଥିଲା ବେସ ଆକର୍ଷଣୀୟ । ପ୍ରଭୁଙ୍କ ଏହି ଦୁର୍ଲଭ ଓ ଅନନ୍ୟ ଲୀଳା ଦର୍ଶନ କରି ଭକ୍ତ ହେଲେ ବିଭୋର ।
ଶ୍ରୀଜଗନ୍ନାଥ ସଂସ୍କୃତି ଓ ପରମ୍ପରା ନିଆରା । ଅନନ୍ୟ ଶ୍ରୀଜିଉଙ୍କ ନୀତିକାନ୍ତି । ଆକର୍ଷଣୀୟ ମହାବାହୁଙ୍କ ବିଭିନ୍ନ ପର୍ବପର୍ବାଣି । ଏହାରି ମଧ୍ୟରେ ରହିଛି ଅନ୍ୟତମ ବିଶେଷ ନୀତି ବେଣ୍ଟ ନୀତି । ଏହି ସ୍ୱତନ୍ତ୍ର ନୀତିରେ ମଙ୍ଗଳ ଆଳତୀ ପରେ ଶ୍ରୀମନ୍ଦିରରୁ ମହାପ୍ରଭୁଙ୍କ ଚଳନ୍ତି ପ୍ରତିମା ଜଗନ୍ନାଥ ବଲ୍ଲଭକୁ ବିଜେ କରିଥାନ୍ତି । ପରେ ସେଠାରେ ଥିବା ବେଣ୍ଟ ପୋଖରୀରେ ନିଆରା ଶିକାର କରିଥାନ୍ତି । ତ୍ରେତୈୟା ଯୁଗର ଲୀଳା ଅନୁସାରେ ଏହି ବେଣ୍ଟ ନୀତିକୁ ଶ୍ରୀମନ୍ଦିର ସେବାୟତମାନେ ଅତ୍ୟନ୍ତ ନିଷ୍ଠା ସହକାରେ କରିଥାନ୍ତି ।
ବେଣ୍ଟ ପୁଷ୍କରଣୀ ନିକଟରେ ଶ୍ରୀଫଳରେ ତୀର ସନ୍ଧାନ କରି ମୃଗ ଶିକାର ବିଧିକୁ କରାଯାଇଛି । ଏହାକୁ ଦର୍ଶନ କରି ଭକ୍ତ କୃତାର୍ଥ ହୋଇଛନ୍ତି । ପରମ୍ପରା ଅନୁସାରେ ଏହି ଶିକାର ନୀତି ପରେ ଜଗନ୍ନାଥ ବଲ୍ଲଭ ମଠ ପରିସରରେ ସ୍ନାନ, ଆଳତୀ, ବନ୍ଦାପନା କରାଯାଇଥାଏ । ପ୍ରଭୁଙ୍କର ଏହି ନୀତି ଦର୍ଶନ ସହ ତୀରର ସ୍ପର୍ଶ ମାତ୍ରେ ହିଁ ଦୂରାରୋଗରୁ ମୁକ୍ତି ପ୍ରାପ୍ତି ହୋଇଥାଏ ବୋଲି ବିଶ୍ବାସ ରହିଛି ।