ଭୁବନେଶ୍ବର: ଆଜି ଆଲୋକର ପର୍ବ ଦୀବାପଳି । ହିନ୍ଦୁଧର୍ମ ଅନୁସାରେ କାର୍ତ୍ତିକ ମାସ ଅମାବାସ୍ୟା ତିଥିରେ ପୂରା ଦେଶ ଧୂମଧାମରେ ଦୀପାବଳି ପାଳନ କରିଥାଏ । ଦୀପାବଳିରେ ଲକ୍ଷ୍ମୀ ପୂଜାର ବହୁତ ମହତ୍ବ ରହିଛି । ପ୍ରତିବର୍ଷ ୫ ଦିନ ଧରି ଦୀପ ଉତ୍ସବ ପାଳନ କରାଯାଇଥାଏ । ଧନତେରାସରୁ ଦୀପାବଳି ଆରମ୍ଭ ହୋଇଯାଇଥାଏ । ଏହାପରେ ନରକ ଚତୁର୍ଦ୍ଦଶୀ (ଛୋଟି ଦୀପାବଳି) ମନାଇଥାନ୍ତି ଲୋକେ । ଏହାପରେ ଦୀପାବଳି ଓ ପରଦିନ ଗୋବର୍ଦ୍ଧନ ପୂଜା କରାଯାଇଥାଏ । ଶେଷରେ ଭାଇ ଦ୍ବଜ ପାଳନ କରିଥାନ୍ତି ଲୋକେ । ଜ୍ୟୋତିଷଶାସ୍ତ୍ର ଅନୁସାରେ ଚଳିତବର୍ଷ ଦୀପାବଳି ବହୁତ ଶୁଭ ଫଳ ନେଇ ଆସିଛି । କାରଣ ବହୁ ବର୍ଷ ପରେ ଦୀପାବଳିରେ ଏକାଧିକ ଶୁଭ ଯୋଗ ଓ ରାଜଯୋଗ ସୃଷ୍ଟି ହୋଇଛି ।

୨୦୨୩ ଦୀପାବଳି ଶୁଭ ଯୋଗ

ଦୀପାବଳିରେ ଲକ୍ଷ୍ମୀ ଓ ଗଣେଶଙ୍କ ପୂଜାର ମହତ୍ବ ରହିଛି । ପ୍ରଦୋଷ କାଳ ସବୁଠାରୁ ଭଲ ବୋଲି କୁହାଯାଉଛି । ୧୨ ନଭେମ୍ବର ଅପରାହ୍ଣ ସାଢ଼େ ଦୁଇଟାରୁ ଏହା ଆରମ୍ଭ ହୋଇଯିବ । ବୈଦିକ ଜ୍ୟୋତିଷଶାସ୍ତ୍ର ଅନୁସାରେ ସନ୍ଧ୍ୟାରେ ଲକ୍ଷ୍ମୀ ପୂଜା ସମୟରେ ୫ଟି ରାଜଯୋଗ ହେଉଛି । ଏହାବାଦ ଆୟୁସମାନ, ସୌଭାଗ୍ୟ ଓ ମହାଲକ୍ଷ୍ମୀ ଯୋଗ ବି ହେଉଛି । ଏହି ପ୍ରକାର ୮ଟି ଶୁଭ ଯୋଗରେ ଲକ୍ଷ୍ମୀ ପୂଜା କରାଯିବ । ଦୀପାବଳିରେ ଏମିତି ଯୋଗ ଏକାଧିକ ବର୍ଷ ପରେ ପଡ଼ିଛି । ତେଣୁ ଏହି ଦୀପାବଳି ସମସ୍ତଙ୍କ ପାଇଁ ସୁଖ ସମୃଦ୍ଧି ଓ ମଙ୍ଗଳଦାୟକ ହେବ ।

ଦୀପାବଳିର ୫ ରାଜଯୋଗ

ଚଳିତବର୍ଷ ଦୀପାବଳିରେ ୫ଟି ରାଜଯୋଗ ପଡିଛି । ଗଜକେଶରୀ, ହର୍ଷ, ଅଭୟଚାରୀ, କାହଲ ଓ ଦୁର୍ଧରା ଯୋଗ । ଏହାର ନିର୍ମାଣ ଶୁକ୍ର, ବୁଧ, ଚନ୍ଦ୍ରମା ଓ ଗୁରୁଗ୍ରହ ବୃହସ୍ପତ୍ତିଙ୍କ ସ୍ଥିତିରୁ ବନୁଛି । ଜ୍ୟୋତିଷଶାସ୍ତ୍ର ଅନୁସାରେ ଗଜକେଶରୀ ଯୋଗ ବହୁତ ଶୁଭ କୁହାଯାଉଛି । ଏହା ସମ୍ମାନ ଓ ଲାଭ ଦେବ । ହର୍ଷ ଯୋଗ ଧନ ଓ ଖ୍ୟାତି ଦେଇଥାଏ । କାହଲ, ଅଭୟଚାରୀ ଓ ଦୁର୍ଧରା ଯୋଗ ସୁଖ ଓ ଶାନ୍ତି ଦେଇଥାଏ ।

ସେହିପରି ବହୁ ବର୍ଷ ପରେ ଦୀପାବଳିରେ ଦୁର୍ଲଭ ସଂଯୋଗ ବି ଦେଖିବାକୁ ମିଳିବ । କାରଣ ଶନି ଦେବ ନିଜ ରାଶି କୁମ୍ଭରେ ବିରାଜମାନ ହୋଇ ଶଶ ମହାପୁରୁଷ ରାଜଯୋଗ ନିର୍ମାଣ କରିବେ । ଏହାବାଦ ଦୀପାବଳିରେ ଆୟୁଷମାନ ଓ ସୌଭାଗ୍ୟ ଯୋଗ ମଧ୍ୟ ଦେଖିବାକୁ ମିଳିବ ।

ଅମାବାସ୍ୟା ତିଥି ୧୩ ନଭେମ୍ବର ଅପରାହ୍ଣ ୩ଟା ପର୍ଯ୍ୟନ୍ତ ରହୁଥିଲେ ବି ଆଜି ରାତିରେ ଲକ୍ଷ୍ମୀ-ଗଣେଷ ପୂଜା ହେବ । ଆଜି ଅପରାହ୍ଣ ୫ଟା ୪୦ରୁ ରାତି ୭ଟା ୩୬ ମିନିଟ ପର୍ଯ୍ୟନ୍ତ ଲକ୍ଷ୍ମୀ ପୂଜାର ମୁହୃର୍ତ୍ତ ରହିଛି ।